Væl til að forðast útþurrkun í næstu kosningum.

 

Jafnvel við andstæðingar þessa Leppflokks auðræningja og fjárbraskara getum ekki fundið upp jafn aumt væl og kemur fram í þessu viðtali við Árna.

"halda áfram umræðunni", "ég reikna með", "óttast hærra orkuverð".

Hvílíkur útburður hjá lykilmanni á núverandi stjórnarheimili.

En þessi orð útskýra dularfullu ályktun þingflokks VG sem beindi því til stjórnarinnar að skoða málið.  Hjörðin er svo ráðvillt og titrandi á taugum vegna ótta við útþurrkun, að þau eru ekki lengur með sjálfum sér.

Vita jafnvel ekki að þau eru í ríkisstjórn.

Og þau væla og skæla, óttast jafnvel að það gerist hér sem hefur gerst um allan heim þar sem bröskurum hefur verið afhendar á silfurfati eignir og auðlindir í almannaeigu.

En höfum eitt á hreinu, orkuverð til almennings á eftir að hækka.  Og lögmál Murphys mun tryggja að það versta sem menn óttast, að það mun rætast.

Allur aðdragandi Magma málsins ber þess keim að erlendir fjárúlfar hafa læst klóm sínum í íslenskar auðlindir og munu vaða um landið á skítugum skóm.  Þeir telja okkur svo fátæk að þeir komist upp með það.

Og það er rétt, hluti landsmanna er fátækur, andlega fátækur og kýs þá flokka sem selja land sitt.

En ríkdæmi þeirra er handan hornið, eftir rúma viku munu þeir kjósa gegn landsölu í kjörklefanum.  Vegna þess að dægurþras skiptir engu þegar landið okkar er gefið erlendum fjárúlfum.

Landið þarf að verja.

Og okkar atkvæði mun gera það.

Kveðja að austan.

 

 

 

Óttast hærra orkuverð til almennings