Straumsvík ætlar að stækka fyrir 42 milljarða.

En bíddu við, áttum við ekki að fá neinar erlendar fjárfestingar ef ekki yrði gengið frá ICEsave samkomulaginu????

Nú er Rannveig bæði íslensku mælandi, og læs, þannig að henni er fullkunnugt um að íslenska þjóðin muni hafna ICEsave. 

Samt ætlar fyrirtækið sem hún stjórnar að fjárfesta í orkufrekri framleiðslu á Íslandi.

Hvað veldur???

Gæti skýringin verið sú að orka er takmörkuð auðlynd og fyrirtæki fjárfesta eftir sínum hagsmunum, ekki hagsmunum skriffinna ESB sem eru að reyna að telja íslensku þjóðinni í trú um að henni bíði Ísöld hin nýja ef hún gengst ekki undir þrælaok breta.

Var ekki Jóhanna síðast í gær að forsetinn hefði skaðað atvinnulífið svo mikið með því að vísa þrælasamningnum til þjóðarinnar????   Það yrðu engar nýfjárfestingar á landinu næstu 100 árin eða svo.

Og Steingrímur tók undir á sama fréttamannafundi að umheimurinn myndi hætta að borða íslenskan fisk eða vilja að nýta íslenska orku ef þjóðin vildi ekki gerast bretaþrælar eins og hann.

Á sama fundi sagði Jóhanna með tárin í augunum að sveitarfélögin fengju heldur ekki lengur erlend lán, hvílík skelfing.  Sérstaklega í ljósi þess að flest þau stærstu er í gjörgæslu  og þurfa að borga niður lán sín, að minnka skuldsetningu ef þau eiga ekki að komast í þrot.

En Jóhanna  hefur ekki áhyggjur af því, ICEsave verður að samþykkjast svo sveitarfélögin fái hærri lán.  Meiri lán, verði örugglega gjaldþrota og skattfé almennings fari ekki í nauðsynlega grunnþjónust, heldur upp í pant hjá erlendum lánardrottnum.

Þetta kallar maður að slá skjaldborg um fólkið í landinu.

Og segja satt um hætturnar.

En það gleymdist að láta Rannveigu vita.

Kveðja að austan.

 

 

13 milljarðar í Straumsvík

Athugasemdir

[axel (IP-tala skráð) 22.1.2010 kl. 07:10]

Takk fyrir mjög gott innlegg.

[Gunnar Th. Gunnarsson, 22.1.2010 kl. 07:15]

"So true", Ómar. Jóhanna segir hvað sem er fyrir ESB. Skítt með þjóðina, hún er aukaatriði í hennar huga

[Ragnar Örn Eiríksson (IP-tala skráð) 22.1.2010 kl. 07:31]

rosalega átt þú bágt!!!

[Ómar Geirsson, 22.1.2010 kl. 09:13]

Takk fyrir innlitið félagar og jákvæð orð.

Já, Ragnar núna á ég bátt, bakið er mig alveg lifandi að drepa.  Það bendir eiginlega allt til þess að ég þurfi að hætta að skemmta þér ef ekki rætist úr.

En annars góðar kveðjur til ykkar allra.

Kveðja að austan.

[Hallfreður (IP-tala skráð) 22.1.2010 kl. 09:47]

Það er nú því miður þannig að mörg sveitarfélög og stærri fyrirtæki eru fjármögnuð í erlendri mynnt til skamms tíma það er þau liggja með fleiri milljarða lán til mjög skamms tíma þetta eru lán sem þarf að endurfjármagna á næstu misserum og þar af leiðandi skipta vextir og skuldatrygginga álög höfuð máli þegar þjóðarbúið fer að fá þetta allt í hausinn. En það að fjárfestar sem á annaborð eru komnir inn á íslenskan fjárfestingarmarkað haldi áfram að fjárfesta og eða eins og í þessu tilfelli eru að endurnýja fjárfestingu sína er jú jákvætt þetta eru aðilar sem greinilega ætla að halda stöðu sinni. Ég er einn af þeim sem dansa ansi mikið á línunni hvort það er forsvaranlegt að láta Breta kúga sig í æsslave. Rökin með eru því fyrr því betra ef við ætlum að borga þessa vexti á annað borð, með því að fresta staðfestingu á þessum greiðslum minnkar jú alltaf ávinningurinn. Helst hefði ég viljað sjá útreikning seðlabanka og greiningardeilda á báðum kostum það er að segja skrifa undir núna fá fjármögnun og lækkandi vexti móti hinum kostinum borga ekki og sitja í 1-3ár föst í gjaldeyrishöftum og rusllánaflokkum matsfyrirtækjanna. Ég held því miður að úr þessu sé þetta bara kalt reikningsdæmi. Sem sagt erum við að spara aurinn en kasta krónunni.

[Friðrik Hansen Guðmundsson, 22.1.2010 kl. 10:11]

Góður pistill.

Eðli bankaviðskipta er að bankar horfa á arðsemi þeirra verkefna sem þeir lána til. Þar skiptir greiðandann mestu máli. Greiðandinn í þessu dæmi er Rio Tinto Alcan. Álverið kaupir orkuna og er þar með hinn raunverulegi greiðandi af þeim lánunum sem þarf að taka til að reisa nauðsynleg orkumannvirki. Vissulega spilar staða Landsvirkjunar þarna inn sem trúverðugur eigandi og framkvæmdaaðili. Staða Landsvirkjunar er viðunandi, búin að endurfjármagna allt sem þarf að endurfjármagna næstu tvö árin.

Ef verkefnið er gott og með góða arðsemi þá lánar bankar, annars ekki. Milliríkjadeilur stjórna því ekki hvort bankar heimsins lána í til ákveðinna verkefna. 

þeir sem halda því fram að Bandarískir, Japanskir og Franskir bankar muni ekki lána til orkuframkvæmda á Íslandi til að skaffa Rio Tinto Alcan rafmagn vegna deilu Íslands við Breta og Hollendinga, þeir skilja ekki eðli bankaviðskipta. Fáist engin lán í þetta verkefni þá er það út af einhverju öðru en Icesave. Verkefnið er þá einfaldlega ekki nógu gott, arðsemin ekki nægjanleg eða Rio Tinto Alcan ekki metið nægjanlega traust.

[Ómar Geirsson, 22.1.2010 kl. 11:05]

Blessaður Hallfreður.

Vel meint, en að ætt bábilju.  Vissulega þarf að endurfjármagna skuldir.  Þar gilda þau lögmál að semja um samning sem hægt er að standa við.  Draugasögurnar sem þú vitnar í eru ósannar.  Fullt að ríkjum og opinberum aðilum fá endurfjármögnun á viðunandi kjörum vegna þess að það eru hagsmunir lánadrottna að það sé gert.  Hvergi í þeim lánasamningum er minnst á að það sé forsenda samninga að íslenska ríkisstjórnin selji þjóð sína í þrældóm.  Og ef þú skyldir ekki vita það, þá gera bandarískir lögfræðingar meira en að hjálpa ríku fólki að skilja, eitt af því sem þeir gera er að hjálpa þjóðum að endursemja um sínar skuldir.  Og enn og aftur, ICEsave er þar ekki á blaði.

Og þér er greinilega í trú þinni á þínu fólki, algjörlega ókunnugt um að ICEsave er gríðarlega há viðbótarskuldbinding á íslensku þjóðina og íslenska ríkið.  Á meðan gerir ríkið ekki annað en að greiða að því láni, sem og lánum AGS.  Hvernig fer fyrir öllum hinum sem þurfa að greiða að lánum sínum????

Ég hef gaman að gátum, þú getur lesið þér til um þessa í skýrslu Seðlabankans til Alþingis um forsendur þess að þjóðarbúið ráði við ICEsave.

En nauðgun og misþyrming á öðrum lánardrottnum kemur þar mikið við sögu.

Og ef þjóðarbúið ætlar að spara fyrri ICEsave, þá ræður það vel við að standa í skilum við allt hitt, án ICEsave, en ef ICEsave er í viðbót, þá verður greiðsluþrot, því forsendur viðskipta í hagkerfinu eru brostnar.  Brostnar vegna superskatta, fólksflótta og lélegra lífkjara.

Á þetta eru virtir erlendir hagfræðingar að benda okkur.  

Heldur þú það virkilega Hallfreður að þeir séu á mála hjá mér og mínum við að afbaka staðreyndir.  Hefur þú enga heilbrigða skynsemi til að sjá að þeir sem gáfu þér þín rök eru mennirnir sem sáu ekki hrunið fyrir 5 dögum áður en það varð.  Enda á fullu að þiggja laun hjá hrunköllum til að dásama snilld þeirra.

Vaknaðu Hallfreður, aðeins einsetukall, í dimmasta afdal, sér ekki þá ógn sem þjóðinni er búin af hálfu bretavina og AGS.

Og já, þeir eru steingeldir í þokkabót og eiga ekki foreldra á lífi.

Kveðja að austan.

[Ómar Geirsson, 22.1.2010 kl. 11:12]

Takk fyrir gott innslag Friðrik.

Ég hef oft komið inn á þessa einföldu staðreynd sem þú bendir á.  Arðsemi ræður viðskiptum í dag, ekki stjórnmálamenn.  

Og þegar var verið að benda á Kúbu Norðursins, þá var það mjög hlálegt, því í strandbæjum Kúbu er ekki þverfótað fyrir byggingakrönum vegna umsvifa erlendra fjárfesta, flestir bandarískir með kanadíska leppa.  Og samt er viðskiptabann í gildi, ekki svipa Fitch.  Og Kúba er með 0,0 hjá Fitch.  

En svona er hálfvitanna tal. Þeir trúa sínum eigin áróðri, og síðan fellur margt gott og heiðarlegt fólk fyrir honum.  Það skýrir stóran hluta þess stuðnings sem ICEsave stjórnin hefur í dag.  Fólk einfaldlega trúir ekki hinu augljósa.

Að hreinræktuð fífl ráða för. 

Og ég hef aldrei notað svona orðabragð áður á minni löngu ævi.  Ekki fyrr en ég uppgötvaði að fífl ætla að eyðileggja framtíð barna minna sem íslenskra þegna.

Því enginn mun ala börn sín upp sem skuldaþræla, ekki einu sinni trúgjarnasta Samfylkingarfólkið þegar blekkingarnar afhjúpast og raunveruleikinn fer að bíta.

Sorglegt að fólki skuli ekki sjá hlutina eins og þeir eru.

Kveðja að austan.