Svaka leyndó. Er stjórnarbylting í uppsiglingu????

 

A A, ekki segja að þetta fólk stjórni nú þegar.  Ekki ætla þeim of mikið vit.

 

Sagan kennir að þegar áhrifamenn halda svona leyndó fundi um bestu og verstu mögulegu niðurstöðu, án þess að ræða málið við þjóð sína, þá koma alltaf skriðdrekar í kjölfarið.

Á Torgi hins himneska friðar, 1989 þá náðist ekki í ráðamenn í nokkra daga, þeir voru á leyndó fundi, að ræða bestu og verstu mögulegu afleiðingu eins og fram kemur í frétt Mbl.is um leyndó fund Jógrímu og síamstvíburana, Villa og Gylfaforseta.

Svo komu skriðdrekar.

 

Prag vorið 1967, þá var boðað til leyndó fundar þar sem Dubeck var skammaður.  Og í kjölfarið gerður að skógarverði, það var víst versta niðurstaða sem honum stóð til boða. 

Og síðan komu skriðdrekar eins og allir vita sem hafa notið þess að horfa á hina íðilfögru Juliettu Binoche.

Hvað Dubeck varðar, þá var besta mögulega niðurstaða að hann hefði sjálfur staðið á ráslínunni og hleypt af rásbyssunni sem kom skriðdrekanum af stað í kapphlaupið að berja niður frelsisvon Tékka.  En hann vildi frekar láta bankakerfið falla en að níðast á samlöndum sínum.

Enda var maðurinn kommúnisti, ekki Eurokrati hinnar Norrænu velferðarstjórnar Leppstjórnar Alþjóðagjaldeyrissjóðsins.

 

Budapest 1956, þá var líka leyndó fundur, haldinn reyndar í Moskvu.  En hluti fundarmanna átti heima í Budapest.  Þá var engin skógarvarðastaða laus, þess vegna beið gröfin ein sem lausn á vanda þeirra sem ekki höfðu tötsið að setja bráðabirgðalög á frelsisþrá fólksins frá kúgun og arðráni gengislána.  

En þegar Járntjaldið féll, þá var Nagy grafinn upp og fékk veglega gröf í heiðursgrafreit Ungversku þjóðarinnar.   Vissulega má deila hvort það hafi til lengri tíma, verið verri örlög en þeirra sem sitja núverandi Leyndó fund um verstu mögulegu niðurstöðuna.

Svona í ljósi þess sem þeir ætla að gera þjóð sinni.

 

En meðan ég man, eftir leyndó fundinn í Moskvu, þá komu skriðdrekar til Budapest.  

Eitthvað varð jú að gera, ekki gekk að láta frelsið ráða för.

 

Spurningin er bara hvað gerist eftir leyndó fundinn Reykjavík 24. júní 2010.

Vonandi finnast ekki skriðdrekar á Árbæjarsafninu.

Ef svo er, þá vona ég að þeir sem vísa veginn, að þeir vísi þeim Vestur í Dýrafjörð.  

 

Á  meðan á þjóðin von um breytta tíma, og réttlæti frá siðlausri skuldaáþján gengis og verðtryggingar.  

Ef ekki, þá má líka vona að sagan endurtaki sig ekki.

Að besta mögulega afleiðingin verði ofan á.

 

Í öllum þeim dæmum sem ég týndi til úr þekktri sögu Leyndó funda, þá ræddi ég vissulega um "verstu  mögulegu afleiðingu þess að Hæstiréttur dæmdi gengistryggð lán ólögmæt."

Sagan vill jú vissulega endurtaka sig þegar síst skyldi, spyrjið bara Tékka sem trúðu á hina bestu mögulegu afleiðingu af einhverju sem valdhöfum líkaði ekki.

 

En hver er besta mögulega niðurstaðan??????

Veit ekki, hún er leyndó.

 

Hvar er litli símamaðurinn????

Kveðja að austan.

 

 

 

 

 

Upplýstir um stöðu mála

Athugasemdir

[Elle_, 25.6.2010 kl. 01:02]

Góður pistill, Ómar.  Og ég segi nú bara eins og Ómar Geirsson: Ef málið málið væri ekki svona alvarlegt væru þau bara drepfyndin, svo fjarstæðukennd eru þau með skriðdrekana falda í Alþingiskjallaranum. 

[Ómar Geirsson, 25.6.2010 kl. 01:31]

Takk, Elle.

Ég verð líka að hafa gaman af skömmunum.  

Reiknaði samt með að ekki myndu allir fatta tilvísanir mínar.

En hvaða vald viðheldur þessari hörmung??

Hvernig getur þjóð í ágætum málum, látið algjörlega vanhæfa vitleysinga rústa öllu sem þeir koma nálægt????????

Sér enginn fáránleikann við að ríkisstjórn Íslands, sem hefur getað átt von á þessum dóm í marga mánuði, að hennar einu viðbrögð eru misvísandi upplýsingar, þó flestar ætlaðar til að skapa múgsefjun ótta og  öryggisleysis, og einhverjir leyndó fundir með útvöldum???

Segjum að málið sé virkilega svona alvarlegt.  

Af hverju voru þau þá ekki tilbúin með viðbrögð þar sem lykilatriðið var að upplýsa þjóðin strax um alvarleika málsins???

Hefur þetta vesalings fólk aldrei heyrt getið um ávörp eða ræður, eða það sem hefur tíðkast mjög síðustu áratugina, að halda blaðamannafundi?

Upplýsa og kynna sín sjónarmið.  

Nei, jafnvel Véfréttin í Delfí hefði verið stolt af því orðalagi sem kom fram í þessari frétt, og ég gat ekki stillt mig um að hæðast af.   "Verstu mögulegu afleiðingu " einhvers eða þá bestu.

Hvað er fólkið að meina, þjóðarhrun yfirvofandi, eða er bara fínt að allir séu lausir við lán sín.  Eða voru það kannski ekki allir, bara sumir???  Hvað á þá að gera fyrir hina???

En núna, hvað tæplega viku eftir dóm Hæstaréttar, þá veit enginn neitt.  Einu fréttirnar sem berast af gjörðum ríkisstjórnarinnar eru einhverjir Leyndó fundir, með bankamönnum, með hagsmunaaðilum, með leynivinafélögum, með Landstjóranum.

En enginn talar við þjóðina, nema í stíl Véfréttar.  

En hvort svona pistill fái fólk til að hugsa um fáráð vinnubragða ríkisstjórnarinnar, ég veit það ekki.

En svona bjánabelgi er ekki hægt að taka alvarlega.

Nema vegna þess að ástandið er svo grafalvarlegt.  

Ætli Inspector Clouseau sé á lausu???

Hann gæti ekki verið verri.

Kveðja, Ómar.

[Guðmundur Ásgeirsson, 25.6.2010 kl. 04:55]

Ég hef ekki miklar áhyggjur af þessu. Þetta er dæmigerð hræðslutaktík Samfylkingarinnar, sem hún mun svo reyna að nota enn einu sinni til að hræða þjóðina í ESB.

Talandi um það. Fréttir af afhjúpun á tengingu IceSave málsins við ESB-aðildarumsóknina hafa alveg drukknað í gengistryggingarfárinu. Hentugt fyrir hvern?

[Óskar Guðmundsson, 25.6.2010 kl. 09:36]

Frábær pistill Ómar.

Sem betur fer eru ekki til neinir skriðdrekar hér.

Öflugasti bíllinn er sennilega eign björgunarsveitarinnar í Borgarnesi :)

[Ómar Geirsson, 25.6.2010 kl. 10:25]

Takk fyrir innlitið félagar.

Guðmundur, ég dreg það ekki í efa að ástandið sé alvarlegt, þó dómur Hæstaréttar hafi fært margt til betri vegar, og skapa tækifæri fyrir stjórnvöld að ná utan um skuldavanda þjóðarinnar.  En mér er það til efs að stjórnin ráði við ástandið, hún hefur ekki mátt til eins eða neins.

Nema hugsanlega eitthvað skrípó sem gæti þá framlengt zombie ástand hennar aðeins lengur.

Óskar, hvað útskýrir þá að þessi auma stjórn er ennþá við völd???

Kveðja að austan.