Sjónhverfingar??

 

Það er athyglisverð nálgun á lækkun skulda, að hægt sé að lækka þær án þess að nokkur borgi.

Þeir sem trúa því hljóta að vera mjög trúgjarnir að eðlisfari, upplifa meðal annars sýningar sjónhverfingamanna sem raunverulega töfra.

Að þeir geti látið hluti hverfa.

 

Ríkisstjórn Íslands, miðað við þessa frétt, virðist ætla að láta hluta af húsnæðiskuldum landsmanna hverfa.

Hvort það tekst mun svo skýrast á morgun þegar tillögur ríkisstjórnarinnar verða kynntar.

Nú þegar er ljóst, það er miðað við þessa frétt, að hin meinta skuldaleiðrétting verði innan við 75 milljarða króna, sem er miklu lægri upphæð en lagt var af stað með í loforðakapphlaupinu fyrir síðustu kosningar.

Einnig er ljóst að allt tal um vogunarsjóði var hrein sjónhverfing, sem líklegast mun hverfa úr umræðunni hægt og hljótt.

 

Annað mun skýrast ef þá eitthvað er til að skýra.

Það er að ekki sé um enn einar sjónhverfingarnar að ræða.

 

Þangað til má samt vona að þessi frétt sé blekking.

Sögð til að draga úr þrýsting á ríkisstjórnina.

Og til að koma fólki á óvart þegar að þar að kemur.

 

En sjáum til.

Kveðja að austan.

Nærri 130 milljarða lækkun

Athugasemdir

[Teitur Haraldsson, 28.11.2013 kl. 07:47]

Gastu ekki beðið með þetta þangað til á morgun þegar við vitum hvað þeir ætla að gera?

Þú veist nákvæmlega ekkert núna.

[Jónas Gunnlaugsson (IP-tala skráð) 28.11.2013 kl. 07:57]

Peningar eru bókhald,

3% til nytja og 97% í spilamennsku.

Við verðum að muna að 3% af sköpuðum peningum er notað í öll umsvif í veröldinni.

Þá eru eftir 97% sem fara í allskonar pappírsviðskipti, svo sem verðbréfa og gjaldeyrisviðskipti.

Þessi 97% skapa  engar vörur eða „gagnlega“ þjónustu.

Kreppa er notuð til að henda slatta af þessum 97%.

Skoða á,

http://jonasg-egi.blog.is/blog/jonasg-egi/

Egilsstaðir, 28.11.2013  Jónas Gunnlaugsson

[Eyjólfur G Svavarsson, 28.11.2013 kl. 10:03]

Það er sama hvernig þetta verður gert, minnihlutinn verður aldrei ánægður.

[Helgi Armannsson (IP-tala skráð) 28.11.2013 kl. 12:14]

Paying Interest on a Loan that Never Existed

http://www.youtube.com/watch?v=0McsspLZYQE&feature=player_embedded

[Jónas Gunnlaugsson (IP-tala skráð) 28.11.2013 kl. 12:32]

Sjónhverfingar, ""já""

Gott hjá Helgi Armannsson

Sett á blogg Gunnars Þórðarsonar.

 Samningur JPMorgan við Bandaríska ríkið

 

Bankinn skrifar tölu inn á reikning innheimtumannsins.

Ef bankinn má síðan lána til dæmis 10 sinnum hvert innlán, þá skapar hann þessa tölu 10 sinnum.

Sektim verður þá stórgróði fyrir bankann.

Egilsstaðir, 28.11.2013  Jónas Gunnlaugsson

[Ómar Geirsson, 28.11.2013 kl. 13:57]

Blessaður Teitur.

Það er furðuleg krafa að ætlast til þess að geymt sé að blogga við frétt þar til að hún er ekki lengur í umræðunni.

Ef þú ert hinsvegar að vísa í afhverju það er bloggað um eitthvað sem ekki liggur fyrir, að þá verður þú að eiga við þá sem segja fréttir.

Setja þá í svona svokallað fréttabann.

En hefði þá lekinn hjá ríkisstjórninni ekki bara fundið sér annan farveg??

Spurningin er þá af hverju er lekið, af hverju mjatlar ríkisstjórnin út upplýsingar áður en hún kynnir tillögur sínar formlega??

Ef þú ert ósáttur við það, þá minnir mig að stjórnarráðið sé í símaskránni.

Hringdu og kvartaðu, og þá kvartar þú við réttan aðila.

Kveðja að austan.

[Ómar Geirsson, 28.11.2013 kl. 14:02]

Blessaður Eyjólfur.

Líklegast munum við seint upplifa þá tíma að minnihlutinn verði ánægður með meirihlutann í svona hápólitísku máli.

En sá tilbúni ágreiningur kemur málavöxtum mála ekkert við, þau metast á sínum forsendum og engu öðru.

Þegar liggur fyrir alvarleg siðblinda, fyrir utan hvað það er heimskulegt, að nýta skattfé almennings í að borga hina ólöglegu verðtryggingu, en restin, þessir 65 milljarðar eru ennþá á huldu.

En verða vonandi afhjúpaðir á morgun.

Kveðja að austan.

[Ómar Geirsson, 28.11.2013 kl. 14:03]

Takk fyrir innlitið félagar, Helgi og Jónas.

Var þetta ekki kallað svikamylla í gamla daga??

Allavega var ekki hægt að tapa þegar maður náði slíkri stöðu á mylluborðinu.

Sjálftökukerfið virðist vera eitthvað svipað hannað.

Kveðja að austan.

[Benedikt V. Warén, 28.11.2013 kl. 16:33]

Ómar.  Ég skil ekki alveg hvað þér gengur til með notkun á orðinu "sjónhverfingar". 

Man ekki betur en að það hafi verið "sjónhverfingar" þega nokkrir voru að "græða" með því að höndla með verðlausa pappíra milli skúffa, skápa og skúmaskota.  Það þótti góðir og gildir verslunarhættir, þó allt reyndist síðan innistæðulaust þegar nánar var að gáð.  Fullt af eignum og fjármunum virðast þó enn vera í eigu þessara "fjármálasnillinga", bæði í formi fjallaskála og innustæðu á reikningum í skattaskjólum víðsvegar um heim.

Ef hægt er að búa til fjármuni og eignir úr engu, hlýtur að vera rökrétt að fella niður skuldir úr sama efniviði, - eða hvað?

[Haraldur Haraldsson, 28.11.2013 kl. 17:29]

En og aftur Ómar minn ertu að taka okkur af lífi sjálfstæðismenn skal nokkur vera sjalfstæðari en þu sem byrð í gölum kommonistabæ!!!ég er sananrlega hissa á stóryrðum þínum,um hluti sem á eftir að gera, Róm var ekki byggð á einum degi,þetta kemur,Kveðja að sunnnan

[Ómar Geirsson, 28.11.2013 kl. 20:04]

Blessaður Benedikt.

Þetta er vissulega góður punktur hjá þér, og væri réttur ef hann ætti við verðtrygginguna.

En þó verðtryggingin búi til peninga úr engu, þá er hún raunveruleiki um leið og hún er færð til bókar.  Hún er eign einhvers sem þú sviptir ekki án bóta.

Það er grundvallaratriði, og þegar öðru er haldið fram, þá má rekja það skrum til þeirra sem þiggja fé í að búa til moldviðri um hina sjálfsögðu réttlætiskröfu, að tilbúnar hækkanir lána á krepputímum séu dregnar til baka.

Krafan væri jafn sjálfsögð þó hinni meinti forsendubrestur hefði ekki átt sér stað.  Raunveruleikinn er sá að það er ekki hægt að leiðrétta rangláta hækkun lána, án þess að það kosti eitthvað.

Og ábending mín um "sjónhverfingu" er svona létt hæðni um þá fullyrðingu að ríkisvaldið ætli sér að leiðrétta án þess að kosta engu til.

Skattaafslátturinn er tilfærsla úr ríkissjóði, og það gróf tilfærsla.

En ég veit ekki um restina, veit aðeins að talan hefur lækkað úr um 200 milljarða í 65 milljarða, og hvernig það verður fjármagnað, á eftir að koma í ljós.

En ég er hóflega bjartsýnn, svo ég taki ekki sterkar til orða.

En sjáum til.

Kveðja að austan.

[Ómar Geirsson, 28.11.2013 kl. 20:05]

Sporin hræða.

Maðurinn henti ekki kommúnismanum á ruslahaug sögunnar til að fá ennþá verri óværu í staðinn.

Kveðja að austan.

[Kjartan Sigurgeirsson, 29.11.2013 kl. 01:54]

Það er einkennilegt ef frétt er einhver óupplýst umfjöllun um eitthvað sem á ef til vill eftir að gerast!!!!!!!!!