Leyndar hvað?????

 

Ef þingmenn telja sig þess  umkomna að benda á fallna félaga, en um leið fría sjálfa sig, þá eiga þeir að gera það fyrir opnum tjöldum.

Fengu ekki allir nóg þegar Steingrímur Joð Sigfússon vísaði endalaust í einhver hræðileg trúnaðargögn á meðan hann reyndi að svíkja þjóð sína með Svavars samningi hinu fyrsta, og hinum síðari.

Gögn sem reyndust svo síðan ekki vera til  nema í hans  heilabúi.

Vita menn ekki að leynd er annað orð yfir misbeitingu valds.

Þingmennirnir með puttann benda á (menn með putta vilja alltaf vera að benda) að sumir sem sögðu álit sitt, hefðu aðeins gert það ef þeir nytu jafnleyndar.  Er þetta brandari???

Það er verið að kalla saman Landsdóm í fyrsta sinn frá 1905 og þá eru lykilgögn málsins matreidd af hræddum mönnum sem þora ekki að koma fram undir nafni.  Við hvað eru þeir hræddir???

Að allir sjái að þeir eru að bulla eins og leynilegu ráðgjafar Össurar Skarphéðinssonar í ICEsave deilunni.  Að rök þeirra verði þeim til athlægis eins og vesalings lögmönnunum úr röðum Samfylkingarinnar sem reyndu að færa rök fyrir því að um ríkisábyrgð á innstæðum væri að ræða samkvæmt EES löggjöf???

Eða eru þeir hræddir við að ákæra út frá fyrirliggjandi gögnum?????  Þá eiga þeir ekki að ákæra, þá hlýtur vafi að ríkja í þeirra huga.

 

Höfum eitt á hreinu, hafi menn ekki manndóm til að standa í lappirnar, þá eiga  menn ekki að reyna það, þeir geta legið heima hjá sér í rúminu.

Við eigum ekki að láta Alþingismenn komast upp með kattarþvott sinn.  

Ef menn ætla að ákæra fyrir afglapahátt, þá voru fleiri sekir, til dæmis allir núverandi ráðherrar Samfylkingarinnar.

Látum ekki Jóhönnu, Össur og félaga sleppa svona billega.

Lærum það af Hruninu að láta valdsmenn ekki endalaust spila með okkur.

 

Og ákærum alla stuðningsmenn ICEsave svikanna fyrir landráð, það eru þó til skýr lög um þá háttsemi, ólíkt því sem er um meint afglöp í starfi.

Réttarríki ákærir eftir lögum, ekki hagsmunum nornaveiðara.

 

Látum lærdóm Hrunsins vera sá að Ísland sé réttarríki,  ekki skríparíki.

Auðmenn rændu okkur þjóðarauðnum, látum þá ekki ræna líka sálu okkar.  Munum að það eru útsendar þeirra sem kynda undir nornakötlunum. 

Verjumst.

Kveðja að austan.

 

 

 

 

Þingmenn segja vanda vegna landsdóms slegið á frest

Athugasemdir

[Sigurður Haraldsson, 18.9.2010 kl. 10:26]

Heyr heyr ég er að fylgjast með og er mjög hrifin af orku þinni vonandi eru það fleiri sem lesa skrif þín því að í þeim er mikil orka og þá orku þurfum við að nýta okkur til að ná að stöðva mafíuna sem hér er allt að drepa!

Með samstöðu og krafti þá getum við stoppað það sem er að gerast á landi voru og við höfum ekki val ef það á að vera hægt að búa á þessu landi í framtíð!

[Ómar Geirsson, 18.9.2010 kl. 14:49]

Takk Sigurður fyrir jákvæð orð. Vissulega er það alltaf gott fyrir egóið að hreyfa við óbilandi baráttujöxlum, sem sanna að manndómur og drift geta farið saman í þessu þjóðfélagi.  Og ekki ætla ég að kvarta yfir lestrinum þegar eitthvað er að gerast og fólk hefur skoðanir á málunum.   Á því þrífst skæruhernaðurinn, og við skæruliðarnir höfum áhrif.

Til dæmis væri búið að svíkja þjóðin í ICEsave, ef þeir bara þyrðu.  Landsdómur og vörn Sjálfstæðisflokksins átti að vera tímapunkturinn, en þetta er allt að snúast í höndunum á þeim.  Sekir menn geta ekki ákært annað sekt fólk með einhverjum þeim trúverðugum hætti að sátt sé um.

Og stjórnin er ennþá veikari á eftir.  Aðeins óttinn við kosningar heldur henni saman. 

Þetta er allt ágætt, en við í Andstöðunni höfum ekki náð að stilla saman strengi okkar, og höfum ekki getað hindrað að gömlu blokkirnar færu í skotgrafirnar, og stjórna allri umræðu þaðan.  Ég vil meina að það sé vegna þess að við tökum þátt í henni á þeirra forsendum, og þeirra forsendur eru fortíðartal og ruglandi, á meðan er barist um þrotabúið Ísland.  Og það rænt.

Og á meðan fólk getur ekki sameinast um Sýnina, þá nær það ekki samstöðu, nema þá samstöðunni að hindra helstu óhæfuverkin.  

Ætli spár þínar þurfi ekki að rætast til að fólk vaxi og hætti að deila um tittlingaskít,og einhendir sér í að skapa sér og sínum lífvænlega framtíð.

Framtíð þar sem auðræningjar og Leppar þeirra eru geymdir á Þjóðminjasafninu.

Vonum að þetta takist í næstu tilraun.

Kveðja að austan.