Þegar Mogginn vitnar í bjánatal.

 

Setur í fyrirsögn að "Langtímalausn felst í tveggja ríkja lausn", þá annars vegar sér maður í rauntíma hve illa tekjuhrap hefur leikið borgaralega fjölmiðla, þannig að fagleg þekking sem er forsenda góðar blaðamennsku, hefur smán saman dagað uppi, í stað reyndrablaðamanna  með þekking og reynslu, þá er þeim skipt út fyrir örugglega ágætis fólk, en býr ekki að því sem þeir eldri höfðu, og eru núna flognir í veg, svo vitnað sé í snilldarlag KK.

Hins vegar fær maður um sig allan kjánahroll sem er þannig séð út úr kú í hitanum í dag hér fyrir austan.  

Það er hrollurinn.

 

Það má deila um, og ég ætla ekki að blanda mér í þær deilur, hvort vonin um tveggja ríkja lausn hafi dáið með morði öfgagyðinga, örugglega stýrt af því fjármagni sem græðir á óöld og upplausn, á Isak Rabin, eða þegar Hamas náði völdum á Gasa.

 

Rabin var drepin því hann trúði innilega að lausnin á sífeldum átökum með gagnkvæmum drápum, væri leiðin sem Sameinuðu þjóðirnar mörkuðu 1948 og kvað um tveggja ríkja lausn, annars vegar ríki Palestínuaraba og hins vegar ríki gyðinga.

Lausn, sem arabaríkin drápu í fæðingu með innrás sinni í hið nýstofnaða ríki gyðinga, árás sem hafði þann eina tilgang að útrýma hinu nýja ríki, þó deilt sé um hvort ásetningurinn hafi líka verið útrýming íbúa þess.

 

Lausn sem dó eftir ósigur arabaríkjanna, annars vegar yfirtók Egyptaland Gasa og hins vegar hertók Jórdanía Vesturbakka Jórdanárinnar.

Þó heimskir fræðimenn, þar af innlendum er núverandi rektor Háskóla Íslands líklegast sá heimskasti því ekki er hægt að kenna vanþekkingu um fáfræðina, þá var það þetta hernám Egypta og Jórdana á landsvæðum hins nýja Palestínuríkis, það er samkvæmt ályktun Sameinuðu þjóðanna, endir á hugmyndinni um Tveggja ríkja lausn.

Staðreynd sem fáfrótt, heimskt fólk, sem telur sig hafa menntun og þekkingu því það lærði eins og páfagaukurinn, hefur horft framhjá þegar það þjónar auðnum við Persaflóann með tali sínu um að það væri Ísraelsmönnum að kenna að af því varð ekki.

 

Rabin vildi frið, Nethanyahu tók við, örugglega tengdur þeim öflum sem létu myrða Rabin, og þegar örlaganornirnar byrja að kyrja sinn illsku seið, þá leiðir ein ógæfan að annarri, það segir allavega Macbeth.

Hamas, með miklum fjárstuðningi miðaldafólksins við Persaflóann (Hamas-samtökin vörðu miklum hluta fjár síns til uppbyggingar samfélagsþjónustu í Palestínu samhliða því sem samtökin stóðu fyrir áframhaldandi árásum gegn Ísraelsríki. Áætlað er að frá 1993 til 2009 hafi rúmlega 500 manns látist í um 350 árásum sem Hamas-samtökin stóðu fyrir.), vann kosningarnar á Gasa 2007, þá var ljóst að draumurinn um tveggja ríkja lausn var endanlega draumur sögunnar, horfinn inní rykfallnar geymslur hennar.

Samtök sem stefna að útrýmingu "hins ríkisins", semja ekki um tveggja ríkja lausn.

 

Að segja eitthvað annað er dæmi um heimsku, fávisku eða þaðan af eitthvað vitsmunalega verra.

Þorgerður Katrín er alls ekki ein um þetta bjánatal, að bulla svona út í eitt.

 

Hún eltir aðeins langa lest vanhæfra vestrænna stjórnmálaleiðtoga, sem eru afsprengi geldingar hin Pólitíska rétttrúnaðar sem kenndur er við ofsalega Góða fólkið.

Gelding því þegar allt mannlegt atferli og mannlegir brestir eru teknir út, þá má líkja vitsmuni og persónuleika viðkomandi stjórnmálamanna við heilalínurit hjá sjúklingi í Koma, aðeins flöt lína.

 

Samt er á allri heimsku og fávisku takmörk, nema kannski hjá Dúdú fuglinum í stórvirkinu Ísöld en hann var jú teiknimyndapersóna.

Samt eftir voðaárásir Hamas, sem snérust minnst um dráp, heldur nauðganir, limlestingar, þannig að jafnvel börn voru brennd lifandi, það er þau sem voru ekki svo heppin að vera skotin í bílstólum bifreiða foreldra sinna.

Þá hélt hin óendanlega forheimska og fávitaháttur áfram að tala um að lausnin á átökunum á Gasa, átök sem Hamas beint stofnað til með voðaverkum sínum og gíslatöku, væri hin svokallað Tveggja ríkja lausn.

 

Hvað er verið að sanna með þessu tali??

Er verið að sanna í gegnum mannlegt atferli, sem eðlisfræðin hefur ekki ennþá getað sannað með tilraunum sínum, að það sé eitthvað til sem heitir óendanlegt.

Það er hin óendanlega heimska.

 

Og eru hinir lítthæfu blaðamenn Morgunblaðsins að hjálpa til með þessa tilraun um að staðfesta óendanleikann.

Með að vitna í Þorgerði Katrínu í fyrirsögn þessarar fréttar; Langtímalausn felst í tveggja ríkja lausn.

 

Jæja, það þarf ekkert að ræða það frekar.

 

Samt þegar maður horfir á myndirnar af rústunum á Gasa, þá spyr maður sig, er þessi rannsókn á tilvist óendanleikans, með vísan í hina óendanlega heimsku, ekki dæmd til að mistakast.

Halda menn virkilega að það sé til einhver í alheiminum, sem er tilbúinn að leggja til fjármagn á uppbyggingu á Gasa, uppbyggingu sem verður að engu næst þegar Hamas, með stuðningi Tyrkja og miðaldalýðsins við Persaflóa, reynir að útrýma nágrönnum sínum í Ísrael??

Viðurkenni samt reyndar að ef sá aðili finnst, þá er vissulega komin viss sönnun á óendanleikanum.

 

En hann mun aldrei finnast.

Sama hve Mogginn vitnar oft í þær stöllur Þorgerði og Kristrúnu, eða dvergana á meginlandi Evrópu, sem hafa ekkert gáfulegra til málanna að leggja.

 

Það er nefnilega þannig að bjánar eru út um allt.

En það er samt ekki þannig að borgaralegir fjölmiðlar leggi sig í líma við að elta uppi bjánaskap þeirra og bjánatal.

Allavega í mínu ungdæmi þá var sérstakt tímarit, virkilega merkilegt tímarit sem hét Úrval, og sagði manni ýmsar spennandi sögur í bland við furðulegar sögur.

Til dæmis eins og manninn sem nýtti sér rafkrafta vatnsameinda til að fleyta timbri uppá við, átti þar með að sanna að vatn gæti alveg runnið uppá móti, ekki eðlisfræðilega heldur í huga bjána sem trúðu öllu.

 

Úrval er liðið, blessuð sé minning þess og skemmtun við að lesa það ágæta tímarit.

En að svo sé svo illa komið fyrir ritstjórn Morgunblaðsins, að hún telji sér satt og skylt að taka upp þessa gleymdu ritstjórnarstefnu, það er eitthvað sem maður átti ekki beint von á um mitt árið 2025.

 

Einhver réttlætir þetta með kannski að segja að hinir miður hæfir blaðamenn Morgunblaðsins gerðu fátt annað en að vitna í Þorgerði Katrínu utanríkisráðherra.

En svarið er einfalt, þú vitnar ekki í hvað sem er.

Og ef þú vilt það, þá er meiri húmor í að vitna í mjög svo skemmtilega pistla sem voru skrifaðir reglulega í Morgunblaðið, fyrir um 50 árum síðan, samt aðeins seinna, þar sem einmitt pistlahöfundur trúði því einlæglega að það væri hægt að fleyta trjábolum uppámóti, auk margs annars sem gat alveg gerst, forsendan væri aðeins að trúa því.

 

En þegar fáráð eru notuð sem rök til að styðja samverkafólk Hamas á Gasa, samtök sem skilvirknislega útveguðu samtökunum matvæli sem þau gátu svo selt með góðum hagnaði til að fjármagna áframhaldandi þjóðarmorð sitt á íbúum Gasa, þá eru slík fáráð dæmi um siðleysi.

Afsökun Þorgerðar er forheimskan, þátttaka hennar í tilraun til að mæla endamörk þess sem hægt er að mæla, en hver er afsökun Morgunblaðsins???

 

Svona fyrir utan að það er gott að þiggja fé frá Íslamistum Persaflóans við rétta af hallarekstur blaðsins, þó fórnarkostnaðurinn  er hroði frá áróðursdeild Hamas sem hefur grafið um sig á ritstjórn blaðsins.

Samt ekki.

 

Arfleið blaðsins er ekki forheimska og fávitaháttur.

Að gefa henni vægi, er árás á öll þau gildi sem blaðið hefur staðið fyrir í rúm 100 ár.

 

Sem vekur upp spurninguna; 

Hverjum þjónar blaðið í raun?

Trójuhesturinn þjónaði allavega ekki íbúum Tróju.

 

En þjónar Morgunblaðið í raun borgarlegum gildum og borgarlegu fólki?

Stundum finnst manni það, stundum ekki.

 

En á það að vera svo.

Það er að efinn.

 

Moggin er samt betri en ekkert.

Kveðja að austan.

Langtímalausnin felst í tveggja ríkja lausn

"Ekki sé deilt um það ... hefði verið vit­leysa".

 

Eru varnarorð Aðalsteins Kjartanssonar og vísar þar í skrif Páls Vilhjálmssonar sem hann vildi fá dæmd ómerk.

Spurningin er, ætla blaðamenn að láta kollega sinn komast upp með þessa málsvörn??

 

Það er hægt að segja hvað sem er, ég get til dæmis sagt í færslu að jörðin sé flöt og að samkvæmt biblíunni sé sköpunin, jörðin og allir fylgihnettir hennar sem snúast um hana og kallast alheimurinn, aðeins rétt innan við 5.000 ára gömul.

Og ef ég væri á ákveðnu vefsvæði í Bandaríkjunum þá fengi ég um það bil hundrað þúsund læk á færslu mína.

 

Orð mín verða samt ekki réttari fyrir það, ekki frekar en orð Aðalsteins um að ekki sé deilt um að orð Páls séu vitleysa og hann fái mörg læk á þau orð sín í þeim kreðsum Góða fólksins, sem telur allt í lagi að blaðamenn skipuleggi morðtilræði á einum samborgara okkar til að afla gagna í falsfrétt.

Vegna þess að þessi orð stangast á við staðreyndir, og aðeins samdauna blaðamenn óhæfuverkum láta kjurt liggja.

Gleymum aldrei að aðeins tilviljun réði því að þetta morðtilræði á samborgara okkar varð ekki að morði.

 

Gerandi þessarar morðtilraunar er þekktur, og það er vitað hvaða hópur blaðamanna kom að skipulagningu morðtilraunarinnar.

Þar sem sá hópur steinþegir, hindrar þar augljóslega gang réttvísinnar, þá er ekki hægt að færa sönnur á hver gerði hvað, og þar með er málið látið niður falla.

Sambærilegt eins og þegar mafíuforingjar koma saman í bakherbergi að skipuleggja dráp á vitnum í máli gegn þeim, og þeir sýknaðir saka þegar handbendið, sá sem sá um morðtilræðin játaði morðin.

Slíkt er auðvita ekki réttvísi heldur réttarkerfi sem er hannað til að vernda glæpahyski sem skipuleggur sig.

 

Hvenær hafa verið réttarhöld á Íslandi yfir öðrum en handbendum, var til dæmis ekki leigumorðingi dæmdur en ekki sá eða þeir sem fyrirskipuðu morðið??

Nöpur staðreynd svona í ljósi þess að Ríkislögreglustjóri kinnroðalaust gaf út skýrslu sem hvað á um 12-15 glæpasamtök sem fengju að starfa hér innanlands án nokkurra afskipta réttarkerfisins.

 

Með því að taka orð Aðalsteins trúanleg, orð sem stangast á við allar þekktar staðreyndir þessarar morðtilraunar á einum af samborgara okkar, þá eru íslenskir blaðamenn að samsinna sig spillingu samfélags þar sem glæpir borga sig, það er ef þú skipuleggur þá og passar þig á að fóðra vasa réttra aðila.

Aðalsteinn er einn af eiturbyrlununum, hann er það á meðan hann þegir um sinn hlut, því þetta er bara eins og hjá skyttunum þremur, einn fyrir alla og allir fyrir einn.

 

Vilji hann hreinsa nafn sitt þá útskýrir hann hver gerði hvað, hver skipulagði glæpinn og sá um framkvæmd hans. 

Þá er ég ekki bara að tala um morðtilraunina sjálfa, heldur ránið á símanum, hver tók við honum og afritaði gögnin, sá svo um að skipuleggja falsfréttaflutninginn sem unnin var úr gögnum hins stolna síma.

 

Hann getur svo sem eins og annað hyski borið sök á yfirmann sinn hjá Rúv, Þóru Arnórsdóttir, og játað aðeins samsekt um meðvirkni glæpsins.

Sama geta þeir gert, starfsmenn þingflokks Samfylkingarinnar sem komu að þessu morðtilræði, upplýst um mafíuforingjann sem skipulagði glæpinn, segjast sjálfir ekkert hafa komið að málinu á annan hátt en að búa til falsfréttina sem var unnin úr gögnum úr hinum stolna síma.

 

Þetta gera allir minna sekir, þeir benda á þennan aðal, köngulónna í miðjum vefnum.

En þar sem allir eru jafn sekir, koma að skipulagningu glæpsins frá upphafi, þeir þegja.

 

Eða segja til dæmis; "ekki sé deilt um það að það sem Páll hefði skrifað hefði verið vit­leysa.".

Því það er augljós árás á staðreyndir málsins.

 

Munum svo að samfélag, sem líður morðárás fréttamanna á einn af samborgurum okkar, morðárás sem til þess eins var hugsuð að stela síma og afrita gögn úr honum, til að ná höggi á stærsta sjávarútvegsfyrirtæki þjóðarinnar, er sjúkt samfélag.

Hrjáð meinsemdum sem aðeins grafa sig dýpra og eitra út frá sér út um allt samfélagið.

 

Munum að eiturlyfjabælið Mexíkó var ekki alltaf svona.

En það varð svona því fólk leit undan, reis ekki upp gegn spillingunni þegar hún byrjaði að grafa um sig.

Byrjaði að eitra út frá sér um allt samfélagið.

 

Málfrelsi er vissulega mikilvægt og einn af hornsteinum lýðræðisins.

En þetta mál er bara miklu stærra en það.

Því það snýst um sjálfan hornstein mennskunnar sem drífur áfram siðmenningu okkar, að mannslíf sé heilagt og því beri að vernda.

 

Sá hornsteinn brestur ef við þegjum öll nema Páll.

Viljum við þann brest??

Kveðja að austan.

 

Segir dóminn veita tjáningarfrelsinu vörn