Verður Sjálfstæðisflokkurinn rukkaður?

 

Eða er þetta enn eitt dæmið um þar sem þjóðin er rukkuð, en vildarvinir flokksins hirða arðinn??

Að við viðurkennum að flokkurinn með Bjarna er aðeins vel fjármagnað útibú fjárglæfra og hagsmuna, þar sem kostnaður við auglýsingar, almennan áróður, er metinn á vogarskál þess hagnaðar sem fjármögnun og stjórnun eins íhaldsflokks kostar.

 

Ef svo er þá rukkum við Sjálfstæðisflokkinn, þessi lítilvægi kostnaður við að terrorista dómskerfi þjóðarinnar er aðeins pínut (hvað sem sú útlenska þýðir) miðað við ávinninginn að eiga og stjórna dómskerfi þjóðarinnar.

Og þegar sá hagnaður er metinn, þá má aldrei gleyma skilyrðislausri hagsmunagæslu Björns Bjarna, sem alltaf passar uppá frænda sinn Bjarna Ben, eða ótal Reykjavíkurbréf Davíðs sem greinilega finnur skylduna renna um æðar sínar.

Það er kostaði flokkinn ekki neitt, ávinningurinn reyndar enginn, því bæði Flokkur og þjóð var dæmd sem spilling á pari við þennan í Hvíta Rússlandi, en þá heldur ekki draga frá tilbúinn kostnað sem vísar í að bæði Björn og Davíð hafi ráðist á æru sína og tiltrúnað, án þess að fá til þess borgun.

 

Þjóðin eða flokkurinn má aldrei detta niður á þetta plan, að áróðurinn sem metinn er til kostnaðar, eða að hinn beini kostnaður þjóðarinnar við sjálftöku flokksins sé rukkaður eins og hver önnur útgjöld.

Þó  ekki væri annað en fordæmi sem vísar til fortíðar,  það væri eins og sumir þyrfti að selja sumarhús sín á Flórída, eða Hannes þyrfti að fá sér vinnu.

Ótækt, til skammar.

 

Sumt er eins og það er.

Og um það var kosið.

 

En samt??

Er ekki flokkurinn holur að innan, án stefnu eða hugsjóna, ef frjálshyggja hans er aðeins ávísun á útgjöld okkar, óháð hagnaði vildarvina, þeirra sem fjármögnuðu sjálftökuna, græðgina, árásina á innviði þjóðarinnar??

 

Hvílík spurning.

Ekki mikið gáfulegri en fyrirsögn þessa pistils.

 

Til hvers er þjóð ef hún borgar ekki??

Kveðja að austan.

 

 

Landsréttarmálið kostað 141 milljón

Athugasemdir

[Ragna Birgisdóttir, 23.2.2021 kl. 19:27]

Fáir eða engir eru eins mikið haldnir einbeittum brotavilja eins og lögfræðingaslegti Sjálfstæðisglæpasamtakanna og komast upp með það ítrekað.

[Ómar Geirsson, 23.2.2021 kl. 21:13]

Það má vera Ragna, en málið er einfalt ef gjörðum fylgir ábyrgð.

Til dæmis ef það lægi fyrir, að kostnaður við lögleysu og geðþóttaákvörðun sem gengur skýrt gegn skýrum lögum og lagatexta, falli á þá þingmenn sem verja slíkan gjörning.

Ef sú byrði þykir þung, þá mætti hugsa sé að þeir málsmetandi menn umræðunnar sem verja óhæfuna, gerðu það á þeirri ábyrgð að hluti hins samfélagslega kostnaðar yrði þeirra að borga.

Jafnvel mætti hugsa sé að hluthafar Morgunblaðsins tækju þátt í þeim kostnaði, sem og aðrir sem eru beinir þátttakendur í að verja óhæfuna.

Ef þetta lægi fyrir, þá fyrsta lagi myndi enginn reyna að verja óhæfuna með rangfærslum og bulli, líkt og lenskan  er til dæmis hér á Moggablogginu, og rökin þá sú að Sigríður sé svo annar svo hægri sinnuð að hún megi allt, Mogginn héldi sig við staðreyndir, líka í Reykjavíkurbréfinu eða Staksteinum, og í öðru lagi, þá hefði Sigríður verið sett af þegar hún reyndi lögleysu sína, í stað þess að vera bökkuð upp með vísan í alræði ráðherraræðisins.

Því enginn  er svo heimskur að hann láti veski sitt blæða fyrir heimsku sína.

Þar liggja mörkin.

Kveðja að austan.

[Magnús Sigurðsson, 24.2.2021 kl. 06:18]

Ef mér skjöpplast ekki Ómar, þá var þessi dómaraskipun samþykkt með meirihluta atkvæða alþingis, og ámælisverð talin vera fyrir það af Mannréttindadómstól Evrópu, að ekki var hæfi hvers og eins dómara gerð skil við atkvæðagreiðsluna, heldur pakkinn borinn upp í heild. Án þess að ég ætli að bera sérstakt blak af frú Andersen, sem er reyndar sú eina sem hefur borið einhverja ábyrgð af klúðrinu.

[Ómar Geirsson, 24.2.2021 kl. 08:18]

Jú Magnús, þér skjöplast ekki hvað það varðar, en það var í öðru lagi, og sem slíkt hefði ekki verið fett fingur út í, nema vegna þess sem kom í fyrsta lagi, eins og var margítrekað í dómi MDA, að skipan þessara 4 dómara var þvert gegn skýrum ákvæðum laga sem Sigríður sjálf stóð fyrir endurskoðun á.  Þess vegna viku aðeins þessir 4 dómarar en ekki rétturinn í heild sem slíkur.

Ef fólk skilur ekki að það þarf að fara að lögum við skipan dómara, hvernig sem þau blessuð lög eru annars, ég til dæmis hefði viljað nota píluspjald með nöfnum umsækjenda, engin klíka í því, að þá er illa komið fyrir lýðræðinu hjá þessari þjóð.

Enda er illa komið fyrir því, það er í hjáleigusambandi við Brussel.

Kveðja að austan.

[Magnús Sigurðsson, 24.2.2021 kl. 15:41]

Ég hef reyndar betri tilfinningu fyrir píluspjaldinu en alþingi og stjórnsýslunni þegar kemur að því að meta hæfi vina og kunningja.

[Ómar Geirsson, 24.2.2021 kl. 16:44]

Já, ég fór reyndar að hugsa þetta áðan, veit ekki af hverju, en það flaug í huga mér að ef dómsmálaráðherra myndi æfa sig í pílukasti, þá gæti hún alltaf reynt að hitta reit með vildarvini, svo mér datt í hug hvort spjaldið þyrfti þá ekki að snúast svo hratt að ekki sæist nöfn, en þá er spurning hvort pílan festist.

Eins datt mér í hug að köstin yrðu kannski 5 sinnum fjöldi umsækjenda, og þá yrðu þeir ráðnir sem fengju flest skorin, gæti þá hugsanlega dregið úr líkum á svona léttu svindli.

Hins vegar gengur ekki að hafa bókstafi eða eitthvað annað sem tengdist nöfnum viðkomandi en dómsmálaráðherra ekki kunnugt um, því þá er ráðningin leynileg, og það er ekki í anda opinnar stjórnsýslu.

En ég þarf svo sem ekki að hafa áhyggjur af útfærslunni af þessari tillögu minni, hún er ekki bundin í lögum.

Hins vegar þurfti Sigríður að fara eftir þeim lögum sem hún setti eða endurskoðaði sjálf, og líka jafnvel þó einhver annar hefði sett þau.  Þó held ég að það standi einhvers staðar með smáu leyniletri á stjórnarskráarplagginu, að ráðherrum Sjálfstæðisflokksins sé ekki skylt að fara eftir lögum sem kommar hafa fengið samþykkt, Sigríður hefur kannski haldið að hún hefði verið andsetin af marxískum anda þessar vikur þarna 2017 þegar lögin voru afgreidd, því hefði hún ekki verið bundin af sínum eigin lögum.

Hvað veit ég.

Ekki er ég dæmdur lögbrjótur í þessu máli.

Kveðja úr blíðunni að neðan.

[Magnús Sigurðsson, 24.2.2021 kl. 18:17]

Þú ert nú á góðri leið með að gera þig að lögbrjót vegna upplýsingaóreiðu í þessu máli. 

Þoku kveðja að ofan.

[Ómar Geirsson, 24.2.2021 kl. 19:22]

Bíddu við, er hún ekki inn í dag??

Maður verður að reyna að tolla í tískunni þó maður sé farinn að grána.

Kveðja að neðan.