Árni Páll sleppur við Rauða spjaldið í ICESave.

 

Góð greinargerð, greinilega samin af Stefáni Má Stefánssyni prófessor.  

Og hún er lögfræðilega rétt.

 

Minni á nýlegt álit þýska stjórnlagadómsstólsins um að ESB geti ekki tekið sér valdheimild sem það hafi ekki.

"Valdið er hjá fólkinu" segir forseti dómsins og ef menn vilja annan hátt, þá verða þeir fyrst að breyta stjórnarskrám aðildarríkja ESB.

Hið sama gildir um EFTA ríki sem eiga aðild að EES samningnum.  Þau er sjálfstæð, og EES samningurinn veitir þeim fullt vald til að bregðast við neyðarástandi með þeim ráðum sem þau ráða yfir.

 

Ef ESA verður svo vitlaust að vísa málinu til EFTA dómsins, þá mun dómurinn annað hvort hafna að taka málið fyrir eða dæma gegn ESA.   

Það er útilokað að dómurinn dæmi gegn stjórnskipan álfunnar, gegn lýðræðisvaldi einstakra þjóðþinga álfunnar, og gegn hagsmunum hennar.  

Frönsk stjórnvöld eru í strögli í dag að útskýra ríkisábyrgð sína á skuldbindingum Dexia bankans.  Markaðurinn óttast að það muni veikja lánstraust landsins og það verð lækkað um flokk af matsfyrirtækjum.

Menn geta rétt ímyndað sér áfallðið fyrir einstök ríki ef EFTA dómurinn kvæði upp dóm þar sem það væri sagt berum orðum að þau væru í ábyrgð fyrir öllum  innistæðum í löndum sínum.  

 

Það vill enginn ICESave umræðuna lengur.  Það styður enginn ESA í sprikli sínu.

Og það óttast enginn hótanir þess, nema að sjálfsögðu hinir vitgrönnu á Ruv.  En það stafar að heilaþvotti bresku leyniþjónustunnar í gegnum fréttamann Spegilsins.  Heilaþvottur sem virkar á engan nema þá sem hafa lítinn heila.

Og trúa því að EKKI ríkisábyrgð þýði, EKKI EKKI ríkisábyrgð.

 

Árni Páll á heiður skilið fyrir að standa með þjóð sinni undanbragðalaust eftir að hún hafnaði síðasta ICEsave samningi.  

Hann hafði sínar ástæður fyrir að styðja hann, en hann varð undir og tók því eins og maður.

Og hefur síðan unnið að heilindum fyrir þjóð sína.

 

Eitthvað sem á að meta og mun verða metið.

Kveðja að austan.

 

 

 

 

Báru ekki skarðan hlut frá borði

Athugasemdir

[Kjartan Sigurgeirsson, 5.10.2011 kl. 15:55]

Batnandi mönnum er best að lifa, það er ljómmandi gott að Árni Páll er hættur að hanga eins og hundur á roði Steingríms og farinn að halda fram öðrum skoðunum en hans, alla vega þegar Steingrímur heyrir ekki til.

[Ómar Geirsson, 5.10.2011 kl. 16:37]

Segðu.

Kveðja að austan.

[Ásthildur Cesil Þórðardóttir, 5.10.2011 kl. 17:48]

Já er hann farin að gera það blessaður.  Annað hef ég heyrt.  Hann er aftur á móti einn af þeim sem ber klæðin á báðum öxlum til að halda vinsældum.  Nú er pilturinn sennilega farin að skilja að ríkisstjórnin hans er komin upp á sker, og þá er um að gera að sýna hinum að hann getur.......  Gef ekki mikið fyrir svona menn, best er að vita hvar maður hefur fólk.  Ég myndi ekki treysta Árna Páli fyrir næsta horn segi og skrifa.

[Ómar Geirsson, 5.10.2011 kl. 18:23]

Það sem slíkt er ekki málið Ásthildur, heldur hvað er gert.

Og í ICEsave er hann að gera rétta hluti í dag.  Það þarf ekki annað en að hlusta á bretaagentinn á Ruv, sem allflestum sem gagnrýna Árna finnst frábær blaðamaður því hún talar um spillingu, til að skilja gremju breta og bandamanna þeirra á Íslandi.  Hún vandar Árna ekki kveðjuna.

Við í andstöðunni ættum frekar að horfa í eigin barm og spyrja, af hverju treystum við Ruv (tæp 80%), af hverju hrósum við DV eða hlustum á hundrað prósent fífl eins og Guðmund Ólafsson eða Jónas Kristjánsson, bara vegna þess að þeir skíta út íhaldið og suma fallna útrásarmenn, en beita sér að alefli fyrir kúgun og þrælkun þjóðarinnar.

Við ættum að spyrja okkur að þrátt fyrir að tugþúsundir mann þjást vegna Hrunskulda og að mjög fáir koma stjórninni til varnar, að þá klúðrum við endalaust mótmælum þannig að einfaldar svæfingartilraunir ríkisstjórnarinnar heppnast alltaf.

Það skiptir ekki máli af hvaða hvötum Árni Páll vinnur fyrir þjóðina í ICEsave, hann er að vinna fyrir þjóðina, og hann gerir það á réttan hátt.

Í dag, núna.

Í dag, núna er andstaðan enn einu sinni að klúðra sínum málum.

Og hefur ekki ennþá grænan grun um af hverju.

Og það er mjög sorglegt.

Kveðja að austan.

[Elle_, 5.10.2011 kl. 18:42]

Já í RUV er brenglun og skæling, orð ICESAVE-STJÓRNARINNAR voru sögð sem fréttir væru í gegnum allt kúgunarmálið.  Í Speglinum var það viljandi og ætti að reka vinnumanninn með stærðar skömm og ná haldi á honum og öllum vinnumönnum fyrir erlend veldi gegn eigin ríki.  Og ekki með neinum silkihönskum. 

En Ómar, þú segir allt þarna og engu í alvöru við það að bæta.  Nema þú ert miskunnsamari en sumir.  

[Ásthildur Cesil Þórðardóttir, 5.10.2011 kl. 18:49]

Ég get tekið undir það að við eigum að virða það sem vel er gert, af hvaða hvötum sem það er gert.  Gott að hann er þarna á okkar róli.  Sammála með ruv og okkar fréttaritara í London bullshit.