Er Steingrímur farinn að óttast sveitastjórnarkosningarnar??

 

Flokkur, sem vefur gæfuklæði sín úr feysknum þræði óráða Alþjóðagjaldeyrissjóðsins,  verður ekki mikillar gæfu aðnjótandi í komandi sveitarstjórnarkosningum.

Atvinnurekendur, braskarar, auðmannsleppar, eru ekki líklegir til að ljá Vinstrigrænum atkvæði sitt.  Þar að auki eru þetta ekki mörg atkvæði í stykkjum talið, þó þau hafi vægi í ákvörðunartöku stjórnvalda og ráði yfir fjölmiðlum landsins. 

Þrátt fyrir allt þá eru allflestir stuðningsmenn Óbermanna til hægri í pólitík, eða blindir Evrópusinnar, sem halda að fyrsta skrefið til að koma Íslandi inn í Evrópusambandið, sé að gera landsmenn allslausa.

Engin móðir með æru styður flokk sem berst fyrir ICEsave skuldahlekkjunum, engin amma með sómatilfinningu sættir sig við skuldahlekki barna sinna og barnabarna.

Hvergi í heiminum hefur almenningur kosið yfir sig harðindi Alþjóðagjaldeyrissjóðsins.  

Og engar líkur á að Ísland verði þar undantekning.

 

Þetta veit Steingrímur, þess vegna er hann kominn í þykjustu leik.

Sama þykjustuleikinn og hann lék í stjórnarandstöðunni eftir Hrun.  Þá þóttist hann standa með þjóð sinni í baráttunni gegn alþjóðlegum ómennum og gróðapungum.

En bak við samkenndina var falskur tónn, sem hét, "ég vill verða ráðherra".

Í dag hefur þessi falski tónn breyst í ámátlegt gaul þess sem óttast  að allt ærlegt fólk hafi séð í gegnum falsheit hans, "mig langar áfram að vera ráðherra" er gaulað með þvílíkum óhljóðum að jafnvel þrautreyndur útburður mætti fullsæmdur verða af.

Steingrímur veit að ef ærlegt fólk snýr endanlega baki við flokk hans, þá er út um stuðning flokkseigandaklíkunnar við forystu hans, því þetta fólk á sér aðeins eina hugsjón, hugsjón sem heitir "ég vill vera þingmaður og ráðherra, já já já." 

Afhroð í sveitastjórnarkosningum er skýr skilaboð til ICEsave flokkanna að þjóðin sætti sig ekki við bretaskattinn.  Og þau afhroð eru fyrirsjáanleg, ekki nema að það takist enn einu sinni að blekkja kjósendur.

Ég spái því að eftir svona rúma viku eða svo, þá muni Steingrímur ekki muna eftir manni að nafni Svavar Gestson, hvað þá að sá maður hafi samið um eitthvað ICEsave.  

"Svavar??, var hann ekki ritstjóri á Þjóðviljanum i gamla daga????  Það er löngu búið að leggja niður það blað", "og ICEsave, er það ekki útibú frá Sjálfstæðisflokknum????".

 

Og hver sem ástæðan er, þá er hver mánuður án ICEsave svika, góður mánuður fyrir íslenska þjóð.

ICEsave hvað!!!!

Kveðja að austan.

 

 

 

Nei við fátækrahjálp

Athugasemdir

[Magnús Óskar Ingvarsson, 11.4.2010 kl. 23:09]

Enginn stjórnmálamaður á Íslandi hefur í mínu minni svikið jafn gjörsamlega hvert einasta atriði sem hann lofaði fyrir kosningar eins og Steingrímur J hefur gert. Aldrei hefur nokkur maður lagst jafn lágt og hann fyrir ráðherrastól. Honum og innræti hans var virkilega vel lýst í áramótaskaupinu síðasta og það á líka við um Jóhönnu. Allur viðbjóðurinn sem lofað var að alltaf yrði hafður uppi á borðum (svo geðsleg sem sú samlíking nú er) en efndirnar eru í sífellu þær að öllu skal sópað undir teppið. Enginn fær að sjá. Steingrímur neitar að svara spurningum fréttamanna um málefni Íslands og AGS. Það er ólíðandi dónaskapur af hans hálfu.

[Gunnar Borgþór Sigfússon, 11.4.2010 kl. 23:34]

Það hlýtur að fara hrollur um vinstrimenn. Fyrsta hreinræktaða vinstri stjórnin á Íslandi framleiðir fleirri sjálfstæðismenn. Magnús. Hann er klipptur út úr spaugstofunni.

[Jóna Kolbrún Garðarsdóttir, 12.4.2010 kl. 00:37]

Heyr, heyr.  Ég er sammála þér með það að "

Engin móðir með æru styður flokk sem berst fyrir ICEsave skuldahlekkjunum, engin amma með sómatilfinningu sættir sig við skuldahlekki barna sinna og barnabarna."  Þetta er grundvallaratriði í mínum huga. 

[Ómar Geirsson, 12.4.2010 kl. 00:41]

Takk fyrir innlitið kæra fólk.

Ætla ekki að stofna til ágreinings við þá sem eru sammála fyrsta ræðumanni.  Hlutina má orða á marga vegu, en þetta er einn spegill þess sem við mér blasir.

Kveðja og góða nótt.