Hvar var Ari Trausti þegar þjóðin stóð í eldlínunni???

 

Ari Trausti Guðmundsson er eins og góður og traustur sjálfstæðismaður sagði, góður og traustur maður. Sannar að það gildir sama um menn og vín, sé vel að því staðið, þá batnar það með aldrinum.

Málið er að í dag er engum að treysta.  ESB sækir hart að sjálfstæði landsins.  Í dag er ESB gullið í fullri vinnu við að koma Ólafi Ragnar úr forsetastól.

Fyrst er boðin fram ímynd og auðmiðlar eins og DV og Fréttablaðið að ekki sé minnst á málgagn ESB á Íslandi, Ruv, poppa upp þá ímynd en níða niður forsetann.  

Manninn sem bjargaði þjóðinni frá borgarstyrjöld því hinn þögli meirihluti hefði aldrei sætt sig við fjárkúgunarsamninginn kenndan við Svavar..

 

Næst er boðinn fram maður sem á að reita fylgi af Ólafi frá vinstri. 

Hef ekki hugmynd um hvort Ari sé sá maður en það er auðvelt að þekkja handbendi ESB frá fólki.

Það er auðvelt að setja fram krossapróf um hvar fólk fólk stóð í aðför ESB og Hrunverja að sjálfstæði og eignum landsmanna.  

 

1. Mæltir þú með ICEsave á einhverjum stigum málsins???

2. Beittir þú þér með þjóð þinni gegn ICEsave fjárkúgurunum???

3. Ertu meðfylgjandi stefnu AGS sem kveður á um skuldaþrældóm þjóðarinnar í þágu fjármagns og erlendra kröfuhafa??

4. Hefur þú beitt þér gegn samstarfi AGS og íslenskra stjórnvalda???

5. Ertu hlynntur stefnu Hrunverja í skuldamálum heimilanna og að slá skjaldborg um fjárhag auðmanna og fyrirtækja þeirra???

6. Hefur þú beitt þér gegn hinum fyrirhugaða skuldaþrældómi sem AGS samdi um við ríkisstjórn Sjálfstæðisflokks og Samfylkingarinnar og núverandi ríkisstjórn hefur reynt sitt besta að framfylgja???

7. Studdir þú aðför ríkisstjórnarinnar að boði AGS að heilbrigisþjónustu landsbyggðarinnar???'

8.  Ertu hlynntur átaki í samgöngumálum landsbyggðarinnar???

 

Hvert svar í þágu þjóðar gefur 2 stig, samtals 16.

Það þarf ekki að taka fram að Þóra Arnórsdóttir féll á þessu prófi með 0,0 enda framboð hennar mjög stutt af ESB gullinu.

Þeir sem hyggjast styðja Ara Trausta, eitthvað sem ég gæti mér alveg því þetta er vitur maður, þurfa að spyrja hann þessara spurninga.  Fái hann minna en 10 stig þá er framboð hans því miður á vegum ESB.

 

Og þegar sjálf framtíð þjóðar er í húfi, þá látum við ekki ESB stela Bessastöðum, það er nóg að sambandið ráði yfir Austurvelli og Lækjartorgi.

En munum samt, að þó hann falli á prófinu, þá er hann maður, traustur maður.

Og þeir sem á annað borð vilja skipta um forseta, þó það sé í þágu ESB, hljóta að kjósa mann en ekki ímynd.

 

Á þessu tvennu er mikill diff.

Kveðja að austan.

 

 

 


mbl.is Ari Trausti ætlar í framboð
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ásthildur Cesil Þórðardóttir

Það var sett upp svona krossapróf fyrir biskupsframbjóðendur og í raun ætti að leggja svona spurningar einnig fyrir forsetaframbjóðendur, við þurfum að vita fyrir hvað þeir standa gagnvart Íslandi og þeirri hættu sem að okkur steðjar. 

Ásthildur Cesil Þórðardóttir, 19.4.2012 kl. 20:55

2 Smámynd: Ómar Geirsson

Hvað segir þú, er einhver í framboði til biskups Ásthildur???

Það er prestur sem tók afstöðu með þjóðinni, hann er á Mælifelli minnir mig.

Aðrir, annaðhvort þögðu, eða studdu aðförina að þjóð okkar.

Svo má minna á að kristin manneskja krefst leiðréttingar á forsendubresti verðtryggingarinnar.  Hitt er kannski pólitík, en að neita þurfandi fórnarlömbum fjármálahrunsins um réttlæti, það er heiðni eins og hún gerir verst.  Og þá heiðni kennda við Mammon sem er einn máttugasti óvinur kristinna manna og kristinnar kirkju.

Það má vel vera að þetta fólk sem býður sig fram til biskups, sé kristið, en það er ekki það ærlegt að hafa stigið fram og stutt fórnarlömb Hrunsins.

Og þarað leiðandi mun það aðeins sitja í biskupsæti, á meðan kirkjan leitar að hæfu fólki.

Sem hún þarf að gera ef hún ætlar sér að hald sessi sínum sem kirkja þjóðarinnar. 

Vaxtaþjófar eru nefnilega ekki þjóðin, þeir rændu aðeins peningum hennar.

Kveðja að austan.

Ómar Geirsson, 19.4.2012 kl. 21:12

3 Smámynd: Ásthildur Cesil Þórðardóttir

Já og allt lítur út fyrir að biskupinn  komi líka frá Ísafirði.  Agnes Sigurðardóttir er dóttir Séra Sigurðar sóknarprests á Ísafirði alin upp í Pólgötunni, meðan Ólafur var að mestu alinn upp í Túngötunni.   Þeir eru margir sem koma við sögu þjóðarinnar sem eru héðan frá Ísafirði. 

Ásthildur Cesil Þórðardóttir, 19.4.2012 kl. 21:26

4 identicon

Góður pistill Ómar. En það er einmitt svo rétt hjá þér varðandi prestana. Þeir þögðu þunnu hljóði þegar þessi aðför að heimilum og fjöldskyldum var gerð. Og gera enn. Sennilega til þess eins að launin þeirra verði ekki skert. Mammon ræður miklu og hann virðist ráða þar ansi miklu. Kirkjan í dag er eins og ríkistjórnin, þöggun og leynd. Þar fá menn að valsa með embætti og fjöldskyldutengsl ráða hverjir fá brauð of hverjir ekki. Algjörlega til skammar og því miður ástæða þess að fólk snýr sér frá þjóðkirkjunni.

Kveðja

Sigurður Kristján Hjaltested (IP-tala skráð) 19.4.2012 kl. 21:48

5 identicon

Þú ert óborganlegur Ómar Geirsson. Það er engin ESB maskína að reyna að koma Ólafi Ragnar frá.
Fólkið í landinu er bara búið að fá nóg af honum.

Og hvað á forseti Íslands að gera ef ÞJÓÐIN samþykkir ESB samninginn í þjóðaratkvæðagreiðslu ? Á forsetinn að hunsa vilja meirihluta þjóðarinnar, vilt þú það ?

Forsetakosningarnar hafa nákvæmlega ekkert með ESB að gera. Kominn tími til að skilja það.

Láki (IP-tala skráð) 19.4.2012 kl. 22:46

6 Smámynd: Jón Steinar Ragnarsson

Það er vert að leita viðhorfa hans til þessara lykilmálefna bara fyrir það að Ari Trausti er eldrauður kommúnisti og hefur látið að ser kveða sem slíkur.  Mér sýnist stefnuskrá hans snúast fyrst og fremst um hans áhugamál og eflingu styrkja til þeirra áhugamála auk dekurs við öryrkajbandalag Akademíkera hjá háskólunum. Þjóðfélagshópur sem aldrei hefur skapað nein verðmæti en hefur eytt þeim í ríkum mæli. Nei, ekki annan komma og nei ekki málsvvara gerspilltrar háskólaklíku og atvinnustyrkþega hennar.

Jón Steinar Ragnarsson, 19.4.2012 kl. 22:54

7 Smámynd: Ásthildur Cesil Þórðardóttir

Að mínu mati hefur forsetaembættið að öllu leyti með ESB umsóknina að gera miðað við það sem fram hefur komið.  Samfylkingunni er bara alls ekki treystandi þau vilja bola okkur inn í þetta samband hvað sem við sjálf viljum og nú eru þau jafnvel að spá í að hafa ekki þjóðaratkvæðagreiðslu ekki einu sinni ráðgefandi.  Þau eru rúin trausti þjóðarinnar og forsetinn okkar Ólafur Ragnar hefur sagt það að hann muni ekki skrifa undir slík lög, þannig að þessi ömurlega ríkisstjórn verði þvinguð til að setja málin í þjóðaratkvæðagreiðsu.  Það er eins gott að þið ESB aftaníossar skiljið hvað hér er um að ræða. 

Ásthildur Cesil Þórðardóttir, 19.4.2012 kl. 23:07

8 Smámynd: Kristján Hilmarsson

Ja þú Ómar ! kanntu þetta líka , þetta er ekki krossapróf, þetta er "prófílering" á við það besta hjá FBI, 8 spurningar, 7 um AGS, hrunið, Icesave og skjaldborg heimilanna, svo kemur náðarstuðið þegar hann hélt hann hefði náð að snúa sig útúr klemmunni með hinum 7, allt hugsað sem þannig að ATG sæti fyrir framan þig, með svona mátulega sterkt ljós frá lampa framan í sig, sem hann því miður ekki gerði.

Mér var einusinni sagt að það væri í raun ekki hægt að kenna slíkt, aðeins finna þá sem hafa hæfileikana, þar með er komið framtíðar starfið fyrir þig í "The Brave New World" maður hefur nefnilega alltaf áhyggjur af því hvað eigi að gera við "stríðsmennina" þegar sigurinn er unninn, þeir visna bara upp á fundum og skrifstofum.

En frá gríni (með alvöru í undirtóni) til alvöru, þá er í raun ekkert að því að láta þau sem eru sækjast eftir "toppdjobbum" fyrir þjóðina, gangast undir bæði gáfna, persónuleika og heiðarleika próf áður þau fá að gefa kost á sér, manstu þetta: ?

“The biggest problem in Africa today is not !! AIDS, poverty, disease, education, or urbanization; the biggest problem is LEADERSHIP. When moral leaders with integrity and justice arise, then Africa’s problems will be solved.”

Sem þú snerir svo snilldarlega upp á Ísland, og má snúa upp á hvaða land sem er, með viðeigandi formerkjum, allt eftir hvernig leiðtoga þau hafa auðvitað.:

"“The biggest problem in ICEland today is not !! AGS, poverty, disease, education, or urbanization; the biggest problem is LEADERSHIP. When moral leaders with integrity and justice arise, then Iceland’s problems will be solved.”

Sé líka að "retotrikken" hjá þér vefst fyrir sumum, en "flokksgleraugun" eru oft dekkri en dekkstu suðugleraugu, að ekki sé talað um heyrnahlífarnar, úiloka öll hljóð utanfrá, eina sem heyrist er "síbiljan" í flokksútvarpinu, flottar græjur ekki satt ?

MBKV (var ég búinn að óska þér Gleðilegs Sumars ? ekki ? geri það þá hér með)

KH

Kristján Hilmarsson, 19.4.2012 kl. 23:53

9 Smámynd: Guðmundur Friðrik Matthíasson

Ég vil ekki kommúnista sem forseta ..............

Guðmundur Friðrik Matthíasson, 20.4.2012 kl. 00:02

10 identicon

Hér ætlar fólk sem sé að halda sig við gamla, spillta, tímann og kjósa kommúnistann Ólaf Ragnar Grímsson.

Láki (IP-tala skráð) 20.4.2012 kl. 07:35

11 Smámynd: Ómar Geirsson

Já Ásthildur, ég hef aldrei heyrst minnst á þessa góðu konu og líklegast segir það allt um stöðu prestastéttarinnar, hún er ekki sýnileg nema þegar eitthvað þrasið kemur uppá yfirborðið. 

En ef hún er að vestan, þá er hún vonandi með strigakjaft og þá ætti að gusta um embættið.

Ekki veitir af að það komist upp úr neðanmittisumræðu.

Kveðja að austan.

Ómar Geirsson, 20.4.2012 kl. 10:36

12 Smámynd: Ómar Geirsson

Blessaður Sigurður, þeir hefðu gott af því að lesa þessi orð.  Höfð eftri ungri konu sem tók afstöðu á ögurstundu þjóðar hennar þó hún gjaldið væri harðari refsing en sú sem Mammon hótar.

".....  þá spyr lögreglumaðurinn hverju eigi að fylgja öðru en lögunum.

Sophie:  "Samviskunni".

"En hvernig fer ef allir greina rétt og rangt eftir samvisku?",   " glæpsamleg óreiða???"

Sophie:  "Samviskan er vernd gegn gerræði.   ... Við reynum bara að hafa áhrif með orðum".

"Því hættið þér svona miklu eins ung og þér eruð??".

Sophie:  "Vegna samvisku minnar!!".

Löggan lýsti "siðferðislegu ábyrgu ríkisvaldi" sem berðist gegn auðvaldi og bolsvéisma.  "Heiður, æra, sæmd".  ............ - "Eitthvað hefur misfarist í uppeldi ykkar".

Sophie lýsti hvernig geðsjúk börn voru flutt í gasklefana og spurði síðan:  "Ef ég illa upp alin af því að ég hef samúð með þeim???".  ...... "Þess vegna veit ég að enginn getur fellt dóm sem Guði einum er ætlaður".  ..."Allt líf er dýrmætt.  Þetta snýst um velsæmi, siðferði og Guð".

Löggan benti Sophie á að "líf hennar væri í húfi".  Og hann bað hana að reyna að bjarga sér með því að skella skuldinni á bróðir sinn.  -"Að játa mistök er ekki að svíkja bróðir sinn".

Og svar Sophie er grundvallarsvar:  "En hugsjónina????".  "Ég myndi gera þetta aftur því lífsskoðun yðar er röng.  Ég tel sem fyrr að ég hafi unnið þjóð minni gagn.  Ég iðrast þess ekki og tek afleiðingunum."

Þessi afleiðing var öruggur dauðadómur því alræði nasismans leið ekki sjálfstæða hugsun byggða á mannúð og mennsku.  Og að orða hana svo aðrir læsu var gjörð sem dauðarefsing lá við.

Dómforsetinn var þekktur skíthæll og lítilmenni sem naut þess að hæðast að bandingjum kerfisins.  En hann laut gras fyrir siðferðisþroska Sophie og orð hennar brutu hæðni hans á bak aftur.

Sophie:  "Þjóðin vill frið.  Að mannleg reisn verði aftur virt.  Þjóðin vill Guð, samvisku og samkennd".  ... "Það sem við skrifuðum hugsa margir en þora ekki að segja".

Og lokaorð hennar við ómennið var:  "Bráðum standið þér hér þar sem við erum núna"."

Kristið fólk gleymir þessu alltaf, það verður ekki dæmt af orðum sínum, heldur gerðum. 

Og aðförin að heimilum landsins er siðlaus heiðni.

Og þeir sem brugðust þeim, verða dæmdir.

Kveðja að austan.

Ómar Geirsson, 20.4.2012 kl. 10:42

13 Smámynd: Ómar Geirsson

Blessaður Láki.

Takk fyrir að taka eftir að ég er óborganlegur, það er eitt af markmiðum þessa bloggs, að ná þeim standard.

Þess vegna ætla ég að láta almennt andsvar eiga sig og vitna í söguna og athuga hvort viska hennar hafi áhrif á þig.

"Hættu þessum hávaða drengur svona í morgunsárið" sagði úrill gömul kona við ungan dreng á götu í Antwerpen.  

"Það kemur ekki til að góðu frú mín, Þjóðverjar gerðu árás á borgina í nótt, og við verjumst með því að skjóta á móti".

Tómhyggjan skilur ekki svona hugsun fyrr en skellur í tönn, hún röflar um komma og ungt fólk.  Og lætur eins og landið hafi ekki orðið fyrir árás.  Samt er ástæða þess að innviðir samfélagsins funkera sú að það er forseti á Bessastöðum.  Sem er aftur ástæða þess að ESB gullið sækir þangað með ímynd sína.

Ég hóf ekki skothríðan Láki, ég aðeins svara henni.  Svo þú getir haldið áfram að vera tómur og notið alls þess þjóðfélag þitt hefur uppá að bjóða.

Lifðum við eðlilega tíma, þá væri ég í fyrsta lagi ekki að blogga, og í öðru lagi þá væri val í forsetakosningunum.  Þá kysi ég flottustu gelluna eins og ég hef alltaf gert.  Herdís hún er mín kona.

Varðandi barnalegu spurningu þína um hvað forsetinn ætti að gera ef þjóðin samþykkti ESB í þjóðaratkvæðagreiðslu þá held ég að þú hafir ekki hugsað þá hugsun til enda.  Forsetinn hefur málsskotrétt til þjóðarinnar, hann sendir ekki þjóðaratkvæði í þjóðaratkvæði.

En málið er að ESB klíkan ætlar að sniðganga þjóðina, en getur það ekki nema að ráða yfir Bessastöðum.

Vörn Bessastaða er vörn þjóðarinnar í dag.

Líka þeirra tómu.

Kveðja að austan.

Ómar Geirsson, 20.4.2012 kl. 10:58

14 Smámynd: Ómar Geirsson

Blessaður Kristján.

Það er ekkert að því að nota tækifærið til að koma áhugamálum sínum á framfæri.  Persónulega fannst mér ég góður þetta með samgöngurnar, það renna öll fljót í Norðfjarðargöng um Dýrafjarðargöng.

En þetta er svona, núna er tími stríðsmanna og þeir sem ælta fram á öðrum forsendum, þeir eru fyrstir til að falla.

En Ari er ágætur, hann er með góða rödd eins og góði trausti sjálfstæðismaðurinn sagði í bloggi sínu.

En ef ég hefði verði hann, þá hefði ég beðið eftir að Ólafur hætti.

Kveðja að austan.

Ómar Geirsson, 20.4.2012 kl. 11:01

15 Smámynd: Ómar Geirsson

Er Ari Trausti ekki í Samfylkingunni eftir að hann fór að spá í kostun verka sinna Jón Steinar???

En þið hægri menn þurfið þá að bjóða fram mann sem talar ekki í frösum eða öðrum ambögum eins og fyrri frambjóðendur ykkar hafa gert.

En aðeins þá og þegar ESB gullið hefur verið hrakið úr landi.

Í dag er ekkert val.  Ekki frekar en í öðrum stríðum.

Það er skylda hvers manns að verja þjóð sína þegar á hana er ráðist.

Kveðja að austan.

Ómar Geirsson, 20.4.2012 kl. 11:06

16 Smámynd: Ómar Geirsson

Takk fyrir innlitið Guðmundur.

Kveðja að austan.

Ómar Geirsson, 20.4.2012 kl. 11:06

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Ómar Geirsson

Höfundur

Ómar Geirsson
Ómar Geirsson
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Screenshot (49)
  • Screenshot (49)
  • ...img_0104a

Heimsóknir

Flettingar

  • Í dag (28.3.): 2
  • Sl. sólarhring: 4
  • Sl. viku: 42
  • Frá upphafi: 1318296

Annað

  • Innlit í dag: 2
  • Innlit sl. viku: 39
  • Gestir í dag: 2
  • IP-tölur í dag: 2

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband