Nei, það þarf ekki Landsdóm á Össur.

 

Orð hans eru skýr lögbrot, og falla undir almenn hegningarlög, landráðakafla þeirra.

Það er ekki nóg að hann styðji kröfur breta, vill þó deila um vexti eftir að vera brottrækur með þrjá samninga, hann lýgur líka upp á íslenska þjóð að hún vilji brjóta lög og reglur Evrópusambandsins um ólöglega ríkisstyrki.

Össur hefur lifað á að aðeins dómsmálaráðherra má ákæra fyrir landráð.

Og hún Ragna eins ágæt og hún var blessuð, hún var ekki fyrir átök, eða hún vildi skipta sér að höfðingjanna bruggi.

En núna er maður dómsmálaráðherra sem á sér langa sögu um vilja til þess að lög og regla gildi í landinu.  Maður sem sér ekki í gegnum fingur sér á lögbrjótum, þó háttsettir séu.

Og þessi maður vill stjórna, hann vill ráða, enda vanur formaður.

 

Vg fær öll undirtök í ríkisstjórninni þegar Össur er kominn í gæsluvarðhald á Hrauninu.  Við megum ekki gleyma að í allri samanlagðri glæpasögu Íslands má ekki finna eins einbeittan brotavilja til að hafa bæði eigur og æru af íslenskri þjóð.

Ef Ögmundur ákærir ekki Össur, þá á hann að sleppa öllum lausum af Hrauninu, því til hvers að loka inni smáglæpamenn þegar höfðingjarnir komast upp með að reyna að stela 506 milljörðum af íslenskri þjóð????

Er Vg ekki flokkur litla mannsins???

 

Og er ekki upplagt að fækka í ríkisstjórninni????

Og losa til dæmis um formann VG, hann styður líka hina ólöglegu fjárkúgun, fríviljugur framhjá lögum og rétti.

Eru stórtíðindi í uppsiglingu??

Að lög verði látin gilda á Íslandi, að landráðafólk verði ákært fyrir einbeittan brotavilja.  Að í kjölfarið verði kosinn nýr formaður hjá VG, og Samfylkingin verði í sárum því svo margir þingmenn hennar hafa opinberlega lýst yfir stuðningi við þjófnað breta.

 

Það skyldi þó aldrei vera að Ögmundur stæði uppi sem sigurvegari hins pólitíska hráskinsleiks sem núna er spilaður í stjórnarráðinu.  Var opinber árás hans á þau Jóhönnu og Steingrím vegna Útburðarvilja þeirra aðeins undanfari þess að hann láti lögin hafa sinn gang.

Kann Ögmundur söguna, veit hann að tékkneskir kommúnistar náðu undirtökunum eftir seinna stríð með því að fá ráðuneyti dómsmála og yfirstjórn yfir lögreglunni, og í kjölfarið komu pólitískum andstæðingum sínum í steininn, eða út um glugga.

 

Allavega, þá er tækifærið núna.  

Landráð Össurar eru skjalfest af eistneska útvarpinu.  Núna geta vinnumenn breta hjá Ruv ekki þurrkað út sönnunargögnin, núna er að einfalt mál að negla hann fyrir stærsta glæp sem refsilöggjöfin nær yfir, að ræna sína eigin þjóð.  

 

Ögmundur, lokaðu þjófinn inni.

Ég vil heilsugæslu og byggð í landinu.  Núna vitum við af hverju ráðherra Samfylkingarinnar vildi eyðileggja heilsugæslu landsbyggðarinnar, hann þurfti að safna pening fyrir Össur og breta.

Ögmundur, bjargaðu okkur frá þjófagenginu.

Kveðja að austan.

 

 

 

 

Aldrei spurning um Icesave

Athugasemdir

[Elle_, 8.10.2010 kl. 22:52]

Gat nú verið að Össur Skarphéðinsson færi að eyðileggja og skemma fyrir okkur úti í heimi einu sinni enn, Ómar. 

[Ómar Geirsson, 8.10.2010 kl. 23:05]

Nei Elle, kallanginn hefur ekki lengur mátt til þess.

Hann átti fyrst að svíkja þjóðina í ICEsave, áður en hann réðist í að útrýma landsbyggðinni.

Að safna fé  í ICEsave með því að leggja niður heilsugæslu, það er eitthvað sem jafnvel Stalín hefði ekki getað gert.  Þegar Stalín reyndi eitthvað álíka, þá var hann svæfður svefninum langa.

Össur er heppinn að vera ekki einræðisherra svo hann verður ekki svæfður.

En að hann ráði einhverju héðan af, það er af og frá.  Núna ræður Ögmundur öllu, því hann ræður yfir ákæruvaldinu.

Það hafa orðið vatnaskil í íslenskri pólitík.

Stjórnin er á flótta á öllum vígstöðvum, og flóttann rekur Ögmundur.

Hann var þá betri en enginn eftir allt saman.

Kveðja að austan.

[Elle_, 8.10.2010 kl. 23:20]

Ögmundur gerist vonandi stórtækur núna, Ómar.   Össur Skarphéðinsson er orðinn stórhættulegur eins og að vísu allur hans flokkur og það er ekki hægt að þola það. 

[Birgir Rúnar Sæmundsson, 9.10.2010 kl. 03:42]

Þetta er Globalist í þjónustu Breta. Þessi drullusokkur er landráðamaður og ekkert annað.

Félagi Tony Blair og Gordons Brown í Breska Verkó ?????????????????

[Vendetta, 9.10.2010 kl. 11:40]

Þú skalt ekki treysta stalínistanum í dómsmálaráðuneytinu. Ekki geri ég það.

[Ómar Geirsson, 9.10.2010 kl. 14:55]

Takk fyrir innlitið kæra fólk.

Vendetta, ég treysti ekki neinum ef út í það er farið.  En ég er að fabúlera i pistli mínum, að hæðast að manni sem heldur ennþá  að hann hafi einhver völd.  

Eins og mannfjöldinn á Austurvelli hafi bara verið kusk á hvítflibba hans sem hann geti dustað af sér, og haldið áfram iðju sinni.

Tími Össurar er liðinn, eina spurningin er hve margar fjölskyldur verða eyðilagðar áður en þjóðin sínir loks þann manndóm sem þarf til að bera hann út.

En sá tími kemur, alveg eins og tími Jóhönnu.

Kveðja að austan.

[Elle_, 9.10.2010 kl. 23:20]

Ómar skæruliði, vissir þú að 1 mín fyrir miðnætti í gærkvöldi varstu kominn með 1514 IP-tölur???   Það gera hin ÓSJÁLFRÁÐU SKRIF og hinn óstoppandi kjaftur út og suður. 

[Ómar Geirsson, 10.10.2010 kl. 11:15]

Blessuð Elle, einhverja hugmynd hef ég um það.

Þegar þú vilt bera út Útburð og hrekja AGS úr landi, þá verður þú að virða lögmál IP talna, að skrifa um það sem þú vilt skrifa á þann hátt að aðrir vilja lesa.  Og mig minnir að síðustu tveir þrír pistlarnir á fimmtudagskvöldið hafi verið settir inn út af hégóma.  

Og ég seifaði topp tíu listann, hefði hætt á toppnum ef ríkisstjórnin hefði farið frá á föstudaginn.

En hún ætlar ekki, og mörgum blekkingarfleyjum verður komið á flot áður en það gerist.  Líklegast sú ósvífnasta fram að þessu, og fékk þar með harkalegustu viðbrögð mín , var sú tilraun heilbrigðisráðherra að koma AGS vanda ríkissjóðs yfir á forsvarsmenn heilbrigðisstofnanna.  "Ef þið viljið ekki skera niður sjúkrahúsin, viljið þið þá skera niður gamla fólkið, eða almenna heilsugæslu???".  Og svo er það mæðusvipurinn að það þurfi að skera niður þessa þjónustu.

Og fullt af fólki fellur í blekkingarhjúpinn, og alltí einu er boltinn kominn til fórnarlambanna, þau fá valkost um nauðgun.  Og skömmin er þeirra að segja að þau vilji ekki nauðgun.

Fólk þarf að skilja að Útburðurinn er ekki valkostur, allt sem frá honum kemur hefur það eina markmið að koma skuldum fjármálageirans yfir á almenning að boði AGS.  

Og það er ærulaust fólk sem vinnur það skítverk.

Já þess vegna held ég áfram að safna IP tölum, læt þær rísa með reiðinni í þjóðfélaginu.  

AGS er á útleið, og það er ekki íslenskum vinstrimönnum að þakka.

Kveðja, Ómar.