Vinir Trump þétta sig.

 

Sýna að þeir eru traustir bandamenn friðar og stöðugleika í heiminum.

Og til að greiða strax úr þeirri villu meinstrím fjölmiðlanna, eða heita þeir það ekki?? að þá er ekki verið að æfa vegna einhverrar "ógnar sem rík­in telja að stafi af Banda­ríkj­un­um.", það er falsfrétt, lygi, uppdiktuð, skáldskapur, eitthvað sem allir vita sem lesa frjálsa sjálfstæða fjölmiðla, sem skýra frá en taka ekki þátt í allsherjarsamsæri ófriðarseggja með Evrópu vestan Rússlands í fararbroddi.

 

Núna þegar þeir félagarnir og vinir, má ekki gleyma því; Trump sagði það, eru á lokametrunum að tukta ófriðarseggina í Úkraínu, þeirra sem skammarlaust réðust inní Rússland 2014, segi svo menn að ég kunni ekki fræðin, með stórauknum friðarloftárásum á borgi og bæi landsins, og ætla svo að semja um réttlátan frið einhvern tímann eftir helgi, eða þar næstu helgi, þá er aðeins Taívan eftir.

Það er í fyrsta fasa friðun heimsins.

 

Taívanar hafa lengi verið miklir ófriðarseggir, verið með dólg við ríkið sem einu sinni réði yfir þeim, svona líkt og ófriðarseggirnir í Úkraínu við Rússland, en núna á aðeins eftir að dagsetja innrás Taivan í Kína og fljótlega eftir það mun friður aftur ríkja á þeim ófriðarslóðum.

Írönum mistókst að friða Ísrael með þekktum stríðafleiðingum, heræfing þessi er því hugsuð til að auka þeim aftur kjark og þor svo þeir verði aftur nytsamir í að stuðla að friði og stöðugleika í heiminum.

 

Bandamenn Trumps láta ekki að sér hæða, stöðugir sem fyrr í friðarstarfi sínu.

Vinir hafa skálað af minna tilefni og örugglega er skálin á lofti bæði í Kreml og Hvíta húsinu.

Á meðan eykst stríðsæsingatalið í Evrópu, það er vestan hins friðsama Rússlands, sumir þekkja einfaldlega ekki sinn friðartíma.

 

Svona er heimurinn í dag í huga margra félaga minna hér á Moggablogginu.

Og reyndar víðar, vitleysan lætur seint að sér hæða.

 

Þess vegna fór ég bara að horfa á þættina um Churchil á Netflix, alltaf hressandi að horfa á svona stríðsæsingarmann sem vildi vígbúast á meðan aðrir vildu mæta ofbeldisseggnum með því að leggja niður vopn.

Skrýtið hvað sagan endurtekur sig.

Kveðja að austan.

Íranir, Rússar og Kínverjar saman á heræfingum

Þegar lögmenn taka yfir umræðuna.

 

Þá er réttlætið fyrst til að láta undan.

Þeirra réttarkerfi sem þeir hafa náð að þróa í góðu samstarfi við glæpasamfélagið er að ef þú hefur efni á góðum lögfræðing, þá kemstu upp með næstum hvað sem er, ef ekki þá ertu sekur um næstum hvað sem er.

 

Ég hef ekki lengi leið meiri furðufrétt en þessa sem ég tengi við, hún slær meir að segja við Ekki fréttinni af Degi að hann færi rangt með, og ég varð ringlaðri en þegar ég hlustaði á Dag aukaleikara útskýra fyrir fréttamanni Rúv hve ánægður hann væri með að þjóna sem aukaleikari fyrir Kristrúnu Frostadóttur.

Já, hvernig á að skilgreina glæpinn svo hægt sé að dæma.

Og ef þú vilt ekki dóm, þá orðar þú ákæru þannig að ekki sé sakfellt.

 

Erum við ekki að tala um réttarkerfi í þágu almennings??

Þannig að þegar glæpafólk fremur á okkur glæp, þá sé glæpurinn rannsakaður, ákært fyrir hann og síðan refsað eftir eðli málsins.

Þó dómurinn væri ekki annar en; Skammist ykkar fyrir að skipuleggja morðtilræði sem aðeins lánið kom í veg fyrir að yrði morð, ræna síma fórnarlambsins, afrita gögnin úr honum og skipuleggja síðan herferð falsfrétta uppúr hinum stolnu gögnum.

 

Bara Skammist ykkar væri viss dómur og visst réttlæti.

Nei, þetta snýst orðalag.

Réttlæti snýst um orðalag

 

Orðalag var það heillin.

Svo skilur fólk ekkert í því að allt er falt.

Og menn komast upp með allt.

 

Nei, þetta er alveg óskiljanlegt.

Kveðja að austan.

Frömdu starfsmenn Ríkisútvarpsins innbrot?