Björk heldur sig við staðreyndir.

 

En það er meira en hægt er að segja um auðránsmenn og innlenda samstarfsmenn þeirra.

Maður, sem að stórum hluta þiggur laun sín frá opinberum orkufyrirtækjum, skrifaði  grein í Morgunblaðið síðastliðinn laugardag, og þar tókst honum á skýran hátt að draga upp helstu rangfærslur Magma málsins.

Fyrst ber að geta að fylgjendur auðlindaráns hamra á að Magma hafi í einu og öllu farið eftir gildandi lögum.

"... hvernig rætt er um orkufyrirtækin sem koma að Magma-málinu og þeim núið um nasir lögbrotum og óeðlilegum starfsháttum. Innan samtakanna sjá menn ekki annað en að við sölu á hlutum í HS Orku hf. hafi verið farið eftir þeim lögum sem gilda um mál af þessu tagi".

Segjum að þetta sé rétt, að skúffuflétta Magma hafi ekki gengið gegn markmiðum laga og stæðist alveg lög.

Á þá að láta lögin standa?????

Svarið er augljóslega Nei, lögin eru þá röng og fela í sér ógæfu fyrir þjóðina. Og núna þegar þjóðin er laus við ægivald auðmanna og keyptra fulltrúa þeirra í viðskiptalífi og stjórnmálum, þá á að breyta ólögum svo þau samræmist þjóðarhag.

Þetta er það sem gerðist í Austur Evrópu eftir að Varsjárbandalagið leystist upp og rauði herinn var hrakinn á brott. Lög gegn frelsi og frjálsum viðskiptum hurfu um leið.

Sama þarf að gerast á Íslandi. Löggjöf auðmanna sem stangast á við þjóðarhag á að víkja. Málið er ekki flóknara en það.

 

"Til að virkja orkuauðlindir þarf fjármagn sem tæpast er tiltækt hjá ríkissjóði eða öðrum innlendum aðilum og því er erlent fjármagn nauðsynlegt. Nú hefur erlendur aðili, sem sérhæfir sig á þessu sviði, gefið sig fram og er tilbúinn til að taka þátt í uppbyggingunni, samkvæmt íslenskum lögum, og taka áhættuna sem því fylgir.".

Hér er látið að því liggja að Magma hafi komið með fjármagn inn í HS-Orku. Hið rétta er að Magma hefir haft orð um að koma með fjármagn og ræður þá eitthvað óljóst um hlutfjáraukning. En kaupin eru fjármögnuð af fyrirtækinu sjálfu, líkt og þegar Óli í Olís keypti Olís eftir lokun banka á föstudag, og borgaði svo kaupin út af tékkareikning félagsins við opnun banka á mánudegi.

Það eru engar girðingar á því að viðskiptavinir fyrirtækisins borgi ekki kaupverðið með hækkun orkuverðs. Hafi það ekki verið meiningin þá hefði meginhluti kaupverðsins ekki verið fjármagnaður með yfirtöku skulda og lánveitingu fyrri eiganda fyrirtækisins.

Það eru öfugmæli að halda því fram að fjárhagur HS-Orku hafi styrkst við þessi kaup. Þvert á móti, fyrirtækið veikist með þessari nýjustu skuldsetningu.

Tími skuldsettra yfirtakna er liðinn. Þær settu jú landið á hausinn.

 

"Slíkur gjörningur hefur ekki bara áhrif á þetta ákveðna kanadíska fyrirtæki, heldur mun þetta hafa áhrif á orðspor okkar sem ekki er of gott fyrir. Aðrir erlendir aðilar sem kunna að vera tilbúnir til að fjárfesta í íslensku atvinnulífi í framtíðinni munu hugsa sin gang ef farið verður offari af hálfu stjórnvalda í þessu máli. "

Hér að ofan er kjarni þeirrar blekkingar sem hefur verið notaður til að sveigja Suðurnesjamenn og veiklundaða íhaldsmenn á sveif með því augljósa ráni á HS-Orku sem Magma deilan snýst um. 

Það er látið eins og andstæðingar ránsins hafi eitthvað á móti erlendri fjárfestingu í orkuiðnaði eða tengdum fjárfestingum.  

Og Magma málið skaði aðkomu annarra fjárfesta.

 

En þetta er rangt.  Það er ekkert sem mælir gegn því að innlendir aðilar hafi samstarf við erlenda fjárfesta um nýjar virkjanir sem nýta þá ákveðna þekkta virkjunarkosti, og selji orku sína til ákveðinna verkefna.  

Það sem er rangt er að sölsa undir sig almannaveitur og hafa öll forræði orkusölu til ákveðinna svæða í hendi sér. 

Sagan hræðir hvað þetta varðar.  Í Montana fylki náðu auðmenn að sölsa undir sig almannaveitu sem hafði einkaleyfi á allri vatnsorku.  Þegar orkukreppan skall á í Kaliforníu þá var allri orkusölu beint þangað.  Nema jú nema heimamenn væru tilbúnir að greiða skortverð fyrir rafmagnið.   

Eftir sat samfélag með stórskaðaðan efnahag, hagsmunir auðmanna og almennings fór ekki saman og það var almenningur sem sat í súpunni.  Og í köldum húsum.

 

Og það er bull að andstaða almennings við Magma ránið skaði aðrar fjárfestingar.  Hugsanlega mun þetta eitthvað styggja aðra ræningja sem ætla sér að nýta sér Hrunið til að ræna landsmenn, en alvöru fjárfestar ganga ekki gegn hagsmunum þess samfélags sem þeir ætla að starfa á.  

Þess vegna er verið að vinna að álverinu í Helguvík, þess vegna er verið að ræða stækkun álversins í straumsvík.  Bæði Alcan (Tinto) og Columbia (man ekki hvað heitir eftir nýjustu yfirtöku) vinna eftir forsendum heimamanna, þeirra dæmi snýst um að reisa álver og tryggja til þess orku. 

Og í því sambandi hefur aðkoma að fjármögnun einstakra virkjana komið til tals.  Svipaðar hugmyndir hafa Kínverskir fjárfestar rætt.  

Þetta eru staðreyndir málsins, annað er lygi eða besta falli mikil blekking.

 

Kjarni málsins er sá að sjálfstæð þjóð stjórnar nýtingu auðlinda sinna, og hefur fullt forræði yfir þeim.  Það er að segja ef hún vill vaxa og dafna.

Hinn valkosturinn er að vera fátækur vinnumaður alþjóðlegra auðhringa.  

Þó það sé draumur helstu forystumanna Samfylkingarinnar, og einstakra hrekklausra íhaldsmanna, þá er það ekki draumur þjóðarinnar.

 

Þess vegna er auðlindaránið stöðvað í fæðingu.

Kveðja að austan.

 

 

Ranglega haft eftir Björk

Athugasemdir

[Loftur Altice Þorsteinsson, 4.8.2010 kl. 10:00]

Hér er hægt að lesa alla greinina eftir sómamanninn Franz Árnason.

http://www.samorka.is/Apps/WebObjects/SW.woa/wa/dp?id=2123&detail=12967

[Ómar Geirsson, 4.8.2010 kl. 10:53]

Takk fyrir linkinn Loftur.

Dreg það ekki í efa að  hún sé skrifuð af sómamanni.

Þess vegna er það þeim mun alvarlega að hann skuli þiggja laun sín frá almannaveitum og nota stöðu sína til að verja ránsskap Jóns Ásgeirs of félaga og afleiðingu þess ránsskapar sem  er yfirtaka Magma á almannaauðlindum.

Hvað þá að hann skuli voga sér að kalla þessa örfáu krónur sem Magma borgaði úr eigin vasa, erlenda fjárfestingu.

Kveðja að austan.