Sorglegur raunveruleiki frjálsræðisins.

1.10.2010 | 11:07

Sorglegur raunveruleiki frjálsræðisins.

Á bak við allt talið um hagkvæmni einkareksturs á almannaþjónustu er sorglega oft einstaklingar sem hafa aðeins eitt í huga, að maka krókinn.

Eins og Joseph Stiglitz orðaði það svo kurteislega, rannsóknir hafa ekki sýnt fram á hagkvæmi einkarekstrar, og vafamál er að þeir sem hæst tala um einkavæðingu, að þeir hafi nokkra sannfæringu fyrir því.

En þeir vita eins og er að á henni má græða.

Svona ég endursegi orð Stiglitz með mínu nefi en viðtalið við hann má finna i gagnabanka Ruv.

Þetta er dilemma umræðunnar um einkavæðingu. Samkeppni og frelsi er af hinu góða, en ef markmiðið er auðrán, þá snýst þetta oft upp í andhverfu sína.

Til dæmis í Bretlandi þá keyptu ósvífnir fjármálamenn upp fyrirtæki í almenningssamgöngum, ekki til að veita betri þjónustu, heldur til að leggja þau niður og selja þær lóðir sem fyrirtækin áttu, oft á besta stað í bæjum og borgum, undir framkvæmdir. Þegar að nýir aðilar sáu sér kannski hag í að veita þjónustuna, þá urðu þeir að byrja að byggja upp frá grunni, og að sjálfsögðu á miklu óhentugir stöðum fyrir almenning.

Og þessa svívirðu hafa bláeygðir frjálshyggjudrengir, sem örugglega vilja vel, allavega vilja þeir ekki IcEsave hlekkina, reynt að réttlæta með frösum eins og markaðurinn ræður, þegar ljóst er að ekki er um markað að ræða, heldur rán og ræningja.

Enda tókst hetjum þeirra að setja Vesturlönd á hausinn á um 30 árum.

Á Íslandi er líklegasta versta dæmið í Reykjanesbæ, þar sem einkaaðilar rokka feitt en sveitarfélagið er komið í þrot. Að við minnumst ekki á bankaránið mikla.

Dæmið sem þessi frétt fjallar um er ekki umfangsmikið, en sínir samt í hnotskurn innrætið á bak við allflesta gjammara einkavæðingarinnar. Lýðskrum er notað til að blekkja fjöldann til fylgis, ung börn eru notuð til að halda úti frjálshyggju eitthvað, og á þeim grunni komast stjórnmálamenn til valda sem launa síðan stuðninginn með einkavinavæðingu.

Og eftir situr almenningur í sárum.

En andsvarið við svona skrumi og ráni er ekki niðurjörfaður ríkisrekstur þar sem dauð hönd embættismanna stjórnar öllu.

Það er til millivegur þar sem heilbrigð skynsemi stjórnar, það séu sett markmið og margir fái að keppa að þeim. Ef gjörðir einkafyrirtækja eru samfélagi manna til heilla, þá eiga þau að fá að lifa og dafna. En sé um rán eða brask að ræða, þá á að aflífa þau á staðnum, líkt og gert er með illkynja æxli í mannslíkamanum.

Vegna þess að það er ekkert til sem heitir hönd markaðarins sem lifir sjálfstæðu lífi öllum til hagsbóta. Markaðurinn er tæki til að miðla vörum og þjónustu milli einstaklinga og fyrirtækja hans. Þar þurfa að gilda reglur um samskipti, og reglur sem banna rán.

Það skiptir ekki máli hvort ránið sé bankarán, auðrán eða einkavinarán, rán eiga ekki að líðast.

Því markaðurinn er ekkert annað en samskipti okkar á milli. Og það er okkar að móta þau samskipti, samfélaginu öllu til heilla.

Lýðskrum auðræningja, íklætt búningi frjálshyggjunnar gerir það aldrei. Ekki frekar en ríkisbúskapur ofstjórnenda.

En við sjálf, hinn venjulegi maður, við erum sjálf fullfær um að móta reglurnar. Vegna þess að það eiga að gilda sömu reglur á markaði og við notum okkar á milli.

Þetta er ekki flóknara en það.

Kveðja að austan.

	Hörð gagnrýni á Hraðbraut
Ábyrgðarmaður færslu Tilkynna um óviðeigandi tengingu við frétt

Flokkur: Stjórnmál og samfélag | Facebook

Athugasemdir

Þarna virðist hið opinbera eftirlitskerfi hafa brugðist.

Elli (IP-tala skráð) 1.10.2010 kl. 11:26

Eru ráðamenn ekki með fullu viti? Hraðbraut ekki látin greiða til baka? Á meðan lífeyrirsþegar eru hundeltir út yfir gröf og dauða til að endurgreiða ofgreiddar bætur þá fá einkafyrirtæki að halda sínum ofgreyddu styrkjum og geta greitt út arð hægri vinstri þó ólöglegt sé! VAKNIÐ RÁÐAMENN OG NOTIÐ ÞAÐ LITLA VIT SEM GUÐ YKKUR GAF!

Merkúr (IP-tala skráð) 1.10.2010 kl. 12:00