Valgerður, þú hefur ekki vald til að greiða Hollendingum skatt.

 

Fjárkrafa breta og Hollendinga er ólögleg.  Þeirra skilningur á meintum vanefndum  Tryggingasjóðs innlána er ekki rétthærri en minn eða þinn, eða einhverja sem eiga heima í alþjóðlegu geimstöðinni.  Sé um réttarágreining að ræða, þá eiga dómstólar EES að skera úr um hann.

Annað er ólögleg kúgun og ofbeldi.

Þar sem þú ert formaður urtnaríkismálanefndar þá ætla ég að upplýsa þig um þá alþjóðastofnun sem var komið á fót í lok Seinna stríðs, og kallast Sameinuð Þjóðirnar.  Í stofnsáttmála hennar segir meðal annars þetta um markmið hennar.

 

"Article 1:

• The Purposes of the United Nationsare:

  1.      To maintain international peace and security, and to that end: to take effective collective measures for the prevention and removal of threats to the peace, and for the suppression of acts of aggression or other breaches of the peace, and to bring about by peaceful means, and in conformity with the principles of justiceand international law, adjustment or settlement of international disputes or situations which might lead to a breach of the peace;

  2.      To develop friendly relations among nations based on respect for the principle of equal rightsand self-determination of peoples, and to take other appropriate measures to strengthen universal peace;

  "

Og í annari grein er fjallað um góða hegðun ríkja:

"

• Article 2, paragraph 4

All Members shall refrain in their international relations from the threat or use of force against the territorial integrity or political independence of any state, or in any other manner inconsistent with the Purposes of the United Nations.

"

 Framferði breta og Hollendinga er augljóslega tilræði við fullveldi Íslands, og svoleiðis hegðun er ekki liðin í dag.  Þess vegna var þessi grein sett í stofnsáttmála Sameinuðu þjóðanna.

"

• Article 39

The Security Council shall determine the existence of any threat to the peace, breach of the peace, or act of aggression and shall make recommendations, or decide what measures shall be taken in accordance with Articles 41 and 42, to maintain or restore international peace and security.^[6]"

"

Vissulega hefur Öryggisráðið ekki vald til að grípa inní svona deilu, en það getur skorað á deiluaðila að uppfylla ákvæði stofnsáttmála Sameinðu þjóðanna um friðsamlega lausn deilumála.  Í þeirri umræðu yrðu breta að úskýra af hverju þeir fóru ekki réttarfarslega leið EES samningsins í stað þess að hafa sér eins og svo ég vitni í Financial Times, "bullying of Iceland ", fjárkúga saklausa nágranna þjóð sína og beita til þess Alþjóðagjaldeyrissjóðnum og að hluta til Evrópusambandinu.

Sú umræða yrði fróðleg, og miðað við skrif alþjóðlegar sérfræðinga, þér málstaður breta enginn í þessu máli.  Þess vegna er það stórfurðulegt að stórnvöld skuli ekki grípa til þeirra varna sem alþjóðalög gera ráð fyrir.

 

Valgerður, þú þarft sterk rök til að svelta öryrkja svo þú getir greitt Hollendingum og bretum skatt.  Það þú þarft líka sterk bein þegar móðir þunglyndissjúklings, sem hafði það ekki af, kemur til þín og spyr af hverju þú vildir frekar gefast upp og sleppa öllum vörnum, og greiða það sem fjárkúgarnir kröfuðst, því þú greiddir skattinn ekki með þínum peningum, heldur peningum sem hefðu getað farið í geðheilbrigðisþjónustu.

Því það kostar pening að sinna sjúkum.

Þess vegna Valgerður hefur þú ekkert vald til að semja um skatt til Hollendinga og breta, nema að undangengnum dómi þar sem réttarstaða Íslands er virt, og dómurinn sé í samræmi við Evrópsk lög, bæði mannréttindalög, því við sem einstaklingar eigum okkar rétt, og lög um fjármálamarkaði, sem nota bene banna alla ríkisábyrgð.  Og kveða skýrt á um hlutverk tryggignasjóðsins, sem er fjármagnaður af fjármálakerfinu, ekki ríkinu.

Skiljir þú ekki þessar röksemdir Valgerður, þá ert þú ekki sama manneskjan og ég trúði á og kaus í mínum fyrstu kosningum þegar þú og Vilmundur heitinn buðu fram flokk fyrir fólk, og gegn kerfinu.

Ég trúði ykkur þá.

Kveðja að austan.

 

 

 

Auðveldar ekki lausn Icesave

Athugasemdir

[Sigurður Haraldsson, 20.2.2010 kl. 21:36]

Ertu viss um að öryggisráðið megi ekki grípa inní hvað um hryðjuverkalaugin sem Bretar settu á okkur?

[Ómar Geirsson, 21.2.2010 kl. 08:33]

Já ég held það Sigurður, þetta yrði seint talið með stóru málunum, svona til að byrja með.   En fengi meira vægi eftir því sem fleirum yrði ljós svívirða hins alþjóðlega auðmagns sem hefur rænt heimsbyggðina gífurlegum fjármunum, og er svo ósvífið að reyna að koma skuldum sínum á almenning um allan heim.

Ég lýt alltaf á þetta sem langt og strangt ferli að ná fram réttlætinu.  En baráttu sem engu að síður verður að há.  Það má ekki að láta þá komast upp með þetta.  Þetta er eins og þegar maður sér hóp að föntum veitast að og reyna að nauðga unglingsstelpu, þú baðst ekki um að vera á svæðinu, en eitthvað hlýtur þú að reyna að gera til að stöðva leikinn, eða lifa með samviskubitið alla ævi.

Það jákvæðasta sem svona kæra hefði í för með sér yrði ályktun þar sem deiluaðilar væru hvatti til að leysa málið á friðsömum nótum, og það er dómsstóla leiðin, sem er svo skýr í EES samningnum.  En eftir umræðuna þá væru breta í mjög erfiðri stöðu að beita ytri kúgun, og AGS stæði eftir sem berstrípaður flassari í almenningsgarði ef þeir tækju þátt í þeirri kúgun.

Og eitt leiðir af öðru.

Kveðja að austan.