Mjá, mjá, mjá.

 

Samfylkingin misnotar ríkisstofnanir kinnroðalaust við að koma höggi á Sjálfstæðisflokkinn. 

Hann á að vera óvinurinn mikli sem á að fylkja kjósendum utan um dauðdæmda ESB stefnu flokksins.

Samfylkingin  lagði fram arfavitlausasta frumvarp í sögu Alþingis þegar óljósar tillögur stjórnlagaráðs voru gerðar ennþá óljósari og síðan átti að kanna hug þjóðarinnar til þeirra, ekki með Gallup, heldur með þjóðaratkvæði.  Hún passaði uppá að útilokað væri að samþykkja þjóðaratkvæðið innan þess tímaramma sem þurfti.  Og lét svo Ruv kenna Sjálfstæðisflokknum um.

 

Samfylkingin lagði fram upphlaupsfrumvarp um málefni sjávarútvegsins sem hún veit að verður aldrei samþykkt.  Því það finnast ekki nógu margir vitlausir þingmenn í stjórnarflokkunum til að það verði samþykkt, enda ekki ætlast til þess.

Frumvarpið er kosningabomba, hugsað til að skapa umræðu úlfúðar og upplausnar og með því á að klína sérstakri sægreifastimpilsvernd á Sjálfstæðisflokkinn.  

Og að sjálfsögðu er Ruv í fararbroddi í þeirri umræðu.

 

En til að auka höggþunga sinn þá var hringt uppí Seðlabanka og tilkynnt að Kastljós hefði undir höndum gögn sem sýndu risastór brot á gjaldeyrislögum.  Að Samherji hafi selt karfann sinn alveg eins og fyrirtækið hefur gert undanfarin 20 ár eða svo.

Það er útilokað að stjórnendur Seðlabankans séu svo sviptir dómgreind að þeir hlaupi til í allsherjar húsrannsókn eftir ábendingum Kastljós.  Þeir hefðu til dæmis áttað sig á því að ef um misferli væri að ræða, þá var það fyrir opnum tjöldum og það var þá ábyrgð bankans að það viðgengst.

Vissulega rannsaka menn og gera athugasemdir, en í beinni útsendingu að rannsaka það sem liggur fyrir, það er skrípaleikur að óþekktri stærð í sögu íslenskra afglapa.

Og þá er ég að meina að þetta er svo hlægilegt.  Þeir gera sig af svo miklu fífli. 

Slíkt gerir enginn embættismaður nema fá þar um beina fyrirskipun frá sínum æsta yfirmanni, manninum sem svo stefndi sínum yfirmanni vegna vangoldinna launa, líklegast er þjóðin vitni að skrýtinn sátt þar sem klór á báða bóga kemur við sögu.

 

En fyrst hristir maður hausinn þegar maður upplifir viðbrögð Samherja.  

Svona aðför að fyrirtækinu, til að ná höggi á Sjálfstæðisflokkinn (hún studdi Ruv í sægreifastimpilsverndarsamsærisviðeigumaðgangaíESBkenningunni) stórskaðar fyrirtækið.

Og hvað gerir þá eitt öflugsta fyrirtæki landsins??

Jú, það fær Helga stjörnulögfræðing til að mjálma í fjölmiðlum.

Mjá, mjá, mjá.

 

Einhver hefði snúist til varnar.

Kveðja að austan.

 

 

 

 

Vilja vita ástæður húsleitarinnar

Athugasemdir

[Hreinn Sigurðsson, 2.4.2012 kl. 01:23]

"það finnast ekki nógu margir vitlausir þingmenn í stjórnarflokkunum til að það verði samþykkt" Sæll Ómar. Ég er hræddur um að þú vanmetir stórlega þann skort á skynsemi sem gegnsýrir stjórnarflokkana.

[Ómar Geirsson, 2.4.2012 kl. 08:25]

Nei veist það Hreinn, ég geri það ekki.  Það er ekki vitleysa sem ræður för.  En ég er hræddur um að ESB gullið stýri verki.

Að vala upplausn í samfélagi er þekkt leið þeirra sem eiga asna og klyfjar fullar af gulli.  

Þá er fátt um varnir.

Kveðja að austan.