"Kerfið flækist fyrir!!"

 

Skyldi Björk trúa þessu sjálf???

Var kerfið kosið til að stjórna Íslandi, vorið 2009??

Hvers kerfi þá??

Kerfi auðróna og orkufursta, þeirra sem höfðu einsett sér að koma orkuauðlindum landsins í einkaeigu.

Skyldi kjósendur VinstriGrænna til dæmis hafa áttað sig á, að þeir kusu ekki flokk sinn til að stjórna landinu, heldur kusu þeir kerfið, hið fallna kerfi auðmanna???

 

Já, það er alltaf gott að geta kennt kerfinu um.

Kveðja að austan.

Kerfið þvælist fyrir

Athugasemdir

[Árni Gunnarsson, 17.1.2011 kl. 15:19]

Rétt! Hinsvegar þá eru stjórnvöld búin að sammælast um að "kerfið" eigi að vera sjálfvirka fyrirbærið sem forðar pólitíkusum og kontóristum frá óþægindum. Svona ámóta og verðtryggingin sem leysir stjórnvöld undan því að reka ábyrga efnahagsstefnu.

Verkkvíði stjórnmálamanna er þjóðarmeinsemd.

Jón Stefánsson bóndi í Möðrudal byggði kirkju til minningar um konu sína. Hann sá um alla smíði utan sem innan: málaði altaristöfluna og keypti  orgelið sem hann spilaði sjálfur á og stýrði söng. Þegar fréttamaður spurði gamla manninn hvernig í ósköpunum honum hefði komið þetta til hugar skildi hann varla spurninguna en svaraði: "Nú, barasta af því að að ég sá engin vandkvæði á því."

Hvenær fáum við svona forsætisráðherra eins og hann Jón í Möðrudal? 

[Ómar Geirsson, 17.1.2011 kl. 16:09]

Daginn sem þjóðin vill það Árni, þá kemur hann á hvítum fáki.

Í dag yrði hann bara settur í spennutreyju, og settur á vitleysingasafnið.

En manstu þegar kerfið fór eftir lögum og hafnaði Kárahnjúkavirkjun???

Þá var það alveg ótækt, og maður gekk undir manns hönd, við að aflétta áþján kerfisins af okkur Austfirðingum, svo við gætum orðið rík af því að selja samlokur og ullarsokka.  Já, og þrífa, ekki má gleyma því.

Ég held nefnilega að þessi meinti verkkvíði sé aðeins yfirvarp, sú hönd sem fæðir stjórnmálamenn, er einfaldlega ánægð með það sem kerfið gerir.

Þar liggur meinsemdin.

Kveðja að austan.