Múrar eiga sér sínar skýringar.

 

Og svona lofsömuð dráp reisa múra.

Því sá sem er skotinn uppúr þurru reynir að verja sig og sína.

Það er í eðli mannsins og þar skiptir engu máli trú, kynþáttur, þjóðir, þú líður ekki að einhver komi og skjóti á þig.

 

Svona morð afhjúpa líka hvar hugurinn liggur hjá meintum góðmennum hjá hinum ýmsum samtökum.

Til dæmis hjá samtökum sem eiga að gæta hlutleysis, og krefjast griða vegna þess.

 

Fyrir um ári síðan var svipuð byssuárás í Jerúsalem og fólk á förnum vegið skotið, flestir sem betur aðeins særðust en nokkrir létust.

Mörg meint góðmenni hjá samtökum um góðmennsku gátu ekki fordæmt þau morð án þess að taka fram að allt eigi sér sínar skýringar, eins og það sé einhvern tímann hægt að réttlæta morð og dráp.

 

Það sem skar mig eftir þann atburð var að þegar byssumennirnir voru eltir uppi inní byggðir Vesturbakkans, og létu svo lífið í skotárás við ísraelska hermenn, að þá lofsamaði Rauði hálfmáninn hina föllnu byssumenn sem píslarvotta.

Morðingjarnir voru sem sagt píslavottar, og þá í einhverju göfugu stríði í þágu Allah eða eitthvað.

 

Síðan þá hef ég vel skilið Ísraelsmenn að bera litla virðingu fyrir meintum griðum starfsmanna Rauða hálfmánans.

En skil hins vegar ekki þögn Rauða krossins um þessa afhjúpun á hvar hjarta systursamtaka þeirra í hinum íslamska heim slær.

 

En maður þarf víst ekki að skilja allt.

Kveðja að austan.

Skutu fimm til bana í Jerúsalem

Það geisar stríð á Gasa.

 

Þess vegna segjast Hamas samtökin reiðubúin að "setjast strax að samningaborðinu".

 

Heilbrigð skynsemi hefur látið mjög undan á Íslandi síðasta áratug eða svo, birtingarmynd þess er að orðið legberi er tekið upp í lagatextum þegar talað er um hitt kynið, helming mannkyns, og í opinberi umræðu þykjast menn ekki vita hve kynin eru mörg.

Á mannlegri heimsku eru þó mörk, jafnvel innan þjóðkirkjunnar og öðrum samtökum fólks sem er mjög gott fólk, og það er ekki að afneita þeirri staðreynd að það sé stríð á Gasa þegar Hamas lýsir því yfir að samtökin séu tilbúin að setjast strax að samningaborðinu.

Þá til að ræða vopnahlé á átökunum á Gasa, ekki uppskeruhorfur eða jafnrétti kynjanna, heldur um vopnahlé. 

Og vopnahlé þýðir að þeir séu að berjast við hinn aðilann sem situr við samningaborðið, það er innrásarlið Ísraela.

 

Að þurfa að benda á þessi sannindi til að rjúfa þagnarmúr heimskunnar á Íslandi, þar sem meginfjölmiðlar þjóðarinnar; Morgunblaðið, Rúv og Vísir, mata fólk stanslaust á einhliða áróðri Hamas samtakanna, tala um stríð sem þjóðarmorð og að fólk, sem fellur í átökum hinna tveggja fylkinga, Hamas og Ísraelshers, að það sé drepið af öðrum aðilanum, er mikill áfellisdómur yfir íslenskum fjölmiðlum.

Jafnvel Aljazeera, sem er ekki beint hlutlaust í þessum átökum, segir frá þegar Hamas nær að fella ísraelska hermenn sbr. til dæmis í frétt frá 8. júlí; "The Israeli military says five of its soldiers have been killed after Palestinian fighters detonated explosive devices during an operation in northern Gaza’s Beit Hanoon area.".

Það eru nefnilega skýringar á því að samtök eins og Þjóð gegn þjóðarmorði verða til, og ganga í takt með þeim aðila sem ber ábyrgð á þjóðarmorðinu á íbúum Gasa.

Þjóðarmorð því Hamas hóf þetta stríð í þeim eina tilgangi að valda sínum eigin fólki sem mestu hörmungum til að vinna einhvern sigur í áróðursstríði.

Og í dag skála eftirlifandi leiðtogar Hamas í kampavíni, samtök eins og Þjóð gegn þjóðarmorði sýnir að þeim hafi tekist vel til, reiknað hlutina rétt sbr.;  "Gaza Chief’s Brutal Calculation: Civilian Bloodshed Will Help Hamas.".

 

Það fellur fólk í stríði, jafnt hermenn sem óbreyttir borgarar, og þá þar sem er barist.

Vilji menn ekki slíkt, þá hefja menn ekki stríð, vilji menn að stríð linni, þá styðja menn ekki einhliða árásaraðilann sem viljandi hóf stríðið og ætlaði að sigra það með blóði síns eigin fólks.

Þessi sannindi sem eru auðskilin en ekki skilin á Íslandi í dag.

 

Á árinu 2024  féllu 363 ísraelskir hermenn í bardögum, og "5,569 soldiers wounded since the October 7 attack, with 815 seriously injured " svo ég vitni í The Long War Journal.  Í öðru vefriti hjá samtökum sem fjalla um og meta átök í heiminum og þá má lesa þetta um hernaðartaktík Hamas, sem er líklega skýring þess að Ísraelsher vildi ekki fara inní Gasaborg.

"Hamas has increasingly shifted toward guerrilla warfare tactics, ambushing Israeli soldiers with explosives. In several cases, Hamas militants detonated landmines, buildings, and tunnel shafts as Israeli soldiers approached targeted sites. Hamas’ extensive tunnel network, which remains functional in many areas, likely played a significant role in enabling its fighters to carry out hit-and-run operations".

Jarðsprengjur, sprengjugildrur, fyrirsát þar sem jarðgöngin gegn lykilhlutverki, skýra þetta mannfall, særðra sem fallna.

Og þegar jarðgöng finnast undir skólum og spítölum, og ísraelski herinn sýnir myndir þar um, þá er ekki hægt að rífast um réttmæti slíkra bygginga sem skotmarka.

Vilji hið meinta alþjóðasamfélag ekki slíkt, þá biður það Hamas kurteislega að hætta nota slíkar byggingar í hernaði sínum.

 

Í ísraelska fjölmiðlinum Haaretz, sem er vinstri sinnaður fjölmiðill og stundar gagnrýna blaðamennsku á hernaðinn á Gasa, má lesa í þessari grein um alla þá 854 hermenn sem höfðu fallið í Gasa stríðinu þegar greinin var samin, hvernig þeir féllu, hvar, ásamt því að birta mynd af hinum föllnu hermönnum. Linkur á þessa grein er hér fyrir neðan.

On All Fronts: Israel's Fallen Soldiers, and How They Fell

Þar sjáum við myndir ungs fólks sem hefur fallið vegna þessa stríðs sem Hamas hóf með voðaverkum sínum í Ísrael og gíslatökunni.

Ungt fólk sem átti að lifa en dó, alveg eins og allt fólkið á Gasa sem átti að lifa en dó.

Og þjóðkirkjan okkar styður þær hörmungar allar saman og áframhald þeirra.

 

Því ef átökin á Gasa eru þjóðarmorð á ábyrgð Ísraela þá byggist öll skipan heimsmála og alþjóðastofnanir frá 1945 á samskonar þjóðarmorði.

Þjóðarmorði Breta, Bandaríkjamanna og Sovétríkjanna á um 9 milljónir Þjóðverja, um 15% þjóðarinnar.

Þar sem fólk var drepið og borgir jafnaðar í rúst.

 

Því ef sá er sekur sem ráðist er á, og hefur þann styrk og kraft sem þarf til að sigra árásaraðilann, þó það sér gert á hans eigin heimalandi með miklum mannfórnum og eyðileggingu, og sá er saklaus sem hóf stríðið með árásum og voðverkum á önnur lönd, þá gildir það bara ekki núna, heldur alltaf.

Þá lifum við heim þar sem stríð borga sig, voðaverk borga sig.

Að það sé sjálfsagt að ætla að drepa og útrýma heilum þjóðum, og ef það mistekst þá er viðkomandi fórnarlamb.

Sem er upphafinn og dáður, saklaus af öllum sínum voðaverkum, svo saklaus að hann berst ekki þó hann berjist og mannfall hans sé vegna drápa hinna vondu, þeirra sem ráðist var á og átti jafnvel að útrýma.

 

Svo segja menn að Nýnasistar séu bilaðir.

Fólk ætti að líta sér nær.

Kveðja að austan.

 

Gefur Hamas „sína hinstu viðvörun“