Er Joly komin á dauðlista Samfylkingarinnar?

Hún segir að við eigum ekki að borga. Lögin um innstæðukerfi hafi aldrei tekið til hrun alls fjármálakerfisins.

Hún segir að ábyrgðin er samevrópsk

Og hún hefur þetta frá fyrstu hendi, mennirnir sem sögðu NOT,  þeir meintu NOT.

Skýrari rök er ekki hægt að fá fyrir því af hverju ICEsave deilan er "pólitísk".  Stjórnmálamenn, sem telja sig hafna yfir lögin, leita aðeins til dómsstóla þegar þeir eru vissir um að þeir styðji kröfur þeirra.

En í tæpt ár hafa spunakokkar Samfylkingarinnar matreitt lygar og rangfærslur ofaní landsmenn.

"Þið eruð sek, þið eigið að borga".

Og fjölmiðlarnir, allflestir í eigu auðmanna sem vill að þjóðin borgi skuldir þeirra, hafa tekið þátt í hráskinsleik spunakokkana.

Þeirra eigið veski hafa þeir metið meir en veski þjóðarinnar.

Og svo kemur Joly, og segir að það sem stendur í lögunum, að það hafi verið orðað á þann hátt vegna þess að tryggingakerfið var til þess að koma í veg fyrir ríkisábyrgð.  Og það var aldrei í stakk búið að takast á við hrun fjármálakerfisins.

Hvað gera spunakokkar Samfylkingarinnar þá???

Verða þeir ekki að fjarlægja manneskjuna áður en hún blaðrar þessu um alla heimsbyggð?

Sjálft þjóðargjaldþrotið er í húfi????

Hvað segja húsbændur þeirra núna????

Mig rennir í grun að Joly eigi eftir að verða fyrir svívirðilegum árásum næstu daga.

Jafnvel fyrsta frétt í Ruv, dag eftir dag.  Og krossfest í Kastljós líka.

Hún er jafnvel orðin hættulegri en Ólafur Ragnar.

Spunakokkarnir eiga eftir að finna sín ráð.

Þeir vilja að þjóðin borgi, helst sem mest.

Þannig verður auðveldara að koma henni inn í ESB.

Ég held að þjóðin þurfi að ráð lífvörð um Joly.

Kveðja að austan.

 

 

 

 

Joly: Átti ekki að takast á við hrun heils bankakerfis

Athugasemdir

[Arnór Valdimarsson (IP-tala skráð) 7.1.2010 kl. 15:35]

Góður. Skjaldborg um þessa hetju.

[Ómar Geirsson, 7.1.2010 kl. 15:58]

Blessaður Arnór.

Datt þessi samlíking í hug, en hætti við, því ég hafði áhyggjur að fólk héldi að ég vildi Joly illt.

Þannig er reynslan af skjaldborg Jóhönnu.

Kveðja að austan.

[Árni Gunnarsson, 7.1.2010 kl. 16:06]

Kannski er nú svo komið að bæði D og S óttist þessa merkilegu konu. Ekki fór mikið fyrir fagnaðarópum hægri klúbbsins þegar ákveðið var (með hundshaus og eftir að Egill Helga hafði næstum troðið henni upp á þjóðina) að ráða hana til vinnu.

Af miklu er að taka þegar valið er um stærsta klúðrið í bankahruninu. Þar hef ég gert upp hug minn. Það var hin hraða skipan ríkisstjórnarinnar í skilanefndir gömlu bankanna og að enginn erlendur og óvilhallur eftirlitsmaður með störfum þeirra var kvaddur til!

Svo tortrygginn er ég að ég flokka þetta ekki undir mistök. Og nú sjá allir að ef eitthvað gruggugt þurfti að fela þá væri það mikil tilviljun og gáleysi ef ekki væri fyrir löngu búið að hylja það.

[Pétur Örn Björnsson (IP-tala skráð) 7.1.2010 kl. 18:43]

Ég held að Árni komi inn á góðan punkt.  Reyndar vil ég þrykkja enn fastar, með því að segja að allur 4-flokkurinn vilji helst láta eins og ekkert hafi skeð.  Hvað hefur td. verið gert í því að koma böndum á og frysta eignir fjár-glæpamanna?  EKKERT.  Ekkert raunverulegt kapp hefur verið lagt á þetta hjá 4-flokknum.  Enda furstar skilanefnda og bankakerfisins vel tengdir inn í 4-flokkana alla.  Þar liggur hundurinn grafinn.  Og þar má lengi almenninginn leyna.

[Guðmundur 2. Gunnarsson (IP-tala skráð) 7.1.2010 kl. 19:08]

Í sprengjuviðtölunum forðum þegar hún hótaði að hætta störfum vegna stuðningsleysi ríkisstjórnarinnar,  Hún lýsti því yfir að það hefði ekki verið samstaða innan ríkisstjórnarinnar um ágæti ráðningu hennar.  Það hefur alveg örugglega ekki breyst til batnaðar fyrir hana og þjóðarinnar.

[Hannes (IP-tala skráð) 7.1.2010 kl. 19:33]

Æhh hún er bara yndisleg :) 

Ef einhver á skilið að fá Fálkaorðuna, verða íþróttamaður ársins eða hvað sem er þá er það hún

[Andri Hermannsson (IP-tala skráð) 7.1.2010 kl. 20:35]

HALLÓ

Það er margbúið að segja þetta af öllum flokkum,en það hefur enginn hlustað á okkur,Ég bara vona að Eva sé nógu stórt númer til að hræða Breta og Hollendinga til að gera við okkur betri samning.Þið megið heldur ekki gleyma að Geir lofaði að þetta yrði allt borgað og það er það sem hollendingar og Bretar eru að nota,og samkvæmt lögfróðum mönnum heldur það fyrir rétti.og í guðana bænum ekki tala svona barnalega,um að Eva þurfi lífverði og að einhverjum flokki finnist þetta gjaldþrot okkar vera spennandi,Og hafðu eitt í huga að davíð rétti þeim bankann á silfurfati upp á persónulegan vinskap,hann notaði orðin að þeir væru að koma með svo mikin gjaldeyri inn í landið.en hættum þessu flokka rugli og reynum að vera jákvæðir.

Kv Andri

[Ómar Geirsson, 7.1.2010 kl. 20:47]

Takk fyrir innlitið félagar.

Og Andri, ég veit ekki hvaðan þú ert að koma, vona samt ekki frá tunglinu.

En eitt er að bulla, annað að fara rangt með, og hvort sem þú ert að ljúga því sjálfur, eða þá það var logið í þig, þá vil ég strax leiðrétta að orð Geirs séu einhver rök fyrir rétti.  Ef þú ert tunglverji, þá hefur það kannski farið fram hjá þér, en Ísland er þingræðisríki, og það er þingið sem skuldbindur þjóðina.  

Og jafnvel þó Alþingi hafi talið sig knúið til að lofa einhverju upp í ermina sína, þá er það merkingarlaus gjörningur fyrir rétti.  Það eru 1.000 ár síðan að berserkir gátu riðið um héruð, og rænt fólk og þvingað að skrifa undir eignaafsal.

Vitna þér til upplýsingar,  svo þú getir gefið þeim á baukinn sem laug þessu i þig, í Björg Thorarensen.

"Það var ekki um annað að ræða að gangast undir þá þvingun að taka lán, sem rennur að hluta til þess að ábyrgjast greiðslur tryggingasjóðsins, nokkuð sem ríkinu ber engin lagalega skylda til, hvorki eftir Evróputilskipun né öðrum þjóðréttarreglum. Samningar af þessum toga eru á lögfræðimáli kallaðir nauðungarsamningar. Ekki aðeins í okkar lögum heldur einnig í þjóðaréttinum – og slíkir samningar eru raunar ógildanlegir." "

Spáðu í þetta í rólegheitunum.

Og svo flokkast fyrirsögnin undir kaldhæðni vinur.

Kveðja að austan.

[Ómar Geirsson, 7.1.2010 kl. 22:06]

Blessaður Árni.

Ég ætlaði alltaf að koma inn á þennan punkt þinn fyrr i dag.  En var með flensuskít þannig að ég kom ekki öllu í verk.

Ég tel að það hefði verið eitthvað mikið að mönnum á síðustu metrum bankahrunsins, ef þeir hefðu ekki verið búnir að skipuleggja yfirtökuna, þar á meðal skipan og hlutverk skilanefnda.

Þess vegna langar mig aðeins til  að vekja athygli á gömlu baráttumáli mínu, og nafni minn Ragnarsson hefur einnig ymprað á.  Og það er að gera upp bankahrunið með sáttanefnd, í stað þess leynigangs og leyndarhyggju sem dómsstólaleiðin hefur í för með sér.

Ég vil minna á æðruleysis bænina í þessu samhengi, að maður sætti sig við það sem maður getur ekki breytt, en breyti því sem hægt er að breyta, og þekki muninn þar á milli.

Við breytum ekki fortíðinni, hún er staðreynd, en það má læra af henni, og helst hindra að sömu mistök endurtaki sig ekki.

Og ég get ekki séð að það sé lærdómur að láta Sigurjón Digra beita á Kvíabryggju.  Refsing, en ekki lærdómur.  Ég tel að það hafi alltaf blasað við að kerfið hafi verið siðspillt og rangt, það var ríki í ríkinu, en ekki þjónn samfélagsins, það er einstaklinga og fyrirtækja.  Og þetta var eins og svampur sem saug í sig alla orku þjóðfélagsins.  Og átti allt, þar á meðal stjórnmálin, með Ögmund sem undantekningu. 

Ég vil losna við þetta kerfi, það er minn lærdómur.  Og þá er sannleiksnefndin eina leiðin til þess. 

Kerfið þolir ekki sannleikann.  

Þó gjaldið sé að Sigurjón og Siggi gangi lausir, þá er mér slétt sama.  Ég tel það miklu brýnna að fá ekki nýja slíka kumpána.  Aldrei.  Aldrei aftur.

Og sannleikurinn gerir þig frjálsan.  Hann er eina vopnið sem gamla kerfið getur ekki varist, því hver getur deilt á sannleikann og leitina að honum.

Enginn.

Kveðja að austan.

[Friðrik Már , 8.1.2010 kl. 00:06]

sæll Ómar,

góður inngangur hjá þér og athugasemdirnar er verðugar íhugunar.

Mér datt í hug þegar talað er um 4-flokkana, vandræðin sem Hreyfingin virðist hafa átt við að etja á þingi þar sem ALLIR flokkar aðrir og jafnvel Þráinn Bertelsson spyrna við fótum, að það er eins og það skipti engu að sannleikurinn varðandi bankahrunið komi í ljós.  Maður getur skilið þetta varðandi D,S en að Vinstri grænum og Þránni virðist slétt sama er með ólíkindum.

Læt fylgja með slóðina og úrdrátt, skrítið hvað lítið hefur farið fyrir þessu ekki er þetta nú gamalt 20 Des 2009  

http://thorsaari.blog.is/blog/thorsaari/entry/994548/

RANNSÓKNIN Á HRUNINU.

Á laugardag 19. des. var á þinginu tekið til "annarrar" umræðu frumvarpið um meðferð Alþingismanna á skýrslu rannsóknarnefndarinnar um Hrunið.  Hreyfingin hefur gagnrýnt þetta frumvarp harðlega og við teljum að það opni á að öllu því í skýrslu ransóknarnefndarinnar sem snýr að þingmönnum, ráðherrum og Alþingi sjálfu verði sópað undir teppið.  Hreyfingin sendi einnig frá sér fréttatilkynningu um málið í dag enda finnst okkur meðferðin á málinu með ólíkindum.  Fyrir neðan tilkynninguna má svo sjá listann yfir þá gesti sem við óskuðum að Allsherjarnefnd kallaði til umsagnar um málið en því var alfarið hafnað af formanni nefndarinnar, Steinunni Valdísi Óskarsdóttur, Samfylkingu.

Öll héldum við ræður um málið í dag en umræðan af hálfu stjórnarþingmanna var alveg hreint með ólíkindum.

Fréttatilkynning frá þingmönnum Hreyfingarinnar

Efni: Frumvarp forsætisnefndar um breytingu á lögum nr. 142/2008 um rannsókn á aðdraganda og orsökum falls íslensku bankanna 2008 og tengdra atburða (mál 286 – þingskjal 330). Um er að ræða skipan svokallaðrar þingmannanefndar sem á að fjalla um skýrslu rannsóknarnefndarinnar af hálfu Alþingis.

Umrætt mál hefur verið til meðferðar hjá Allsherjarnefndar síðustu daga og á dagskrá nefndarinnar á fundum 8., 10., og 18. desember.

Á fundi allsherjarnefndar þriðjudaginn 8. desember kom í ljós að nefndin hafði ákveðið að senda frumvarpið ekki til skriflegrar umsagnar aðila utan þingsins, líkt og algengt er. Í staðinn var ákveðið að kalla til umsagnaraðila til að veita munnlegt álit. Umræddir umsagnaraðilar voru valdir fyrir nefndina af formanni hennar, Steinnunni Valdísi Óskarsdóttur, Samfylkingu.

Fyrir fundinum þann 10. desember lá tillaga frá Hreyfingunni um að fleiri umsagnaraðilar kæmu fyrir nefndina en formaður hennar lagði til. Tillaga Hreyfingarinnar grundvallaðist á því að hér væri um gríðarlega mikilvægt mál að ræða og eitt erfiðasta mál sem Alþingi hefur þurft að takast á við. Beiðni Hreyfingarinnar um að óska eftir skriflegum umsögnum hafði þá þegar verið hafnað.

Tillögu Hreyfingarinnar um umsagnaraðila (sjá meðfylgjandi lista) var einnig hafnað af formanni nefndarinnar á þeim grundvelli að formlega séð væri fulltrúi Hreyfingarinnar áheyrnarfulltrúi í nefndinni og því þyrfti formaður samkvæmt reglum um þingsköp ekki að verða við ósk hans um gesti (þó vissulega væri það heimilt).

Aðrir nefndarmenn voru þöglir sem gröfin vegna afgreiðslu formanns á málinu og virtust ekki hafa neitt til málanna að leggja. Á áðurnefndum fundi 8. desember voru mætt: Steinunn Valdís Óskarsdóttir, Róbert Marshall og Valgerður Bjarnadóttir frá Samfylkingu, Birgir Ármannson frá Sjálfstæðisflokki og Þráinn Bertelsson sem er utan flokka. Á fundinum 10. desember voru Steinunn Valdís Óskarsdóttir og Valgerður Bjarnadóttir frá Samfylkingu, Birgir Ármannson og Ragnheiður Ríkharðsdóttir frá Sjálfstæðisflokki, Arndís Soffía Sigurðardóttir VG (í fjarveru Atla Gíslasonar) og Þráinn Bertelsson sem er utan flokka.

Á fundi nefndarinnar þann 18. desember lagði Hreyfingin fram ítarlegar breytingartillögur við frumvarpið og óskaði eftir því að þær yrðu teknar fyrir í nefndinni. Þeirri ósk var hafnað í atkvæðagreiðslu um málið af Steinunni Valdísi Óskarsdóttur, Róberti Marshall, Ásmundi Einari Daðsyni, Ólöfu Nordal og Vigdísi Hauksdóttur gegn atkvæði fulltrúa Hreyfingarinnar, Þórs Saari. Aðrir nefndarmenn, Birgir Ármannsson, Þráinn Bertelsson, Valgerður Bjarnadóttir og Arndís Soffía Sigurðardóttir, voru fjarverandi.

Þrátt fyrir ítarlegar, vandaðar og málefnalegar ábendingar og tillögur Hreyfingarinnar í þessu máli er enginn áhugi meðal annarra afla á Alþingi að afgreiða það með öðrum hætti en þeim sem tryggir augljósa hagsmuni þeirra flokka sem voru við stjórnvölin við bankahrunið og í aðdraganda þess.

Það hlýtur að vera öllum ljóst að alþingismenn eru ekki færir um að leggja hlutlaust mat á eigin störf, foringja sinna eða samstarfsmanna til margra ára. Nauðsynlegt er að hlutlausir aðilar komi að vinnslu málsins á öllum stigum þess, hvort heldur sem er sem álitsgjafar við lagasmíð eða fagmenn við afgreiðslu skýrslunnar. Tryggja þarf réttlæti og gegnsæi í öllu ferlinu.

Málið verður tekið fyrir í 2. umræðu á Alþingi á laugardag eða eftir helgina þar sem óskað verður eftir atkvæðagreiðslu um breytingartillögur Hreyfingarinnar sem miða að því að minnka möguleika þingsins til áhrifa á viðtökur og meðferð skýrslunnar. Við hvetjum fjölmiðla og almenning til að fylgjast vel með þeirri atkvæðagreiðslu.

18. desember 2009,

Birgitta Jónsdóttir,  Margrét Tryggvadóttir, Þór Saari

[Friðrik Már , 8.1.2010 kl. 00:15]

Gleymdi náttúrulega að minnast á þessa kjarnakonu Evu Joly sem virðist koma inn með sitt sterka álit á háréttum tímapunkti.

Ég vona að fólk skilji þótt seinna verði að forsetinn gat lítið annað en hafnað umræddum lögum og nú er mikill meðbyr sem þjóðin sameinuð á að nýta sér og hætta þessu flokka kjaftæði í bili og vinna saman að hag landsins.

Baráttu kveðjur

ÁFRAM ÍSLAND

[Ómar Geirsson, 8.1.2010 kl. 00:32]

Blessaður Friðrik

Takk fyrir þetta innlegg.

Vissulega hafa þingmenn Hreyfingarinnar reynt, en rekist á veggi. 

Ég er einn af þeim sem varaði við þessum veggjum strax í upphafi, og vildi aðra leið, byggða á reynslu Mandela.   Og hef víða spjallað um hana, aðallega reynt að láta gamlan BH mann sjá ljósið. Samkvæmt reglunni, að ef einn sér ljósið, þá muni fleiri sjá týruna.

Ég tel kerfið sökudólginn, og vil það feigt.  Lít frekar á einstaklingana sem fórnarlömb.  Þeir týndu sálu sinni og æru í öllum þessum dansi í kringum gullkálfinn.  Og sálin er nokkurra einkaþotna virði, og jafnvel meiri en það.

En veggirnir mun sjá til þess að við munum aldrei sjá neitt ofaní spillingarpottinn, aðeins fá að vita með miklum lúðrablæstri að þar hafi verið vond lykt.  Og síðan verða nokkrir smákallar hengdir upp á löppunum.  

En kerfið dafnar sem aldrei fyrr.  Var ekki viðskiptaráð að leggja til um daginn að nýir vinir fengju almannaeigur fyrir slikk?????

Og það versta við allt þetta spillingartal er það að það er markvisst notað til að koma á okkur ICEsave hlekkjum og síðan yfirdrottnun erlendra græðgipúka, sem hugsa aðeins um eitt, og það er blóðmjólkun og arðrán.

Það mun ekkert gott kapítal koma hingað á næstu árum á meðan AGS ræður hér öllu.  En fólki finnst meira um vert að lifa í fortíðinni en að hindra ný áföll.  

En ég og Joly yrðum ekki nema 3 mánuði að fá allan skítinn upp á yfirborðið ef leið sannleiksnefndarinnar yrði farin.  

Sakaruppgjöf er lítil fórn til að ná því markmiði  og við fáum þar með vopn til að hindra endurtekningu.   Hindra að við verðum gerð að auðmannsþrælum.  Útrásina getur svo fólk fengið í einhverjum tölvuleik þar sem uppgjörið fer fram. 

Sannleikurinn gerir ekki aðeins fólk frjálst, heldur líka þjóðir.  En þjóð okkar kýs í augnablikinu helsi og fjötra, bara ef hún fær að hía á einhverja plebba í handjárnum.

En þessir menn eru ekki þess virði.  

Kveðja að austan.

[Elle_, 8.1.2010 kl. 00:37]

Forsetinn varð að hafna ólögunum.  Varðandi EVA JOLY, það fór um mig, Ómar, þegar þú talaðir um lífvörð. 

[Ómar Geirsson, 8.1.2010 kl. 08:52]

Blessuð Elle.

Bara að stílfæra.  Pistillinn er áminning um vinnubrögð Samfylkingarinnar, og af hverju þau eru svona.

Í ESB, með góðu eða illu, og ef það þarf með illu, þá er hindrunum rutt úr vegi.

Kveðja að austan.