Hvernig viljið þið afnema gjaldeyrishöftin???

 

Ég vill að ríkisstjórnin leggi fram trúverðuga áætlun um að sólin skíni frá fyrsta apríl til fyrsta október, fyrir austan og norðan.  Hvernig fer hún að því, hef ekki hugmynd, ekki er það mitt að koma með tillögu um það.

Heimskulegt, jabb, mjög heimskulegt.  

 

En ef ég segði að ríkisstjórnin legði fram trúverðuga áætlun um afnám gjaldeyrishafta án þess að koma með nokkrar tillögur sjálfur, þá er ég hvað????  

Af hverju geta Samtök iðnaðarins ekki bent ríkisstjórninni á hvernig hún á að stíga þessi skref.  Nógu margir hagfræðingar þiggja laun sín þar.  

Hvernig á að bregðast við fjármagnsflótta úr landi???  Með því að hafa nógu háa vexti, en er lækkun vaxta ekki megin krafa atvinnulífsins.  Hvernig þá???? 

Með því að skattleggja fjármagnsflutninga eins og Lilja Mósesdóttir benti á að hefði reynst vel í Chile og Malasíu???  Af hverju má ekki gera það sem hefur reynst öðrum þjóðum vel?????

Er það vegna þess að svo margir iðnrekendur eiga falið fé sem þeir vilja forða í svissneska franka?????

Af hverju er ekki hægt að nýta þær aðferðir sem vel hafa reynst???

Af hverju er svarið að taka bara lán hjá AGS eins og það þurfi ekki að greiða þau til baka???

 

Svona má spyrja, en hvað þessi Samtök varðar þá er atgervi fólk þar á því stigi að það kallar eftir efnahagsráðum sem eyða fyrirtækjum þess samstundis.   Innlendur iðnaður er það fyrsta sem leggst niður þegar Alþjóðagjaldeyrissjóðurinn nær öllum völdum.  

Hvernig veit ég það???

Hvernig veit maður að sólin komi upp á morgun???   Hefur hún ekki alltaf gert það hingað til???

Sama er með "efnahagsaðstoð" AGS, hún hefur alltaf, allsstaðar haft þessar afleiðingar.  Og það sem er byggt upp úr rústunum er í erlendri eigu.  

Hvert er vit þeirra manna sem vilja missa fyrirtæki sín og eigur svo erlendir fjárfestar geta fengið þau fyrir skít og kanil????  

Svarið er mjög einfalt, vitið í þessu fólki er ekkert.  

Hafi Hrunið ekki sannað það, þá er barátta Samtaka iðnaðarins fyrir ICEsave skattinum besta sönnun þess að um hreinræktaða hálfvita er að ræða.  Þeir kröfðust ICEsave skattsins til breta upp á lágmark 507 milljarða, en hámark um 1.000 milljarða, í erlendum gjaldeyri, til þess að gengið myndi styrkjast.   

Öll hagfræðilögmál segja að þegar svona hlutfallslegar háar upphæðir eru teknar út úr hagkerfinu, þá veikist gengi, það er óhjákvæmilegt.  Í skýrslu Seðlabankans stóð skýrum stöfum að jafnaðargengið myndi haldast lágt, en þó vonandi ekki lægra en að Evran yrði í um 170 krónum.  

Þegar Samtök iðnaðarins tóku upp baráttu sína fyrir ICEsave skattinum, þá var gengi Evrunnar rúmlega 170 krónu, og fór lækkandi.  Samt vildu þeir fá 507 milljarða skattinn svo gengið myndi styrkjast.

Annað hvort eru mennirnir ólæsir, sem getur ekki verið því ályktanir þeirra berast fjölmiðlum á pappír, eða þetta eru hreinræktaðir hálfvitar.

Um svona heimsku er ekki hægt að nota önnur orð.

Kannski eiga þeir eftir að krefja ríkisstjórnina um sól frá 1. apríl.

Kveðja að austan.

 

 

 

Verður að afnema gjaldeyrishöftin