"Þeir kunnu listina að gera árás og verjast"!!

 

Loksins var eitthvað sagt í skýrslunni sem snerti kjarna þess ömurleika að núverandi stjórnvöld eru vinnumenn breta.  Íslensk stjórnvöld eru hópur "lamaðs" fólks sem lýtur höfði í návist höfðingja.

Bretar kunna listin að deila og drottna og ráðskast með geðleysingja.

Þess vegna hafa þeir komist svona langt með kúgun sína og yfirgang gagnvart íslensku þjóðinni.  Þeir kunna listina að gera árás og verjast.  

Og skýrsla Rannsóknarnefndar  Alþingis er undirlögð af fingramerkjum breta.  ICEsave kaflinn er greinilega skrifaður af vinnumanni þeirra.  Og verkstjóri þeirra á Íslandi í dag, Steingrímur Joð Sigfússon, grípur verk undirvinnumanns síns fegins hendi og segir í hádegisfréttum Ruv að skýrslan sýni fram á réttmæti bretaskattsins.  

Það er illa komið fyrir íslenskum vinstrimönnum að foringi þeirra hefur ekki manndóm eða þrek að berjast gegn höfðingja gjörðum, heldur telur sig skuldbundin að koma axarsköftum "lamaðs" fólks á íslenska alþýðu.  

Hvað hefði Steingrímur Joð gert ef þessir "lömuðu" geðleysingjar hefðu brugðist við hótun rússnesku mafíunnar vegna tapaðs fé í íslensku bönkunum með því að lofast til að senda árlega 1.000 konur af atvinnuleysisskrá til starfa á erótískum skemmtistöðum???? 

Ólöglegt?????

Ekki ólöglegra en það að greiða bretaskattinn gegn stjórnarskrá Íslands og gegn evrópskri löggjöf, bara vegna þess að "lamaðir" höfðingjar gátu ekki haldið uppi vörnum fyrir þjóð okkar.  

Hver er skýring þess að íslenskir stjórnmálamenn, að Alþingi Íslendinga skuli ekki hafa samþykkt þingsályktunartillögu um að láta réttbæra dómstóla skera úr um lögmæti hinnar bresku þvingunar????

Svarið er mjög einfalt, bretar kunna þá list að kaupa sér vinnumenn til að vinna skítverkin fyrir sig.  Og þessir vinnumenn beita öllum bolabrögðum til að hindra framgang réttarríkisins. 

Og þeir vísa í hefðina, að lög og regla, og góð stjórnsýsla var eitthvað sem auðmannsleppar jörðuðu fyrst þegar þeir rændu landið á árunum upp úr 2000.  Þess vegna liggur ógn bretaskattsins yfir þjóðinni, vanhæfir stjórnmálamenn, lamaðir af hræðslu, eða á fullu launum hjá breska ríkinu, hindra lausn málsins verði á annan veg en þann að þjóðin greiði síðustu aura sína til breska heimsveldisins.

Í sögubókum framtíðarinnar munu þau svik vera talin síðasti sigur þess fallna heimsveldis, sem engin áhrif hefur í dag.

Nema á Íslandi, þar eru orð embættismanna þess ígildi skrásettra orða úr guðsríki, þvílík er trú stjórnkerfisins á þau.

Já, bretar kunna listina að gera árás og verjast.

En andstæðingur þeirra er sá aumasti sem skráð saga greinir frá.  

Jóhanna og Steingrímur munu vissulega komast í sögubækurnar, en ekki á þann hátt sem þau væntu.

Það þurfti "lamaða" forystumenn svo síðasta árás breska heimsveldisins tækist.

Kveðja að austan.

 

 

Höfðu ekki tengsl inn í breska fjármálaeftirlitið

Athugasemdir

[Elle_, 14.4.2010 kl. 00:51]

Já, kaflinn um Icesave er með villum og rangfærslurnar um trygginarnar komu strax fram á blaðamannafundinum með rannsóknarnefndinni, Ómar.   Mætti halda að breska, hollenska og íslenska stjórnin núverandi, Icesave-stjórnin og stuðningsmenn Icesave-nauðungarinnar, hafi komið þar að verki og verið tekin of trúanleg.

[Lúðvík Júlíusson, 14.4.2010 kl. 08:28]

Gallinn við stórt og mikið ríkisvald, með miklar skatttekjur, er að stjórnmála- og embættismenn sem 'eyða' peningunum hafa ekki stritað við að afla þeirra og finnst því auðvelt að eyða þeim.

Lærdómur síðustu ára er að ríkisbáknið er of stórt, valdið of víðtækt og eftirlit með því er ekkert.

Úr þessu þarf að bæta.

[Ómar Geirsson, 14.4.2010 kl. 08:45]

Blessuð Elle.

Þessi pistill hér að ofan er til að hnykkja á pistlum gærdagsins, er að stríða eins og oft áður.  En vinnumannapistill menn tekur einmitt á þessari grunnhugsun, að það er ótækt að "hlutlaus" rannsóknarnefnd skuli éta upp sjónarmið aðila í stjórnkerfinu sem styðja málstað breta heilum hug.

Nefndin setur gagnrýnislaust fram þá fullyrðingu, að stjórnkerfið hefði átt að gefa bretum skýr fyrirheit um hvað það ætlaði að gera.  Að segja hreint Nei var óklókt vegna óþekktra afleiðinga, og mun skynsamlegra að lýsa því yfir að landið stæði við allar sínar skuldbindingar.  Og það gerðu stjórnvöld, þetta kom skýrt fram í samtali Árna við Darling.  

En nefndin lætur í það skína, að stjórnvöld hefðu átt að lýsa því strax yfir að þau tryggðu tryggingasjóð innstæðna nægt fé, þó þau hefðu ekki hugmynd um hvað það þýddi á þessu augnabliki.  Hverjar voru eigur Landsbankans og stóðust neyðarlögin um forgang innstæðna????

Hver var upphæðin sem uppúr stóð????

Aðeins geðsjúkir menn, algerlega veruleikafirrtir hefðu reynt að skuldbinda þjóðina, ólöglega fyrir tugum eða ekki hundruð milljarða, gegn stjórnarskrá landsins, og gegn almannahag.  Og ekkert annað stjórnkerfi heims hefði gert slíkt, þrátt fyrir hótanir breska heimsveldisins.  

Samt kýs nefndin að gera slíkt tortryggilegt, og á vissan hátt tínir til atriði sem réttlæta harkaleg viðbrögð breta.  Þetta er svona svipuð geðveila eins og réttlæta þau viðbrögð löggjafa að höggva hendur af fólki sem stelur, með tilvísan að það hefði ekki átt að stela.  

Það vantar þau siðferðisleg viðmið að skilja að viðbrögð verða að hæfa tilefninu.

Ég fékk nokkra íslenska siðblindingja inn á vinnumannapistil minn, suma það illa haldna að þeir töldu fínt að tala máli herraþjóðarinnar, á útlensku.  Þetta aumkunarverða fólk hryllir sig við hinni siðlausu græðgi útrásarinnar, en þegar það sjálft lendir í siðferðisprófi, þá sýnir það sömu siðblinduna.

Stór hluti þjóðarinnar virðist ekkert hafa lært af mistökum fortíðarinnar.  Það leyfir sér óeðli sem það fordæmir hjá öðrum.

Það er eins og mig grunnti Elle, valdaræningjar Alþjóðagjaldeyrissjóðsins ætla að nota skýrslu Rannsóknarnefndarinnar til að knésetja þjóðina.  Eini vafinn er hvort skýrslufólk er meðspilarar eða notaðirspilarar.

Það skýrist á næstu dögum.

Kveðja að austan.

[Ómar Geirsson, 14.4.2010 kl. 09:13]

Blessaður Lúðvík.

Ég hef haldið því fram (sem er náttúrlega stolið) að hlutverk stjórnenda ríkisins sé að hámarka skatta, því verkefni samneyslunnar eru óteljandi.  

Núverandi skattar gera það ekki.  

Þeir eru of háir, og draga því úr skatttekjum til lengri tíma litið.  

Listin við að stjórna ríkinu er að fatta þessi einföldu sannindi, og fatta sín takmörk, eins og þú hefur réttilega bent á.

Og viðhalda sátt, sem er kannski það mikilvægasta af öllu, en mikill misbrestur verið á.  

Það skiptir ekki máli hvað hugmynd er sniðug, eða hagkvæm, kosti hún djúpstæð átök, þá hefur forvinnan ekki verið unnin, að skapa sátt um hann, að fá fjöldann til að skilja mikilvægi hennar.

En til að stjórnmálamenn framtíðarinnar fái tækifæri til að bæta úr því sem misfórst, þá mega stjórnmálamenn dagsins í dag ekki selja landið eða setja það i pant.  

Átakalína dagsins í dag kristallast um þessa einföldu staðreynd.  

Og varnarlína þeirra sem andæfa landsölu er þunnskipuð og berst við ofurefli siðspilltra fjölmiðlamanna, veruleikafirrtra hagsmunaaðila sem fá aldrei nóg af lánafyllerí sínu, og valdasjúkra stjórnmálamanna.  

En varnarliðið hefur eitt með sér, skynsemi þjóðarinnar.  Og hún vegur þungt.

Hvort það dugi mun tíminn skera úr um.  En ef við sigrum, þá má þjóðin ekki við annarri tilraun, tilraun frjálshyggjunnar var of dýr.  

Þess vegna er skynsamir menn allra flokka og hópa, sem tala því sem næst sama tungumálið, svo mikilvægir. 

Það þarf að nást sátt um að byggja á því sem við höfum, og byggja upp á okkar eigin styrk, ekki falsi lántökunnar.  

Þess vegna eru skrif þín svo mikilvæg, auk annarra skynsemisvera, bendi til dæmis á fróðleg skrif Jóns Lárussonar, það hafa allir gott af því að máta skoðanir sínar við hans, og sjá hvað rímar, og hvað ekki, og finna síðan út á hvaða forsendum misrímið er.

Ég var að lesa innslag þitt núna áðan í pistli þinn um nauðsyn afnáms gjaldeyrishaftanna.  Ætla ekki að koma inn aftur í bili, þekki ekki til góðra greina um praktískar afleiðingar af afnámi haftanna.  Finnst það miður, því þetta er grunnmálið í dag, ásamt varnarbaráttunni gegn landsölunni.  

Læt í mér heyra ef ég rekst á eitthvað, en það eru ekki margir fræðimenn í skotgröfunum, þar snýst allt um að finna strax svar við fýlubombum andstæðinganna.  En það er ofsalega gott að vita að það eru þarna úti einhverjir sem láta ekki mata sig á órökum, og reyna sjálfir að leggja eitthvað vitrænt til málanna.

Úr slíku efni byggjum við upp  betra land.

Kveðja, Ómar

[Elle_, 14.4.2010 kl. 11:08]

Já, Ómar, ég las lýsandi pistilinn þinn um vinnumennina: 

Var vinnumaður breta í ráðgjafahópi Rannsóknarnefndarinnar????

Og stal honum.