Bless frændur, núna munum við endurrita Snorra Eddu..

Og gleyma að minnast á Norsku þjóðina.

Þar með er rætur þjóðar ykkar horfnar úr i veður og vind og framvegis verður litið á ykkur í heimssögunni sem samsafn illa búandi kotbænda sem danskir konungar fluttu af Jóskum afdalaheiðum til að rækta korn og veiða fisk fyrir danska heimsveldið.

Á þessa hættu reyndi Knut  Ødegård að benda ykkur á, en þið kusuð ekki að hlusta.

Það er ekki nóg að vera rík þjóð, ef fortíðin er aðhlátursefni.  Og saga ykkar er skráð og ritstírð af Íslendingum.  Það eru þeir sem gáfu ykkur sameiginlega þjóðarvitund.

En við þurfum ekki lán ykkar.  Þau mega fara í rass og rófu.  Íslenskar útflutningsgreinarnar dafna sem aldrei fyrr, meira en er hægt að segja um ykkar, aðeins olían heldur ykkur á floti, og hún er að klárast.

Eina hætta íslensku þjóðarinnar er að trúa loddurum og fjárkúgurum, og handbendum þeirra, þar á meðal í Noregi.

"Það er jákvætt að í dag segja íslensk stjórnvöld að þau muni halda áfram með efnahagsáætlun sína, til að skapa atvinnu og hagvöxt"

Íhugum þessi orð Norska draumamannsins um að fá að vera mem í Brussel.  ICEsave og AGS lán, ásamt skattahækkunum og landflótta ungs fólks, muni skapa hér hagvöxt og atvinnu, . 

Og berum þetta bull Norska draumamannsins saman við orð Sweder van Wijnbergen, prófessor í hagfræði við Háskólann í Amsterdam um áhrif þeirrar heimsku sem íslensk stjórnvöld vinna eftir.

"Fullyrðingar í fjölmiðlum um að Ísland verði útskúfað frá fjármálamörkuðum ef það tekur ekki á sig þessa skuldabyrði eru fjarstæða. Þvert á móti myndi skuldafjallið og skattahækkanirnar sem þær myndu kalla á fæla á brott erlenda fjárfesta."

Hvor þeirra skyldi hafa rétt fyrir sér, Norski Evrópukratinn, eða prófessor í hagfræði.

Ég veit hvort svarið hin hagsýna húsmóðir myndi velja.

En hún notar líka fjármuni heimilisins til að tryggja velferð fjölskyldu sinnar, ekki til að greiða niður spilaskuldir drykkjufélaga eiginmanns síns. 

Og hin hagsýna húsmóðir mun fella ICEsave.

Hún þarf að koma börnum á legg.

Kveðja að austan.

 

 

Bíða með að lána Íslendingum

Athugasemdir

[Jóhann Elíasson, 6.1.2010 kl. 12:16]

Við þurfum ekkert að endurrita söguna en við þurfum að endurskoða afstöðu okkar til þeirra og norræns samstarfs. Málið er að ef ekki væri fyrir Ísland þá þekktu norðmenn ekki sögu sína.

[Ómar Geirsson, 6.1.2010 kl. 12:59]

Blessaður Jóhann.

Nei, líklegast ekki, en það væri samt sniðugt.

En púkinn í mér fór þessa leið til að vekja athygli á að við þyrftum ekki að sæta kúgun, allra síst þeirra sem hana reiða fram í nafni vináttu.

Þá er betra að vera aðeins fátækari á meðan undirstöður eru styrktar, og skuldir borgaðar niður.  En halda sjálfsvirðingu sinni.

Þeir sem vilja lifa á sleikjum á vissum hluta líkama höfðingja, þeir mega eiga sinn matarsmekk í friði fyrir mér.  

Og þeir eiga að láta þjóð okkar í friði líka.

Kveðja að austan.