Gamli söngurinn!

Finnst einhver sem trúir þessu ennþá?????

Þegar það fer saman að náttúrunni þóknast að skila af sér góðum árgöngum, sem líka sína vísindamönnum Hafrannsóknarstofnunarinnar  þá tillitsemi að mæta á þær slóðir þar sem þóknast að toga, þá er það allt Hafró að þakka.

En þegar nóg er til af fiski, öll veiðarfæri full af þorski, en því miður þá eru straumar og önnur skilyrði þannig, að sá fiskur syndir ekki við botninn á þeim slóðum sem Hafró er að toga, þá er aflabrestur, þvert á alla skynsemi.  Því þó til dæmis línubátur er að taka inn kjaftfulla línu rétt við hliðina á togskipum Hafró, það er það draugafiskur, af öðrum heimi því hann er ekki til í gögnum Hafró.

Og þá er dregið úr ráðlögðum kvóta, ár eftir ár, jafnvel hefur stundum það sem þó hefur mælst, týnst og horfið í annan heim (því alltaf halda menn áfram að mokfiska), en aldrei er neitt af ráðgjöfinni, of mikið veiðiálag eða eitthvað skýrir samdráttinn.

En eins og núna, einu sinni á áratug eða svo, þá detta þeir niður á fiskinn, og þá er allt aflaráðgjöf Hafró að þakka.

Allt okkar stífa samdrætti að þakka.

Og þar sem blaðamenn leggja það ekki á sig að kynna sér málin, enda gæti þekking leikið vanþekkingu þeirra grátt, þá spyrja þeir ekki forstjóra Hafró, "er hin mikla fiskgengd í Barentshafi líka ykkar aflaráðgjöf að þakka"?????

En í Barentshafi hefur verið stjórnlaus veiði, alveg næst því frá upphafi, hvorki Norðmenn og Rússar hafa séð minnstu ástæðu að fara eftir kvótum sínum.  Í þau einu skipti sem það hefur verið gert, þá er það vegna aflabrests.

Og alltaf kýs upp fiskur reglulega í Barentshafi, þrátt fyrir hina stjórnlausu veiði.

En sá fiskur er líka sjálfsagt annars heims eins og fiskurinn sem gefur sig á Íslandsmiðum.

Kveðja að austan.

Veiðisamdráttur skilar árangri