Hvenær gekk Guðni í Viðreisn??

 

".. frelsi, fjöl­breyti­leika, alþjóðasam­vinnu og virðingu fyr­ir ná­ung­an­um. ".

 

Vissulega hefði Guðni aldrei verið kosinn forseti ef ákveðinn almannatengill, þessi sem vinnur fyrir breska sæstrengsfyrirtækið, hefði ekki bankað á dyrnar hjá honum seint að kveldi, og sagt við Guðna; "ég skal gera þig að forseta".

Og hver hefði ekki þegið boðið, og ekki vantar Guðna hégómann.

 

Það breytir því ekki, að þegar sótt er að þjóðinni, og það ekki með lélegum bröndurum, sem er sérsvið Guðna, það er að segja góða brandara, að þá tekur forseti þjóðarinnar ekki afstöðu með hrægömmum og fjárfestum gegn þjóð sinni.

Hann má hugsa þetta, jafnvel vera þakklátur, hvað þá að hann þekkir sína þakkarskuld við almannatengilinn sem fær borgað fyrir þá umræðu sem leiddi til samþykktar orkupakka 3.

En hann er samt forseti þjóðarinnar.

 

Frelsi fjárfesta til að arðræna okkur hin er ekkert frelsi, þó Viðreisn hamri á því sýknt og heilagt.

Alþjóðasamvinna er öfugmæli Viðreisnar um að öll frjálshyggjan sem kemur frá ESB, hvort sem það er markaðsvæðing orkunnar eða frjáls innflutningur á sýklum, sé alþjóðasamvinna því hún kemur frá yfirþjóðlegu vald.

Samkvæmt skilgreiningum Viðreisnar og Guðna voru þeir félagar, sem sameinuðust í þeirri alþjóðsamvinnu að leggja undir sig nágrannalönd sín, Stalín og Hitler, mestu alþjóðasamvinnumenn þess tíma. 

Þoldu hvorki sjálfstæði eða þjóðríkið.

 

Síðan liggur það í hlutarins eðli að þessi náungi sem Viðreisn og Guðni vísar í er eigandi vegtollanna, orkunnar eða annarra girðinga sem frjálshyggjan og hin frjálsi markaður hennar smíðar um allt daglegt líf.

Virðing fyrir fjárfestunum sem mergsýgur okkur hin.

 

Það urðu vatnaskil síðastliðinn mánudag.

Auðurinn, fjárfestirinn, hrægammurinn, lýsti yfir stríði gagnvart okkur hinum. 

Fólkinu sem kallast almenningur.

 

Með orðleppum eins og Guðni notar í ávarpi sínu.

Ekki orði minntist hann á þá féþúfu sem orkupakkinn verður fyrir fjárfesta, enda styggir maður ekki höndina sem fæðir.

Samt var þetta fyrsta ávarp Guðna eftir samþykkt orkupakkans.

Spurning hvort þögn hans, eða frasar úr ranni Viðreisnar, segi meir um hug hans og vilja.

Er hann þjónn, eða er hann í kjarna sammála þeirri alþjóðsamvinnu sem felst í hjáleigusambandi þjóðarinnar við Evrópusambandið.

Finnst honum það í lagi að hver spræna verði virkjuð, eða að íslensk alþýða berjist hatrammri baráttu við auðlegð Evrópu um raforkuna sem þarf til að kynda hús eða knýja fyrirtækin sem skapa störf og tekjur.

 

Hans er reyndar að svara.

En þögnin, eða frasinn segir eiginlega allt.

Nema kannski gekk Guðni í Viðreisn, eða gekk Viðreisn í Guðna.

 

Skiptir samt ekki máli.

Þjóðin á ekki Bessastaði.

Kveðja að austan.

Þegar Guðni hitti Pence: Myndskeið

Athugasemdir

[Halldór Egill Guðnason, 5.9.2019 kl. 00:51]

 Viðreisnarviðhorfið og allt sem því tengist, skóp forseta vorn og kom honum þar sem hann situr. Að ætla sér að höfða til hans, þá fullveldið er undir, er eins og að skvetta vatni á gæs.

 Góðar stundir, með kveðju að sunnan.

[Ómar Geirsson, 5.9.2019 kl. 06:49]

Hætt við því Halldór, en sjálfsagt að reyna, ekki Guðna vegna heldur vegna virðingar á því embætti sem hann gegnir.

En ef forsetaembættið ver ekki sjálfstæði þjóðarinnar í nafni alþjóðsamvinnu þá er ljóst að landsölufólk stjórnar öllum embættum þjóðarinnar.

Gott að fá það á hreint.

Kveðja að austan.