Það er þjóðarskömm,

 

Að senda sjálfboðaliða inn á átakasvæði, og styðja þá ekki þegar á bjátar.

Slík er aðeins hegðun ærulausrar þjóðar.

Enginn dómari getur metið hvað er rétt og rangt í atferli fólks, ef það á annað borð hefur verið beðið um að vinna í þágu þjóðar sinnar á átakasvæðum.

Þessir menn voru í vinunni 24 tíma  á sólarhring, allan þann tíma sem þeir voru í Afganistan.

Og allan þann tíma voru þeir í lífshættu.

Að  segja síðan eftir á að þeir hafi ekki átt að gera þetta eða hitt, er ekki boðlegt.

 

Hvað er það sem gerir okkur að þjóð, annað en samkennd og sameiginlegur arfur.  Að við séum öll eitt.  Og styðjum hvort annað þegar á bjátar.

En fólk sem fórnar barnafólki á altari græðginnar, og á frekar pening til að greiða útgjöld breska ríkissjóðsins, en að aðstoða æsku landsins, það fólk á ekki æru.

Og það fólk lætur ólög standa sem meina særðum friðargæsluliðum um bætur.

En þetta er hvort sem er ærulaust fólk, án allrar sæmdar.

En erum við hin eins?????

Kveðja að austan.

 

 

 

Þarf ekki að greiða skaðabætur vegna Kjúklingastrætis

Athugasemdir

[Jón Steinar Ragnarsson, 25.3.2010 kl. 18:37]

Voru ekki málsatvik þannig að yfirmaður þessara manna dröslaði þeim þarna á staðinn í þeim einkaerindum að kaupa persnesk teppi?  Þetta misnotaði vald sitt og sýndi eiinnig fram á hverskonar leikaraskapur þetta er.  Þetta er eina alvarlega tilfellið og þetta var á þekktu hættusvæði, en minn maður þurfti að kíkja á ódýr teppi til að hafa upp á vegg til minningar um hetjudáðirnar. Þessi fábjáni er svo líklega verðlaunaður af ríkinu.  Það væri gott ef eitthvert blaðið rifjaði upp málsatvikin í þessu hneyksli.  Ef dómstólar eru svona hlutdrægir, þá búum við í fasistaríki. 

[Ómar Geirsson, 25.3.2010 kl. 19:40]

Blessaður Jón.

Vissulega voru málsatvik þannig að yfirmaður þeirra fór að versla ódýrt, og hvort sem það var vegna beinnar skipunar, eða tryggð við félaga, þá mættu hinir á svæðið sem "backup".  Og vissulega þá drógust kaupin vegna þess að það tók tíma að prútta.

En það er ekki kjarni málsins,  það er hægt að takast á við agabrot, heimskubrot eða allskonar brot.  En þessir menn voru á okkar vegum, vegna þess að ráðamenn okkar vildu spila sig stóra.

Svo þegar eitthvað gerist, sem ekki er alveg eftir bókinni, þá er þessum mönnum fórnað.

Það kalla ég  skítlegt eðli stjórnvalda, og segi bara eins og Davíð "svona gerir maður ekki".

Kveðja að austan.

[Stefán Aðalsteinn (IP-tala skráð) 25.3.2010 kl. 20:15]

"...sprengjuárásin hefði verið ófyrirséð...." Sprengjur springa í stríði, það er fyrirséð. Við vitum að sjálfsmorðsárásir voru notaðar á
þessu svæði, það var fyrirséð. Það að senda fólk á svona svæði eykur líkurnar á því að það verði fyrir sprengju árás, það er fyrirséð. Þar
með er þetta fáránleg niðurstaða. Íslenska ríkið ákveður að taka þátt í stríði og sendir íslenska þegna þangað út - en neitar svo að takast á
við þær afleiðingar sem þessir Íslendingar lenda í. Hélt íslenska ríkið að þetta væru íslenskir vörubílstjórar sem stóðu fyrir þessum látum í Kabúl og ekkert slæmt myndi gerast. Nei, það var fyrirséð að eitthvað slæmt gæti gerst, svo firrir íslenska ríkið sig ábyrgð. Ekki stoltur að vera Íslendingur í dag.

[Jón Steinar Ragnarsson, 25.3.2010 kl. 20:24]

Ekki misskilja mig Ómar. Mér finnst þessi niðurstaða algerlega til skammar. Þeir voru í umboði okkar á hættusvæði erlendis og þá er ekkert sem heitir frítími, ef út í það er farið. Ekkki frekar en menn úti á sjó séu ótryggðir á frívakt.  Það verður að hnekkja þessari viteysu.  Það sem ég er að benda á að sá sem slapp og dro þá inn í þetta var yfirmaður á vegum ríkisins og á ábyrgð þess. Ríkið virðist samt ætla að ákveða að þeir hafi ekki verið í þjónustu sinni, af því að þeir voru ekki að vinna. Mér skilst annars að þessir slösuðu hafi verið að vinna samkvæmt skipun hershöfðingjan ógurlega.

Þetta er reginhneyksli.  Ef einhver þeirra hefði dáið, hefði á sömu forsendum verið hægt að neita aðstandendum um dánarbætur.  Þetta er hreint óskiljanlegt.

[Ómar Geirsson, 25.3.2010 kl. 22:35]

Blessaðir félagar.

Stefán, eins og mælt úr mínum munni, og hnykkir vel á því sem ég sagt vildi hafa.

Jón Steinar, taldi mig skilja þig, en þó mun betur núna.  En ég varð að hnykkja á þessu með stjórnandann, hann má vera íslenskur bjánabelgur, en það firrar ekki þjóðina ábyrgð á því sem gerðist, það var jú hún sem sendi friðsama sveitamenn á átakasvæði, sem var síðast friðsamt fyrir um 5.000 árum síðan, og þá aðeins í nokkra mánuði.

Og ástæða þessarar hnykkingar er sú að ég hef heyrt það utan á mér að sumir telja að þessi bjánagangur geri okkur stikkfrí,  en friðaðgæsluliðanna seka. 

Og ég vil segja stjórnandanum það til betrunar að við getum flest gert mistök, sum mjög afdrifrík, án þess að það hafi verið markmiðið í upphafi.  Tel að í dag þurfum meira að nýta þá visku að mistök eru til að læra af, jafnvel dýrkeypt mistök.  Fordæmum verknaðinn en fyrirgefum gerandanum, ekki nema að um ásetningarbrot hafi verið að ræða, eða vissa um að mikill vilji sé til að endurtaka mistökin.

Þá er alltí lagi að sparka í rassgatið á þeim.

En þeir eru samt tryggðir fyrir því.

Annars mikið sammála þér.

Kveðja að austan.