Sannleikurinn er sagna bestur.

 

Og víti Svía er til að varast.

 

Danir hafa núna allra síðustu ár reynt að verjast því víti, þar skiptir mestu snöfurmannleg viðbrögð Mette Frederiksens, forsætisráðherra, jafnaðarmanns.

Dag einn fyrir nokkru árum hætti hún að ljúga að þjóð sinni og snérist til varnar, fyrst og fremst gagnvart glæpaklíkum og Íslamistum.

 

Samt of seint því í dag vita Danir að þetta snýst ekki um innflytjendur sem flóttamannaiðnaðurinn ferjar til landsins, heldur um aðra kynslóðina, og jafnvel þá þriðju, fyrsta kynslóðin aðlagast en börnin ekki.

Þau sætta sig ekki við nútímaþrælahald Góða fólksins, hinnar menntuðu yfirstéttar, þó foreldrarnir sætta sig við að þrífa skítinn, að halda velferðarkerfinu gangandi á lúsarlaunum, þá vilja börnin betra líf, en reka sig á veggi, þeim er ætlað að vinna skítastörfin.

 

Flóttaleið þeirra er annaðhvort skjól glæpahópa eða miðaldahyggja Íslamista.

 

Hvorutveggja ógnar samfélögum Norðurlanda, og augljóst að leikreglur lýðræðisins duga ekki til að hamla gegn þeirri þróun.

Í Svíþjóð tala stjórnvöld opinskátt um að kalla út herinn til að ná aftur stjórn á úthverfum stærri borga, úr höndum glæpagengja og Íslamista.

Ástandið er litlu skárra í Danmörku og Noregi, hið skárra felst aðeins í að tímalínan er ekki samhliða, niðurbrot samfélagsins hófst aðeins fyrr í Svíþjóð.

 

Hér á Íslandi erum við sirka 10 árum á eftir, hnífstungurnar, skotin, sprengingarnar eru ennþá á frumbernsku þess sem var í Svíþjóð á fyrstu árum þessarar aldar.

Glæpagengin er þegar byrjuð að berjast, börn innflytjenda sætta sig ekki við skítastörf foreldra sinna.

Því jaðarsettari sem foreldrarnir eru í nútímaþrælahaldi Góða fólksins, því viljugri er næsta kynslóð til að hafna leikreglum samfélagsins.

 

Kannski er okkar eina gæfa að tiltölulega fáir innflytjendur játa Íslam, þar með er markhópur Íslamista ekki stór hér á landi, þar með er einni óværunni færri miðað við Svíþjóð, Danmörk og Noreg.

Samt sáum við á fögnuðinn á óréttlætanlegum hryðjuverkum Hamas að þetta fólk er hérna, og á ákveðnum tímapunkti þurfum við að mæta því.

Enn höfum við svigrúm og ráðrúm til þess

 

Ekki að við séum að fara að gera það í dag.

Siðferðisbresturinn að þekkja ekki muninn á réttu og röngu, nær djúpt inní samfélagið.

Inní æðstu menntastofnun okkar, inní ríkisfjölmiðilinn okkar, gegnsýrir stjórnun Reykjavíkur í dag.

 

Sannleikurinn verður ekki beint sagður næstu vikur og mánuði, ár eru í að leifarnar af íslensku jafnaðarmönnum hafi kjark til að mæta Góða fólkinu, firringu þess og sjálfsblekkingu.

Svo má ekki gleyma að Góða fólkið er drifkrafturinn í nútímaþrælahaldinu, að láta litað fólk, fátækt fólk þrífa skítinn og vinna velferðarstörfin á lúsarlaunum.

Flest af því vinnur svo kinnroðalaust fyrir hina Örfáu, auðræningjanna sem markvisst hafa mergsogið vestræn samfélög frá frjálshyggjubyltingu Reagans og Thatchers.

Glóbalið þrífst á förufólki til að halda niður lífskjör vinnandi fólks í hinum vestræna heimi.

Hið frjálsa flæði Evrópusambandsins er sniðið að þörfum þess, forsenda hins nútímaþrælahalds í hinum vestræna heimi.

 

Sannleikurinn gengur gegn hugmyndaheimi Góða fólksins og hagsmunum Auðrónanna sem það þjónar.

Og Góða fólkið stjórnar umræðunni á Íslandi í dag.

Í afneitun þess mun ástandið aðeins versna.

Verða sænskar, verða óviðráðanlegra.

 

Samt er ljóstýra þarna úti.

Frá því að ég skrifaði pistil minn um hið handtekna 10 mánaða barn sem liðsmenn Hamas hnepptu í varðhald, það er að sögn Rúv, líklegast fyrir grjótkast, eða fólkið sem var fyrirfram skotið á færi, vegna þess að það hefði hugsanlega hafnað handtöku Hamasliða á sínu eigin landi, þá hefur fréttaflutningur Rúv færst nær raunveruleikanum.

Núna talar fréttastofan um hryðjuverkaárás Hamas og kannast jafnvel við voðaverk samtakanna.

 

Og það vakti athygli mína að í fréttum fyrir nokkrum dögum síðan var birt myndskeið þar sem eldri kona á Gasa fordæmdi stjórn Hamas, hún hefði kallað hörmungar yfir íbúana.

Með fréttinni kom engin réttlæting á voðaverkum, eða viðrini Ísland-Palestínu fengju að afbaka sannleikann.

Fréttastofan gat sem sagt sagt satt og rétt frá.

 

Næsta sannleikskorn gæti kannski verið um gjaldþrot fjölmenningarinnar í Skandinavíu, ásamt aðvörunarorðum um upplausnin verði hinn kaldi raunveruleiki morgundagsins, ef við grípum ekki strax inní.

Jafnvel hvatning um að fólkið sem blístraði og klappaði yfir voðaverkum Hamas, sem fréttastofan viðurkennir loksins að hafi verið viðbjóðsleg hryðjuverkaárás, verði vísað úr landi.

Því við þurfum ekki þetta fólk, það getur fundið sér búsetu annars staðar.

 

Því brunn þarf að byrgja áður en barnið dettur ofaní.

Og þó brunnarnir séu margir, þá er gott að byrja á einum sem blasir við.

 

Svo má byrgja fleiri.

Hinn möguleikinn er að sætta sig við sænska ástandið.

 

Meinið er að Svíarnir sætta sig ekki við það lengur.

Kveðja að austan.

Svíar að skipta um skoðun á förufólki

Er Morgunblaðið án Sóma??

 

Kannski að breytast í Samtökin Ísland-Palestína??

Eitthvað sem þekkir ekki lágkúruna og verður samdauna henni.

 

Ég man ekki eftir svona fréttaflutningi hjá Mogganum þegar eitthvað hyski taldi sig hafa höggstað á Bjarna Ben, eitthvað Þorláksmessukvöld fyrir langa löngu síðan.

Hyskið gerði ekki greinarmun á opinberri persónu og einkalífi sem allir hafa rétt á, ef það er ekki virt, þá sitjum við uppi sem þjóð með fígúrur, í besta fallli Barbí í bleiku, í þeim embættum sem við kjósum til.

 

Það má vel vera, og er reyndar líklegt að þá hafi Píratar kastað sig á vagn hyskisins, jafnvel ekki getað haldið jól fyrir heilagri vandlætingu.

Jafnvel þurft að sækja í athvarf með obba af heilögum þingmönnum Samfylkingarinnar, sem þá höfðu aðeins eitt stefnumál, að hneykslast, að benda á, og eitthvað sem Bjarni gerði, kallaði á athvarf hneykslaðra, fólks sem finnur sig ekki í samfélagi mannanna vegna eigin fullkomleika.

 

En hvað kemur sú heilaga vandlæting í dag þessu persónulega máli þingmanns Pírata við??

Er þetta einhverskonar síðbúin hefnd, að fyrst að það voru þið, þá getum við það líka.

Að lágkúran sé allra, aðeins spurning um tækifærið.

 

Hvílíkur barnaskapur.

Hvílíkur vanþroski.

 

Hyskið var ekki til eftirbreytni, það hefur aldrei verið til eftirbreytni.

Fólk er betra en þetta.

 

Eða það skyldi maður halda.

Kveðja að austan.

„Ég var dónaleg og streittist á móti“

Morgunblaðið og Rúv ganga ekki í takt.

 

Morgunblaðið segir að 10 mánaða gömlu barni hafi verið rænt af Hamasliðum og tekið í gíslingum, svona líkt og þegar menn ræna einhverjum og krefjast lausnargjalds.

Jóhanna Vigdís las sjónvarpsfréttir í fyrrakvöld og sagði þá að Hamasliðar hefðu hneppt þetta 10 mánaða gamla barna í varðhald og ég horfði þrisvar á endursýningu þeirra orða, og sá Jóhönnu Vigdísi aldrei svelgjast á að kalla gíslatöku Hamasliða "varðhald".

Verð því að gefa mér þá skýringu að hún yrði bara mjög kát með að íslenska lögreglan myndi ryðjast inná heimili barna hennar, og hneppa 10 mánaða gamalt barnabarn hennar (það er ef hún ætti eitt slíkt) í varðhald.  Sökin þá líklegast að það hefði staðið í grýtingum á götum úti.

 

Sé einhver svo grunnhygginn að halda að íslenskt fréttafólk kunni ekki íslenskt mál, og þekki ekki merkingarmuninn á barnsráni og gíslatöku, þá mætti einhver ungur fréttamaður í settið í gær, og útskýrði fyrirhuguð fangaskipti  Ísraela og Hamas. 

Ísraelsku gíslarnir voru sko fólk sem Hamas hafði handtekið, en ekki rænt.

Spurningin er hvort líkin af hálfnöktu kvenfólki, sem Hamasliðar höfðu nauðgað, áður en þeir aflífuðu þær, og fluttu svo eins og hvert annað kjötstykki á pallbílum yfir á Gasa, múgnum þar til mikillar gleði, hafi verið handtekið fólk sem í geðshræringu sinni braust úr haldi, afklæddi sín helgustu vé, og hættu svo að anda til að mótmæla handtöku sinni??

 

Væri þetta kannski eina taktleysið sem hrjáði Rúv, þá mætti kannski fyrirgefa fréttastofunni, pólitísk rétthugsun er jú þung byrði að bera.

En alltaf þegar hið hörmulega mannfall óbreyttra borgara á Gasa er tíundað, þá er um leið tekið fram að um fjórtán hundruð Ísraelar hafi fallið í árásum Hamas á Ísrael, svona líkt og þeir hafi sprengt þar eldflaugar og varpað sprengjum.

Morgunblaðið hins vegar birtir myndskeið, frá Hamasliðum, þar sem þeir elta uppi ungar konur, og aflífa þær, líklegast eru takmörk hve mörgum er hægt að nauðga og svívirða á hlaupum, og það var jú ekki alltaf pláss á pallbílum fyrir meint handtekið fólk sem Hamas ákvað að hneppa í varðhald.

 

Sem aftur vekur reyndar upp spurninguna, af hverju ætti að handtaka ungmenni og hneppa í varðhald, þegar þeirra eina sök var að mæta á friðartónleika þar sem undirliggjandi ósk var um frið og sátt milli þjóðanna tveggja, var það svo glæpsamlegt að áliti fréttamanna Rúv??  Æsifréttamennska þrífst jú alltaf best í stríðsátökum og fórnarlambavæðingu.

Kannski voru þessi ungmenni réttdræp að áliti Rúv og Góða fólksins vegna þess að það flúði handtökuna, það væri bara svona eins og réttdræpur minkur í hænsnabúi vegna þess að það átti sér ósk um frið.  Samt vil ég segja því til betrunar, að það vissi ekki af meintri handtöku sinni og síðan varðhaldi vegna glæpa sinna, það heyrði bara fyrst skothvelli, og svo tók fólk að deyja.

Svona alveg eins og fólkið sem var skotið af færi út götu  snemma morguns í landamærabæjum, en líklegast hafa mann- og frelsisvinirnir í Hamas talið fyrirfram líklegt að það mynd flýja vænta handtöku sína og síðan varðhald, þess vegna væri besta að skjóta það fyrirfram fyrir meinta flóttatilraun sína.

 

Samt sem áður, í allri meðvirkni Rúv og Góða fólksins, hvernig var hægt að kalla þessar aftökur án dóms og laga, stríðsátök??

 

Stríðsátök eru til dæmis þegar menn skjóta eldflaugum af handahófi á borgir og bæi meintra óvina sinna, og það gerði Hamas ótæpilega þennan örlagaríka dag þegar siðvitund Góða fólksins var afhjúpuð sem hræsnin ein, og já kannski líka sem yfirdrepskapur.

Það féllu margir óbreyttir borgarar í þeim árásum, sem voru handahófskenndar, þjónuðum þeim eina tilgangi að drepa sem flesta óbreytta borgara, því ekki var skotið á hernaðarmannvirki.

Vissulega voru flestar flaugarnar skotnar niður, og þær sem komust í gegn, voru ekki líklegar til þeirra stórræða að drepa marga, en drápu samt nokkra, fólk sem var sofandi í rúmum sínum.

En þetta er stríð, og í stríði er fólk drepið, svona alveg þangað til menn semja frið, eða annar gefst upp fyrir hinum.

Og það féll fólk í Ísrael, bæði hermenn og óbreyttir borgarar vegna slíkra árása.

 

Morgunblaðið hefur hins vegar samviskusamlega haldið til haga voðaverkum Hamasliða, sem ekkert heilbrigt fólk á sinni getur réttlætt.

Og það er erfitt að sjá hvernig hægt sé að kenna flugskeytum um afhöfðun fólks, eða að líkamsleifar af kornabarni fundust inní glóðheitum bakaraofni.

Eða að sprungið flugskeyti hafi haft þau áhrif á bandspotta að þeir hafi sjálfir skorið sig niður í hentugar stærðir til að binda sama börn við feður sína eða mæður, og síðan kveikt í þeim, án þess að nokkur önnur ummerki um sprengingar hafi fundist á heimilum hinna drepna.

 

Og flugskeyti svívirða ekki og nauðga.

En þau drepa vissulega líkt og saklaus fórnarlömb voðaverka Hamas hafa fundið á sínu skinni á Gasa.

Því eini tilgangur þessa hroða og villimennsku eru skýr skilaboð til almennings í Ísrael; það eru annað hvort þið eða við.

Með þekktum afleiðingum.

 

Hvort sem þessi átök eru upphaf af endalokum Ísraelsríkis, sem og vopnaðra átaka í Evrópu við miðaldahyski Íslamista, því það er ekki í lagi með fólk sem fyllti götur borga Evrópu og fagnaði voðaverkum Hamas, á eftir að koma í ljós.

Eina sem er öruggt að það er úti um tveggja ríkja lausnina, en líklegast átti bara eftir að tilkynna andlát hennar.

Og átökin eru bara rétt að byrja, það er erfitt að sjá hvernig arabaríkin, og almenningur í arabarríkjunum geti horft þegjandi á þegar Ísraelar þurrka út byggð á Gasa.

 

Samt er hægt að segja satt, og fordæma það sem fordæma ber.

Því mennskan þekkir enga flokkadrætti, og sumt er aldrei hægt að réttlæta.

 

Það virðist hið gamla blað borgarstéttarinnar, með hundrað og eitthvað ára sögu, átta sig á.

En ríkisfjölmiðill okkar ekki.

 

Það er eins og Góða fólkið þar átti sig ekki á að það er alltaf einhver þarna úti sem telur sig hafa verið órétti beittan, og hafi harma að hefna.

Trúi það því ekki, þá getur það spurt Svíana sem voru að horfa á fótboltaleikinn í Belgíu, það er ef það þekkir góðan miðil sem getur aflað frétta af handan.

 

Menn eiga að þekkja til siðar þó þess eigin börn eða barnabörn hafi ekki verið brennd lifandi í bakaraofnum ómennskunnar.

Eða koma að líkum barna sinna bundin við barnabörnin, brennd lifandi, eða að villimennskan hafi sýnt miskunn og afhausað áður en kveikt var í.

Það á ekki að þurfa til að menn skilji hvað þetta er rangt.

 

Og áður en menn falla í gryfju sjálfsréttlætingar framkvæmdarstjóra Sameinuðu þjóðanna að vísa í rætur átakanna, sem vissulega geta skýrt flugskeytaárásir Hamas á Ísrael, að þá mega menn ekki gleyma að þetta er ekki í fyrsta skiptið sem miðaldalýður Íslams svívirðir konur, nauðgar, drepur, selur eftirlifandi í kynlífsþrældóm, eða lætur sér duga að brenna lifandi konur og börn, að ekki sé minnst á afhöfðanir, misþyrmingar á föngum, eða annað sem meintir trúleysingjar í augum miðaldahyskisins hafa þurft að þola í Írak og Sýrlandi, eða venjulegt fólk í jaðarbyggðum Saharaeyðimerkunnar.

Blóðslóðin og viðbjóðurinn er út um allt eftir þetta miðaldahyski, og fögnuðurinn og blístrið nær langt inní hina gömlu Evrópu.

Ræturnar liggja nefnilega í hugmyndaheim og heimsmynd, en ekki í meintri kúgun Ísraela á Palestínumönnum.

 

Ekki að það skipti máli.

Svona viðbjóð á alltaf að fordæma, og það er ekkert sem réttlætir hann.

 

Hamas gerði okkur Íslendingum þó einn greiða.

Samtökin afhjúpuðu innantómt fólk sem er ekkert annað en frasar, en hefur ekki sið til að þekkja muninn á réttu eða röngu.

Hismi utan um engan kjarna.

 

Mætti þakka ef ekki væri vegna allra barnanna sem dóu 7. október í Ísrael, og eftir 7. október á Gasa.

Og allra barnanna sem eiga eftir að deyja næstu vikur, mánuði og ár.

 

Þá var sjálfsblekking Góða fólksins betri.

Þó hún væri illþolandi, líkt og fló á hundsskinni eða nútímasinfóníur á Rás 1.

 

Því eins og góður maður sagði eitt sinn á síðustu öld; sumt gerir maður ekki.

Ómennsku er aldrei hægt að réttlæta.

 

Aldrei.

Án undantekninga.

 

Aldrei.

Kveðja að austan.

 

Hvaða fólk fær frelsi sitt aftur?

Hvað ef jörðin hefði opnast og eldur komið upp??

 

Áður en menn dröttuðust til að rýma bæinn þrátt fyrir fordæmalausar skjálftahrinur síðustu daga.

Það er ekkert sem sagði að kvikan myndi stöðvast á rúmlega kílómetradýpi undir Grindavík eða nágrenni þess.

Í raun var hraðinn á kvikuinnstreyminu það mikill að það á að teljast kraftaverk að kvikan bryti sér ekki leið uppá yfirborðið og íbúar Grindavíkur þar með í mikilli lífshættu og ekki víst að allir hefðu sloppið.

 

Þessar spurningar eiga almannavarnir og veðurstofan að spyrja sig, það á ekki þurfa til þrýsting frá fjölmiðlum og almenningi.

Og svarið á að vera heiðarlegt.

 

Það er ekki þannig að mætir sérfræðingar eins og eldfjallafræðingarnir  Þorvaldur Þórðarson og Ármann Höskuldsson, báðir prófessor við Háskóla Íslands, hafi varað við og hvatt til rýmingar í tíma.

Og þessir mætu menn voru beittir þöggun, jafnvel talað um hræðsluáróður.

 

Stefið var að það er alltaf nægur fyrirvari, þó er það bara ekki alltaf, nýlegt dæmi er mannfallið hjá túristahóp sem lenti í eldgosi á eldfjallaeyju í Kyrrahafinu, og þar dugði ekki fyrir dómi hjá eigendum ferðaskrifstofunnar sem skipulagði skoðunarferð þeirra, að vísa í rökin; "já en sérfræðingarnir sögðu að það yrði alltaf fyrirvari".

Dómur sem hefur ekki skilað sér til Almannavarna eða Veðurstofunnar.

 

Hlálegt var að fylgjast með fréttatíma sjónvarps síðasta miðvikudagskvöld þar sem það þurfti Arnar Björnsson fréttamann til að afhjúpa að ferðamenn sem fóru í Bláa lónið voru ekki upplýstir um yfirvofandi eldhræringar, upplýsingagjöfin ekki betri en það.

Og þeir sem töldu seðlana ybbuðu sig bara, sögðu enga ástæðu til að loka á meðan almannavarnir krefðust þess ekki, og það væri bara alveg óvart að það hafði gleymst að láta ferðamenn vita af yfirvofandi eldgosi svo þeir gætu tekið upplýsta ávörðun um dvöl sína þar.

Það þurfti óbærilega jarðskjálfta sem hrakti ferðamenn úr rúmum sínum og í næsta leigubíl, til að menn sáu að sér, og lokuðu, tilneyddir.

 

Samt átti ekkert að gera varðandi íbúa Grindavíkur þó jörðin hristist stanslaust og land væri farið að gliðna vegna sískjálftana.

Það var sko þessi fyrirvari og síðan væri ekki víst að eldgosið kæmi upp mjög nálægt bænum, heldur aðeins bara nálægt.

Þá las ég viðtal, að mig minnir við Ármann, þar sem hann benti á að óvissan væri mikil, bæði um tímalengdina, sem og hvar gosið kæmi upp, sem allar líkur bentu til að myndi koma.  Og þessi orð stungu mig; "það er mannslíf undir", hvað ef??

 

Atburðarrás síðasta föstudags var síðan ótrúleg, þrátt fyrir stöðuga jarðskjálfta undir fótum Grindvíkinga, og hús og vegir voru farnir að rifna, þá var stefið samt, "engin ástæða til að rýma að svo stöddu".

Eftir hverju voru menn eiginlega að bíða???

Hvað var í húfi að fólk yfirgæfi bæinn tímanlega, í dagsbirtu, án óðagátar??, ef það hefði ekkert orðið úr gosi, eða það fjarri byggð, þá hefðu menn bara snúið heim aftur.

 

Það hefði getað farið illa, en það fór ekki illa.

Sem íbúi í snjóflóðabæ veit ég að hús er oft rýmd án þess að snjóflóð falli, en þegar þau falla, þá vildi enginn vera í þeim. 

Og í mínum bæ hefur það gerst oftar en einu sinni að flóð hafi fallið og fólk verið í húsum sínum.

 

Almannavarnir snúast nefnilega um að spyrja Hvað ef??, og ef það gerist, erum við tilbúin að feisa afleiðingarnar, dugar grafarskriftin; Við vildum ekki raska ró ykkar.

Ég held ekki og menn eiga að læra af þessu.

 

Ekki afsaka sig.

Læra.

Kveðja að austan.

 

 

Stór og löng sprunga opnast í Grindavík

Við þjónum aðeins barnamorðingjum.

 

Níðingum sem bundu börn saman og kveiktu svo í þeim.

Í þeim eina tilgangi að vekja upp þau heiftarviðbrögð sem við upplifum á Gasa í dag.

Því viðbjóðurinn vissi að hann yrði nógu viðbjóðslegur, þá myndu varnarviðbrögð Ísraela drepa börn, skaða börn, að ekki sé minnst á annað mannfall á Gasaströndinni, og rétttrúnaður Góða fólksins gekk í gildruna.

 

Í forheimsku sinni og fávitahætti, í algjörri firringu gagnvart raunveruleikanum, þeim raunveruleika að sá sem drepur börn og skýtur eldflaugum á annað land, að honum er svarað þar til yfir líkur, þá fattar þetta meinta "Góða fólk" ekki hin einföldustu sannindi til að stöðva hildarleikinn á Gasa.

Hildarleikinn sem hefur kostað þúsundir saklausra lífið.

Þar sem börn og unglingar eru í góðum meirihluta.

 

Þeim sannleika að krefjast þess að níðingarnir séu framseldir, að þeir njóti ekki lengur skjóls óbreyttra borgara.

Vissulega krafa sem gekk ekki upp í Seinni heimsstyrjöld, og því fórust margfalt fleiri óbreyttir borgara í loftárásum Bandamanna á Þýskaland, en féllu í loftárásum Þjóðverja á Bretland.  Eldárásin á Hamborg kostaði til dæmis fleiri óbreytta borgara lífið en féllu í öllum loftárásum Þjóðverja á breskar borgir, eldárásin á Dresden felldi fleiri en dóu í Hirosima.

En hefðu nasistarnir gefist upp þá hefði allt þetta fólk ekki dáið, hefði hinn óbreytti borgari, hinn óbreytti hermaður gert upp við nasismann og framselt ómennin, þá hefði hundruða þúsunda óbreyttra borgara sloppið við þau örlög að vera brennd lifandi, en svo var ekki.

Níðingarnir héldu völdum og hinn venjulegi, maðurinn, konan, börnin sem þau sóru að verja, borguðu gjaldið.

 

Þetta sama gjald er borgað á Gasa í dag.

Og forheimskan og fávitahátturinn bendir putta sínum á réttmæt viðbrögð Ísraela, allir, líka gyðingar á löglegu sjálfstæðu landi, hafa rétt á að verja sig. 

Líka þegar níðingarnir fela sig innan um óbreytta borgara sinnar eigin þjóðar.

Því það er níðinganna ákvörðun, ekki þeirra sem verja sig vegna árása sem eru óréttanlegar.

 

Fávitahátturinn upphefur níðingsverkin, það er eins og það sé dulin duld í innsta kjarna Góða fólksins að einhver komi og afhöfði börnin þeirra eða kveiki í þeim lifandi, og það séu þá börn nágrannans, og að nágrannarnir séu skotnir á færi.

Það sé einskonar nútímaútfærsla á Scream eða öðrum þriðjaflokks hryllingsmyndum sem mótuðu hugsanaferli Góða fólksins í æsku.

Að horror eða hryllingur sé ekki raunverulegur nema í bíómynd, og þegar þær eru ekki í boði, þá séu myndbönd níðinganna í Hamas svona sárauppbót yfir horfnum tímum, og því skilur Góða fólkið ekkert í heift Ísraela gagnvart níðinu, og vilja þeirra til að uppræta þá í eitt skipti fyrir allt.

 

Sú uppræting kostar óteljandi mannslíf.

Og þar að baki geta aðeins verið tvær skýringar, sú fyrri að íbúar Gasa séu einbeittir í barnamorðum og níðingsskap gagnvart óvinum sínum, og því sé fórnarkostnaðurinn, mannfall barna þeirra réttlætanlegur fórnarkostnaður.

Eða sá seinni, að hinn Venjulegi hafi ekkert með þessi níðingsverk að gera, að hann sé fastur í gildru öfgamanna sitthvorum megin við girðinguna sem markar af Gasa-gettóið.

 

Hvort sem er gæti fólk spurt sig, sérstaklega Góða fólkið, hvort það sé að þjóna hagsmunum öfgamannanna beggja megin girðingarinnar, öfgamannanna sem hiklaust fórna lífi samborgara sinna, sérstaklega barna, til að fá fram rétt hughrif í síflæði upplýsinga á alnetinu.

 

Hvað er betra en grátandi barn, sérstaklega skjálfandi barna í sprengjulosti, til að vekja samúð og viðbrögð??

Í raun miklu betra en samanbundin börn, brennd lifandi.

Þau eru svona eftir á, brennd, koluð, ekki til frásagnar um óttann sem heltók þau áður en trúníðingarnir kveiktu í þeim.

 

Því að bak býr sá kaldrifjaði að fólk sé heimskt, að fólk séu fávitar, að fólk hugsi ekki eða finni til með náunganum.

Að þetta snúist allt um að stuða það á samfélagsmiðlum, þess vegna hvetur þú áfram "þitt fólk" með myndböndum af voðaverkum af börnum hinna "réttdræpra", og skiptir svo hratt yfir í samúðargírinn þegar Góða fólkið vill fá sitt Scream eða annað Horror.

Og þá er treyst á heimskuna, á fávitaháttinn, að ekki séu grundvallarspurningar spurðar.

 

Spurningar sem spyrja, hver hóf þetta átakaferli með voðaverkum sínum??

Og af hverju er þess ekki krafist að níðingarnir séu framseldir eins og til dæmis skepnurnar sem réttað var yfir í Nurnberg 1945.

 

Þeir sem krefjast vopnahlés án þess að krefjast framsal níðinganna, eru í raun að samþykkja níðingsverk þeirra.

Og þar með að afneita þróun síðmenningarinnar síðustu 200 áranna eða svo, þar sem mannkynið ákvað að samþykkja ekki hvað sem er, þó viðkomandi teldi sig berjast fyrir góðum og gildum málstað.

Þess vegna var réttað yfir drápurunum í Rúanda, þess vegna var réttað yfir fjöldamorðingjunum á Balkanskaga.

 

Og þess vegna á að rétta yfir Hamas, bæði forystumönnum samtakanna, sem og þeim liðsmönnum sem breyttust í dýr, hrópandi Alla er mikill, og frömdu voðaverk sem aðeins viðrini geta réttlætt.

Íbúar Gasa þurfa alþjóðlega aðstoð til að koma lögum og reglu yfir níðingunum.

Aðeins þannig er hægt að stoppa drápin og mannúðarkrísuna á Gasa.

Allt annað er hræsni og skinhelgi.

 

Skinhelgi sem birtist meðal annars í þessari frétt, Góða fólkið, sekari en sjálf syndin, réttlætir samþykki sitt á Níðingnum með því að upphefja sig á kostnað hins venjulega sem hefur ekkert með málið að gera.

Ekki frekar en barnið sem leigusali í Bandaríkjunum stakk til bana, og særði móðir þess lífshættulegu sári, þeirra sök að leigja af honum íbúð, og þau voru ættuð frá Palestínu.

Fyrir utan hinn aumkunarverða viðbjóð í hvoru tveggja, eða að heimskan og fávitahátturinn skýrir aðförina að hinum Venjulega, þá búum við Íslendingar við þrátt fyrir allt stjórnarfar sem gerir ekki upp á milli fólks.

Við sýnum gestum okkar kurteisi og dæmum ekki.

 

Vissulega hefur alþjóðavæðingin gert ferðaþjónustu okkar alþjóðlega og leitun er að fólki innan hennar sem hefur íslensku og íslenskan arf í genum sínum, þar eins og aðrir höfum við orðið fórnarlömb sígræðgi glóbalsins eða alþjóðavæðingarinnar, en samt!!

Samt!!!

 

Síðast þegar ég vissi þá stjórna Íslendingar ennþá löggjafarvaldinu og framkvæmdarvaldinu.

Og ef þetta fólk er ekki því mun aumara, þeim mun meiri ræflar gagnvart rétthugsun Góða fólksins, þá grípur það inní.

Vegna þeirrar einföldu reglu að á meðan íslensk stjórnvöld leyfa ferðamenn frá einstökum ríkjum, þá njóta viðkomandi ferðamenn þjónustu og gestrisni landsmanna, skiptir engu þó aðeins örfáir í ferðaþjónustunni kunni íslensku eða þekki til íslenskra gilda eða siða.

 

Og það á ekki að líða þessa "Nokkra aðila í ferðaþjónustu sem hafa gefið út þann boðskap að þeir muni ekki þjónusta ferðamenn frá Ísrael vegna stríðs Ísraela" við Hamas samtökin.

Það er svívirða að þessir aðilar hafi rekstrarleyfi eftir helgi.

Vanvirða við gildi þjóðarinnar, að virða gesti okkar, óháð hverrar þjóðar, trúar eða menningar þeir eru.

Það er stutt frá þessari vanvirðingu til mannsins sem stakk móður og dóttur, móðirin helsærð, dótturinn lifði ekki af árásina, bara vegna þess að hún var hluti af einhverju sem morðinginn hataðist við.

Því hann trúði hatrinu og heiftinni sem dró fólk í dilka.

 

Barnamorðingjar og níðingar njóta mikils stuðnings á Íslandi í dag.

Stuðningsmenn þeirra mótmæla daglega, í fjölmiðlum reyna þeir kynroðalaust að réttlæta voðaverkin.

Eins og þeir hafi ekki lesið Halldór og brýningu ömmunnar í Sjálfstæðu fólki, eins og þeir hafi ekki lesið Þorberg og vitneskju hans um að það bíði okkur dómur í næsta lífi.

Ekki bara hvað við höfum gert, heldur líka hvort við höfum stutt hið góða og fordæmt hið vonda.

Og það eru hinar framliðnar ömmur okkar sem dæma gæfu sem og ekki svo gæfuspor okkar.

 

Ég er ekki amma, hvað þá framliðin amma.

En ég vildi ekki vera í sporum þeirra sem réttlæta voðaverk með vísan í fyrri kúgun, afneita þar með mennsku sinni, að ekki sé minnst á gæskuna sem ömmurnar og afarnir reyndu að kenna þeim með framferði sínu og óendanlegum kærleik.

En það ræður hver sínu helvíti, hvort sem þeir fremja voðaverk, eða styðja þau.

 

En íslensk þjóð, við erum jú ennþá í meirihluta í landinu okkar, á ekki að líða þá útlendingavæðingu að gestrisni okkar sé vanvirt, að að fólk sé úthrópað vegna þjóðernis síns.

Hver sem á í hlut, Ísraelar í dag, kannski Rússar í gær, og guð má vita hver lendir í réttlætiskvörn Góða fólksins á morgun.

Við erum ekki svona, og þó orðræða fávitanna hafi náð undirtökum á samfélagsmiðlum, þá á skynsamt fólk að vita að dilkar voru alltaf upphaf voðaverk, og aldrei hefur staðið á réttlætingunni.

 

Það eru mörk á öllu.

Og þó við höfum ekki þann kjark og dug að krefjast þess að voðamennirnir í Hamas verði framseldir, og í framhaldinu að friði verði komið á á Gasa, og það frið sem heldur.

Þá eigum við ekki að láta fávitana sverta orðstír okkar og æru.

Við getum ekki veitt öllum skjól en við eigum að geta tekið vel á móti fólk, alveg óháð deilum þess, óðháð trú þess eða hvorum megin Gettó girðingarinnar það býr.

Þetta er venjulegt fólk eins og við, og í þessari deilu er það fórnarlömb valdasjúkra miðaldamanna, beggja vegna Gettógirðingarinnar.

 

Því það er alltaf hinn venjulegi sem þjáist.

Og hvað sem við erum, og við samsinnum okkur við auðróna og auðræningja og lífstíl þeirra, þá erum við samt í hjarta okkar, í arfi genginna kynslóða, þá erum við samt í kjarna aðeins Venjulegt fólk.

 

Þarna úti er stríð gegn okkur.

Okkar val er að taka ekki þátt í því.

 

Og sýna samúð og samhygð.

Hver sem á í hlut, hvar sem örlögin létu hann fæðast.

 

Því hann er eins og við.

Aðeins venjulegur.

Og vill lifa í frið og sátt til að koma börnum sínum á legg.

 

Hógvær bæn, sameiginleg okkar.

Að fóstra og vernda lífið sem við ólum.

 

Um það á ekki að þurfa að rífast.

Kveðja að austan.

 

 

 

 

 

 

 

Vilja ekki veita Ísraelum þjónustu