McFall, svarið er já, Íslenska þjóðin vill vera hluti af alþjóðlegu samstarfi.

 

En ekki alþjóðlegu samstarfi fjárkúgara og glæpamanna.  

Þess vegna til dæmis fá vítisenglar ekki að opna útibú á Íslandi, þess vegna sitja starfsmenn Liháísku mafíunnar á Litla Hrauni vegna þess að við líðum ekki mannsal.

Og Mr. John McFall, breska þjóðin vill heldur ekki tilheyra alþjóðlegu samstarfi glæpahyskis, skiptir engu máli þó þeir klæðist hárkollum, eða skrýðist hvítum flibbum.

Þjóð þín hefur sett lög á þá hegðun sem þið hafið sýnt íslensku þjóðinni.  Flettu upp á kaflanum um "blackmail" í lagabálki ykkar, ykkar "criminal code".  Þar sérðu þann dóm sem þeir fá sem gerast sekir um þann glæp sem þú styður svo heilshugar með blekkingum þínum og lygum.  

Það var grímulaus kúgun ykkar ásamt stuðningi íslenskra auðmanna og Leppa þeirra á fjölmiðlum landsins, sem fékk Alþingi Íslendinga til að samþykkja hina meintu ICEsave ríkisábyrgð.  

Ríkisábyrgð sem Financial Times segir  "London and the Hague claim the dispute is about whether Iceland will meet its legal obligations. It is not. ".  Jafnvel sljór maður skilur setninguna "It is not. "

Og dómarar hjá Old Bailey eru ekki sljóir, þeir skilja skýra lagatexta.  Og þegar fjárkúgun ykkar byggist á lygi, og felst í því að koma ykkar reikning yfir á saklausan almenning annars lands, þá verður ykkur ekki sýnd nein miskunn.

Því alþjóðasamfélag glæpahyskis á sér enga málsvara, fyrir utan nokkra vitgranna fjölmiðlamenn upp á Íslandi.  Og þeir ráða engu hjá dómstólum ykkar.

John McFall, þinn tími er brátt liðinn.

Kveðja að austan.

 

 

 

McFall: Telur að lausn verði að nást