Það er ekki hungursneyð í Norður Kóeru

Sögðu þægir embættismenn við Kom Il Sung.

Það var samt hungursneyð í Norður Kóreu.  

En þeir sem sögðu annað, þeir voru reknir, ef þeir voru heppnir.

Enginn hlutlaus aðili hefur sagt Íslendinga geta staðið undir þessari skuldabyrði.  Enginn.

Og í raun sagði Seðlabankinn það ekki heldur.  Hann gaf sér forsendur, sem hvert 5 ára gamalt barn eftir einn kúrs i hagfræði 101,  gat sagt sér að væru rangar. 

Seðlabankinn gefur sér forsendur um meiri hagvöxt í landi skuldakreppu, skattpíningar og atgerfisflótta, en var á góðæristímanum þegar öll skilyrði hagvaxtar voru til staðar.  Og hann reiknar með stöðugum afgangi af viðskiptajöfnuði sem er tvöfalt meiri en sá mest hefur orðið á sögulegum tímum.  Þjóðin á sem sagt bara að flytja út en ekki inn.

Sérfræðingar Seðlabankans eru eins og sérfræðingar Stalíns sem urðu að koma með tillögur um margföldun landbúnaðarframleiðslunnar án þess að á því væri hinn minnsti möguleiki.  Þeir komu með kort af grýttri eyðimörk og sögðu að þarna væri hið ónýtta land sem gerðu hugmyndir hans mögulegar.  Og firring Sovétstímans var það mikil, að hugmyndir um að veita ám sem féllu í Norður Íshafið á þetta grýtta eyðimerkurland, voru langt komnar þegar spilaborg heimskunnar féll.

Eins verður það með tillögur Seðlabankans og Alþjóðagjaldeyrissjóðsins, þær munu steyta á skeri raunveruleikans.  Vegna þess að afleiðingarnar eru martröð fyrir íslenskan almenning:

 

1. Hann situr fastur í skuldafjötrum því peningarnir sem til ráðstöfunar eru fara í erlenda aðila eins og krónubréfs eigendur og breska ríkiskassann.  Hagsmunir þessara aðila er forgangsmál íslensku ríkisstjórnarinnar.

2. Velferðarkerfið hrynur þegar greiðslubyrði ríkissjóðs fer yfir 60% af tekjum ríkisins.  Sjá spá Seðlabankans þar um.

3. Lífskjör almennings hrynja þegar krónan er látin falla botnslaust til að ná 160 milljarða afgangi á vöruskiptajöfnuði landsmanna.  Það er sú tala sem þjóðarbúið þarf að eiga fyrir vöxtum af ICEsave/AGS skuldapakkanum, auk þeirra erlendu lána sem fyrir eru.

4. Samdráttur í einkaneyslu, auk gífurlegra skattahækkana, valda miklum samdrætti þjóðarframleiðslunnar, sem er bein ávísun á aukið atvinnuleysi og landflótta.

 

Alþjóðagjaldeyrissjóðurinn knúði þessa hagfræði andskotans upp á lýðræðisríkið Argentínu.  Með stuðningi elítunnar og helstu stjórnmálaflokka.  En þegar landið var á mörkum hungursneyðar, og óeirðir voru daglegt brauð í helstu borgum landsins, þá var Alþjóðagjaldeyrissjóðnum hent úr landi og síðan hefur verið uppgangur í Argentínu. 

En Argentína var lýðræðisríki.  Rúmenar reyndu þessa hagfræði Seðlabankans og Alþjóðagjaldeyrissjóðsins á árunum upp úr 1980, hagstjórn snérist aðeins um eitt, að borga erlendar skuldir með því að flytja allt út sem hægt var að flytja út, flytja aðeins inn það sem elítan þurfti fyrir mannsæmandi lífi.  Og her og leynilögregla héldu lýðnum niðri. 

En samt, þjóðin gerði uppreisn að lokum, það var betra að deyja fyrir byssukúlum kúgaranna en að lifa sem hundur.  Og forsetinn var tekinn og skotinn. 

Í dag vitum við að Ceausescu var sjúkur maður, veruleikafirrtur geðsjúklingur.  Annars hefði hann aldrei lagt þessar þjáningar á þjóð sína.

Og aðeins sjúkir menn segja að það sé allt í lagi að borga ICEsave.   Það þurfi aðeins að skera niður allan innflutninga nema brýnustu lífsnauðsynjar, og fólk sleppi því bara í 14 ár að verða veikt eða fara í skóla.   Vegna þess að land sem fer með yfir 60% af tekjum ríkissjóðs í vexti og afborganir, það hefur ekki efni á heilsugæslu og velferð, nema að nafninu til.

Íslenska þjóðin þarf að fara í horfast í augun á mjög óþægilegri staðreynd.

Það er ekki allt í lagi með þá sem ráða för.

Kveðja að austan.

 

 

 

 

Björn Valur: Umræðan á villigötum

Athugasemdir

[Birnuson, 11.1.2010 kl. 12:34]

Sæll Ómar. Þú sem pælir í þessu á hverjum degi: Núna heyrist bara talað um IceSave; en hver verður hlutur lánanna frá AGS og annarra tengdra lána í skuldabyrðinni sem þú fjallar um?

[Ómar Geirsson, 11.1.2010 kl. 14:10]

Blessaður Birnuson.

Pakkinn er upp á 800 milljarða, og þá eru lán vinaþjóða breta með talinn.

Saga Alþjóðagjaldeyrissjóðsins segir að svona lán séu veitt í þeim eina tilgangi til að endurfjármagna skuldir og koma í veg fyrir greiðslufall.  Og ef rétt er þá er um göfugt hlutverk að ræða, en svarta hlið hennar að þessi neyðarlán gætu alveg eins verið komin frá andskotanum, því þetta eru skammtímalán, og ef þjóðir ná ekki til að endurgreiða þau, heldur þurfa að sækja um endurfjármögnun frá sjóðnum, þá fyrst kárnar gamanið.

Endurfjármögnunin hefur verið háð skilyrðum og þau hafa falið í sér einkavæðingu og sölu almannaeigna.  Með öðrum orðum, þetta er hjálp okurlánarans, sem getur haft aleigu af fólki ef illa fer.

Ríki í fjárhagserfiðleikum eru oft neydd til að semja um aðstoð sjóðsins, því annars verður hið fræga greiðslufall.  En allavega á síðustu 15-20 árum (skrifa eftir minni því það er tæpt ár síðan ég las pistil um þetta) þá hafa nokkrir bandarískir lögmenn aðstoðað ríki í fjárhagserfiðleikum til að endursemja um sínar skuldir án þess að fá til þess aðstoð AGS.  Bæði hafa varið felldar niður skuldir, en oftast hefur lánakjörum verið breytt þannig að þau verði viðráðanleg svo til greiðslufalls komi ekki.  

Og þetta er gert án þess  að viðkomandi þjóðfélögum er rústað eins og fórnarlöm AGS hafa lent í.  Og það er ótrúlegt að vit og þekkingu íslenskra stjórnvalda skuldi vera á því plani að þekkja ekki til þessara sérfræðinga.  Og fá ekki aðstoð þeirra.  

Vegna þess að ef við tökum þessi lán, og notum þau þá er allt búið, við náum okkur ekki upp úr þessum vítahring yfirskuldsetningarinnar.  

En skuldum við ekki hvort sem er þessa peninga??  Og svarið er nei.  Það gerum við ekki nema að litlum hluta.  Og þær skuldir okkar sem eru að falla á gjalddaga, og við hugsanlega gætum lent í erfiðleikum með, þær eru samt yfirstíganlegar, og þar að auki þá hefur enginn látið reyna á endurfjármögnun.  Ástæða, þá fer allt í kalda kol er sagt.

En er ekki allt í kalda koli???   Lánshæfi í ruslflokk og erlendir lánamarkaðir lokaðir????

En ef þetta verður notað, þá verður hér sama sagan og í Argentínu, gjaldeyrislánið á að nota til að greiða út erlenda fjárspákaupmenn sem eiga eignir í innlendum gjaldmiðli.  Og sitja uppi með hann.  

Og ef það verður gert, þá er það glæpur gagnvart þjóð okkar.  

Stjórnvöld segjast ekki ætla  að nota féð til þess, en af hverju eru þau þá að taka þessi lán?????

Til þess að geta lokað sjúkradeildum og greitt vexti þess í stað.  Og séð til þess í leiðinni að krónan haldist lág.??

En miðað við sögu sjóðsins og hlutverk hans, sem er að tryggja að þetta spáfé komist óskaddað úr landi á yfirgengi, og þá staðreynd að upphæð gjaldeyrissjóðsins er úr öllum takti við þörf landsins fyrir varasjóð, en fittar hins vega vel við þá tölu sem erlendir krónueigendur eiga, þá er 2+2 í þessu dæmi að það á að borga þá út á yfirgengi. 

Og aðeins eitilhörð andstaða þjóðarinnar getur komið í veg fyrir þann glæp.

Og þess vegna hnýti ég reglulega í AGS, svona til að minna menn á hina meintu glæpamenn.  

Og þriðja ógnin er síðan eignarhald amerísku vogunarsjóðanna á íslensku bönkunum.  Það eitt er glæpur gegn þjóðinni.  En mér sýnist að það sé aðeins ég og Davíð Oddsson sem ólátast gegn þeim.

Og vonandi þarf ekki martröð raunveruleikans til að fólk átti sig á hvað er á ferðinni með eignarhald þeirra.

Og ekkert félagshyggjufólk getur stutt svona ósköp, og það er alveg ótrúlegt að unga fólkið sem á að erfa landið, að það skuli ekki taka undir hrópin að AGS og amerísku vogunarsjóðunum.  

Hefur spaghettið tekið alla döngun úr þeim sem landið erfa.

Kveðja að austan.

[Birnuson, 12.1.2010 kl. 14:13]

Sæll aftur. Spurningin hjá mér átti að vera hver greiðslubyrðin yrði af Icesaveláninu annars vegar og hins vegar af AGS-lánapakkanum í heild (ef við göngum út frá því að þau lán verði öll tekin). Með öðrum orðum, hvort verður þyngri baggi?

[Ómar Geirsson, 12.1.2010 kl. 15:20]

Já, Blessaður aftur.

Þessari spurningu er ekki hægt að svara. 

Það næsta sem maður kemst þvi er að skoða þá hækkun sem fjármálaráðuneytið áætlar í vexti á næsta ári vegna ICEsave/AGS.  Og hann fer úr rúmum 90 milljörðum í 162 milljarða.  ICEsave er áætlað 35 milljarðar af jafnaði en fyrsta vaxtagreiðslan er um 60 milljarðar ef ég man rétt.

En af hverju er ekki hægt að svara restinni.  

Það veit enginn hvað fellur mikið á ríkið vegna ICEsave, sé til dæmis forgangur innstæðna dæmdur ólöglegur í Bretlandi þá gæti hlutfallið verið undir 50%, svo ef kemur önnur og dýpri fjármálakreppa, þá væri hlutfallið ennþá lægra.  En svo getur allt vissulega farið á besta veg, en glæpurinn er sá að öll áhætta fellur á okkur.

AGS pakkinn er sama marki brenndur, það veit enginn hvað á að nota.  Það er freisting að nýta hann til að bjarga skammtíma stöðu, og ef genginu verður fleytt í núverandi kerfi (það er að skattleggja ekki útstreymi krónubréfa og hafa verðtrygginguna í sambandi)  þá fer þessi sjóður. 

Það er talað um 800 milljarða, á um 3% vöxtum, til 5 ára.  Séu lánin notuð, sem full ástæða er til að óttast, þá greiðum við þau ekki til baka nema með endurfjármögnun.  

Og þá er fjandinn laus..

Og í mínum huga þá er þessi pakki hættulegri.

Kveðja að austan.