Vælukjóar og kerlingar ætla í stríð.

 

Svona í anda kellinganna sem virtu verkferla meira en líf ungs fólks á Útey.

Verkferlarnir sögðu þá, fyrst að það er skotárás á eyju, þá á að senda sérsveit á slöngubáti til eyjunnar, og þegar viðkomandi bátur fór ekki í gang, þá sorry.

Á meðan skaut Breivik aftur og aftur, tug eftir tug, í beinni útsendingu frá fréttaþyrlum.

 

Staðarlögreglan mátti ekki senda skyttu með þyrlunum til að skjóta Breivik, það gekk gegn verkferlum kerlinganna, hvað þá að senda skyttur með bát til að vernda ungmennin, bjarga lífi tuga eftir tuga.

Það hlálegasta síðan að árlega halda kellingarnar minningarhátíð um sína eigin smán, kenna vissulega Breivik um en ábyrgðin á dauða tuga eftir tuga, er algjörlega þeirra.

Eftir stendur spurningin; hvað var venjulegt fólk á landi að hugsa að hlýða kerlingunum og verkferlum þeirra.

 

Svipaðar kerlingar, með nokkra vælukjóa þykjast ætla í stríð við Rússa, og þá eftir öllum vel skilgreindum verkferlum.

Þeir verkferlar gera ekki ráð fyrir skuggaflota Rússa, ógnina sem stafar af þeim flota, eða að glottandi Rússar haga sér eins og þeir vilja í löndum kerlinganna.

Því Rússar eru ekki kerlingar, þeir eru í stríði, og í stríði notar þú þau vopn sem þú færð uppí hendurnar, eða hefur fyrir.

 

Brandarinn um drónana í Danmörku ætlar engan enda að taka, eða þá fréttirnar af þessum voðalegum skuggaflota Rússa sem á að hafa gert, og mun gera hitt og þetta.

Til dæmis að vera í stríði við ríki kerlinganna.

Hina vanhæfu Evrópu sem hugsanlega gæti sigrað næsta þorskastríð en varla meir.

 

Þar sem kellingar í bland við stæka gyðingahatara upphefja Íslamista Hamas, gera sitt til að hjálpa þeim að drepa og útrýma fólki sem aðhyllist önnur trúarbrögð, vitandi að þessir sömu Íslamistar hafa hreiðrað um sig í borgum og bæjum Norður og Vestur Evrópu, bíðandi síns vitjunartíma.

Kerlingar nefnilega hjálpa óvinum sínum, svona fyrir utan að þær leggja niður iðnað og framleiðslu í Evrópu í nafni loftslagstrúboðsins, treysta á að Kínverjar haldi hagkerfi þeirra gangandi þegar til stríðs kemur.

 

Fólk hins vegar, sem ætlar í stríð, eða telur sig vera í stríði, það rannsakar ekki skip sem það telur tilheyra Skuggaflota Rússa, það hertekur það, og ef einhver lögmannnefnan ætlar að mótmæla því, þá er henni einfaldlega stungið inn.

Ef drónar ógna flugi og öryggi, þá eru allir grunsamlegir handteknir, og ef gerendur eru taldir vera á skipum, þá eru þau skip skotin niður, án athugasemda.

Bara það eitt mun eyða meintum Skuggaflota Rússa áður en gaukurinn galar þrisvar, því þeir gróðamenn sem leggja til skip og búnað, munu forða sér á einni, þeir græða á kerlingum, en þeir eru ekki tilbúnir að tapa gegn fólki.

 

Úrkynjun og hnignun Vesturlanda á sér margar birtingarmyndir, stuðningurinn við morðóða Íslamista Hamas er aðeins ein af mörgum slíkum myndum.

Að vita ekki hvernig börnin verða til er önnur.

Að eyðileggja orkuöflun ásamt því að stefna á orkuskipti þar sem allir íhlutir koma frá Kína er dæmi um þá þriðju.

 

En að ætla sér að fara í stríð undir forystu vælukjóa og kerlinga, er hins vegar fáheyrð heimska sem á sér enga hliðstæðu úr mannkynssögunni.

Enda glotta Rússar, jæja, þeir reyndar hlæja, og óttast ekki digurbarka Evrópu.

Sem eru ekkert annað en óhljóðin og forheimskan.

 

En ef Mette skýtur í kaf hið grunaða norska skip, þá er von.

Þá hefur sterk kona tekið við af kerlingunum.

 

Sem og að glottið hverfur að andliti Pútíns.

Og Hamas yfirgefur Gasa.

Kveðja að austan.

Frakkar taka eitt skipanna til rannsóknar