Lilja Mósesdóttir verður viðskiptaráðherra í nýrri ríkisstjórn.

 

Manneskjan ber af viti og þekkingu af því fólki sem nú fjallar um endurreisn hagkerfisins.

Hún var alltaf andvíg aðkomu Óberma Alþjóðagjaldeyrissjóðsins og kom með rökstuddar tillögur um þær aðgerðir sem þyrfti að grípa til.  Byggði hún þá á reynslu annarra þjóða, á því sem vel hefur tekist til, og því sem miður hefur farið og heitir þrautreyndar aðferð Alþjóðagjaldeyrissjóðsins til að leggja samfélög fólks í rúst.  

Í hinni nýju ríkisstjórn (þessari sem tekur við eftir ICEsave stjórnina) verður aðeins fólk með æru og viti.

Ekkert fólk með æru styður Óbermi Alþjóðagjaldeyrissjóðsins.

Aðeins vitleysingar leggjast gegn því að heimili landsins séu losuð úr skuldafjötrum Hrunsins.

Sé valið í nýja ríkisstjórn eftir æru og viti, þá mun það verða góð ríkisstjórn.

Og gata endurreisnarinnar verður greið.

Tími auðmannasjálftökunnar er liðinn.

Kveðja að austan.

Hætta að tipla á tánum í kringum kröfuhafana

Athugasemdir

[Joseph (IP-tala skráð) 2.3.2010 kl. 14:30]

Ég geri fastlega ekki ráð fyrir að það verði önnur vinstri stjórn í bráð

[Ómar Geirsson, 2.3.2010 kl. 14:44]

Blessaður Joseph.

Ekki er ég hægri maður, aðeins rólyndis miðjugrey.  

En ég ætla það nú samt að það finnist nokkuð mikið úrval hægri manna sem hafa bæði æru og vit.

Og æra og vit hafa aldrei verið kennd við vinstri eða hægri, heldur heilbrigða skynsemi og mannkosti.

Kveðja að austan.

[Sveinn Elías Hansson, 2.3.2010 kl. 14:55]

Og enn segir þú nokkuð, og allt satt.

[Jón Snæbjörnsson, 2.3.2010 kl. 15:29]

hún er eflaust ekki verri ráðherra en hver annar - svo framarlega þó að hún umbreytist ekki þegar í stólinn er komið

[Pétur Örn Björnsson (IP-tala skráð) 2.3.2010 kl. 18:08]

Sæll Ómar, nú ertu kallinn djúpur...og vitur:

"Og æra og vit hafa aldrei verið kennd við vinstri eða hægri, heldur heilbrigða skynsemi og mannkosti."

Frelsið og jafnréttið, samtvinnað í eitt, er hluti af því.  Kannski er litur þess fjólublátt, með djúpum roða.

Tek svo undir það sem þú skrifar um Lilju Mósesdóttur og það sem hún sagði á þingi í dag.

[Ómar Geirsson, 2.3.2010 kl. 22:00]

Blessaður Pétur, ég held að regnboginn fái best lýst mennskunni, regnbogi mannlífsins. 

Hann getur enginn eignað sér.

Og ég held að samhljómun ólíkra lífsviðhorfa og lífsskoðana eigi eftir að koma mannkyninu aftur inn á braut mennskunnar.  

Af hverju???

Sé ekki aðra lausn, og sé svo margt sem á sama grunn, þó tungutakið sem því lýsir bendi til hins gagnstæða, að þegar gamla máltækið, "oft var þörf en nú er nauðsyn" verður dauðans alvara, þá mun tóneyra fólks nema sama tónfallið, og úr verði söngur mennskunnar.

En hvort fólk skilji í tíma hugsun mína um æruna og skynsemina, það er ekki mitt að segja, eða spá.  Ég er bara að hrella ICEsave stjórnina, úti á akri að sá í frjóan jarðveg.

En ég hef notað athygli dagsins til að impra á öðrum áhugamálum, Óbermi og skuldavandi framtíðar okkar, eru þar á meðal.

Þetta eru allt saman þræðir í sama vefnaðinum, mynstrið er þekkt, en ennþá ríkir óvissa um vefarana.  En ég tel að það sé aðeins tímabundið vandamál.

Það  blasir við öllu hugsandi fólki hvað þarf að gera.

Kveðja að austan.