Það styðja allir Íslendinga nema fólk sem tengist Samfylkingunni.

Þar gildir hinn samnorræni kratadraumur.

Ísland  skal í ESB með góðu eða illu.

En Norðmenn eru hvorki fantar eða fúlmenni.  

Samfylkingarfólk í Noregi hefur komist upp með stuðning sinn við kúgun á varnarlausri bræðraþjóð af einni ástæðu.

Frá íslenskum stjórnvöldum berast alltaf skýr skilaboð að íslenska þjóðin skuldi bretum og Hollendingum þessa peninga.

Um þjóðréttarlega skuldbindingu íslensku þjóðarinnar sé að ræða.

Norskir kratar lesa upp úr fréttatilkynningum, ættaðar úr ranni Ormstungu, að Íslendingar séu mjög heppnir að bretar innheimti ekki alla útistandandi skuldir Landsbankans hjá þeim.  Og þá góðmennsku beri að virða.

Hinn venjulegi Norðmaður veit ekki að í þeirri umdeildu reglugerð nr 94/19, sem tekur skýrt fram að tryggingasjóðirnir séu ekki ríkistryggðir, er kveðið á um rúmlega  20.000 evrur í tryggingu.  Ekki tryggingu á öll innlán.  Hann veit ekki að National Bank Of ICEland var einkabanki, og að skuldir hans eru óviðkomandi íslenska ríkinu. 

Þess vegna telur hinn venjulegi Norðmaður  þjóð sína standa með Íslendingum á Ögurstundu.

Og hvernig á hann að vita betur þegar íslensk stjórnvöld skipulega ljúga kröfu breta upp á þjóð sína????  Og Norskir kratar bæta um betur eins og þeir séu upp til hópa ólæsir afdalamenn og skilji ekki einfaldasta lagatexta.

En staðfesta Ólafs Ragnars Grímssonar vöru þau vatnaskil í deilunni sem þjóðin þurfti á að halda.

Eftir fyrstu undrunarbylgjuna sem reið yfir heimsbyggðina, þá staldraði fólk við og fór að hugsa.  Af hverju er smáþjóð at standa upp í hárinu á þekktum kúgurum og föntum????

Það er vegna þess að hún hefur lögin og réttin sín megin.

Norska þjóðin er að uppgötva eina staðreynd, hún hefur verið blekkt, blekkt af Norskum stjórnvöldum, og hún hefur verið blekkt af íslenskum stjórnvöldum.  

Og núna á íslenska þjóðin stuðning norsku þjóðarinnar vísan.

Norðmenn eru bræðraþjóð í raun.

En hvað eru íslenskir kratar???

Kveðja að austan.

 

 

 

Norðmenn styðja Íslendinga

Athugasemdir

[Óskar (IP-tala skráð) 13.1.2010 kl. 09:06]

Sæll Ómar, Flottur pistill hjá þér og svo er bjáninn hann Össur með leikskóla stæla við forsetann!! þetta ríður ekki við einteyming þetta lið.

[Ína (IP-tala skráð) 13.1.2010 kl. 09:24]

Þetta eru fáránlegar alhæfingar hjá þér. Finnst þér þú vera að taka þátt í vitrænni umræðu um Icesave vandann með þessum pisli? Þú veist vonandi að þessi deila er ekki neinn fótboltaleikur?

[Sigurður Helgason, 13.1.2010 kl. 10:33]

Ína samfylkingin er að tapa, þið getið borgað og flutt til EVRÓPU,

[Sigurjón, 13.1.2010 kl. 11:42]

Sæll Ómar.

Alveg er það dæmigert að fólk eins og Ína komi inn og segi þetta fáránlegt hjá þér, algjörlega án þess að tiltaka nákvæmlega hvað og líka án þess að koma með málflutning á móti.  Ef einhver er í fótboltaleik, þá ert það þú Ína!

Hafðu svo þökk fyrir pistlinginn.

Kv. Sigurjón

[Þorgeir Ragnarsson (IP-tala skráð) 13.1.2010 kl. 11:48]

"...í þeirri umdeildu reglugerð nr 94/19, sem tekur skýrt fram að tryggingasjóðirnir séu ekki ríkistryggðir, er kveðið á um rúmlega  20.000 evrur í tryggingu.  Ekki tryggingu á öll innlán."

Ómar, hvað sem allri umræðu um þessi mál líður þá snýst samkomulagið ekki um að greiða innistæðueigendum í Icesave upp í topp, heldur að greiða lágmarkstrygginguna, 20.887 evrur. Það er það sem samkomulagið snýst um. Þó íslensk stjórnvöld hafi tryggt íslenska sparifjáreigendur upp í topp (sem var ranglátt) þá stendur ekki til að gera það sama varðandi Icesave. 

[Sigurjón, 13.1.2010 kl. 12:12]

Bretar ætla sér nú að hala inn 500 milljónir punda í viðbót við þessa lágmarkstryggingu vegna ,,kostnaðar", en þeir tryggðu innstæðueigendur þar í landi allt að 50.000 pundum, sem er meira en innstæðutryggingarsjóðnum ber að greiða út.  500 milljónir punda eru 100 milljarðar króna...

[Þorgeir Ragnarsson (IP-tala skráð) 13.1.2010 kl. 12:26]

Já ég sá fréttina um þetta rétt áðan Sigurjón. Það er allavega ekki umdeilt að ekki er verið að greiða innistæðurnar upp í topp.

[Sigurjón, 13.1.2010 kl. 12:51]

Nei, en eina rétta leiðin er að fara með málið fyrir dómstóla og fá úr því skorið í eitt skipti fyrir öll hvað ríkinu ber að greiða og leysa málið svo út frá þeirri forsendu.

[Ómar Geirsson, 13.1.2010 kl. 20:55]

Takk fyrir innlitið kæra fólk.

Þorgeir, ég er að vitna í málflutning ríkisstjórnarinnar, og meðreiðasveina hennar.  Þetta var til dæmis megin inntak bréfs Jóhönnu til Ólafs, þegar hún hótaði honum öllu illu ef hann skrifaði ekki undir.

Og blessuð Ína.  Alltaf gaman að heyra í þér.

Kveðja að austan.