"Nái þessi tillaga fram að ganga eru öll grið rofin".

Formaður Sjálfstæðisflokksins hefur talað.

Sá flokkur sem samþykkir þessa tillögu er án griða Sjálfstæðisflokksins. Tími áður óþekkts pólitísks ofbeldis mun renna upp á Íslandi. Svo lengi sem fjórflokkurinn lifir.

Eins er þessi ákæra staðfesting á sjúkri þjóðarsál. Þorstinn eftir hefnd er það mikill að fólk sér ekki að þetta er allt liður í pólitískri refskák. Réttlátt uppgjör hefur ekkert með hana að gera.

 

Aumastur er sá málflutningur að ákæran byggist alfarið á vinnu Rannsóknarnefndar Alþingis.

Hvað hefði gerst ef hún hefði lagt til að enginn yrði ákærður, eða þá Kalli kanína.

 

Við megum ekki heldur gleyma að rökstuðningurinn fyrir hinu meinta aðgerðarleysi er rangur.   Það er talað um að ríkisstjórnin hefði brugðist þegar bretar vildu fá ICEsave yfir.  En enginn athugar að skilyrði breta um meðgjöf voru lögbrot, bæði samkvæmt EES samningnum og samkvæmt íslenskum lögum.

Fyrir utan það sjúka hugarfar að taka pening úr íslenskri velferð til að aðstoða einkabanka við að féfletta fólk.

 

Eins er það rökin um að ríkisstjórnin hafi ekki gætt að vörnum vegna hins stóra bankakerfis, og þá fullyrt að gjaldeyrisvarasjóðurinn hafi ekki verið efldur nógu mikið.

Er ekkert milli eyrnanna á fólki sem svona fullyrðir????

Halda menn að peningar vaxa á trjánum og hið ómögulega sé hægt,  að eitt hagkerfi geti bakkað upp bankakerfi sem er 12. föld stærð þess??? Kostnaðurinn við lántökurnar hefði verið gífurlegur, og hefði engu breytt, því bankarnir hefðu fallið hvort sem er.  Þeir voru komnir á aftökulista spákaupmanna.

En ef fólk hefði farið eftir þeim ráðum að auka gjaldeyrisvarasjóðinn, þá sæti þjóðin uppi með ókleyfar skuldir og þyrfti að segja sig til sveitar.

 

Það kallast landráð.  Að afhenda bretum pening vegna ICEsave eru líka landráð, þá er verið að ganga erinda erlendra ríkja gegn lögum og rétti.  Gegn stjórnarskrá landsins sem bannar slíkt.

Forsendur Atlakærunnar eru í raun landráð, að fyrrum ráðherrar hafi ekki framið landráð.

 

Þjóðin verður að horfast í augun á þeirri beisku staðreynd að miklu miklu fleiri eru sekir en þessir þrímenningar.  

Og sektin felst í að hafa afhent auðmönnum hagkerfið og láta þá skuldsetja það upp fyrir rjáfur þannig að ekkert varð við ráðið þegar kreppti að í efnahagskerfi heimsins.

Slík staða endar alltaf með gjaldþroti.  

 

Hverjir bera ábyrgð á því???

Við skulum fyrst finna svörin við því, og ákæra svo.

Ég ákæri þann hugmyndaheim sem skóp þessa sjálftöku auðmanna.   Aðrir ákæra annað.

 

En aðeins sjúk þjóð ákærir þessa þremenninga.  Sjúk þjóð sem horfist ekki í augun á því sem gerst hefur, og í ráðleysi sínu lét hugmyndafræðinga Hrunsins stýra uppbyggingunni. 

Uppbyggingu óréttlætis og misskiptingar.

Það hentar þeim sem komu okkur á kné, að spila með okkur og fá okkur til að rífast um hvort það eigi að ákæra þennan eða hinn.  

Á  meðan eru þeir á fullu við að skipuleggja næsta Hrun.

Og fólk kveikir ekki.

Kveðja að austan.

 

 

 

 

 

Ósammála í grundvallaratriðum