Fjallabaksferð Samfylkingarinnar endar út i Keldu.

 

Alveg eins og ICEsave landráðin.

Þjóðin kyngir ekki hverju sem er.  

Hún kyngir ekki þjófnaði á almannaeigum eins og í Magma ráninu, ekki þjófnaði á almannafé eins og í ICEsave og hún kyngir ekki ESB umsókn sem á að troða upp í óæðri endann á henni.

 

Og það er ótrúlegt að einlægir heiðarlegir ESB sinnar skuli ekki átta sig á því.

Það er ekki sama hvernig hlutirnir eru unnir.  

Kúgun, yfirgangur, algjör lítilsvirðing á þjóðarvilja, allt er þetta uppskrift af klúðri, af ferð sem endar út i Keldu.

 

Ekki græt ég það eftir fjárkúgun breta með stuðningi ESB.  En þeir sem telja hag Íslands best borgið innan ESB, þeir ættu að hugsa sinn gang.  Haldi þeir að mútur ESB muni breyta einhverju, þá vaða þeir um í mikilli villu sjálfsblekkingar, og ósköp þekkja þeir þjóð sína lítið.

Og ekkert hafa þeir lært af ICEsave klúðrinu.

Málið er mjög einfalt, vilji menn sjá Íslandi í Evrópusambandinu, þá draga menn umsóknina snarlega til baka.  

Og senda ekki inn aðra fyrr en eftir víðtækt samráð við þjóð sína.

Kveðja að austan.

Ný staða í ESB-málinu með „aðlögun“ í stað umsóknar

Athugasemdir

[Sigurður Haraldsson, 20.8.2010 kl. 12:22]

Heyr heyr!

[Sleggjan og Hvellurinn, 20.8.2010 kl. 16:40]

Hvaða þjófnað á almannaeignum ertu að tala um? Hverju mun ESB stela frá okkur?

Að hvaða leyti var Magma málið rán? Ég veit ekki betur en HS-Orka var SELD Magma.

Svona þjóðrembingstal er alveg ótrúlegt.

[Ómar Geirsson, 20.8.2010 kl. 18:30]

Blessuð kæra Sleggja.

Svona miðað við hvað nafn þitt er langt, og reynir á lestrarkunnáttu, til dæmis 6 ára barna, þá er ótrúlegt að þú skulir ekki vera læs á einfaldan texta.

Þegar ég talaði um þjófnað á almannaeigum, þá kom strax á eftir tilvísun í Magma ránið.  Sem er rán vegna þess að þar fá erlendar blóðsugur almannaveitu án þess að láta neitt í staðinn annað en pennann sem þeir gáfu Árna bæjó.  Þessi milljarður sem þeir þykjast greiða í peningum, er eins og þegar þú leggur þúsund kall inná reikning þinn og notar þá inneign til að plata bankastjórann til að láta þig milljón í yfirdrátt, með tilvísun í hina miklu inneign þína.

Hvergi í texta mínum var hægt að lesa að ég kenndi ESB um þetta rán.  Og þar sem þú ert sérstakur áhugamaður um velheppnuð rán á almannaeigum, þá vil ég benda þér á að það eru ekki rök í málinu að HS Orka væri SELD Magma.  Í fyrsta lagi þá áttu þeir sem seldu ekkert í HS Orku, því þeir greiddu aldrei krónu fyrir en nóg af verðlausum pappír, sem og hitt að til þess að hægt sé að tala um sölu, þá þurfa verðmæti að koma á móti.  Slíkt var ekki til staðar í þessu ráni, enda væri ekki talað um rán ef svo væri.

Þú spyrð hverju ESB muni stela frá okkur.  Ég verð að vísa þeirri spurningu til Evrópusamtakanna, þar eru sérfræðingarnir.  Ég sagði hvergi að ESB væri að stela.  Eina misferlið sem ég minnist á er staðreynd, en það er ómerkilegur stuðningur Brusselskriffinna við þjófstilraun breta á íslensku almannafé.  Staðreynd sem Brussel hefur sjálf staðfest. 

En ef þig grunar að þeir séu þjófar, þá endilega máttu upplýsa málið.

Og loks þetta með þjóðrembuna, þá varð ég dálítið kjaftstopp.  Til dæmis þá var Róm hið forna mjög alþjóðlegt samfélag, og þar var þjófnaður þjófnaður, ekki þjóðremba, enda þekktu þeir ekki til þessa hugtaks.

En miðað við ólæsi þitt er kannski eðlilegt að þú skulir tengja þetta tvennt saman.

Kveðja að austan.

[Sleggjan og Hvellurinn, 20.8.2010 kl. 20:32]

Ef þú telur að Magma hafi rænt HS-Orku þá hefur þú ekki hundsvit á viðskiptum.

"erlendar blóðsugur"   Þegar ég er að tala um þjóðrembing þá er ég nákvæmlega að benda á þennan hugsunarhátt þinn.

[Ómar Geirsson, 20.8.2010 kl. 21:01]

Jamm Sleggja, hef ekki hundsvit á viðskiptum.  Verð að hrósa þér fyrir skarpa eftirtekt.

Skildi til dæmis aldrei megadílana við kúlulánin.  Tel að menn sem kaupa þurfa leggja fram önnur verðmæti en blekið á pennanum sínum.  En hins vegar skil ég að Magma menn eru að gera góðan díl, að fá fyrirtækið án þess að leggja fram önnur verðmæti en milljarðinn sem þeir borga út.  Restina munu þeir borga með sjóðstreymi fyrirtækisins.

Og það kalla ég rán, alveg eins og ég kalla kúlulánsþega ræningja.  Og deili þeirri skoðun með mörgum, sérstaklega þeim sem töpuðu miklum peningum á því að lána bönkum sem byggðu lánastarfsemi sína að stórum hluta á kúlulánum eða lánum út á verðlausa pappíra.

En ég tek það skýrt fram, hef ekki hundsvit á viðskiptum.

En líkt og þú ert ekki góður í að skilja einfalda texta eins og fyrsta innslag þitt gaf sterklega til kynna.   Um það háttalag alþjóðlegra fyrirtækja að koma til landa í fjárhagserfiðleikum og sölsa undir sig auðlindir viðkomandi landa á hrakvirði, eru notuð mörg orð, blóðsugur eru eitt af þeim.  Önnur orð yfir svipaða gjörð er til dæmis arðræningjar, auðvaldsseggir eða hreinlega þjófar.  Ekkert sem ég fattaði upp á, er bara hreinlega nógu gamall til að hafa haft tök á að móta orðalag auðvaldsandstæðinga gegn slíku framferði.

Og lýsingarorðið "erlendur", í fleirtölu "erlendir" eða "erlendar" eftir kyni, það er notað yfir fólk sem er ekki innfætt, eða íbúar viðkomandi lands.  Til dæmis eru þetta orð notað yfir Íslendinga í Kína.

Og hvað það kemur þjóðrembing við, það á ég erfitt með að skilja.

Kveðja að austan.

[Sleggjan og Hvellurinn, 21.8.2010 kl. 01:25]

Lífeyrissjóðirnir voru boðnir að kaupa HS-Orku áður en Magma kom til sögunnar. Lífeyrissjóðirnir sögðu nei. Töldu fyrirtækið of dýrt.

[Ómar Geirsson, 21.8.2010 kl. 09:30]

Blessuð Sleggja.

Alltaf að verða málefnalegri og það er fínt, kann það líka.

Í orðum þínum kristallast kjarni deilunnar um kaup Magma.  Magma bauð best og lífeyrissjóðirnir treystu sér ekki til að toppa það tilboð.  Gleymum öllum vafaatriðum um lögmæti skúffufyrirtækisins.

Í það fyrsta þá er ljóst að núverandi innspýting Magma inn í fyrirtækið er óveruleg, en fyrirheit gefin um meira fjármagna.  Þó það fjármagn gæti komið þá er ekkert sem segir að það þurfi og Magma hefur fulla heimild að láta HS Orku greiða niður öll lán sín af eigið fé.  Slíkt væri enn eitt stefið um skuldsettar yfirtökur sem eru ein megin skýring þess hver illa er komið fyrir efnahagslífi Vesturlanda, alltof mörg fyrirtæki hafa verið yfirtekin, skuldsett upp í topp og þola því illa efnahagskreppur.  Þeir sem eru hugmyndafræðilega á móti slíkum kapítalisma nota meðal annars hugtakið auðrán yfir slíka háttsemi.  Og það eru alvarlegar umræður hjá hagfræðingum og stjórnmálamönnum að stoppa slíka háttsemi sbr lógígina aldrei aftur skuldakreppa á kostnað almennings.

En vissulega eru aðrir sáttir og skilja ekki þessa hugtakanotkun.  

Og í því kristallast deilur um framtíð núverandi leikreglna í efnahagslífinu.

Seinna atriðið sem um er deilt í Magma málinu og það er það sjónarmið að hafa látið GGE komast upp með að selja fyrirtækið.  Og þar er deilt um grundvallaviðhorf til skipan orkumála á Íslandi í framtíðinni.

Svona burt séð frá slagorðum í örpistlum þá er ljóst að ég er andvígur sölunni yfir höfuð og fylli þar flokk með mönnum eins og Styrmi og Ögmundi og um 60% þjóðarinnar þar að auki.

Rökin fyrir því eru mjög einföld.  Almannaveitur eiga ekki að vera í höndum einkaaðila.  Þó salan sé lögmæt þá þarf að vinda ofan af því einkavæðingarferli sem var byrjað í tíð ríkisstjórna íhalds og framsóknar.  Skiptir engu þó GGE hefði borgað fyrir hlutinn í HS Orku með peningum og pappírum og þó þeir hefðu framkvæmt sín viðskipti án þess að bera fé í stjórnmálamenn. 

Jafnvel þó allt hefði verið rétt gert og heiðarlegt, þá er ég samt á móti þessum viðskiptum, og tel að almannavald, um leið og það er laust við stjórn einkavinavæðingarsinna, eigi að beita sér á þann hátt að svona gjörningar gangi til baka.  Og gerist aldrei aftur.

En salan til GGE var ekki heiðarleg.  Það er búið að sanna gífurlegan féburð í stjórnmálamenn, það er búið að sanna hagsmunatengsl milli þeirra sem seldu og þeirra sem keyptu.  Það er búið að sanna að GGE greiddi með verðlausum pappírum og átti ekki krónu af því sem þeir borguðu með.

Með öðrum orðum þá voru viðskipti þeirra dæmi um þau pappírsviðskipti sem settu þjóðfélagið á hausinn.  Allt eignarverð var blásið upp úr öllu valdi en greitt fyrir með skuldaviðurkenningum eða fjármagnað með lántökum sem engin innistæða var fyrir.

Enda féll kerfið um leið og menn gátu ekki endurfjármagnað það.

Og Sleggja, mitt mat er að við höfum ekkert lært ef við látum þetta viðgangast, að eigendur verðlausra pappíra geti gamblað áfram með eigur sem þeir borguðu í raun aldrei fyrir með öðru en bleki á pappír.

Það er kjarni málsins í mínum huga og kemur í raun Magma ekki neitt við.

En þú tjáir skoðanir þínar ekki í löngu máli í örpistlum sem lúta ákveðnum þemum.  Og þetta þema var um ESB klúður núverandi stjórnvalda, Magma dæmið kom fyrir í einni setningu sem rökstuðningur um eitthvað sem þjóðin sætti sig ekki við.    Og hvort sem menn eru sammála Magma sölunni eður ei, þá er ekki um það deilt að marktækur meirihluti þjóðarinnar er á móti sölunni, og það er staðreynd að stjórnvöld eru á einhvern hátt að bakka út úr því ferli sem málið var í upphaflega.  

Þess vegna tók ég Magma með, en orðalagið vissulega að hætti hússins.  Og hvað með það, ég er ritstjóri og ábyrgðarmaður þessa bloggs.  Og enginn í þvingaðri áskrift.

Og að lokum Sleggja mín, þú ert ágæt þó oft megi deila um Hvellinn.

Kveðja að austan.