Náverjar fá Sannleikann dæmdan.

 

Skálka í skjóli stjórnvalda sem afhenda þeim náinn á líkborðið til ráns og rupls eða þaðan af verra sem aðeins þeir iðka sem  á náinn leggjast.

Þetta eru mennirnir sem hirtu aðrinn korteri fyrir Hrun.  Arð sem engin innistæða var fyrir, hinar afskrifuðu skuldir segja alla söguna.

Náverjar þola ekki umtal, ekki að það komi við kauninn á þeim, til þess þyrftu þeir að hafa sál og samvisku, umtalið gæti beinst að stjórnmálamönnunum sem þeir stjórna með hluta líkgróðans.

Fólk gæti farið að hætta að hlusta á Ruv og farið að hlusta á hjarta sitt, skynsemi sína.

Og farið að spyrja spurninga.

 

Náverjar eru hluti af því afli sem kallast einu nafni Hrunverjar.  

Og eiga Ísland í dag.

Þeir eiga Alþingi, þeir eiga fjölmiðlana, og þeir eiga stóran hluta af dómurum landsins sem dæma þeim alltaf í hag.  Þeir klikkuðu aðeins á Hæstarétti, að hluta, og fengu á sig þjófadóm.  En restin að réttarkerfinu, ríkissaksóknari, ríkislögreglustjóri., héraðsdómarar, eru í þeirra vösum, og láta sér nægja að dæma smáþjófa og bera út einstæða foreldra.

Líkt og fyrirrennarar þeirra gerðu í gegnum aldirnar, stoltir og ánægðir.

 

Náverjarnir geta því treyst, í skjóli Hrunverja, því alltaf treyst, ef einhver segir satt um þá, að hann verði færður í stokk og dæmdur.  Reyndar er tungan ekki skorin af í dag en hræðslan við að tjá sig engu síður tryggð.

Þetta er kerfið sem við vildum, kerfið sem við verjum.

Kerfi Náverja og annarra ógeða sem halda  Íslandi í heljargreipum með aðstoð dómsstóla og svipunnar ógurlegu; "Kastljós hefur undir höndum gögn .......".  Svo er alltaf hægt að kalla til sorann á Dagblaðinu til að ausa menn auri.

 

Svona er Ísland í dag, svona vill þjóðin hafa Ísland í dag.

En ekki ég.

Og örfáir aðrir.

 

Restin tekur þátt í hringleikahúsi fáránleikans og lætur etja sig út rifrildi um kvóta, stjórnlagaráð, evru, Evrópusambandið, Landsdóm eða hver sú umræða er hverju sinni sem Náverjar, Hrunverjar kaupa hverju sinni.

Og skilur svo ekkert í af hverju þjóðin er klofin í herðar niður á beinni leið í skuldaþrældóm krónubraskara.

Reyndar sá hluti af restinni sem þó sér þá ógn.

 

Flestir sjá ekkert og skilja og eru staðráðnir í að kjósa yfir sig ríkisstjórn Alþjóðagjaldeyrissjóðsins yfir sig í næstum kosningum.

Ríkisstjórn sem verður í boði Náverja, já og annarra Hrunverja.

 

Á meðan tæmist tímaglasið hægt og hlótt.

Og þá verður ekki aftur snúið.

 

Vargöld, vígöld, náöld.

Kveðja að austan.

 

 

 


mbl.is Dæmdur fyrir meiðyrði
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: corvus corax

Ótrúlegt að maðurinn skuli fá á sig dóm fyrir að segja sannleikann umbúðalaust eins og hann kemur manninum og mörgum öðrum fyrir sjónir.

corvus corax, 18.4.2012 kl. 15:57

2 Smámynd: Ásthildur Cesil Þórðardóttir

Manni verður bara flökurt að heyra þetta Ómar. Svei þeim bara hrunverjunum, þeirra tími mun koma eins og Jóhönnu forðum. 

Ásthildur Cesil Þórðardóttir, 18.4.2012 kl. 16:04

4 Smámynd: Ómar Geirsson

Blessaður corvus.

Það er ekkert ótrúlegt við þennan dóm, það hefði hins vegar verið ótrúlegt ef hann hefði fallið með þjóðinni.  Þá fyrst hefðum við séð lélegan bissness hjá Hrunverjum.

Annað sem er ótrúlegt er þetta ótrúlega sinnuleysi hins venjulega manns sem hakar við Hrunverjamiðilinn Ruv sem traustan fréttamiðil og óbreyttra vinstrimanna sem bakka upp hraklegustu hægri ríkisstjórn vestræns lýðræðisríkis frá seinna stríði.

En aum þykir mér þjóðin sem ekki grípur til varnar.

Maður hefði haldið að eitt rán, að eitt Hrun væri meira en nóg.

En ég deili ekki þeirri skoðun með mörgum.

Kveðja að austan.

Ómar Geirsson, 18.4.2012 kl. 16:53

5 Smámynd: Ómar Geirsson

Er hann nokkuð á leiðinni Ásthildur???

Þeir sitja núna í skjóli Borgarahreyfingarinnar sem var kosin á þing gegn spillingu og ráni en röflar núna um stjórnlagaráðs eitthvað í stað þess að átta sig á einni grunnstaðreynd, þú kóar ekki með ómennsku.

"Stjórnarandstæðan myndi gera meira gagn fyrir íslendinga ef þeir settu fram vantrauststillögu á Ríkisstjórn reglulega - eða í hverju máli/ frumvarpi, sem hún stillir fram fyrir Alþingi, á meðan það er ekki frumvarp eða mál sem snúa að skuldavanda heimila. Þeim vanda sem er brínastur fyrir þegna þessa lands".

Þetta er tilvitnun í Eggert Guðmundsson.  Segir eiginlega allt og þá um leið af hverju Hrunverjar ráða öllu enn.

Og það ekkert, ekkert með Jóhönnu að gera.  Hún stæðist ekki einn blástur, en það er enginn að blása.  Það er meinið, það er málið.

Og þeir sem tala um þetta mál, tala fyrir tómum húsum.  Þeir sem tala á forsendum röflsins sem engu hefur skilað, og mun aldrei skila neinu því atburðasmiður Hrunverja stjórna þeirri umræðu, þeir fá athyglina og þeir fá umræðuna.  

Sárast er að sjá Sjálfstæðismenn, marga mæta baráttufélaga úr ICEsave vörninni, tala gegn núverandi ríkisstjón, styðjandi sömu stefnu hjá flokki sínum.  Það er hjá flokksforystunni.

Það er sárt að sjá fólk teljandi sig berjast gegn ESB innlimuninni en gerir það á forsendum stýrðar umræðu atburðasmiða Hrunsins.  Sem skilar aðeins einu, innlimum í ESB.

Það er verið að spila með fók Ásthilur, það er verið að spila með fólk.

Og það tekst bara mjög vel.

Kveðja að austan.

Ómar Geirsson, 18.4.2012 kl. 17:06

6 Smámynd: Ómar Geirsson

Já það hef ég Jón Steinar.

 http://omargeirsson.blog.is/blog/omargeirsson/entry/1234636/

Pistla mínir frá því að meðalgangan var kynnt sem sérstakur sigur hafa eiginlega allir snúist um þetta og þá af hverju þetta mun ganga eftir.

 
 
 
 
Bara svo dæmi séu nefnd.
 
Þetta blasir við og ég sé engan hindra það.  Allavega ekki í dag.
 
Nema Hrun ESB, þannig að ég hef svo sem ekki miklar áhyggjur.
 
En hér innanlands er ekkert afl á móti Hrunverjum og ESB draumi þeirra.
 
Kveðja að austan.

Ómar Geirsson, 18.4.2012 kl. 17:14

7 Smámynd: Umrenningur

Sæll kappi

Ég held nú að við talsmenn mennsku í þjóðfélaginu séum svolítið fleiri en örfáir. Það breytist hratt þegar rétti tíminn er kominn og þá eins og endranær átt þú minn stuðning og aðstoð tryggann, hvar sem ég renn um grundir og fjöll þá stundina.

Kveðja að sunnan

Umrenningur, 18.4.2012 kl. 17:28

8 Smámynd: Ómar Geirsson

Það voru ekki mín orð Umrenningur góður að talsmenn mennsku væru örfáir, það eru aðeins örfáir sem manna vígstöðvarnar gegn þeirri aðför að sjálfstæði landsins sem aðkoma ESB að ákæru ESA er. 

Og enn færri sé ég fylkja liði gegn verðmiða Samfylkingarinnar á sjálfstæðinu, 1.000 milljarða froðukrónaeignin.    Hvað þá að verjast ætlun Seðlabankans að láta þjóðina lifa lífi skuldaþrælsins næstu áratugina meðan hann borgar krónubröskurum hægar út en vaxtatekjur þeirra eru árlega. 

Ég sé ofsalega fáa í stríðinu við Hrunverja.

Ég sé hins vegar ofsalega marga í tuðinu, um hitt og þetta.  Um Landsdóm, um sægreifa sem allfæstir virðast átta sig á að búa út í London en eftir situr stórskuldug atvinnugrein sem þúsundir samlanda þeirra eiga allt sitt undir, menn telja stjórnarskrá æðsta forgang sinn, svo mikinn að menn verja þessa ríkisstjórn falli svo bastarðsvinnan lifi.

Og menn rífast um ESB á forsendum vaxtaþjófa og skilja svo ekkert í að ESB á sér hljómgrunn hjá sviknum heimilum.  Og skilja ekki heldur í af hverju landið er langt komið inní sambandið, það er stjórnkerfi þess og regluveldi.

Og svo framvegis.

Ég sé eiginlega fáa  berjast gegn árásinni á fullveldið nema gamla ICEsave samherja, það er alltaf sama fólkið. 

En við erum ekki þjóðin Umrenningur góður, við erum jaðar.

Og á meðan ráða Hrunverjar öllu.

Kveðja að austan.

Ómar Geirsson, 18.4.2012 kl. 18:38

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Um bloggið

Ómar Geirsson

Höfundur

Ómar Geirsson
Ómar Geirsson
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Screenshot (49)
  • Screenshot (49)
  • ...img_0104a

Heimsóknir

Flettingar

  • Í dag (29.3.): 1
  • Sl. sólarhring: 2
  • Sl. viku: 33
  • Frá upphafi: 1318297

Annað

  • Innlit í dag: 1
  • Innlit sl. viku: 31
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband