Við erum ekki lengur félagasamtök

 

Núna erum við orðin stjórnmálaflokkur sagði Inga Sæland landsfundi flokksins, og uppskar mikið lófatak.

Bætti samt efnislega við þó það væri ekki sagt í berum orðum, að hún ætti samt ennþá flokkinn, þar með réði hún öllu.

Það fylgdi svo ekki sögunni hvort þá hefði verið klappað.

 

Það efast enginn um baráttustyrk og baráttuvilja Ingu Sæland, og að hún mæli þessi orð af heilindum; "Mál­flutn­ing­ur okk­ar og þraut­seigja allt frá upp­hafi hef­ur í vax­andi mæli haft áhrif á umræðuna um börn sem búa við fá­tækt, um ör­yrkja og eldri borg­ara sem hafa verið hunsaðir ára­tug­um sam­an og ekki fengið sömu kjara­bæt­ur og aðrir".

Þess vegna er óskiljanlegt að hún hafi farið í ríkisstjórn undir forystu Viðreisnar, flokks Evrópu- og frjálshyggjudeildar Samtaka Atvinnulífsins.

 

Allt tal um réttlæti og umbætur á kjörum þeirra sem óhreinust eru af börnum Evu, steyta á skeri frjálshyggjunnar, vaxtastefnu Seðlabankans og kröfunnar um hallalaus fjárlög.

Því vaxtastefnan og hin hallalausu fjárlög er jafnvægi ójafnaðarins, jafnvægi sem er hannað til að auðlegðin vaxi og dafni í vösum hinna ríku, og þá sérstaklega hinna ofurríku sem eru hluti af, sem og samtengdir glóbalauðnum sem stefnir á eitt ríki, eina stétt, hina ofurríku, og svo við hin sem eru aðeins kostnaður sem miskunnarlaust á að skera niður.

Skera niður velmegun, innviði samfélaga, atvinnulífið í nærumhverfi, helsti óvinurinn, það er glóbalauðsins, er einstaklingurinn og fyrirtæki hans.

 

Fyrir þessa þjónkun, að mega setja á flot fley baráttumála Flokks fólksins, til þess eins að sjá það steyta á skeri Viðreisnar og frjálshyggju hennar, fórnar Inga varðstöðu sinni fyrir sjálfstæði þjóðarinnar.

Valdið í ríkisstjórninni ætlar með þjóðina í ESB, hefnt skal þess þegar ekki tókst að koma skuldum útrásarvíkinga  á almenning með því að breyta froðukrónum í evru, auðn regluverksins sem skáldið orti um og kallaði Waste Land, skal vera hlutskipti þjóðarinnar á meðan henni, tungu hennar og menningu er skipt út fyrir flakkaralýð glóbalsins.

Og ef einhver sem hefur ekki ennþá kveikt á valdinu innan ríkisstjórnarinnar þá skal bent á að Stalín var aðeins ritari.

 

Inga er þó formaður, eigandi, og ræður öllu sem hún vill ráða innan Flokks fólksins.

Hvílíkur skrípaflokkur er sá flokkur orðinn að landsfundur hans skuli hlusta á orð Ingu um trén í Öskjuhlíðinni án þess að ganga út.

Flokkurinn kennir sig jú við fólk, og það er fólk, við hin venjulegu sem gjörspillingin í Reykjavík ógnar í firringu sinni og siðblindu.

Og Inga hefur líf okkar og limi í flimtingum til að réttlæt samstarf sitt við þá gjörspillingu.

 

Ég kaus Ingu og félagasamtök hennar þar síðast, ég hef líka tvisvar, jafnvel þrisvar kosið Vinstrigræna þegar ég trúði að þeir félagar Steingrímur og Ögmundur væri brimbrjóturinn gegn alþjóðahyggju frjálshyggjunnar sem virtist hafa einbeittan vilja til að láta auðmenn eignast allt, verðmæti, auðlindir, og sjálft stjórnkerfið.

Íhaldið gat ekki einu sinni varið Sparisjóð Reykjavíkur fyrir þeirri ásælni, auðmennirnir voru búnir að innlima Samfylkinguna, og þá var fátt um fína drætti í vörnum okkar hinna venjulega.

Okkur sem kallast almenningur og viljum aðeins fá að lifa í friði til að koma börnum okkar á legg í mannsæmandi samfélagi. 

Í vissu skjóli fyrir ráni og rupli hinna sígráðugu sem fá aldrei nóg.

 

Jæja, ég viðurkenni þó, að ég kaus Steingrím Joð, og ég skammast mín ekkert fyrir stuðning minn við Ögmund.

En frekar skal ég hundrað sinnum játa að ég hafi kosið Steingrím en einu sinni Ingu, og þar eru ekki svik Ingu sem vega svo þungt að hlutfallið er einn á móti hundrað, svik hennar eru aðeins mini mini við hin algjöru svik Vinstrigrænna við hugsjónina um betri og réttlátari heim.

Nei, það er ræða Ingu um flugvöllinn, þá fyrirlitningu á lífi okkar limum sem gegnsýrir orð hennar.

 

Sjálfsagt ætlaði hún að vera fyndin, en það er ekkert fyndið við orð hennar.

 

En tökum upp léttara hjal.

United gerði jafntefli við Everton í dag, það sama gerði KFA á Fellarrvelli.

Auk þess að horfa á annað afkvæmi mitt, þá horfði ég á marga unga heimastráka í báðum liðum, suma það jafnvel unga, að þeir eru yngri en strákarnir í Hetti og Fjarðabyggð sem ég horfði á spila leik ánægjunnar frá því þeir voru litlu hærri í loftinu en boltinn, alveg þar til þeir eru núna um og yfir tvítugt.

Alltaf sama leikgleðin, alltaf sama leitnin að spila góðan fótbolta líkt og þjálfarar þeirra í yngri flokkum lögðu svo mikla áherslu á.

Spilandi núna í tveimur austfirskum félögum sem leggja áherslu á að halda í heimastráka sína.

 

Því lífið heldur áfram þó firringin og gjörspillingin hafi eitrað næstum því allt í borginni við Sundið.

Þannig að það er ekki lengur logið uppá þetta fólk sem stjórnar þar því jafnvel mannlegt ímyndunarafl á sín mörk.

 

Viðspyrnan byggist á því góða, á hinu fagra, mennskunni og mannúðinni.

Sem og að kunna lúta höfði í bæn þegar beðist er fyrirgefningar, eða horfa til himins og láta fögnuð og kærleik almættisins hríslast um hverja taug og hverja frumu, og trúa að þrátt fyrir allt sé baráttan þess virði.

Einn daginn mun United sigra og einn daginn eru börnin komin til manns, floginn af heiman og búa að arfleiðinni og þeim heimamundi að trúa á hið góða og fagra í manneskjunni sem og lífinu.

 

Því það er móteitrið gegn eitrinu, eitrinu sem ógnar tilvist okkar sem og framtíð barna okkar, þjóðar og þess að vera Íslendingur.

Stoltur af uppruna sínum, af arfleið áanna, og því góða samfélagi sem fóstraði okkur og kom okkur til manns og mennta.

Samfélagi sem við ætlum að verja en ekki glata.

 

Sú vörn er okkar en ekki þeirra sem sviku.

Kveðja að austan.

 

„Nú erum við orðin stjórnmálaflokkur“

Svik fyrir völd.

 

Það er óhætt að segja að þegar eindrægni hins nýja kvennameirihluta í Reykjavík kom í ljós að það þyrfti tvær kosningar til að Sanna Magdalena yrði kosin forseti borgarstjórnar, að þar hefðu svik mætt svikum.

 

Sanna sveik kjósendur sína með því að framlengja líf gjörspilltustu flokka íslensku stjórnmálasögunnar, borgarstjórnarflokka Samfylkingarinnar og Pírata.

Vanhæfni, spilling, óráðssía, getuleysi eru orðin sem gegnlýsa stjórn flokkanna á höfuðborg okkar síðasta áratug eða svo.

Sem og siðblinda, aðeins alvarlega brenglað fólk ógnar lífi náungans á þann hátt að nota trjágróður til að ná markmiðum sínum að Reykjavíkurflugvöllur fari úr Vatnsmýrinni.

 

Kjósendur Sönnu eru hluti af þeim breiðu bökum sem bara þungann af stefnunni um vanhæfni og spillingu, það eru þeir sem fá illa veitta þjónustu þar sem obbinn af fjármununum fer í yfirbyggingu og fjöldastörf hinnar menntuðu millistéttar við að gera lítið sem ekki neitt.  Undir kjörorðinu; mikið inn, lítið út er of mikið.

Það eru þeir sem sitja uppi með okurleiguna eða uppsprengt húsnæðisverð, hvorutveggja sem vinnandi fólk hefur lítt eða ekki efni á.

Hvernig getur sósíalisti stutt þá græðgivæðingu að útboðinn byggingarréttur vegna þéttingar byggðar í kringum gæluverkefnið Borgarlínu sé skattur uppá rúmar 20 milljónir á óbyggðar blokkaríbúðir, og þá á eftir að leggja á raunverulega skatta, gatnagerðargjöld og annað sem leggst á úthlutaðar lóðir??

 

Það lýsir best falsinu á bak við þennan nýja meirihluta þegar oddviti Pírata sagði að lokum fyrsta fundi kvennanna 5 að núna ætluðu stelpurnar að taka til eftir strákana.

Sjálf búin að sitja í borgarstjórn í 7 ár, allan tíma í meirihluta, flokkur hennar í 11 ár.

Berandi beina ábyrgð á Græna skrímslinu í Álfabakka.

Þegar innleggið er fals, þá getur útkoman aðeins verið fals.

 

Fyrir völd með þessu fólki sveik Sanna Magdalena kjósendur sína.

Þegar á reyndi var hún alveg eins og hin.

Til sölu gegn réttu gjaldi.

 

Eftir sitja kjósendur hennar í sárum.

Eftir situr vinnandi fólk í sárum.

Atkvæði þeirra féllu dauð niður.

 

Sorglegt, mjög sorglegt, því Sanna lofaði góðu.

Var efnileg, virtist ærleg.

 

En svona eru stjórnmál á Íslandi í dag.

Engu uppá þau logið.

Kveðja að austan.

Sanna náði ekki kjöri í fyrstu tilraun

Trjágróður í forgang fram yfir líf

 

Nöturlegri lýsing á Íslandi í dag er vart fundin en þessi orð 9 bæjarstjóra landsbyggðarinnar, að "trjá­gróður í Öskju­hlíð njóti for­gangs þegar um líf og heilsu fólks utan af landi er að ræða."

Segir allt um þá firringu sem hefur náð að grafa um sig í stjórn Reykjavíkur, firringu sem tveir meintir rebel flokkar ætla að framlengja fram að næstu kosningum.

 

En þau segja líka allt um vangetu þess fólks sem landsbyggðin hefur kostið á þing til að gæta hagsmuna sinna.

Ég er einn af þeim sem fagnaði þegar tveir fyrrum bæjarfulltrúar Fjarðabyggðar hlutu örugg þingsæti hjá flokkum sínum hér í Norð-austur kjördæmi. En eftir að ljóst var að það þyrfti að loka Reykjavíkurflugvelli vegna þess að trjágróður ógnaði lágmarksflugöryggi, þá hvarflar að  mér að við hefðum alveg eins getað sent myndir héðan að austan til að fylla uppí þingsalina.

Fólk sem rís ekki upp og mótmælir þegar svona er komið, er einskis nýtt.

 

Flugöryggi, skert sjúkraflug, líf heilsa, dregið saman í eitt orð; mannslíf.

Skilja menn ekki alvarleik þessa orða??

 

Það virðist ekki vera, allavega ekki hjá okkar ágætu þingmönnum, eða hjá fjölmiðlum sem eru uppteknir af gallabuxum Jóns Gnarr eða styrkjamálum Ingu og félagasamtaka hennar.

Um hvað ræddu þingmenn í um 5 klukkutíma fyrir tveimur dögum eða svo??

Man það einhver, hvaða ómerkilega smámál var það sem tók allan þennan tíma??

Ekki hafa þeir rætt flugöryggi eða mannslíf í 5 klukkutíma, ekki hafa þeir barið hnefanum í borðið og krafist ábyrgðar þeirra sem hafa dregið lappirnar að fella tré svo hægt sé að tryggja lágmarksflugöryggi á þessum stærsta innanlandsflugvelli þjóðarinnar.

 

Og hvar er samgöngustofa??, forsenda rekstrarleyfis Isavia á Reykjavíkurflugvelli eru tvær flugbrautir, annars er flugvöllurinn ekki öruggur, flugvélar sem taka á loft, geta ekki treyst því að geta lent aftur ef vindátt breytist.

Þess vegna ef önnur flugbrautin uppfyllir ekki kröfur um lágmarksöryggi, þá á samgöngustofa að loka flugvellinum en ekki bara viðkomandi flugbraut.

Það gilda jú lög í landinu, og eftir þeim lögum á samgöngustofa að fara en ekki eftir einhverjum stjórnmálum út í bæ.

 

Það er ótrúlegt að málum skuli núna vera svona komið.

Að það gildi einu hvort landsbyggðin kjósi myndir á þing eða lifandi fólk, niðurstaða sú sama.

Og að flugvellinum skuli loka því tré eru ekki felld.

 

Það hefur verið lán í óláni að illviðrunum hefur slotað og vindar tiltölulega rólegir þessa daga sem austur/vestur flugbrautin hefur verið lokuð.

En það vindar alltaf aftur, og fólk á landsbyggðinni, sem þarf nauðsynleg að komast í bæinn, því þar er öll stjórnsýsla þjóðarinnar sem og megnið af heilbrigðisþjónustu hennar, það getur ekki lengur treyst á Reykjavíkurflugvöll.

Eins og þriðjaflokks fólk í eigin landi.

 

Það er mál að linni.

Í alvöru, það er mál að linni.

Kveðja að austan.

 

Mótmæla lokun flugbrautar

Morgunblaðið er byrjað að sauma að Samfylkingunni.

 

Fyrst með hógværri spurningu til Loga Einarssonar menningarmálaráðherra hvort hann ætli að rannsaka þátt Rúv í að skipuleggja glæp til að falsa fréttir.

 

Svar Loga ber þess öll merki að hann óttast jafn mikið viðkomandi mafíu og Lögreglustjórinn á Norðurlandi Eystra, hann vísar í rök eiturbyrlaranna, málið var látið niður falla.

Svona svipað eins og þekkt vinnubrögð mafíunnar út í hinum stóra heimi, að hóta eða ógna vitnum í alvarlegum glæpamálum, jafnvel drepa þau ef þau láta sér ekki segjast, segir síðan kokhraust; það var ekkert morð, málið var látið niður falla.

Eftir liggja fórnarlömbin óbætt hjá garði vegna réttarkerfis sem er ófært um að takast á við glæpi mafíunnar.

 

Blaðamaður Morgunblaðsins spurði þá Loga hvort hann teldi það í lagi að ríkisstofnun skipulegði banatilræði við borgara landsins; "Á brotaþol­inn í mál­inu, sem lá um hríð milli heims og helju, ekki að fá nokkra úr­lausn sinna mála?".

Í svari sínu sýndi Logi þó vott af manndóm og mennsku, þrátt fyrir hræðslu sína; "Ég ætla ekki að gera lítið úr al­var­leika þess og ekki held­ur al­var­leika máls­ins í sjálfu sér.".

Nær getur óttasleginn maður ekki komist að játa að það sé ekkert eðlilegt við glæpi eiturbyrlara, að þeir ógni lífi og limum fólks.

 

Lengra komst blaðamaður Morgunblaðsins ekki með Loga, hann hefði nú samt getað sungið fyrir hann piparkökusönginn úr Dýrunum í Hálsaskógi.

Róað hann þannig og nýtt sér þá ró til að benda Loga á að það væri ekki flókið fyrir hann að afla sér upplýsinga um þessa byrlun, sem hann telur mjög alvarlega, vitna þar í hans eigin orð, og spurt framkvæmdarstjóra þingflokks Samfylkingarinnar um málavexti á næsta þingflokksfundi Samfylkingarinnar.

Hvað er betra en upplýsingar frá fyrstu hendi??

 

Það er svo margt sem Logi getur gert, annað en að gera ekki neitt, eins og hann gaf í skyn í viðtalinu við Morgunblaðið.

En jú, jú, dauðhræddir menn gera aldrei neitt.

Nema í mesta lagi að væta buxurnar.

Og hver vill menningarráðherra með síblautar buxur??

 

Svo líklegast hætti blaðamaður Morgunblaðsins á réttum tíma.

Piparkökusöngurinn fyrir Héra þessa lands getur beðið betri tíma.

Til dæmis fram í næstu viku.

 

Morgunblaðið er ekki stekkur eins og Snorrabúð forðum.

Njótum fjölmiðlunar og blaðamennsku á meðan hún býðst.

Kveðja að austan.

Mun fara yfir byrlunarmálið

Mogginn skorar Rúv á hólm.

 

Það er fróðlegt að lesa þennan greinarflokk Morgunblaðsins um skipulagðan glæp blaðamannaelítu okkar, eiturbyrlun sem varð að beinu banatilræði, stuld á síma til að afrita úr honum gögn, samræmdan skáldskap undir nafni fréttaflutnings úr hinum þjófstolnu gögnum, misnotkun á andlegri veikri manneskju og svo framvegis.

Í þessari grein er fjallað um yfirhylminguna á Efstaleiti, hvernig slóð er hulin, með í besta falli þegjandi samþykki fyrrverandi lögreglustjórans í Reykjavík, núverandi útvarpsstjóra, og síðan hvernig þögn er látin vinna gegn rannsókn málsins.

Við getum spurt okkur hvað væri mikið í fréttum ef allir kæmust upp með að þegja þegar misferli og lögbrot eru annars vegar.

Meir að segja rollurnar jarma þegar blaðamaðurinn eini og sanni þarna á Selfossi fer út með hljóðnemann.

 

Það er hins vegar ljóst að hólmganga Morgunblaðsins er aðeins yfirvarp, græna ljósið kom á fréttaflutninginn af glæpnum þegar ljóst var að Samfylkingin yrði griðastaður eiturbyrlara og glæpablaðamanna.

Allur þessi fréttaflutningur miðast við að ná höggi á Kristrúnu Frostadóttur og þar með ríkisstjórn hennar.

Taktík sem Morgunblaðið kann vel eftir áratugasamstarf sitt við ráðandi öfl innan Sjálfstæðisflokksins.

 

Sem frétt er þetta gömul frétt.

Og glæpurinn gegn þjóðinni, gegn almenningi var þegar lögreglustjórinn á Norðurlandi Eystra felldi niður rannsókn glæpsins án þess að gefa út ákæru á hendur glæpablaðamönnunum.

Með mjög svo sérkennilegri rökfærslu; Jú það er rétt að almennum borgara var sýnt banatilræði, það alvarlegu að hann lá milli heims og helju í nokkra sólarhringa. Jú það er rétt að síma hans var stolið og hann afritaður uppí útvarpshúsinu á Efstaleiti, jú það er ljóst að um skipulagðan glæp var að ræða, og jú, gögnin úr hinum þjófstolna síma voru nýtt í fréttafalsanir til að ná höggi á eitt af stærstu fyrirtækjum landsins.

En kæra fólk, kæru landsmenn; Þetta var mafían og við þorum ekki gegn mafíunni, fellum því málið niður.

Líkt og við værum stödd á Ítalíu á sjöunda áratug síðustu aldar þegar veldi mafíunnar stóð þar sem hæst, og réði öllu því sem hún vildi ráða í stjórnmálum sem og réttarkerfinu.

 

En við erum ekkert stödd á Ítalíu á sjöunda áratugnum, þetta er Ísland í dag.

Land þar sem mafían getur eitrað fyrir almennum borgum landsins, og komist upp með það.

Nákvæmlega þannig er Ísland í dag.

 

Og að það skuli þurfa pólitískar refjar til að annar af tveimur stóru fjölmiðlum landsins skori hinn á hólm vegna þátttöku þess síðarnefnda í mafíustarfsemi og glæpum, segir allt sem segja þarf um réttarstöðu almennings í dag gagnvart kerfinu og mafíunni sem þykist eiga það.

Á meðan bíða menn eftir flugslysi á Reykjavíkurflugvelli eða banaslysi á manngerðum ónýtum þjóðvegum landsins.

Segi bara eins og þjóðskáldið; Þá riðu hetjur um héruð.

 

Þær ríða allavega ekki um héruð í dag.

Þvílíkur lydduhópur sem hefur safnast saman á Alþingi.

Þar er enginn undanskilinn því allir þegja.

Aðeins röflað um storminn í vatnsglasinu.

 

Morgunblaðið hins vegar, hver sem skýring þess annars er, á allan heiður fyrir þennan fréttaflutning.

Hann kemur í kjölfar Spursmála, beittasta þjóðmálaþátt landsins, sem og hefur blaðið sýnt lífsmark í öðrum málum sem brenna á almenningi.

Nú síðast umfjöllun blaðsins um Þöggun Góða fólksins, hins pólitíska Rétttrúnaðar á hinu innfluttu ofbeldi sem börnin okkar búa við, og enginn með völd gerir neitt í.

Einnig má nefna fréttaflutning blaðsins að Græna skrímslinu, og alla þá vanhæfni sem það mál afhjúpar á gjörspilltu stjórnkerfi Reykjavíkurborgar, blaðið hefur síðan staðið vaktina, þó reyndar misvel, í flugvallarmálinu, hinum ónýtu vegum sem vegagerðin hefur lagt undanfarin ár sem og spillinguna kringum styrkjamál til stjórnmálaflokka of félagasamtaka sem bjóða fram til Alþingis.

 

Stundum haldið öðru fram, en í dag ætla ég að halda því fram að Snorrabúð er ekki stekkur.

Það sést glitta í gamla Moggann.

Það mætti jafnvel halda að Agnes væri ennþá meðal vor.

 

Megi sá betri vinna þessa hólmgöngu.

Megi Stuðmenn verða sannspáir.

 

Réttlætið sigraði að lokum.

Kveðja að austan.

Starfsfólk RÚV huldi slóðina

Hve oft þarf að segja sannleikann um hina ónýt vegi?

 

Að þeir eru mannanna verk, á ábyrgð vegagerðarinnar.

Og það skiptir ekki máli þó vegagerðin fái viðbótarfjármagn, hún leggur þá bara fleiri kílómetra af ónýtum vegum.

Skýring þessa er einföld og hana orðar sjúkraflutningamaðurinn í þessari frétt Mbl.is;

 "Um blæðing­arn­ar á veg­un­um seg­ir Ein­ar að mal­bikið sé ekki leng­ur blandað með stein­ol­íu. "Nú er hætt að nota stein­ol­íu við að þynna bikið og í stað þess er notað lýsi og jurta­ol­ía, því það á að vera svo um­hverf­i­s­vænt og á að minnka eitt­hvert kol­efn­is­fót­spor. Stein­olí­an gufaði upp á ein­hverj­um vik­um eft­ir að mal­bikið var lagt og þá var tjar­an harðari. Jurta- og dýrafitu­olí­ur gufa ekk­ert upp og sitja eft­ir í mal­bik­inu og gera það mýkra," seg­ir Ein­ar.".

 

Það er ekki bara að vegirnir blæði, bindingin er margfalt minni og ef það er of mikið jurtaolíusull í blöndunni þá leysast vegirnir upp, þeir festast í dekkjum bíla sem og verða að tjörukögglum sem við sjáum í sjónvarpinu starfsmen vegagerðarinnar sópa af vegunum.

Nýlagðir vegir verða strax eins og gamlir og þarf ekki nema nokkra daga til eins og sást á hinum nýja vegi um Teitsskóg.

Þetta veit næstum því hver einasta sála á landsbyggðinni, með undantekningunni þó sem er fólkið sem við kjósum á þing.

 

Í minni daglegu kaupstaðaferð sá ég í gær 2 bíla sem voru greinilega nýkomnir úr ferðalagi.  Bílarnir sem voru með ljósu lakki, voru kolsvartir frá dekkjum upp að toppi, þaktir kolsvartri tjörudrullu.

Það er ekkert eðlilegt við þetta og þetta var ekki svona fyrr en vegagerðin fór að setja lífræna olíu í bikið sitt.

Með öðrum orðum; Vegagerðin ástundar hryðjuverk gegn hinum dreifðu byggðum sem eiga allt sitt undir samgöngum, nútímasamgöngum en ekki malarvegum hestaldar.

 

Það eru takmörk á öllum Rétttrúnaði.

Og það eru takmörk á allri fávisku.

Maður skyldi ætla að einn daginn fyndist einstaklingur á Alþingi sem tæki ekki lengur skýringar vegagerðarinnar gildar, kallaði eftir opinberri rannsókn og ábyrgð.

Því það eru jú takmörk.

 

Á meðan sitjum við uppi með hryðjuverkin, ónýta vegi og allt tjónið sem þeim fylgja.

Vonarglætan er þó þessi fréttaflutningur Morgunblaðsins.

Kveða að austan.

 

 

Blæðingar og bylgjur hættan

Breytt hugs­un fyr­ir breytt sam­fé­lag

 

Svo ég vitni í fyrrum borgarfulltúra Flokks Fólksins, núverandi þingmanns hans.

Allt fólk sem þekkir til, þekkir til andófs Kolbrúnar gegn fávitahætti og Rétthugsun Góða fólksins, veit að þarna er Kolbrún múlbundin.

Óheft innflæði glæpaiðnaðarins, Mannsals og flóttamannaiðnaðarins, verður ekki leyst með fjölgun eft­ir­lits­mynda­véla, ekki nema að Kolbrún sé svo forheimsk að vera á lista Samfylkingarinnar eða Pírata.

 

Nema að Inga, eigandi félagsmálasamtakanna sem tryggði Kolbrúnu þingsæti sitt, öruggar tekjur, hún samdi við þann í neðra.

Flokkur fólksins situr upp með Dag sem Messías.

 

Og aumast af öllu er að bregðast við firringunni og afneitun Góða fólksins, að megni í Samfylkingunni og Pírötum, með því að leggja til að svar yfirvalda gegn einelti, kynbundnu ofbeldi, gegn ofbeldi í sinni víðustu mynd, að vörn mennskunnar, vörn íslensku þjóðarinnar, sé að fjölga eft­ir­lits­mynda­vélum.

Og að aumingjahátturinn sé slíkur að hann sé réttlættur með meintri "breyttri hugsun fyrir breytt samfélag".

 

Svo aumt að einhver hefði spáð í gjaldið sem Inga, eigandi þessa félagasamtaka sem Flokkur fólksins er, er á milli einhver Tortilla, svona eins og hjá Útrásarvíkingunum í den??

Að gegn gjaldi verji Flokkur fólksins allt misferli sem og forheimsku Góða fólksins.

Flótta og mannsalsiðnaðinn, allt sem það aumasta af öllu aumu, og R-listinn, Dagur og Samfylkingin stendur fyrir í dag.

 

Eftir stendur þráin og vonin um betra samfélag.

Að atkvæði til Flokks fólksins séu ekki kastað á bálköst samtryggingar Samflokksins sem ætlar núna að afsala sjálfstæði þjóðarinnar með leiðsögn ríkisstjórnar Kristrúnar Frostadóttir.

Von og þrá sem Flokkur fólksins fórnaði fyrir völd og meint áhrif.

Yfirgaf sína minnstu bræður.

 

Það er ekki breytt hugsun sem tjáir breytt samfélag.

Aðeins staðfesting á því að þrátt fyrir allt þá skipta peningar máli.

Að þeir séu hreyfiafl, sem fær meinta rebella til að ganga í takt með auðnum, sem þeir þóttust berjast gegn, en peningarnir fegnu á skjótt til að skipta um skoðun.

 

Breytir því samt ekki að ég bar virðingu fyrir Kolbrúnu.

En ég  ber enga virðingu fyrir myndavélum hennar, eða réttlætingu hennar að hafa gengið Auðnum á hönd, vissulega hefur samfélag okkar breyst, sú breyting réttlætir hins vegar ekki svik, eða þjónkun við auð hinna ofurríku.

Hún gat valið á milli fólksins sem kaus hana, og Ingu.

Ingu sem að einhverjum ástæðum hefur svikið allt sem hægt er að svíkja.

 

Hennar stærstu svik að framlengja völd leppa Dags, og dagískunnar í Reykjavík.

Svik sem ekkert getur fyrirgefið.

 

Flokkur fólksins er í dag stekkur, sem líkt og þjóðskáldið benti á, er yfirgefinn og rústir einar.

Svik við allt sem fólkið sem kaus flokkinn, trúði á.

 

Samt fréttamatur.

Því í kjarna hans býr vonin.

 

Von sem þrátt fyrir allt og alla, á enga betri rödd en rödd Ingu Sæland.

Svona eru tímarnir skrýtnir í dag.

 

Og enginn skyldi vanmeta Ingu Sæland.

Kveðja að austan.

Vill öryggismyndavélar í skólana

Sænska ástandið.

 

Það er ótrúlega sorglegt að horfa uppá hvernig við Íslendingar höfum flotið steinsofandi að feigðarósi varðandi víti frændþjóða okkar á Norðurlöndum á óheftum innflutningi á fólki frá fjarlægum slóðum, þar sem þessu fólki er komið fyrir í afmörkuðum hverfum meðal fátækari hluta samfélagsins, látin einangrast þar og eina krafan sem til þess er gerð að það sé til taks að vinna skítastörfin fyrir okkur hina ríku velmenntuðu heimamenn.

Eitthvað svona litað pakk (í augun hinnar ríku vel menntuðu elítu) sem sjái um skúringarnar, ræstingarnar, umönnun sjúkra og aldraða, ofurseld grimmd og græðgi þess markaðar sem býður út störf þeirra til lægstbjóðanda. 

Orð eins og réttindabrot, mannsal, fylgja störfum þess.

 

Í von um betra líf lætur megnið af innflytjendum frá fjarskaistan þetta yfir sig ganga, en ekki allir.

Þeir snúast til varnar, glæpavæða nærsamfélög sín, herja síðan á hina ríku innfæddu, breyta áður friðsömum samfélögum í ófriðarsvæði þriðja heimsins líkt og Svíar hafa reynt á eigin skinni undanfarin ár.

Allt vegna þess að hin menntaða yfirstétt lítur niður á ræstingar og ræstingarfólk, tímir ekki að borga því laun, og telur helst ekki þrifið nema einhver litaður sjái um það.

 

Síðan aðlagast börnin ekki, litarháttur þeirra, léleg tök á tungumáli heimamanna, ólíkur menningargrunnur, allt leggst á eitt að reisa um þau girðingar frá samfélagi heimamanna, enda þeim ætlað að taka við hinum illa launuðu störfum foreldra sinna í fyllingu tímans.

Það þarf sko að þrífa segir Góða fólkið.

Umber þar með varnarviðbrögð þessara krakka, gengjamyndunina, ofbeldið og annað, börnin þurfa að fá að rasa út áður en þau kúst og fæjó í hendurnar.

 

Þessi tala mín hér að ofan er einföldun á grafalvarlegu ástandi, sem vissulega er miklu flóknara en þetta, en kjarninn er sá að sá glæpaiðnaður sem kenndur er við Flótta og mannssalsiðnaðinn, í samstarfi vinn innlend atvinnugóðmenni sem hafa góðar tekjur og örugga atvinnu af meintri gæsku sinni og góðmennsku, flytur inn fólk til að vinna meint skítastörf samfélagsins, heldur þar með niður launum og öllum starfsaðbúnaði, og innviðir samfélaganna sem fá alla þessa holskeflu fólks, ráða ekki við að aðlaga hana samfélaginu sem er fyrir.

Atburðirnir í Breiðholtsskóla eru ekki tilfallandi, þeir eru afleiðing.

Og vont á aðeins eftir að versna þar til það verður óviðráðanlegt.

 

Það breytir samt ekki brotalömunum sem ofbeldið í Breiðholtsskóla hefur afhjúpað.

Hvað er að kerfi sem hefur aðstoðarskólastjóra sem lætur þetta út úr sér; "Það er mjög flókið ferli að vísa nem­anda úr skóla og sveit­ar­fé­lagið ber ávallt ábyrgð á því að viðkom­andi fái skóla­vist. Þetta eru nem­end­ur á þeim aldri að við mynd­um aldrei fara út í slík úrræði."

Svona í ljósi þess að það var ekkert vandamál að láta fórnarlömbin hætta að mæta í skólann því ekki var hægt að tryggja öryggi þeirra í skólanum eða skólalóð.

 

Aumingja gerendurnir, aumingja ofbeldisseggirnir, það þarf að passa uppá skólagöngu þeirra, tryggja að þeir geti áfram fengi frá núll til einn í einkunn.

Skítt með öll hin börnin sem koma í skólann til að læra.

Fórnarlambsvæðing ofbeldis og eineltisseggja í sinni tærustu mynd og henni þarf að linna.

 

Síðan í ljósi þess að foreldri kvartað strax 2019 yfir líkamlegu ofbeldi sem ung dóttir hans varð fyrir, og hefur síðan síkvartað og reynt að fá þetta kerfi sem fórnarlambsvæðir gerendur eineltis og ofbeldis, til að takast á við vandann og hindra þetta ofbeldi og einelti, með mjög takmörkuðum árangri, þá er ótrúlegt að lesa að stjórnsýsla Reykjavíkurborgar þykist koma að fjöllum varðandi þetta grófa ofbeldi og einelti.

"Í svari skóla- og frí­stunda­sviðs Reykja­vík­ur­borg­ar (SFS) við fyr­ir­spurn Morg­un­blaðsins seg­ist SFS ekki kann­ast við viðvar­andi einelt­is- og of­beld­is­vanda í Breiðholts­skóla. „Í þessu til­felli sem er vísað til hef­ur margt verið gert til að greiða úr vanda í nem­enda­hópi og til að tryggja vinnufrið en eins og gef­ur að skilja er oft um flók­in mál að ræða,“ seg­ir enn frem­ur í svar­inu. Seg­ist SFS ekki geta tjáð sig frek­ar um málið vegna per­sónu­vernd­ar­laga."

Og já, það litla sem stjórnsýslan veit má hún ekki tjá sig um vegna persónuverndarlaga.

Það er skálkaskjólið en eftir stendur spurningin, hvað er þetta blessað fólk að gera í vinnunni sinni??

 

Lýsingarnar á ofbeldinu eru átakanlegar og maður spyr sig; Er þetta virkilega Ísland í dag.

Mig langar að vitna í orð einnar móður og spyr síðan hvað er að kerfisfólki sem notar orðið vandi yfir svona ofbeldi og þá óttastjórnun sem er markmið þess;

"Nema hvað að nú eru strák­arn­ir farn­ir að beita of­beldi eins og full­orðnir menn. Það er verið að sparka í and­lit, sparka í höfuð, sparka í maga. Þetta er orðið ofboðslega ljótt of­beldi núna.".

 

En þetta eflir víst þroskann segir aðstoðarskólastjórinn; "Já, varðandi það að hafa misst úr vegna þess að nám og kennsla voru ekki í lagi vegna skorts á vinnufriði, þá er nám nem­enda á þess­um aldri sam­tengt þrosk­an­um – það er ekki eins og þetta sé pakki sem þau missi úr. Þau hafa á þessu tíma­bili bætt við sig mikl­um þroska og í raun­inni er meg­in­verk­efni okk­ar að koma þeim til manns og hjálpa þeim að til­einka sér náms­hæfni, þannig að þau verði bara betri nem­end­ur. Smám sam­an munu þau ná betri tök­um á þessu.".

Þegar maður les þess orð eftir allar lýsingar blaðamanns á ofbeldinu og ógnarástandinu sem ríkt hefur í þessum bekk, og látum ekki okkur detta í hug í eina mínútu að um einsdæmi sé að ræða, þá hvarflar sú hugsun að manni að kannski séu ofbeldisseggirnir ekki vandamálið.

Það liggi  annars staðar.

 

Í firringu og afneitun.

Þeirra sem ábyrgðina bera og við treystum fyrir börnum okkar.

 

Eitthvað sem við ættum að íhuga.

Kveðja að austan.

Foreldrar lýsa ofbeldinu: „Börn eru lamin í frímínútum“

Frumvarp til landráða.

 

Það vakti mikla eftirtekt í byrjun þings síðastliðið haust að eina þingmál þáverandi utanríkisráðherra, Þórdísar Kolbrúnar, var frumvarp um bókun 35,  sem kveður á um forgang Evrópulöggjafar umfram íslensk lög.

Frumvarp, sem virtasti lagaprófessor landsins, Stefán Már Stefánsson, bendir á að sé beint brot á stjórnarskrá þjóðarinnar.

Virðingu sína hlaut Stefán Már þegar hann einn innlendra háskólamanna þorði gegn ægivaldi fjármagns og keyptra pótintáta Evrópusambandsins, þorði gegn ICEsave samningnum, og hafði að lokum sigur fyrir EFTA dómnum, lögfræði hans var rétt.

Lögfræði hins keypta leiguþýs var röng.

 

Niðurstaða Stefáns Más er eins afdráttarlaus og hægt er að ætlast til af fræðimanni í grein þar sem fjárhagslegir og aðrir hagsmunir dómara og dómsstóla vega allavega til jafns á við staðreyndir laga þegar dómar eru kveðnir upp.

"Stefán Már Stef­áns­son, pró­fess­or emer­it­us í lög­fræði, seg­ir .. að frum­varp ut­an­rík­is­ráðherra um bók­un 35 feli í sér tals­verða breyt­ingu á því hvernig EES-regl­ur hafa verið inn­leidd­ar í ís­lensk­an lands­rétt. Þær regl­ur myndu þar með fá svo­nefnd for­gangs­áhrif gagn­vart öðrum ís­lensk­um lög­um, sem aft­ur gæti leitt til réttaró­vissu. Stefán Már seg­ir enn frem­ur að ef veita eigi lög­um sem stafi frá er­lendu rétt­ar­kerfi for­gang í um­tals­verðum mæli, kynni slíkt að fela í sér framsal lög­gjaf­ar­valds­ins, en það væri aft­ur and­stætt 2. grein stjórn­ar­skrár­inn­ar."

Enda augljóst mál að stjórnarskrá sem leyfir slíkt valdaafsal, að erlent ríki eða erlent ríkjasamband setji lög sem eru æðri innlendum lögum, er ekki stjórnarskrá sjálfstæðs ríkis.

 

Og öll sjálfstæð ríki hafa í löggjöf sinni ákvæði um slíkan gjörning, og þau lög alls staðar í heiminum er kennd við landráð.

Líka hérna á Íslandi.

 

Það er því ljóst að ráðherra í þáverandi ríkisstjórn Bjarna Benediktssonar ætlaði að leggja  fram frumvarp um bein landráð.

Sem og að þau landráð voru framin þegar núverandi utanríkisráðherra, ráðherra í ríkisstjórn Kristrúnar Frostadóttur, lagði fram frumvarpið um bókun 35.

Það þarf ekki að rífast um þetta, stjórnarskráin er skýr hvað þetta varðar, við erum sjálfstæð þjóð.

Ennþá, allavega að nafninu til.

 

Það er ótrúleg árátta stjórnmálamanna að telja sig ekki þurfa að lúta lögum, lögin sem þeir setja séu fyrir alla aðra en þá sjálfa.

Man einhver eftir styrkjamálinu??, eða eru einhverjir nýir skandalar búnir að yfirtaka umræðuna??

Eða trjánum í Öskjuhlíðinni sem var leyft að ógna flugöryggi og enginn gerði neitt

Svo nýleg dæmi séu nefnd.

 

En að telja sig umkomna að þurfa ekki að lúta stjórnarskránni er eitthvað óeðli eða innanmein í stjórnsýslu þjóðarinnar, eitthvað svona á pari við þá félaga sem telja sig eiga Rússlöndin, það hvíta og það stóra.

Sem sjálfstæð þjóð á ekki að líða.

Og hefur til þess réttarkerfi, verkfæri þess, lögreglu og dómsstóla.

 

Núna reynir á ríkissaksóknara; ha ha.

Á dómsstóla; spurning.

Á almenning; Já.

Sem og fjölmiðla, blaðamenn og aðra.

 

Sá skuggi hvílir yfir frjálsum fjölmiðlum að þeir eru ekki frjálsari en það að þeir hafa þegið mútugreiðslur frá bandarísku þróunarstofnunni gegn ákveðnum fréttaflutningi.

Sambærilegar mútugreiðslur hafa verið afhjúpaðar úr sjóðum Evrópusambandsins, frelsið var sem sagt til sölu.

Og hvort það hafi verið selt á Íslandi á eftir að koma í ljós.

 

Lögin og stjórnarskráin eru skýr.

Virtur fræðimaður hefur kveðið upp sinn dóm; frumvarp um bókun 35 er bein landráð.

Og mun vera svo nema stjórnarskráin sé breytt að undangenginni þjóðaratkvæðagreiðslu.

 

Staðreyndir sem eru ekki umflúnar.

Sem ekki er hægt að rífast við.

 

Landráðafólk mun vissulega rífast við þessar staðreyndir, treysta á jákvæða umfjöllun mútuþega og eiturbyrlara í fjölmiðlastétt, sem og að pólitíski Rétttrúnaðurinn á skrifstofu Ríkissaksóknara grípi ekki inní.

Það mun bjóða sig fram til embættis formanns Sjálfstæðisflokksins til að múlbinda þann flokk í samsekt.

Samspillingin, samsektin, á að tryggja að Alþingi samþykki að leggja sjálft sig niður sem löggjafarvald.

Og það treystir á að Halla Tómasdóttir, forseti Íslands vinni það sér til vanhelgi að samþykkja landráðin.

 

Eftir standa sjálfstæðir dómsstólfar, sem eru kannski ekki svo sjálfstæðir.

Og þjóðin, sem er kannski ekki svo sjálfstæð heldur.

 

Fróðlegt að sjá hvað úr verður.

Hvort Fjallkonan lúti í gras.

 

Hvort hetjur ríði ennþá um héruð.

Kveðja að austan.

 

 

Frumvarp gæti leitt til réttaróvissu

Múslimi drap fólk.

 

Enn og aftur, og aftur og enn.

 

Vissulega drepa aðrir fólk af tilhæfulausu í Evrópu en múslímar, nærtækast er skotárás ungs Svía á fólk af erlendum uppruna í skóla í Örebro.

Svo er Breivik eins leiðinlegur Norðmaður eins og Norðmenn geta genetískt orðið.

 

Breytir samt ekki þeirri staðreynd að það eru yfirleitt múslímar sem keyra inní mannfjölda í Evrópu, og fyrir utan Breivík, þá eru það alltaf múslímar sem sprengja í loft upp lestir, veitingahús, tónleikastaði, og það eru ekki alltaf gyðingar sem eru drepnir, þó vissulega hafi það verið tilfellið á friðartónleikum einfeldninga nálægt landamærum Gasa, einfeldninga sem trúðu að Íslamistar vildu frið, eða lifa í friði með öðru fólki.

Að það væri aðeins í orði sem þeir sögðust vilja útrýma okkur hinum.

En gerðu það ekki í raunveruleikanum.

 

Og áður en lengra er haldið þá skal það tekið skýrt fram að flestir múslímar eru hið friðsamasta fólk, og ef útí það er farið, þá eru flestir sem múslímar drepa, múslímar.

Því það eru ekki allir múslímar Íslamistar.

Vissulega hafa Íslamistar það í forgangi að drepa okkur kristnu, til vara gyðinga, en þeir búa flestir við þann fjanda að búa innan um aðra múslima, svo þeir þjóna drápseðli sínum með því að drepa þá þá múslima sem eru ekki Íslamistar, eða játa Shía greinina, sem reyndar í huga Íslamista er í raun verri glæpur gegn guðdómnum; þeirra Allah, en sú viðurstyggð sem kristnir og gyðingar eru.

 

Við Vesturlandabúar megum samt eiga að við reynum að auðvelda Íslamistum sem mest verkið, það er að drepa kristna og gyðinga.

Góða fólkið okkar sem og leiðtogar okkar, sem oftast í dag er sama fólkið, styður Hamas í gjöreyðingarstyrjöld þessa Íslamistasamtaka við gyðinga Ísrael, gengur í takt með olíuauð miðaldaríkja Persaflóans til að þjóðarmorð Hamas gegn íbúum Gasa skili þeim árangri áróðursstríðs Hamas að einangra leiðtoga Ísraels á alþjóðavettvangi.

Við fylgjum alþjóðalögum segir Góða fólkið, bæði Þórdís Kolbrún sem og Þorgerður Katrín, og taka undir kostaða afskræmingu þeirra, það er alþjóðalaga, í boði olíuauðs miðaldaríkjanna við Persaflóann.

Samdauna Íslamavæðingu Evrópu sem er kostuð þaðan.

 

Kannski sök sér að auðvelda Íslamistum að útrýma gyðingum, það er margur í dag sem telur að það hefði verið synd hjá Bandamönnum að trufla Hitler við þá iðju.

Tek ekki afstöðu til þess, en heimskur er sá sem lítur í hina áttina þegar múslimavæðing Evrópu er rædd, væðing sem virðist vera algjörlega undir stjórn Íslamista.

Tilvitnuð hryðjuverk ná ekki einu sinni að ná toppi af þeim ísjaka.

 

Um alla Evrópu ráðast múslímar að gildum okkar.

Þeir ráðast á konur, á kvenfrelsi, þeir kúga og pína eiginkonur sína, dætur, til að lúta miðaldaaga hirðingja sem eru ættaðir frá Arabíuskaganum eða Mið-Asíu, og þegar þeir komust upp með það, þá tóku þeir yfir stjórn heilla borgarhverfa í borgum Norður Evrópu, Frakklandi og víðar.

Og í nafni umburðarlyndis er það liðið.

 

Kúgun, yfirgangur, ofbeldi, kynferðislegt ofbeldi; Nei, ég er ekki að tala um hegðun ungra múslima í Breiðholti, nauðganir, hvít þrælasala.

Glæpir sem voru látnir viðgangast í Bretlandi í áraraðir, í skjóli núverandi forsætisráðherra, sem var ríkissaksóknari á meðan glæpirnir voru þaggaðir niður.

Hann var afhjúpaður, en sambærilegt var þaggað niður í Svíþjóð, Þýskalandi og víðar.

 

Og hvernig var þetta aftur með ofbeldið og níðingsháttinn gagnvart veluppöldum börnunum okkar þarna í Breiðholtinu, knúin í skóla vegna skólaskyldu en ekki vernduð á nokkurn hátt.

Varnarleysið svo algjört að vanvitið sem að sögn ætlar víst að taka til eftir strákana í nýjum meirihluta, kannast EKKERT við þetta ofbeldi eða þjáningu barna okkar.

Undirliggjandi; Er það ekki bara hvítt drasl eða það sem Góða fólkið kallar white trash sem á heima í Breiðholti??

 

Ef við hlustum á Góða fólkið, til dæmis á Rúv, það eru það gyðingar sem standa fyrir hörmungum heimsbyggðarinnar í dag.

Það eru þeir sem fremja hryðjuverkin, það eru þeir sem keyra bílum í mannþröngir, það eru þeir sem drepa fólk á tónlistarhátíðum, sprengja upp lestir og aðrar almenningssamgöngur.

Það eru gyðingar sem drepa rithöfunda fyrir skoðanir sínar eða teiknarar fyrir myndi sínar.

Eða höggva höfuðið af miðaldra frönskum kennslukonum fyrir að fjalla um kynfrelsi ungra stúlkna.

 

Ekki Hamas, ekki Íslamistar, ekki miðaldamennirnir sem fremja glæpina í raun.

 

Og sjálfsagt eru það gyðingar sem halda heilum borgarhverfum í Evrópu í gíslingu öfga og glæpa, misþyrma ungum stúlkum fyrir að vera svo vestrænar að brosa framan í unga stráka, eða vilja vera sjálfstæðar.

Dugi misþyrmingarnar ekki til, þá eru það örugglega gyðingar sem senda þessar gjörspilltu stúlkur, þeirra glæpur að vilja aðlagast nútímanum, til gamla heimsins, til Tyrklands eða allra hinna landanna, til að giftast ungar, eða vera drepnar ella.

Algjört aukaatriði hjá Góða fólkinu að Íslamistar þessara landa hafa fyrir löngu í umburðarlyndi sínu útrýmt öðrum trúarhópum, og síðan vil það alls ekki ræða morðin á ungu stúlkunum sem ekki fóru, og ekki létu sér segjast; heiðursmorð???, hvað er það, er að ekki bara eitthvað gyðingalegt.

Sjáið svo hörmungarnar á Gasa maður!!!

 

Á þessa fávisku, og þennan fávitahátt Góða fólksins sem ég lýsti hér að ofan, benti líklegast ólíklegasti maður þessa heims, það er ef maður hlustar á Rúv; Vance, sem mér skilst að sé varaforseti Bandaríkjanna.

Hann gerði ekki lítið úr ógninni af Pútín, hét Evrópu stuðning ríkisstjórnar Trump við þá ógn.

 

Hann benti hins vegar á að það væri ekki Pútín, það væru ekki Rússar sem héldu heilum borgarhlutum í Svíþjóð, í Þýskalandi, í Frakklandi sem og fleirum ríkjum Vestur Evrópu í gíslingu.

Og að Pútín væri ekki að drepa fólk með því að keyra á það, eða kúga konur, eða nauðga ungum stúlkum, það voru ekki Rússar sem stóðu að baki fjöldanauðgunum á ungum stúlkum í Bretlandi.

 

Og þó Vance hafi ekki minnst á það, þá veit ég fyrir víst að meint fráfræði Góða fólksins í Reykjavík, sem stjórnar borginni í dag, um ofbeldi, einelti, misþyrmingar, kynferðislegt ofbeldi, óttastjórnun, plúss margt annað, að sú fáfræði stafar ekki af ótta við Pútín.

Annað skýrir það óeðli.

Til dæmis Rétthugsun.

 

Þar liggur smán meirihlutans í Reykjavík.

Þar liggur smán fjölmiðla sem þegja.

 

Á meðan eykst ógnin innan frá.

Trump og Vance hvað??

Kveðja að austan.

 

Mæðgur létu lífið eftir árásina í München