Og þeir sem aðstoða við rán, eru líka ræningjar Steingrímur.

 

Þú ert aðal aðstoðarmaður breskra ræningja á skattfé almennings.  Hvort sem það er helsta viðskiptablað heims sem segir kröfu breskra stjórnvalda ólöglega, eða yfirmaður Norska tryggingasjóðsins, sem segir að regluverk ESB geri ekki ráð fyrir ríkisábyrgð á innlánum, nú eða þá skýr lagatexti í sjálfu regluverkinu sem bannar viðkomandi ríkisábyrgð, þá notar þú  krafta þína og völd til að aðstoða ræningjanna.  

Og þar með ert þú líka að fremja rán, rán á skattfé almennings.

 

Og þú ert maðurinn sem aðstoðar þetta sama fjármálakerfi og rændi okkur, að ræna ungt skuldugt fólk eigum sínum og tekjum.  Þú ert nýbúin að lýsa ráni, en þú gerir ekkert til að hindra ránstæki verð og gengistryggingar á fólki sem var nauðbeygt til að spila með.

Að láta ræningja í friði með ránsskap sinn, er ekki bara siðleysi, það er líka kallað að aðstoða við rán.

 

Og þú lýtur húsbóndavaldi Alþjóðagjaldeyrissjóðsins, heimsþekktrar  ræningjastofnunar, sérhæfða í að ræna almannaeigur og ræna skattfé fólks í vexti og vaxtavexti af braskskuldum auðmanna, sem eru skildar eftir hjá almenningi.

Líklegast  er það stærsta ránið, að ræna fólki lífsafkomunni, að ræna fólki sjálfri velferðinni.

 

Ræningjarnir sem þú lýstir, voru meðvirkir bjánar hins siðlausa græðgikerfis sem flutt var inn frá Bandaríkjunum.  Þeir héldu að þeir væru að græða pening, þegar þeir söfnuðu skuldum.  Og þeir héldu að viðskipti þeirra voru hagkvæm.

Heimska og siðblinda, en viss góð trú.

 

En hvað hefur þú þér til afsökunar með þitt rán Steingrímur???  Hvaða orð notar þú yfir þá sem ræna fólki velferð sinni og lífsafkomu???

Eða ræna skattfé þess svo ekki sé hægt að fjármagna nauðsynlega velferðarþjónustu????

Hvað skyldi   stjórnarandstöðuleiðtoginn Steingrímur Joð Sigfússon nota yfir slíkt athæfi ef Sjálfstæðisflokkurinn hefði ekki verið hrakinn frá völdum vorið 2009?

Hvað skyldi hann segja yfir slíkar gjörðir fjármálaráðherra sem hér hefur verið lýst að framan???

Skyldi hann segja "rán var það og rán skal það heita"???

Nú er stórt spurt.

Á einhver kristalkúlu???

Kveðja að austan.

„Rán var það og rán skal það heita“