Hvað er gert við óða hunda???

 

Lesið vandlega þau orð sem höfð eru eftir Birni Vali.

Þar er maður sem hefur kjark til að viðurkenna að ríkisstjórnin  sé brjáluð.  Og röksemdirnar eru af ætt geðvillinga, það er verið að byggja upp til framtíðar.

Sömu rök heyrðust fyrir nokkrum árum síðan í friðsælu landi af hópi fólks sem kenndi sig líka við vinstri.  Þar átti að byggja upp til framtíðar.  En fyrst var fólk rekið úr borgum og bæjum og það látið lifa við steinaldaraðstæður svo hægt væri að byggja upp, ekki á því sem það hafði, heldur rústum þess.

Aðeins geðvilltir menn, óðir menn haga sér  þannig.  Að þeir telji sig hafa rétt til að rústa, og kalla það síðan uppbyggingu.

Hvaða rétt hefur Björn Valur til að rústa áratugalangri uppbyggingu mannlífs á landsbyggðinni???

 

Hvað siðferðislegan rétt hefur maðurinn að vísa í AGS og Samtök atvinnulífsins þegar hann var kosinn út á andstöðu við gjörða og verka AGS og Hrunstefnu Samtaka atvinnulífsins.  Glæpur hans er ennþá stærri, því hann stal andstöðunni gegn þessu illþýðum niðurskurðar og eyðileggingar heilbrigðs mannlífs í þágu auðróna og auðræningja.

Hinir hafa aldrei borið á móti því að vilja illt, menn eins og Björn Valur þóttust vera annað.

 

Og heimska á bak við röksemdarfærsluna er algjör.  Ef menn eins og hann hefði leitt gyðingasamfélög Mið Evrópu í aðdraganda seinna stríðs, þá hefðu nasistar ekki þurft á öllum þessum mannafla að halda við gjöreyðingu gyðingasamfélaga, það hefði nægt að senda beiðni þar um og menn eins og Björn Valur hefði strax hafist handa við útrýma samfélögum sínum.

Rökin kristaltær, óvinurinn, sá sem vill okkur illt, hann bað um það.

 

Og fyrir þá sem horfa á óða hunda með þeirri hugsun, að líklegast verðum við að skera þetta niður, sérstaklega vegna þess að það er skorið niður hjá hinum,  og þess vegna sé þetta ekki æði  heldur grimmileg nauðsyn að eyða og eyðileggja, vil ég segja þetta.

Er ekki til heil brú af skynsemi í hugsun ykkar???

Hvaða hagfræðileg rök eða fjárhagslegur sparnaður réttlætir þetta brjálæði????

 

Í fjárlagafrumvarpinu eru skuldir ríkissjóðs sagðar vera rúmlega þrettánhundruð milljarðar.  Áætlaður sparnaður er 4,6 milljarðar, segjum að hann gangi allur eftir, hvað máli skiptir það fyrir ríkissjóð hvort skuld hans við Seðlabanka Íslands, skuld í innlendum gjaldmiðli, sé þessi upphæð til eða frá???  Eru 4,6 milljarðar meira virði en líf og limir samborgara okkar????

Þessir þrettán hundruð milljarðar eru að stofni til komnir vegna gjörða og afleiðinga af gjörðum fjármálakerfisins, þess kerfis sem núna stundar Útburð af miklum krafti.  Þetta sama fjármálakerfi vill að þjóðin, að almannasjóður borgi þessa skuld.

En almannasjóður er ekkert annað en fólkið sem vinnur fyrir hann.  Og þær tekjur sem duga til að borga lán í erlendum gjaldeyri koma frá landsbyggðinni.  Þessari sömu byggð sem ómennin ætla að rústa með þjónkun sinni við Alþjóðagjaldeyrissjóðsins.  

Hversu líklegt er að fólk á landsbyggðinni haldi áfram að vinna fyrir almannasjóð við gjaldeyrisöflun sína, ef menn njóta ekki grunnþjónustu samfélagsins eins og spítalaþjónustu????

Halda menn að það sé endalaust hægt að níðast á fólki án þess að það snúist til varnar, annað hvort með því hreinlega að yfirgefa byggðir sínar og reyna að lifa á innflutningi eins og restin af þjóðinni eða þá menn segja sig úr lögum við fólk sem lætur óða hunda stjórna sér.  Halda menn að það séu bara Baskar sem geta bara lýst yfir sjálfstæði????

 

Það er ekkert lögmál guðs að menn láti afætur rústa samfélögum sínum.  

Byltingar hafa sprottið af minna tilefni.

 

Hvernig sem á þetta er litið, þá hefur enginn hag á að lúta stjórn geðvillinga sem telja sig umkomna að brjóta niður til að byggja upp, eða stjórn auðæringja sem hugsa það eitt að blóðmjólka þau samfélög sem þeir ná tangarhaldi á.

Þess vegna verður skynsamt fólk að grípa inní.

Það fyrsta sem það getur gert er að svara þessari spurningu sem kastað er fram hér í fyrirsögn þessa pistils, "Hvað er gert við óða hunda?".

Svarið er mjög einfalt, þeir eru lokaðir inná viðeigandi stofnunum.

 

Og sú stofnun er ekki niður við Austurvöll.

Kveðja að austan.

 

 

 

 

Munu fjárlögin njóta þingmeirihluta?

Athugasemdir

[Larus (IP-tala skráð) 10.10.2010 kl. 14:28]

Frabær pistill hja ter.

En hvenær fer landsbyggdin ad standa saman, tvi um leid og hun gerir tad og synir tad, ta loksins vakna aumingjarnir vid austurvoll. Mer hefur stundum fundist landsfjordungunum att saman, (hver a ad fa hvad) til tess eins ad tad naist ekki su samstada ad losna vid alrædisvald idjuleysingjanna a SV horninu.

[Gunnar Heiðarsson, 10.10.2010 kl. 16:15]

Góður pistill hjá þér Ómar. Þú segir þarna það sem við flest hugsum!

[Kalli Sveinss (IP-tala skráð) 10.10.2010 kl. 17:11]

Snjalli Ómar  !

 Að venju einkar beinskeytt skrif.

 Aðeins vegna orðsins " geðvillingur". Ágæt þýðing á enska orðinu " Pschopath".

 Reyndar mikill munur á geðvillingur annarsvegar og/eða " geðklofi" eða " geðhverfur" hinsvegar. ! ( Svona til fróðleiks! )

 Strákurinn Björn Valur og hans líkir hljóta að fylla fyrstnefnda flokkinn !

 Já, hversvegna ætti fólkið í dreifðum byggðum landsins, að þræla sér út, ef jafnvel fæðingahjálp í mörgum bæjum aflögð ?

 Segi hinsvegar enn og aftur að, " something is rotten in the " state" of Austfirðir !!

 Eða hvernig má það vera, að Austfirðingar hópuðust á kjörstaði til að setja þennan "psychopath" á Alþing ?? !

 Þjóðin er á barmi hengiflugs.

 Holskeflur atvinnuleysis og gjaldþrot heimilanna við hornið.

 Þó ætla 40% þjóðarinnar krossa við þessar rekagáttir verði senn gengið til kosninga !

 " Vitið ér enn eða hvat" ?? !!

 Kveðja frá Seltjarnarnesi.

[Einar Björn Bjarnason, 10.10.2010 kl. 17:43]

Skv. fjárlagafrumvarpinu eru skuldir ríkisin eftirfarandi: bls. 52

Fjárlagafrumvarpið

• Gjaldeyrisforðalán252,7 mia.kr.20%
• Önnur erl. lán124,8 mia.kr.10%

• Endurfjárm. banka210,0 mia.kr.16%
• Endurfjárm. SÍ165,7 mia.kr.13%
• Halli 2008-10234,7 mia.kr.18%
• Önnur innl. lán297,2 mia.kr.23% 

Halli ríkisins virðist hafa verið cirka 10%

Vaxtagjöld sem hlutfall af tekjum 18,6%

Sbr. skv. OECD borgar ríkissj. Grikkl. rúm 11%

---------------------

Með fullri virðingu fyrir öllum - sé ég enga leið til að komast hjá miklum niðurskurði.

Ef til vill er hægt að lækka hann e-h með leið greiðsluþrots við útlönd og þá kippa erlendum vaxtagjöldum út - þá er hægt að framkalla verðbólgu og lækka krónuna um svona 50% í viðbót, þannig að skuldir verðfalli einnig um sama hlutfall á sama tíma og gjaldeyristekjur haldast í stað.

Slík trikk hafa verið leikin áður af ríkjum.

Hin leiðin er grimmur niðurskurður - þ.e. val um annaðhvort niðurskurð eða verðbólguleið.

Kv.

[Elle_, 10.10.2010 kl. 18:58]

Við getum haldið spítölunum opnum og haldið læknunum.  Stjórnvöld verða að hætta að eyða endalaust í óþarfa og vitleysu á ÖÐRUM STÖÐUM: Í fáránlega Evrópuumsókn, flokkastyrki, óþarfa göng og hallir eins og fokdýrt tónlistarhúsið, RUV eyðsluna og geggjaða stærð utanríkisþjónustunnar.  Og fyrst og síðast: HÆTTA AÐ SEMJA UM ICESAVE.  Við erum með óða stjórnarflokka og Björn Valur er einn af þeim verstu þar. 

[Ómar Geirsson, 10.10.2010 kl. 20:19]

Blessaður Einar, og takk fyrir innlitið og upplýsingarnar.

Ekki nokkur sála mér vitanlega neitar að horfast í augun á nauðsynlegum niðurskurði.  Eins og einhver góður Nobel í hagfræði sagði nýlega, þá þarf að ná áhrifum bólunnar úr almannakerfinu.  En hann og allir Nobelar sem ég hef lesið eftir (sem eru ekki margir því ég les ekki útlenskar tungur, nema þá í mikill neyð) benda á að í ástandi þar sem framleiðsluþættir eru ekki fullnýttir, þá gerir tafarlaus niðurskurður í kjölfar kreppu ekki neitt annað en að dýpka kreppuna, og draga þar með úr tekjum almannasjóða, og auka halla þeirra en ekki að draga úr honum eins og réttlætingin er.

Svo við spinnum okkur aðeins áfram þá sagði Bernanke seðlabankastjóri Bandaríkjanna þetta í fyrsta viðtalinu sem hann lét taka við sig eftir Hrun fjármálakerfis Bandaríkjanna.  "Já, ég er að tala um seðlaprentun".  Vísaði hann í það að viðráðanleg kreppa (vonandi eða hopefully) yrði óviðráðanleg ef allt væri látið hrynja, og það hefði ófyrirsjáanlegar afleiðingar fyrir atvinnulíf og almenning.  Með örðum orðum þá réttlætti hann seðlaprentun, sem er annað orð yfir kjaraskerðingu því hún minnkar kaupmátt gjaldmiðilsins, með tilvísun í almannahag.

Svipaða röksemd notaði Churchil þegar hann ákvað að ekki skyldi gefast upp fyrir Þjóðverjum þó gullið væri búið, hann lét prenta peninga og tók lán frá farmtíðinni.

Einar, hér eru tvö dæmi af ótalmörgum hvernig leiðtogar bregðast við neyðarástandi þjóða sinna.  Þeir gera vandann sameiginlega og einbeita sér að því að grunnstoðir þjóða sinna haldist.   Og hvernig sem á það er litið, þá er viðbót á skuld ríkisins við Seðlabanka Íslands uppá 4,6 milljarða ekki sú upphæð sem eyðir framtíðarefnahag þjóðarinnar.  En að færa heilbrigðismál landsbyggðarinnar 30-100 ár aftur í tímann, eftir því hvaða þættir eru skoðaðir, það ógnar tilveru þjóðarinnar.  

Bæði vegna þess að atvinnulíf landsbyggðarinnar forðar landinu núna frá gjaldþroti, og að veikja innviði þess eru hálfvitaráð, sem og hitt að stjórnskipunarleg eining þjóðarinnar getur verið í hættu ef íbúar landsbyggðarinnar uppgötva að orð geðvillinga fá hljómgrunn í Reykjavík.

Og það er dýrt að beita ofbeldi til að halda landinu saman.

Þá er það hagfræðirökin sem þú vísar í, að það þurfi að spara.  Og þá byrjar bullið hjá geðvillingunum, að þetta sé sparnaður.  Ef þjónusta viðkomandi spítala yrði aflögð, það er að ef íbúar viðkomandi landsvæða fengu eftirleiðis aðeins pillur og samúðarkort fyrir skattfé sitt, þá er hægt að tala um meintan sparnað.  En það er ekki verið að ræða um það, ekki ennþá þó það muni verða þegar AGS nær hér fullum völdum (heimild, saga AGS).  

Þess vegna er um tilfærslu á þjónustu að ræða.  Og sú tilfærsla er öll í dýrari einingar, bákn sem þurfa gífurlega fjármuni til að viðhalda sjálfu sér.  Og kostnaðurinn á bak við bráðaflutning segja þeir að sé að meðaltali 180 þúsund krónur.  Að ekki sé minnt á vinnutap, ferðakostnað og annað sem leggst á íbúa hinna dreifðu byggða. 

Hinn meinti sparnaður er því lygi Einar og skynsamt fólk á ekki að falla í þá gryfju að láta geðvillinga blekkja sig.

Þriðja (fyrsta var gildi peningaprentunar á neyðartímum, önnur að ekki er um sparnað) ástæða þess að um fullkomið rugl er að ræða er sú einfalda staðreynd að það féll ekki atvinnulíf á Íslandi haustið 2008.  Fjármálakerfið féll, og hinar meintu skuldir okkar eru tilkomnar vegna þess.  Það eru miklar tekjur í þjóðfélaginu, og almenningur sættir sig ekki við að grunnþjónustu sé skorin niður að því marki að hún sé aflögð.  Það er engin neyð sem réttlætir það.  Hvað þá að fólk sætti sig að vera dregið í dilka, að sumir fái lifað en aðrir ekki.

Og áður en við skerum niður grunnþjónustu, þá skerum við niður það sem er ekki grunnþjónusta.  Og ég fullyrði að þar má finna þessa 4,6 milljarða ef menn telja að sprengjum verði kastað á landið ef við notum peningaprentun eins og önnur ríki Vesturlanda gerðu.   Elle nefndi nokkur dæmi, fleiri má týna til.

En ég vil minna á grunnsiðleysið, það sem gerir það fullkomlega réttlætanlegt að nota orðið geðvillingur yfir þá sem leggja þetta til.  Það er vaxtakostnaðurinn við hinn gífurlega gjaldeyrissjóð sem er verið að byggja upp með lánum frá AGS og hinum meintu vinaþjóðum okkar.  Það er ekkert sem réttlætir hann, og meira að segja seðlabankastjóri hefur viðurkennt að hann sé alltof stór.

Og Lilja Mósesdóttir benti strax á Chile leiðina og Malasíuleiðina um hvernig ætti að takast á við útstreymi gjaldeyris.  Þessi lán þjóna því engum tilgangi öðrum en þeim að afleggja sjálfstæði landsins og leggja niður velferðarkerfi landsmanna á meðan þjóðin greiðir af þeim vexti og endurgreiðir höfuðstólinn.

Aðeins geðvillingar gera samlöndum sínum slíkt og það er engin afsökun að vitna í siðblinda hagfræðinga, ekki frekar að það réttlætti morð yfirstéttar Azteka á stríðsföngum að þeir trúðu því að annars kæmi sólin ekki upp.  Siðleysingjar allra tíma hafa notað ýmis rök til að réttlæta óhæfuverk sín.

Og Einar, núna er sá tími kominn að því linnir.  

Þess vegna kalla ég gjörð þessa manna réttum nöfnum, og geta vitnað í kennslubækur máli mínu til stuðnings um hver er skilgreiningin á orðinu geðvillingur.  Og ég get vitnað í söguna um gerðir ýmsa geðvillinga, og bent á samsvaranir.  

Og ég geri það Einar ef þess þarf.  En vinstrimenn eru orðnir svo aumir í sinni, að þeir reyna ekki lengur að réttlæta óhæfuverkin.  Sumir tuldra reyndar að það eigi ekki að segja satt um gjörðir þeirra, það eigi til dæmis að kalla Stalín leiðtoga en ekki geðsjúkling, og þó það sé geðvilla að valda öðrum sálarlausu tjóni, þá er það bara vegna þess að AGS sagði okkur að gera það það eða hvað sem þeir tuldra.  

En þeir tuldra ekki upphátt lengur.  Þeir vita innst inni að ekkert réttlætir þetta.  

Ég ætti að vita það, ég bý í bæ sem var einu sinni höfðuðvígi íslenskra sósíalista, en allir bæjarbúar hrista hausinn og mótmæla gjörðum þess fólk sem það einu sinni treysti til að stjórna landinu.  "Þetta er ekkert annað en hryðjuverk" stóð á spjaldi einu, og það lýsir best hug íbúanna.

Og það þarf geðvillu til að skipuleggja hryðjuverk, það er ekkert mennskt við það.

Kveðja að austan.

[Ómar Geirsson, 10.10.2010 kl. 21:43]

Blessaður Larus.

Þú kemur inná kjarna málsins, það að deila og drottna, að etja saman ólíkum hópum og íbúum landsins gegn hvorum öðrum er eitt meginstefið AGS stjórnarinnar, og skýrir hve langt hún komst í eyðingarferli sínum.

En hún kemst ekki í gegnum þann karakter landsmanna að vilja ekki að það sé níðst á fólki.  Núna vantar forystu í andófið, en ef hún kemur ekki, þá dregst þetta um einhverja daga.

En stjórnin fer, jafnvel bretum tókst ekki að kveikja svona reiði þegar þeir næstum því sökktu Ægi í síðasta þorskastríði.

Það bókstaflega kraumar í fólki á landsbyggðinni.

Kveðja að austan.

[Einar Björn Bjarnason, 10.10.2010 kl. 21:49]

Ómar - varðandi niðurskurð þá er ekki alveg rökrétt að niðurskurður sé öldungis ófær - en í grunnatriðum þegar fjárstreymi úr sjóðum okkar er meira en innstreymi, þá eru einungis 2. leiðir í aðalatriðum færar þ.e. að auka innstreymi til að jafna reikninginn eða að minnka umsvif.

Ef það væri rétt að þú tapaðir á að minnka umsvif, þá væri það mögulegt að alltaf stöðugt auka þau og þú myndir alltaf stöðugt græða meira - svona svipað og einstaklingur myndir alltaf eiga meir eftir því sem hann myndi auka sína eyðslu.

Á hinn bóginn - er ekki endilega verið að vera að leggja til rétta niðurskurðinn. Þ.e. aftur á móti allt annað deilumál, hvar á að skera niður.

Ég hugsa að réttara væri að skera hér fyrir sunnan - en láta grunnþjónustu á landsbyggðinni frekar í friði enda er þjónustustig lægra.

Kv.

[Ómar Geirsson, 10.10.2010 kl. 21:51]

Takk Gunnar, það hefur komið mér á óvart hvað margir lesa svona orðsterkan pistil.  Vissulega hef ég lengi unnið að því að skapa mér þann status að geta sagt hlutina tæpitungulaust en á þann hátt að orð mín séu lesin, en samt, það er mikið í lagt.

Og segir allt sem segja þarf um ástandið að bloggistjórar skuli vekja athygli á honum.

Við Íslendingar höfum aldrei áður þurft að verjast árásum illþýðis, höfum aldrei kynnst því sem til dæmis Norðmenn þurftu að kynnast meðan á hernámi Þjóðverja stóð, að samlandar vinni sjálfviljugir að illskuverkum.  Þess vegna reynum við að tala kurteislega við fólk sem skilur ekki kurteisi, skilur ekki eða er alveg sama um neyðaróp samlanda sinna.

Ekki það að þessir vitleysingar lesi bloggið mitt, en þeir sem það lesa, þeir taka afstöðu til orðanotkunarinnar, sem nota bene er rökstudd.  Nú ef þeir eru ekki sammála, hvað kalla þeir þetta þá?????

Veit ekki en það er ekki lengur hægt að stinga höfðinu í sandinn og trúa að þetta reddist allt saman.

Kveðja að austan.

[Ómar Geirsson, 10.10.2010 kl. 21:52]

Já, Elle, það er ekki þannig að peningar séu ekki til.

Þetta er spurning um forgangsröðun og hún er mjög brengluð svo ekki sé meira sagt.

Kveðja að austan.

[Ómar Geirsson, 10.10.2010 kl. 22:03]

Blessaður Kalli.

Beinskeytni mín byggist á þeirri frómu ósk að hér komi ekki til nótt hinna löngu hnífa, ein er alveg nóg að læra um í sögunni.

Ekki ætla ég að eigna mér heiðurinn af orðinu geðvillingur, stal þessu frá einhverjum fræðingnum.  En í kennslubókum er svona hegðun, að rústa tilveru fólk í nafni einhvers málstaðar eða annarra tilbúinna ástæðna, nefnd sem dæmi um slíkt.  Þeir félagar í anda, Pol Pot, sem ég var að vísa í með dæmi mínu hér að ofan, og Stalín eru dæmi um geðvillinga, og úr sögunni þá stendur Quin keisari upp úr sem frægasti geðvillingur fortíðarinnar, hvað hann gerði ekki fólki í nafni þess að skapa sterkt ríki.

En Kalli, þú mátt ekki skamma okkur austfirðinga of hart, því við vissum ekki um eðli þessa manna, enda eitt af einkennum geðvillinga að kunna að fela eðli sitt fyrir heilbrigðu fólki sem hefur ekki ímyndunarafl til að ímynda sér svona innræti.

Og Ruv-arar gerðu orð hans um falskar væntingar að fyrstu frétt, ekki að hann ætti heima í spennutreyju, heldur að eitthvað vit væri í því sem hann segði.

En Ruv-arar eru jú vitgrannir með afbrigðum, og þar að auki allflestir á mála hjá ESB.

En hvað útskýrir núverandi 40% þjóðarinnar sem ætla að kjósa landauðn????  

Heiladauði???  Skortur á samkennd með náunganum???

Ég veit það ekki og tel líklegt að eftir svona 10.000 ár verði það ein af stóru óleystu ráðgátum mannkynssögunnar.  

Svo ekki þýðir að spyrja mig greyið.

Kveðja að austan.

[Ómar Geirsson, 10.10.2010 kl. 22:15]

Blessaður Einar.

Ítreka að fólk gerir sér grein fyrir niðurskurðinum.  Hér fyrir austan hefur hjúkrunarfólk til dæmis unnið meir fyrir minni pening.  Og allir gera sér grein fyrir að kjarabætur eru ekki handan hornið.

Og það sem menn geta lifað án, hafa menn látið fara.

En að afleggja grunnþjónustu er ekki réttlætanlegt miðað við núverandi stöðu þjóðarbúsins.  Vissulega gæti komið hér 40-60% tekjufall ríkisins, en það er ekki um slíkt að ræða.

Og þekkir þessar vaxtatölur eins og ég, og þekkir líka til þess sem gert var í Chile og Malasíu.  Og þú veist að hagfræðingar hafa bent á gagnsleysi niðurskurðar sem eykur kreppu.

En jafnvægi þarf að nást, um það er ekki deilt.  Menn deila um tímaþáttinn, en á meðan er peningaprentun sú leið sem menn eiga að fara, auk þess að taka lán hjá framtíðinni.  Það er alltaf gert á neyðarstundu, ef börnin okkar veikjast, þá tökum við lán og annað meðan við getum, við reynum svo að redda því seinna.

En svona er ekki gert, hvergi.  Nema hjá þjóðum þar sem það á að þrælka íbúanna.  Þetta var reynt í Argentínu en þar snérist þjóðin til varnar alveg eins og hér.  Þó höfðu þeir her til að skjóta á fólkið en þegar yfirstéttin sá að hún myndi líka enda sem þrælar, þá gekk hún til liðs með almenningi.  Síðan hefur allt verið þar á uppleið, en ekki án vanda, því slíkt er aðeins í ævintýrum.

Eitt af lokum.  Það má spara í heilbrigðiskerfinu þar sem það verður við komið, og það má ræða þjónustustig.  En áður en ráðist er á það sem sátt er um, þá þarf annað að fara.  Dugi ekki til að endursenda heimskulánin, og lækka vaxtastigið í þjóðfélaginu, þá verður að skera það niður sem þjóðin má vera án.

Til dæmis ofvaxin utanríkisþjónusta, allar stofnanirnar sem gera fátt annað en að semja skýrslur, yfirbygging, ferðastyrkir og svo framvegis.  Við svona 60% tekjufall má ræða afnám grunnþjónustu, en þá gengur það jafnt yfir alla.

Slíkt er alltaf gert á hamfaratímum.

Því Einar, þetta snýst ekki bara um kalda skynsemi, þetta snýst líka um mennsku.

Það að vera maður.

Kveðja að austan.

[Einar Björn Bjarnason, 10.10.2010 kl. 22:21]

Varðandi seðlaprentun - þá verður hún fær ef einu skuldirnar sem við erum að glíma við eru í krónum. Þá þurfum við sennilega að fara í greiðsluverkfall við útlönd.

En, ég held að nauðsynleg sé að fara bil beggja þ.e. ef þú prentar alveg rosalega mikið, verður verðbólga að sama skapi mjög há.

Þannig, að farið verði blandaða leið niðurskurðar og seðlaprentunar.

Ég er alveg viss, að margt er hægt að skera af sem ekki er bráðnauðsynlegt.

Kv.

[Ómar Geirsson, 10.10.2010 kl. 23:59]

Blessaður Einar.

Það er engin að tala um að leysa skuldir við útlönd með seðlaprentun.  Það gildir vissulega aðeins gagnvart innlenda hluta hagkerfisins.  Og hætturnar eru þekktar.  Vísa annars í ágætt viðtal við Ben Bernanke sem má nálgast á youtube.  

Og svo ég ítreka að þá ber enginn á móti aðlögun ríkisútgjalda að tekjum, spurningin er bara hvort menn átti sig á því að ráðstafanir mega ekki auka vandann, það er skynsamlegra að aðlaga hagkerfið með tímabundinni seðlaprentun í stað þess að kæfa hagkerfið eða hlaupa samfélögunum í loft upp með tilheyrandi tjóni fyrir efnahagslífið.  

Um þetta deila ekki skynsamir hagfræðingar, þeir sem halda öðru farm eru á mála hjá auðræningjum.

En vilji menn deila og afneita því sem færustu hagfræðingar eru að gera í vestrænum löndum, þá er ekki hægt með neinum rökum að segja að hagkerfið þoli ekki seðlaprentun uppá 4,6 milljarða árlega til að leysa bráðavanda heilbrigðisþjónustunnar.  

Hvað skuldirnar við útlönd varðar, þá verða skynsamir menn að fara nota skynsemi sína gagnvart þeim.  Þær skiptast í þrjá hluta, skuldir innlenda hluta bankakerfisins, AGS lánapakkann og meinta ICEsave skuld þjóðarinnar.  AGS pakkinn er vítahringur sem getur ekki endað nema á einn veg.  Þessi tilraun var gerð í Argentínu, að reka nútíma þjóðfélag með yfir 60% skuldahlutfalli ríkissjóðs, og það gekk ekki upp.

Það að hlutirnir gangi ekki upp, vítahringur samdráttar og atvinnuleysis, það er ekki í þágu þeirra lánardrottna sem eiga kröfurnar í fyrsta flokki.  Þess vegna eigum við að fara þekktar leiðir, skattleggja útstreymi fjármagns, og ná samningum við þá lánardrottna sem eiga fyrsta hlutann.

Það sem ekki er hægt að greiða á gjalddaga, um það verður að endursemja.  Það er þekkt leið og til hagsmuna skuldareiganda að fara þá leið.  Það er jú hans hagur að fá sem mest uppí kröfu sína, ef endurfjármögnun tryggir fulla endurgreiðslu, þá bíður hann upp á hann.

Vegna þess Einar, að það er skynsemismannaháttur.

Aðeins blómstrandi hagkerfi endurgreiðir skuldir sínar.  

Leið AGS er leið samdráttar og fátæktar.  Heimild: sagan.

Skynsamt fólk á aldrei að deila um augljósa hluti, ef samband milli orsakar og afleiðingar er þekkt, þá er það þekkt.  

Og eitt augljósasta orsakasamhengi sem til er, er sambandið milli hörmunga og borgarstyrjalda, og rústun hagkerfa.  Ekkert hagkerfi hefur dafnað við þær aðstæður.  Í öllum þeim þúsunda dæma sem menn hafa um hörmungar og átök, þá er ekki eitt einasta dæmi um hagsæld á meðan því stendur.

Þess vegna er skynsemi allra hagur, líka lánardrottna. 

Og á Íslandi verður borgarastyrjöld, gangi hugmyndir AGS um þjóðfélag skuldaþræla í frumframleiðsluhagkerfi eftir.  

Sumt er ekki flókið, það er aðeins verkefni að leysa það.

Kveðja að austan.

[Sigurður Haraldsson, 11.10.2010 kl. 01:08]

Sælir óðir hundar eru aflífaðir í minni sveit!