Verðtryggingin skapar ekki heldur peninga.

 

Hún rænir þeim.

Á tímum fjármálahamfara þá er verðtryggingin sérhönnuð til að leggja þjóðfélög í rúst.  

Út úr rústum koma ekki peningar.  Og þeir sem til voru fyrir, hverfa.

 

Þess vegna er það megin verkefni ríkisstjórnar á hamfaratímum að kippa eyðandi kröftum úr sambandi.  

Það er það eina sem tryggir eignir lífeyrissjóða, að viðhalda greiðsluvilja fólks.  Að skapa forsendur sáttar og uppbyggingar.

 

Þess vegna er það ótrúleg skammsýni, og dæmi um hina fullkomnu heimsku, að forsvarsmenn verklýðshreyfingarinnar skuli styðja böl verðtryggingarinnar.  Og styðja menn eins og Árna Pál til valda.

Menn sem skilja það ekki að það er fólk sem skapar verðmæti, ekki pappírar eða pappírsmælitæki líkt og verðtryggingin.

 

Málið er ekki að frysting verðtryggingarinnar frá 010108 taki einhvern pening frá einhverjum, málið er að slík gjörð lágmarkar þann skaða sem hagkerfið varð fyrir við hamfarirnar miklu haustið 2008.

Vegna þess að ekkert hagkerfi þrífst án fólks, en fólk þrífst án verðtryggingar.

 

Þú ræðir ekki um ráðstöfun eggja, hafir þú ekki hænur.

Það væri kannski ráð að skipta Árna út fyrir skynsaman hænsnabónda.

Eða bara fyrir skynsaman mann.

Er enginn slíkur í Samfylkingunni?????

Datt svona bara í hug að spyrja.

Kveðja að austan.

Dómurinn skapar ekki peninga

Athugasemdir

[assa (IP-tala skráð) 22.6.2010 kl. 22:54]

Það er bara til eitt orð yfir Árna Pál. Fífl. Skil ekki hvað er verið að spurja hann um eitthvað yfir höfuð. Jafnvel þó maðurinn myndi álpast á viturlega setningu þá myndi enginn taka mark á henni. Maðurinn er gjörsamlega glórulaus og á heima einhversstaðar allt annars staðar en á þingi. Mér er fyrirmunað að skilja hvernig maðurinn komst þangað, skyldi hann hafa borgað sig inn?

[Sigurður Haraldsson, 22.6.2010 kl. 23:00]

Flottur

[Margrét S. (IP-tala skráð) 22.6.2010 kl. 23:18]

Mikið er ég sammála þér Ómar Geirsson.  Það sem þú skrifar hér er eins og talað úr mínu hjarta.  Ég held eins og þú að það sé bara engan skynsaman mann að finna í Samfylkingunni, nema kannski Helga Hjörvar.  Jóhanna, Árni Páll, Sigríður Ingadóttir, Mörður og fleiri mega ekki heyra á það minnst að leiðrétta svívirðilega hækkun vísitölunnar vegna fjármálahruns og kreppu.  Þau eru veruleikafirrt fólk sem býr í fílabeinsturni.  Svo það sé nú ekki minnst á Gylfa Arnbjörnsson, hann er alltaf víðs fjarri þegar rætt er um leiðréttingu lána almennings vegna þess að hann, með sína rúma milljón á mánuði, hefur enga hugmynd um hvernig fólk fer að því að lifa af í dag í atvinnuleysi og tekjuskerðingu.  Gylfi Arnbjörnsson er helsti talsmaður víðtækrar verðtryggingar á íbúðalán.  Hann og hans hálaunafólk í ASÍ hefur engan áhuga á breytingum.  Því miður.  Þau gleyma því að verkalýðurinn borgar ofurlaunin þeirra og bílafríðindin.

[Guðmundur Jónsson, 22.6.2010 kl. 23:44]

  

[Kristján Sigurður Kristjánsson, 22.6.2010 kl. 23:47]

Það er merkilegt, allir sem á einhvern hátt eru formlegir fulltrúar almennings taka afstöðu með fjármálafartækjunum.

[Óskar Arnórsson, 23.6.2010 kl. 06:02]

Góður pistill. Verðtrygging skapar platpeninga og er dulin seðlaprentun. Gjaldeyristryggingar og gengistryggingar sem eru 2 orð um sama fyrirbæri er stórkostlegt að skuli bara vera til. þetta er eins og þegar Pétur Blöndal í upphafi Kaupþing var að útskýra fyrir fólki að það borgaði sig ekki að lána þeim sem standa í skilum. Miklu fljótlegra væri að lána einhverjum og gjaldfella lánið. Samt lánaði hann peninga á 10% vörxtum á mánuði, enn það var ekki nóg. Fyrir mér að sjá hann sem þingmann á Íslandi eftir að hafa nota nákvæmæega sömu taktík  og útrásarvíkingar og bankamenn, bara í miniformati, er nóg fyrir mig að vita að glæpir eru leyfði á Islandi fyrir ákveðin hóp. það er nauðsynlegt að setja fram efnahagsmál á flókin hátt, sem er sama aðferð og þegar prestar töluðu latínu fyrir fólk því þá gátu þeir matreitt "sannleikan" eftir því sem hentaði þeim best. 

[Guðmundur St Ragnarsson, 23.6.2010 kl. 09:33]

Algjörlega sammála þér Ómar.

[jonas (IP-tala skráð) 23.6.2010 kl. 09:49]

Verðtryggingin skapar reyndar og ver auðmenn , sem margir hverjir áttu þátt í að koma landinu á hausinn. 

Það er svívirðing við Þjóðina að afnema ekki verðtrygginguna.

 ps.  Burt með Árna Pál

[jonas (IP-tala skráð) 23.6.2010 kl. 09:50]

Verðtryggingin skapar peninga fyrir auðmenn og ver þá , átti þetta að vera

[Sumarliði Einar Daðason, 23.6.2010 kl. 10:25]

Sammála þessu!

[Ómar Geirsson, 23.6.2010 kl. 11:44]

Takk fyrir innlitið kæra fólk.

Óskar, Marínó hirtir Pétur í nýjasta bloggi sínu.

Fróðleg lesning þar á ferð.

Kveðja að austan.

[Óskar G (IP-tala skráð) 23.6.2010 kl. 17:12]

Verðtryggingin var sett á til að ekki yrðu fleiri sem fengju hlutina ókeypis, eins og raunin varð í íbúðarmálum hér um 1980.

Lög voru sett til að vernda fjálmagnið fyrir sjálfu sér og samkeppni, þ.e.a.s. bankinn tók ALDREI neina áhættu.

Það gerðu aftur á móti fjármögnunarfyrirtækin með myntkörfunum og þurfa nú að bíta í það súra epli að þau höfðu rangt við og lánin falla ofaní umsamda vexti án verðtryggingar (hvort sem að hún er í erlendri mynt eða öðru).

 Það eina sem situr eftir er einmitt sjálf verðtryggingin!
 Til að hleypa hér ekki öllu í bál og brand þarf í raun að fara Framsóknarleiðina (30% af jafnt yfir línuna) eða afnema hana  NÚNA STRAX ellegar enda í því að þeir sem tóku áhættuna fái greitt en þeir sem voru góðir sitji eftir í skulda-súpunni.

Lífeyrissjóðirnir geta kannski ekki staðið jafn vel undir sé eftir að verðtryggingin fer og eins er viðbúið að lánhlutfall falli í 60-65% og erfitt verði að fá lán... þar sem bankarnir þurfa kannski að taka einhverja áhættu en annsi hætt er við þvíað lífeyrissjóðirnir verði einmitt næstir á stokkinn og verði notaðir til að koma okkur á "beinu brautina" aftur.

[Guðmundur Ásgeirsson, 24.6.2010 kl. 15:35]

Það gleður mig að sjá að almenningur virðist ekki ætla að láta blekkjast af reykspúandi spunavélum í þetta sinn. Það er enginn að fara fram á að fá eitthvað fyrir ekkert, og því síður að ætlast til þess að aðrir taki á sig kostnað vegna leiðréttingar. Þess er einungis krafist að farið verði að landslögum og því skilað sem oftekið hefur verið af þeim sem síst skyldi. Það kostar sáralítið að fella niður skuldir, það þarf t.d. ekkert viðbótarfjármagn að koma til því það var afhent í upphaf þegar lánin voru veitt, og það mun allt skila sér til baka geri ég ráð fyrir. Ef það fylgja því hinsvegar lægri rentur en lánveitendur gerðu ráð fyrir þá þýðir það einfaldlega að þeir hafa misreiknað sig í upphafi. Sá kostnaður sem hugsanlega fellur til vegna leiðréttingar eru smámunir í samanburði við samfélagslegan kostnað þess að leiðrétta ekki neitt og keyra fjölda fólks í gjaldþrot að óþörfu. Það er líka mikilvægt að skuldarar standi saman og láti ekki etja sér úti leðjuslag þó sumir fái kannski fellt niður meira en aðrir, því það er eingöngu á pappírunum sem það gerist og hækkunin var aldrei raunveruleg hvort sem er á gengistryggðu lánunum. Telji sumir skuldarar á sig hallað er rétt að benda þeim á að leita réttar síns gagnvart lánveitendum frekar en að atast í öðrum skuldurum sem þegar hafa fengið rétt sinn staðfestan.