Sannleikurinn gerir yður frjálsan.

Már Guðmundsson hefur viðurkennt að íslenska ríkið geti staðið við allar sínar skyldur.

Þó hefur ekkert verið látið reyna á endurfjármögnun hluta skuldanna án þess að til frekari lántöku þurfi að koma.

Af hverju þarf þá 800 milljarða gjaldeyrisvaraforða???

Svarið er mjög einfalt, það er til þess hægt sé að endurreisa það kerfi brasks og spákaupmennsku sem kom okkur í þrot haustið 2008.  

Þessi lántaka er sjúkasta mynd óheftrar græðgi og siðblindu, gerð til þess eins að auðmenn okkar geti aftur hafið sjálftöku úr hagkerfinu á kostnað almennings.

 

Og við munum frekar gera byltingu en að lát það líðast.  Það er ekki flóknara en það.

 

Þjóðin mun ekki líða að sjálfstæði hennar og velferð sé afhend Alþjóðagjaldeyrissjóðnum svo hægt sé að endurreisa velferð auðmanna og fjárbraskara.

 

Aldrei. Aldrei meðan einhver frjáls maður dregur andann hér á landi.

 

Segðu því satt Már, viðurkenndu að það er hagstæður viðskiptajöfnuður sem heldur uppi gengi krónunnar, ekki blýantsnag þitt.  Það hefur aðeins með gengi að gera í skamman tíma á meðan auðmenn undirbúa næstu atlögu sína að krónunni.  Fyrst hirða þeir vextina af ofurvaxtastefnunni, og þegar ekki er meira þar að hafa, þá taka þeir stöðu gegn hágenginu, og fella það.

Og græða milljarða á milljarða ofan.

En almenningur situr uppi með gjaldeyrisslánin.

 

En við þekkjum þetta ferli Már, og höfum alla burði til að upplýsa almenning um það.  

Alveg eins og við sigruðum ykkur i ICEsave deilunni, þrátt fyrir stuðning fölmiðla og hagsmunasamtaka við bretaskattinn,  þá munum við líka sigra ykkur ef þið látið ykkur dreyma um að gera landsmenn að þrælum Alþjóðagjaldeyrissjóðsins.

 

Við erum frjálst fólk Már, ekki þrælar, hvorki skuldaþrælar né auðmannsþrælar.

Og sannleikurinn mun gera okkur frjáls, við vitum hvað þið hafið í hyggju.

 

Þess vegna legg ég til að þú takir stöðu með þjóðinni Már,ekki auðmönnum.

Þeirra er ekki framtíðin.

Kveðja að austan.

 

 

 

 

Hverfandi hætta á greiðslufalli ríkisins

Athugasemdir

[Robert (IP-tala skráð) 8.3.2010 kl. 10:57]

Algjörlega sammála, allan monkey bissness burt, og úr landinu með það lið allt.

[Atlinn (IP-tala skráð) 8.3.2010 kl. 11:21]

Það er búið að tæma ríkissjóð rétt eins og var gert í Mexico hér um árið og menn hafa samvisku í sér að fara með svona fullyrðingar.  Í Bandaríkjunum og Bretlandi prenta menn peninga þegar að svona ástand kemur upp til að jafna út hlutföllin en í hefðbundnum þriðjaheimsríkjum og á Íslandi er almenningu látinn um að jafna út hlutföllin :-/

Þetta er alveg frábært land sem að við búum í er það ekki?

Kv.

Atlinn

[Sigurður Haraldsson, 8.3.2010 kl. 14:30]

Ég vil elska mitt land og auðga, þess vegna ætla ég að berjast fyrir réttlætinu ná þjófunum og stöðva spillinguna áfram ísland.

[Theódór Norðkvist, 8.3.2010 kl. 15:26]

Sammála. Þetta er enn eitt ránið á aflafé okkar sem er í uppsiglingu.