Sjálfstæðismenn kunna ekki að skammast sín.

 

Stóriðjustefna þeirra er gjaldþrota.  Þeir skulda Reykvíkingum og öllum landsmönnum afsökunarbeiðni.

Afsökunarbeiðni ásamt því að axla ábyrgð á gjörðum sínum.

 

Orkuveitan var þátttakandi i glórulausu lánafyllerí, kennt við stóriðju. Orkan var á útsölu og rétt dugði fyrir kostnaði, hafi hún þá dugað fyrir honum.  

Og allt tekið að láni.  Og þegar allt er tekið að láni, þá þola menn engin áföll, það má ekkert koma upp á, þá missa menn stjórn á rekstrinum, fyrirtækin eru yfirtekin af lánardrottnum, ekki nema til komi nýtt eigið fé sem brúar bilið milli afborgana og tekjuinnflæðis.

Ef megnið af lánunum er til skamms tíma, þá dugar það ekki til,  þá er náðin lánadrottna, hvaða skilyrði setja þeir fyrir endurfjármögnun???

Og það er ekkert val í stöðunni.

 

Þess vegna er kokhreysti sjálfstæðismanna óskiljanleg, þær aðgerðir sem gripið er til lúta boðum sem ekki er hægt að hundsa.

Það er lýðskrum á hæsta stigi að láta eins og það sé hægt að gera eitthvað annað???  Ef þetta annað er raunhæfur möguleiki, þá krefjast lánardrottnar fyrirtækisins þess líka.

Að halda öðru fram er lýðskrum í pólitískum keiluslag.

 

Og Sjálfstæðismenn eru sekir eins og syndin í þessu máli.

Þeir hafa knúið stóriðjuvélina áfram í landspólitíkinni, og aldrei gert ágreining um hana í borgarpólitíkinni.  

Þeir stjórnuðu borginni í 4 ár og gerðu ekkert nema að halda áfram á sömu braut og R listinn.  

Nema, þeir bættu í, ætluðu í útrás, mikla útrás fyrir peninga Orkuveitunnar.  Hefði það ævintýri gengið eftir, þá væri ekki einu sinni neyðarleið í stöðunni, það væri hreinlega allt búið.

 

Samt rífa þeir sig, gjamma eins og vanþroskaðir unglingar á málfundafundi.

Skilja þeir ekki hvað þeir eru búnir að gera Reykvíkingum, skilja þeir ekki hvað þeir eru búnir að gera þjóðinni???

Og skilja þeir ekki að þessi gjaldþrota stóriðjustefna er eina stefnumál flokksins í landsmálum, það var hún sem var notuð til að réttlæta þjóðarsvikin í ICEsave, hin gífurlega atvinna af nýjum lánum til orkuuppbyggingar var plásturinn sem átti að hylja sár Óráða AGS, niðurskurðar hans og skuldaþrældóms, allt átti að reddast með stóriðjunni.

 

Og núna er næststærsta orkufyrirtæki landsins í gjörgæslu, ófært um að gera eitt eða neitt, annað en að borga skuldir.

Og næst fáum við fréttir af Landsvirkjun, þar eru sömu öfl að verki, hún stendur vissulega betur, en hvað betur?????

Það mun skýrast á næstu vikum, og við Íslendingar höfum ekkert með það að segja, það eru lánardrottnar fyrirtækisins sem munu skýra þá stöðu.

 

Gjammandi smákrakkar munu ekki koma þar nálægt.

 

En eitt er alveg ljóst, að ICEsave hefur ekkert með þetta þrot að gera.

En peningar sem fara úr landi við að greiða fjárkúgun, þeir nýtast ekki í neyðaraðgerðir til að bjarga orkufyrirtækjum okkar.

Þökkum guði fyrir að þroti Orkuveitunnar var ekki leynt fram yfir þjóðaratkvæðið, það átti að samþykkja ICEsave svo hægt væri að taka lán og virkja.

 

Ha, ha, ha.

Kveðja að austan.

 

 

 

 

 

Of langt gengið í hækkunum