Ha, ha, ha ha ha, ha!!!!

 

Voru Bandaríkjamenn búnir að sækja um einkleyfi á slíkum greftri?????

 

Kveðja að austan.

Íranir grafa undan lýðræði í Írak

Athugasemdir

[Jon (IP-tala skráð) 22.8.2010 kl. 16:17]

Sæll.

Ómar, til að þessi fullyrðing þín standist þarf lýðræði að hafa verið til staðar áður en USA réðst inn í Írak. Var lýðræði þar? Það er göfugt markmið að reyna að koma á lýðræði í múslimaríkjum en hvort það tekst veit maður auðvitað ekki, ég hef mínar efasemdir.

Það er margoft búið að sýna fram á að Íranar sendu vopn inn í Írak og að þau vopn voru notuð í árásir á vestræna heri í Írak.

[Arnar (IP-tala skráð) 22.8.2010 kl. 17:24]

Voðalega hljómar þetta samt allt kunnulegt, voru ekki gereyðingarvopn helsta ógnin með Írak, svo kom í ljós að það reyndist vera hið mesta bull.

Núna eru þeir bara að reyna grafa upp ástæður til að koma sér inn í Íran ... hvar endar þetta

Afganistan, Írak .... Íran ? ..... N-Korea ? ...

[Óskar Arnórsson, 22.8.2010 kl. 18:19]

Fjárhagurinn leyfir ekki meira stríð í Írak svo þá fara menn bara heim. Enn það vantar nýtt stríð í hvelli. Allur heimurinn fer á hvolf ef það dregst að koma nýju stríði á. Og það verður að vera einhversstaðar þar sem einhver verðmæti eru.  Í Afganistan er bara heróín og þó framleiðslan hafi slegið öll met síðan USA tók landið, þá er það ekki nóg.

Fangaflutningavélar CIA fljúga með heróín í tonnatali og dreifa á staði sem einhverja peninga er að hafa, enn það hefst ekki undan. Irak er bara með olíu sem ekkert hækkar í verði. Ég veðja á að næsta land sem verður sagt stríð á hendur verði ríkt af málmum, gulli, demöntum, úran og öðru verðmæti. Vonandi byrja þeir á þessu fljótlega svo dollarinn styrkist og þá Íslenska krónan í leiðinni.

Mig bráðvantar nýja eldhúsinnréttingu og maður verður bara áhyggjufullur hvernig menn draga á eftir sér lappirnar þegar augljóst er að það verður að koma stríð svo við getur haldið áfram að hafa það gott.... 

[Ómar Geirsson, 22.8.2010 kl. 18:35]

Blessaður Jon.

Þú hugsar helst til þröngt í andmælum þínum.

Ég held að nokkuð augljóst sé að ég er að gera grín af þeim sem hneykslast á öðrum sem haga sér eins og þeir sjálfir gera, eins og það megi bara ein þjóð í heiminum grafa undir öðrum ríkisstjórnum.

Og þessi fullyrðing Bandaríkjamanna er í hrópandi þversögn við raunveruleikann.  Af hverju ættu Íranar að vilja grafa undir lýðræðinu í Írak??  Trúbræður þeirra eru jú í meirihluta í landinu.  Ég dreg það ekki í efa að Íranar séu að styrkja sína menn, en ekki vegna þess að þeir óttast lýðræðið, þeir reikna með eða taka með í reikninginn að allt fari í bál og brand þegar Kaninn fer.

Er það rangt í heimi þar sem valdabaráttan er hreyfiafl stjórnmála???

Kannski, en þá ættu Bandaríkjamenn að skamma fyrst nánasta bandamann sinn á svæðinu, Sádana og þeirra stuðning við Sunníta, hann er jú hugsaður til að koma í veg fyrir að lýðræðið hafi sinn gang.  Og ef þeim er illa við hryðjuverkamenn tengdum Al Kaída, þá ættu þeir líka að ræða málin við Sádana.

Og þetta með lýðræðið, vissulega var ekki lýðræði í Írak, sem réttlætir þó ekki hörmungar þjóðarinnar í dag, en til að ná markmiðum sínum um innrás, þá nauðguðu bandarísk stjórnvöld því lýðræði sem ríkir innan Sameinuðu þjóðanna með lygum og blekkingum.  Auk moldvörpustarfsemi sinnar gegn vopnaeftirlitinu og Blix.

Sá gröftur gegn alheimslýðræðinu var mun alvarlegri en hinn meinti gröftur Írana gegn írösku lýðræði, lýðræði sem enginn hefur séð með eigin augum.

En svona er spuninn Jon, svona er spuninn, menn vilja trúa honum.

Kveðja að austan.

[Ómar Geirsson, 22.8.2010 kl. 18:38]

Blessaður Arnar.

Og þeir þurfa ekki einu sinni að kaupa sér auglýsingatíma í fjölmiðlum til að ná athygli heimsins með spuna sinn.

Okkar ágætu fjölmiðlamenn taka endalaust við eins og þeir þrífist á spuna en ekki staðreyndum.

Einhver hefði nú haldið að menn gildu varhug við yfirlýsingar Bandaríkjamanna eftir að lygar þeirra í sambandi við meint gereyðingarvopn Saddams voru  afhjúpaðar.

Fá fréttamenn aldrei nóg???

Kveðja að austan.

[Ómar Geirsson, 22.8.2010 kl. 18:40]

Blessaður Óskar.

Pistill þinn fer að minna mig á gamlan slagara úr revíu, "við heimtum aukavinnu".  

Sjáum hvað setur, kannski fer fólk að sjá í gegnum blekkingarhjúpinn, og jafnvel að heimta lífvænlega framtíð handa börnum sínum.

Það verður ekki fyrr en bönd verða sett á þá sem hagsmuni hafa af stríðsæsingum.

Kveðja að austan.

[Skapti Húnason (IP-tala skráð) 22.8.2010 kl. 18:41]

Íran er eitt ógeðfeldasta ríkið í Mi-Austurlöndum. 

Þar í landi eru mannrétting og jafnrétti kynjana fótum troðið skv. tilskipunum klerka sem fara eftir miðaldakenningum.

Landið er að vera eitt mesta hernaðarstóveldi Mið-Austurlanda, það styttist óðum í að landið verði búið kjarnorkuvopnum, og hvergi í þessum heimshluta er varið eins mikið til þróunar vígtóla og annarra drápstóla.

Forseit landsins sem er siðblindur andskoti, hefur opinberlega lýst því yfir, að þurrka eigi Ísraelsríki af yfirborði Jarðar með manni og mús.  Þetta setur mannfjandan á stall með sjálfum Adolf Hitler og meira en það, ef fram fer sem horfir, mun Íran einhverntímann í framtíðinni gera kjarnorkuárás á Ísreal og drepa um 8 mio. Gyðinga sem myndi gera hann að meiri fjöldamorðingja en sjálf Hitler og Himler til samans.  Þeir drápu þó ekki nema 6 mió. gyðinga!

[Ómar Geirsson, 22.8.2010 kl. 19:04]

Blessaður Skapti.

Hitler drap miklu fleiri, miklu fleiri.  Og flesta viljandi vegna sjúklegrar hugmyndafræði.

Þú minnist á miðaldakenningar, þess vegna er sorglegt að sjá hvað þær vaða upp í vöggu nútímalýðræðis, landsins sem átti að vera byggt á skynsemi og upplýsingu.

Persónulega sé ég engan mun að henda grjóti í fólk, eða steikja það lifandi.   Og bókstafstrú er alltaf jafn ógeðfelld, fyrst og fremst vegna þess að hún skemmir svo hið góða sem felst í sannri trú.

En ef einhver er betri en annar, þá á hann að haga sér þannig að fólk sjái muninn, en þurfi ekki að nota áróður og spuna til þess að fólk láti blekkjast.

Á því er mikill diff.

Kveðja að austan.

[Starbuck, 22.8.2010 kl. 22:23]

Sæll Ómar

Alltaf ert þú glöggur á kjarna málsins!

Auðvitað er það rétt að mannréttindi og jafnrétti kynjanna eru fótum troðin í Íran.  En það á líka við um fleiri lönd t.d. Sádí-Arabíu.  Hins vegar eru stjórnvöld í Sádí-Arabíu vinir og stuðningsmenn Bandaríkjastjórnar og því þykir ekki við hæfi að vera gagnrýna þau of mikið.  Allt snýst þetta um hagsmuni!  Hvað sem Bandaríkin kunna að segja um eflingu lýðræðis og mannréttinda í heiminum þá setja þeir eigin hagsmuni alltaf ofar slíkum "smámunum" (t.d. Chile - Allende, lýðræðislega kjörnum leiðtoga steypt af stóli með aðstoð CIA og harðstjóra, Pinochet, komið til valda). 

Það er greinilega verið að kynda undir stríðsæsing með reglulegum upphrópunum um Íransstjórn.  Ég held að málið sé það að Bandaríkjastjórn veit að gríðarlegt efnahagshrun er í vændum á Vesturlöndum og þá er um að gera að byrja að blása í herlúðrana - Íran og Venesúela liggja vel við höggi og búa yfir miklum náttúruauðlindum. Samkvæmt kenningum eins áhrifamesta ráðgjafa Bandaríkjastjórnar síðustu áratuga, Zbigniew Kazimierz Brzinski, þá eru yfirráð yfir landsvæðum Mið-Asíu (þar sem svo vill til að Íran er staðsett) lykillinn að heimsyfirráðum (sjá bókina: The Grand Chessboard) og auðvitað er Bandaríkjastjórn leynt og ljóst að stefna að því að stjórna heiminum (ath. Project for New American Century).

Ég tel ólíklegt að Íranir muni eiga frumkvæðið að átökum við Ísrael eða Bandaríkin en mér finnst mjög líklegt að Ísrael og Bandaríkin muni, í sameiningu, gera árásir á Íran einhvern tíma á næstu mánuðum eða árum.  Ef þeir láta hins vegar til skarar skríða er hins vegar mikil hætta á að allt fari í bál og brand og jafnvel að þriðja heimsstyrjöldin brjótist út því Rússar og Kínverjar munu seint sætta sig við að Bandaríkin bæti Íran við áhrifasvæði sitt, ofan á Sádí-Arabíu, Írak, Afghanistan og Pakistan. 

[Ómar Geirsson, 22.8.2010 kl. 23:17]

Takk Starbuck.

Vissulega eru svona dýpri rök á bak við þær fullyrðingar sem ég slæ fram í svona örpistlum.  

Og ég tel það miklu vænlegra fyrir íbúa Vesturlanda að stjórna því til betri vegar sem þeir geta stjórnað, en að réttlæta allt með tilvísun í aðra sem eru "verri".  Tel að fyrirmyndir breyti, ekki fílabeinsturnar.

Eins er nauðsynlegt að við áttum okkur á eðli stríðsæsinga, og stríð munu koma illa niður á okkur.  Tæknin sér til þess.  Einn daginn munu menn átta sig á því að það eru ekki bara íbúar í fátækum löndum sem geta dáið vegna stríðstóla, við erum jafn dauðleg.

En hvenær sú vakning verður að hinn þögli meirihluti horfi í sinn eigin barm, og ákveður að hætta að vera leiksoppi, og til þess verði hann að stíga það skref að hætta láta ljúga að sér, og nota vit sitt og lífsvilja, til að skapa sér og sínum lífvænlega framtíð.  Sem aftur er ómögulegt ef menn viðurkenna ekki rétt annarra til sömu lífvænlegu framtíðar, ja hvenær???

Það er efinn.

En sá dagur mun koma.  

Eina spurningin hvort miklar hörmungar valdi straumhvörfunum, eða leiðsögn vitrænnar umræðu og alvöru forystu.

Á meðan standa smáfuglar eins og ég ICEsave vaktina því baráttan mikla kristallast í þeirri deilu.  Hvernig dettur fólki í hug að í lýðræðisþjóðum sé hægt að setja reglur sem geta haft þær skuldbindingar í för með sér að velferðarríki leggist af????

Tapi Íslendingar þeirri baráttu, þá er það um leið ósigur mannsandans fyrir betri heimi.  Að árhundruða réttindabarátta þurrkast út með því að höfðingjarnir fái aftur alræðisvald yfir lífi okkar og limum eins og á dögun lénsskipulags og ánauðar.

Og, ...., ég var hættur þessu, en svona þarf lítið til að kveikja í manni.

Þetta hefst allt einhvern veginn.

Kveðja að austan.

[Starbuck, 23.8.2010 kl. 00:48]

Aldrei munu réttlæti, frelsi, mannréttindi og lýðræði verða ríkjandi í heiminum ef forysturíkin sýna ekki gott fordæmi í þessum efnum.  Það eru þau því miður ekki að gera því þau eru algjörlega upptekin af valdabrölti.  Það er ekki nóg að segjast styðja þetta, það verður að sýna það í verki.

Því miður er frekar lítið um vitræna umræðu í meginstraumsfjölmiðlum (ath. hverjir eiga þá?) og um alvöru forystu er ekki að ræða á Íslandi í dag.  Ég hef trú á að þetta muni breytast til betri vegar en býst þó við að fyrst muni skapast mikill glundroði.  Róttækar breytingar munu varla eiga sér stað fyrr hið ónýta kerfi, sem við búum við í dag, hefur hrunið til grunna og heiðarlegt og réttsýnt fólk tekið völdin.

Það er mjög erfitt fyrir litla þjóð að synda móti straumnum, veita græðgi- og spillingaröflum mótspyrnu og reyna að byggja upp eitthvað nýtt en það er það sem við verðum að gera! Ég held að ef einhvers staðar, á Vesturlöndum a.m.k., eigi að geta átt sér stað vakning þá sé það á Íslandi vegna þess að við erum flest vel upplýst, friðelskandi og höfum sterka réttlætiskennd.  Við erum í miðri hringiðunni núna og það gæti farið illa fyrir okkur ef við ekki stöndum í fæturna og verjum okkur. Hafin er mikil árás á velferð okkar og við verðum að sýna mikla staðfestu og hugrekki næstu misseri og ár því að það mun verulega á okkur reyna.  Við munum fá stuðning í baráttunni víða að og nú þegar eru margir farnir að líta á Ísland sem eina mikilvægustu vígstöðina í baráttunni fyrir betri heimi, allavega heimi sem ekki stefnir beinustu leið að sjálfstortímingu. 

Þetta mun hafast, en ekki nema við lærum að þekkja eðli vandamálanna, sýnum sjálfsaga, styrk og kænsku.  Og við verðum líka að breyta skipulagi samfélagsins, finna nýjar leiðir, búa til sjálfbært og réttlátt kerfi í stað þess sem nú er að syngja sitt síðasta. 

[Elle_, 23.8.2010 kl. 01:00]

Vil bara segja gott fólk að Afganistan er ríkt af málmum og hef skrifað pistil um það: AFGANISTAN: MÁLMANÁMUR FINNAST Í JÖRÐU.

[Ómar Geirsson, 23.8.2010 kl. 10:12]

Blessaður Starbuck,

Leiðin gegn neikvæðum ferlum er að búa til jákvæða ferla.  Og það þarf alltaf að byrja.  

Fyrst var eitt verkalýðsfélag stofnað, svo annað og annað, og smátt og smátt bötnuðu kjör verkafólks.

Aðferðafræðin gegn öllu því sem vill koma heiminum til helvítis er sú sama, það þarf að byrja.  Og vissulega er margt að gerast út í hinum stóra heimi, ótal félagsamtök sem vinna gegn alræði stórauðvaldsins.  Og leppum þeirra í stjórnkerfi heimsins.

Líklegast er þessi þróun lengst á veg komin í Suður Ameríku þar sem stjórnmálin hafa elt hina nýju hugsun.  Kannski er næsta skrefið að lítið land sem tilheyrir Vesturlöndum er fór illa út úr alheimsvæðingu siðlausrar græðgi, að það taki nýjan kúrs.  

"Og við verðum líka að breyta skipulagi samfélagsins, finna nýjar leiðir, búa til sjálfbært og réttlátt kerfi í stað þess sem nú er að syngja sitt síðasta. "

Ég er enginn byltingarmaður en heilbrigð skynsemi segir mér að ráðandi öfl eru komin með allt á ystu nöf þannig að hyldýpið blasi við ef áfram er haldið undir þeirri stjórn.   Og enginn ismi mun bjarga okkur, núna mun aðeins mannvitið duga.

Virkjun þess mun leiða næstu byltingu.

Og hana vilja allir nema þeir sem eiga brýna hagsmuni að gæta og styðja því tortímingaröflin.  Svona 90-95% af Íslendingum vilja nýtt og betra þjóðfélag.   Þeir átta sig ekki bara allir á því hvað þeir vilja, þess vegna er ennþá hægt að etja fólki saman út frá gömlu deilum, gömlum skotgröfum.

Þar sem ólíkir menningarheimar rekast á, þar er dæmið aðeins flóknara, en þarf að leysast engu að síður.

Eins og þú bendir á þá liggja verkefnin fyrir.  Það þarf aðeins að koma saman áhugafólki um setu i ruggustól út á verönd á gamals aldri og hefjast handa.  Þar liggur kannski meginvandinn, að fá fólk til að byrja.

Hvenær, veit ekki  en á meðan stöndum við Elle ICEsave vaktina.  Og bíðum eftir forystunni sem hægt er að sameina sig um.

Kveðja að austan.

[Ómar Geirsson, 23.8.2010 kl. 10:15]

Blessuð Elle.

Las þennan pistil hjá þér á sínum tíma.

Nú er kominn tími á fleiri, ég er eiginlega búinn með mína vakt i bili.  

Kveðja, Ómar.

[Starbuck, 23.8.2010 kl. 10:44]

Það er alveg rétt að það mun enginn ismi eða nýtt kerfi bjarga neinu ef að heilbrigð skynsemi og heiðarleiki ráða ekki för.

[Starbuck, 23.8.2010 kl. 10:48]

Fyrst af öllu verðum við að trúa því að við getum breytt hlutunum.  Síðan, eins og þú segir, er að koma sér að verki og byrja.