Hættið þessu væli strákar. Í dag gróf stjórn Alþjóðagjaldeyrissjóðsins sína gröf.

Núna er bara að spýta í lófana og safna liði.  Hrekjum Alþjóðagjaldeyrissjóðinn úr landi og mótum sjálf  okkar framtíð. 

Og björgum Steingrími úr þeim gjörningsálögum sem á hann hafa verið lagðar.  Það liggur við að það sé ljótt að skamma manninn.  Þetta er ekki Steingrímur J. Sigfússon, allavega ekki sá Steingrímur sem þjóðin þekkir og fólk hefur metið af verðleikum langt út fyrir hans eigin stuðningsmenn.  

VinstriGrænir trúa því að honum hafi verið sýnt eitthvað skelfilegt sem gert hafi það að verkum að hann trúir því að hann sé Hafnfirðingur og dýralæknir að mennt.  Álfheiður Ingadóttir sagði í Kastljós umræðum á föstudaginn að eitthvað hefði breyst eftir að Steingrímur varð ráðherra, sem gerði það að verkum að hann kaust að semja um það sem hann sjálfur íaði að væru föðurlandssvik.  En þá hét hann Steingrímur J. Sigfússon og var Steingrímur Joð.  Okkar maður.

Þess vegna er það rétt hjá Bjarna Ben að allt þarf að komast upp á borðið.  Alveg eins og skjöl Hitlers eftir að Rauði herinn tók Berlín.  Trúum því sem Leonard  Cohen sagði að fyrst tökum við Berlín en næst IFM.  Baráttan við illskuna er bara rétt að byrja en við munum sigra.

Og ef þið viljið vera með þá skulið þið vera jákvæðir gagnvart þjóð ykkar og segja henni satt.  Satt um það sem þið gerðuð og hvað þið viljið gera til að breyta því.  Það er til dæmis engin afsökun fyrir Sjálfstæðisflokkinn að hafa boðið Alþjóðagjaldeyrissjóðinn velkominn á sýnum tíma.  Það réttlætir ekki að ljúga með honum í dag.  Segjum satt um hvað stefna sjóðsins er að gera landslýð og framtíð þjóðar okkar.

Burt með ICEsave og burt með Leppana og þöggum niður í Skreppunum á blogginu.  Málstaður þeirra er slæmur.  Þeir reyna að verja hið óverjanlega.

Ný öld er í vændum.   Öld vonar og mannúðar.  

Tökum fyrsta skrefið fyrir jarðarbúa með því að hrekja Óbermin úr landi.  Og hjálpum svo fátækum og snauðum um allan heim að losna við krumlur þeirra.  

Upp með pottana og niður með Leppstjórnina.

Kveðja að austan.

 


mbl.is Blekkingar, heimska og hótanir
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jóhannes Guðnason

HA HA HA HE,nokkuð gott hjá þér Ómar,margt rétt,en ég held nú bara,að ég leyfi Steingrími að grafa sýna gröf sjálfur,hann hefur fengið tækifæri á því,bara með því að hlusta á fólki og fjölskyldurnar í landinu,ef hann skilur það ekki eða vill ekki skilja það,vegna ráðherrastól,þá hann um það,en Ómar pistill þinn er góður. kær kveðja að austan. konungur þjóðveganna.

Jóhannes Guðnason, 8.6.2009 kl. 20:28

2 Smámynd: Ómar Geirsson

Takk Jóhannes.

Jú við verðum að bjarga Steingrími eins og öðrum þeim sem lentu í gjörningum Nýfrjálshyggjunnar.  Nýtt þjóðfélag, sem byggist á mennsku og mannúð, þarf á öllu góðu fólki að halda.  

Steingrímur mun koma til byggða úr hrakningsferð sinni um hrjóstur Nýfrjálshyggjunnar og þá mun það rætast sem Steinn Steinar orti um hann af forspá sinni.

Ég viðurkenni mína synd og sekt/ ég sveikst frá öllum skyldum heiðvirðs manns/ og elti vafurloga heimsku og hjóms/ um hrjóstur naktra kletta og auðnir sands.

Mitt fólk, mitt land, minn himinn og mitt haf/ Heim kemst að lokum allt, sem burtu fer./ Ég drjúpi höfði þreyttu í þögn og bæn/ Þú ert ég sjálfur.  Fyrirgefðu mér!

Og auðvitað munum við fyrirgefa Steingrími og slátra sauðum.  Hvað annað.

Kveðja að austan. 

Ómar Geirsson, 8.6.2009 kl. 22:32

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Ómar Geirsson

Höfundur

Ómar Geirsson
Ómar Geirsson
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Screenshot (49)
  • Screenshot (49)
  • ...img_0104a

Heimsóknir

Flettingar

  • Í dag (28.3.): 2
  • Sl. sólarhring: 2
  • Sl. viku: 42
  • Frá upphafi: 1318296

Annað

  • Innlit í dag: 2
  • Innlit sl. viku: 39
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband