8.10.2025 | 13:25

Ruggludallaáhrifin.

Það dregur enginn í efa eldmóð Möggu Stínu í þeim málum sem hún beitir sér fyrir.

Sem er köflum stundum það mikill að þeir sem eru með maníugreiningu gætu farið að efast um hvort hún sé rétt.

Hér á Íslandi hefur hún verið fremst af samlöndum okkar i að styðja þá stefnu Hamas að fórna lífi íbúa Gasa til að ná fram markmiði samtakanna um alþjóðlegan þrýsting á ríkisstjórn Ísraels sem að lokum myndi leiða til viðurkenningar á sjálfstæðu ríkis Palestínuaraba.

Þessi markmið lágu fyrir í upphafi innrásar Hamas í Ísrael fyrir 2 árum, nema þessi viðurkenning var liður í að útrýma ríki gyðinga, og þau hafa reglulega verið ítrekuð af forystumönnum samtakanna.

Núna síðast í viðtali CNN við aðalsamningamann samtakanna ; "You know what is the benefit of October 7 now?" Hamad asked, before listing off growing international support for a Palestinian cause. "I think this is a golden moment for the world to change the history,".

Þessi orð lét hann falla í nauðvörn eftir að honum var sýnd myndskeið af þjáðum íbúum Gasa kalla í myndavélar; Hamas hlífið okkur með því að leggja niður vopn.

Reyndar sagði hann fyrst að þessi áköll væru ekki dæmigerð því íbúar Gasa væru tilbúnir að fórna lífi sínu fyrir málstaðinn um sjálfstæða Palestínu (hann sleppti að minnast á útrýmingu Ísraels). Þá var hann spurður; Hvaða rétt hafið þið til að ákveða að fórna lífum kvenna og barna til að ná fram pólitískum markmiðum ykkar??, eða eitthvað svoleiðis eftir minni.

Þá komu þessi orð um benefit, líf hinna 66 þúsund Gasabúa hefðu skilað þeim árangri sem hann lýsti svo,

Magga Stína hefði ekki í mínútu tafsað á svarinu, hún hefði bara sagt að þetta væri allt Ísraelsmönnum að kenna.

Ákall Abbas forseta Palestínu frá því í mars síðastliðnum um að Hamas sýndi íbúum Gasa samhygð og leggðu niður vopn og yfirgæfu Gasa er sem latína í eyrum Möggu Stínu.

Þú sýnir aldrei samhygð í heilögu stríði, þetta er allt hinum að kenna.

Andskotans aumingjar og ræflar að vilja ekki líða gíslatöku eða samtök sem hafa það eina markmið að útrýma þeim.

Það er því rökrétt framhald af baráttu Möggu Stínu í þágu þeirra markmiða Hamas að fórna lífi kvenna og barna, meðan hermenn samtakanna eru tiltölulega öruggir í neðanjarðabirgjum sínum, vel haldnir af mat og drykk, að hún skuli fá sér far með sýndarmennskuflotanum sem kallar sig Frelsi.

Munum að Abbas ákallaði Hamas um að frelsa íbúa Gasa frá frekari hörmungum, og núna hafa arabaríkin loksins getað knúið Hamas að samningaborðinu til að skipuleggja þá frelsun.

Frelsi frá átökum, frelsi frá dauða og eyðileggingu, frelsi frá Hamas.

Frelsisflotinn ætlar hins vegar að halda áfram að upphefja sjálfan sig og það athyglissjúka fólk sem siglir þar á smákænum í nafni mannúðar.

Kannski með samtals mannúðargögn sem kæmust fyrir í einum af yfir 100 trukkum sem fara yfir landamæri Gasa á hverjum degi.

Og þykjast vera hjálpa íbúum Gasa sem þrá bara frið.

Ruglað???

Já.

Bilun??

Já.

Samt þeirra val, og það ber að virða.

En að básúna þetta rugl út eins og gert er í þessari frétt, er hins vegar dæmi um rugludallaáhrif eins og þau gerast best.

Hvað héldu menn að myndi gerast annað en að Ísraelsmenn myndu stöðva för þessara skipa??

Þeir eru jú í stríði.

Er einhver einfeldningur á ritstjórn Morgunblaðsins sem heldur að þessi heimsfrétt um Möggu Stínu væri innlegg í friðartalið sem nú á sér stað í Kaíró.

Eða er eitthvað dýpra og rotnara að baki, að nú þurfi að leggja á árarnar með Hamas til að koma í veg fyrir útrýmingu samtakanna sem er óhjákvæmileg afleiðing friðar á Gasa.

Skítt með líf og limi saklaus fólks, það eru sístríð og átök sem selja.

Eða er þetta bara venjuleg rugludallaáhrif sem geta jafnvel smitað hið skynsamasta fólk.

Veit ekki.

Langar ekki að vita.

En aumur er Mogginn.

Og því miður ekki í fyrsta sinn frá því að Hamas framdi voðaverk sín.

Það er ekki einu sinni hægt að gefa voninni um frið tækifæri.

Kveðja að austan.