Halló, var ekki kreppan búin???

 

Vilhjálmur Egilsson sagði það.

Það eina sem þyrfti að gera var að leyfa Magma ræna orkuauðlindir.

Og hluti íhaldsins klappaði og klappaði, fannst alltí lagi að sami maður setti þá tvisvar á hausinn.  

 

Og Samfylkingin klappaði, Skjaldborg hvað spurði hún.  Hver sagði að það þyrfti að aðstoða fólk í erfiðleikum, kreppan er búin.

 

Og VG mætti og klappaði, skelegg forysta þeirra í að skuldsetja þjóðina í ICEsave og gagnvart AGS, hún hafði hrakið kreppuna í felur, og nú væri hún að dag uppi.

 

Svo falla hlutabréf og falla.

Kannski eru forsendur kreppunnar ennþá til staðar. 

Kannski hefur ekkert breyst.

En hagkerfið tekur við sér á meðan almannasjóðir eru rændir.

 

Og hvað svo????

Kveðja að austan.

Verðfall hlutabréfa heldur áfram

Athugasemdir

[Doddi (IP-tala skráð) 12.8.2010 kl. 15:54]

Í fréttinni er verið að fjalla um hlutabréf í Bandaríkjunum. Það er enginn alvöru hlutabréfamarkaður eftir hér hjá okkur, og það var aldrei alvöru markaður því þetta var bara svindl markaður sem bankarnir handstýrðu.

Framundan getur verið dýpri heimskreppa, enginn veit það fyrir víst. Aftur á móti segir dagssveifla á hlutabréfamarkaði ekkert um kreppu eða ekki kreppu. Svona sveiflur verða alltaf til staðar hvort sem kreppa er eða ekki.

[Auðun Gíslason, 12.8.2010 kl. 18:02]

"Aðsteðjandi stormur"!  Var fyrirsögnin í einu bresku blaðanna í tilefni af blaðamannafundi aðal-bankastjórans þeirra!  Þar þykir ýmislegt benda til að kreppunni sé alls ekki lokið nema síður sé!  Rétt að hagkerfið hafi hikstað af stað, en svo ekkert!  Og allt svart framundan!

  Hvað sem öllum hagstærðum líður á Íslandi hefur kreppan ekki vikið frá heimilum landsmanna.  Ríkisstjórninni finnst sjálfsagt, að henni komi það ekki við enda hefur hún snúið baki við almenningi.  Vilhjálmur Egilsson er marklaus andskoti.  það hefur marg sýnt sig!

Óli Björn Kárason var á útverpi Sögu rétt áðan.  Eitt af "bjargráðunum", sem hann lagði til var einkavæðing heilbrigðiskerfisins!  Sem sagt, von á góðu úr þeirri áttinni, eða hitt þó heldur!  Legg til að Sjálfstæðismenn læri nýjar "möntrur". Þessar gömlu eru gagnslausar!

Þessi þjóð virðist vera gersamlega veg- og munaðarlaus sama hver ríkisstjórnin er!

[Ómar Geirsson, 12.8.2010 kl. 18:02]

Blessaður Ungi Sveinn.

Takk fyrir þitt góða innlegg.

Svona fyrir utan gálgahúmorinn, þá var tilgangur þessa pistils að minna á að veður eru válynd og óvíst um landsýn.

Og ef einhvers staðar sé logn, þá er það svikalogn sem kemur þegar vindur snýr, eða miðja stormsins gengur yfir.

Þó menn hafi trúað því fyrir tæpum áratug eða svo að íslensk hlutabréf gætu hækkað, þvert á trendið úti, þá vita allir í dag að enginn  er eyland.

Hér verður ekki bati fyrr en heimurinn batnar.

Og á það var ég að minna.

Kveðja að austan.

[Ómar Geirsson, 12.8.2010 kl. 18:06]

Og blessaður Auðun, þú flaugst inn þegar ég las hinn Unga Svein.

Vissulega þá er ekki útlitið bjart, þegar annars vegar eru hreinræktaðir bjálfar sem stjórna, menn sem kunna ekki einu sinni þá list að ljúga án þess að gera sig að hálfvitum í leiðinni, svo hins vegar menn eins og Óli Björn, sem ekkert hafa lært, og í stað þess að ganga auðmjúkur um með hatt sinn í hendi, og segja afsakið bæði við hunda og menn, þá gerir hann ennþá út á feigðina.

Eini munurinn á honum og dópsalanum er sá, að dópsalinn veit að hann er að selja eitur, en Óli trúir því að hann sé að selja lyf.

En niðurstaðan er sú sama, sviðin jörð.

Kveðja að austan.

[Sigurður Haraldsson, 12.8.2010 kl. 23:26]

Sælir þið náið þessu með kreppuna sem er að koma því hef ég spáð lengi og ekki að áslæðulausu því að það sem gert var þegar lausafárkrísan hófst 2008 var að yfirfæra vandan frá fjármálastofnunum á almenning og breyta engu í kerfinu því fer sem fer kreppan skellur á lausafjárkrísan er liðin tíð!

[Ómar Geirsson, 13.8.2010 kl. 10:30]

Takk fyrir innlitið Sigurður.

Þetta er kjarni málsins, kreppan byrjar fyrst þegar almenningur situr uppi með skuldahalann.  

Það er almenningur sem drífur hagkerfi áfram, ekki auðmenn eða fjármálastofnanir.

Kveðja að austan.