"Styrkja ESB við að halda á lofti mannréttindum og lýðræði í heiminum"

 

Hvílíkur brandari, kúgun og ofbeldi hafa hingað til verið kennd við einræði og mannréttindabrot, og ESB styður þjófnað breta með ráðum og dáðum.

 

Af hverju er ICEsave þjófnaður???

Það er mjög einföld ástæða fyrir því, þú segir ekki, hvort sem þú ert einstaklingur, fyrirtæki eða ríki,  að einhver skuldi þér pening, og síðan ferð þú af stað með hótunum að innheimta hann, óháð mótmælum hins meinta skuldara.  Slíkt athæfi er alltaf ólöglegt, og það þarf ákaflega heimska blaðamenn til að skilja ekki þetta einfalda orsakasamhengi. 

Bretar fóru ekki eftir réttarfarsleið EES samningsins, þeir fengu ekki dóm yfir sína túlkun mála, þeir geta ekki vísað í nein lög, og ekki nein dómsfordæmi máli sínu til stuðnings. Samt kvaka Íslenskir fjölmiðlar endalaust söng þeirra sem segja að við skuldum bretum og Hollendingum þá fjárhæð sem þessar þjóðir lögðu fram til að greiða sparifjáreigendum í viðkomandi löndum þá innlánstryggingu sem viðkomandi stjórnvöld sögðust ábyrgjast.

Þeir geta ekki vitnað í nein lög, neinar reglur, neina dóma, máli sínu til stuðnings.

Rökin um hina meinta mismun þegar Íslendingar gripu til neyðarráðstafana til að bjarga bankakerfi sínu, samkvæmt skýrri réttarheimild EES samningsins, eru ekki tæk nema að fyrir því liggi löglegur dómur viðkomandi dómstóls EES samningsins, sem er EFTA dómurinn.

Hafi bretar engan dóm, þá hafa þeir enga kröfu.  Ef og hefði eru ekki rök í málum þar sem annar aðili krefst fjármuna af hinum, fram hjá lögum og rétti.

Og þessi grímulausi þjófnaður hljóðar upp á 2/3 af þjóðarframleiðslu Íslands.  Gangi hann eftir þá verður efnahagur Íslands rústir einar. 

Og að styðja slíkan þjófnað, að eyðileggja lífsskilyrði smáþjóðar, framhjá lögum og rétti, kallar stækkunarstóri ESB lýðræði og mannréttindi.  Nýnasistar kalla Auswitch sumarleyfisbúðar, og helförina lygi.  Sama firring. 

Og svo er blessaður maðurinn hissa á því að íslenskur almenningur fyrirlítur þessa framkomu, og mun aldrei, aldrei ganga til liðs við þjófa og ræningja.  Hversu hagkvæmt sem það annars skyldi vera.

Vilji ESB fá Ísland til liðs við sambandið, þá stöðvar það samstundis ránstilraun breta og lætur Evrópudóminn skera úr um lögmæti krafna þeirra.  Þá fyrst munu Íslendingar ljá máls á að velta fyrir sér kostum og göllum aðildar.

Og það er ótrúlegt að ESB trúboðið íslenska, sem hefur svikið landa sína á ögurstundu, að þeir skuli ekki heldur sjá samhengi hlutanna.

Eða eru þetta allt laumu ESB andstæðingar sem vilja allt gera til að hindra Evrópuaðild Íslands???

Allavega gæti hernaðartaktíkin ekki verið betri fyrir ESB andstæðinga.

Ótrúleg fáviska að ætla að kúga þjóð til hlýðni með ofbeldi og hótunum.

Kveðja að austan.

 

 

 

 

Áhyggjur af áhugaleysi Íslendinga

Athugasemdir

[Helgi Helgason (IP-tala skráð) 8.3.2010 kl. 23:41]

Mæltu manna heillastur!! Látum þessa andskota svitna!

[anna (IP-tala skráð) 8.3.2010 kl. 23:41]

Mikið rétt hjá þér!

[Már (IP-tala skráð) 8.3.2010 kl. 23:45]

Ofboðslega er ég sammála þér. ÉG er búinn að vera duglegur að benda fólki á orð Reinfeld í dag. Hann er í raun að segja að ESB sé fjárkúgunarstofnun ásamt AGS og Norðurlöndunum.

„Það er ekki hægt að líða, að fjármálamenn stingi hagnaðinum í eigin vasa en skattgreiðendur þurfi að greiða kostnað vegna lélegs hagvaxtar og mikillar skuldasöfnunar. Og það gerðist einmitt á Íslandi." Reinfeldt ítrekaði samt að Ísland verði að standa við alþjóðlegar skuldbindingar sínar"

Með öðrum orðum þá er þessi snillingur að segja "Gefist upp Íslendingar...þið verðir að borga þó að það sé óásættanlegt !! "

[Ómar Geirsson, 8.3.2010 kl. 23:52]

Takk fyrir innlitið kæra fólk.

Már, þetta er alveg hárrétt sjónarmið.  Mótsögnin í málflutningi þessa fólks er algjör.

Kveðja að austan.

[Elís Már Kjartansson, 8.3.2010 kl. 23:55]

Sammála þér fram i fingurgóma.

[Ólafur Ingi Hrólfsson, 9.3.2010 kl. 04:11]

Þetta er allt satt og rétt hjá þér -

hvetjum stjórnarandstöðuna - indefence hópinn og þjóðina alla til andstöðu við það í fyrsta lagi að greiða skuld sem er ekki okkar og síðan að koma í veg fyrir það að við kyssum vöndinn í Brussel - vönd sem er sveiflað í þágu breta og hollendinga og látinn ríða á baki okkar Íslendinga. Ég trúi því ekki fyrr en ég horfi á það gerast að stuðningsmenn VG láti þetta yfir sig ganga.

[Ómar Geirsson, 9.3.2010 kl. 07:11]

Takk fyrir innlitið félagar.

Viðmunum taka þennan slag líka.

Við höfum lögin og réttinn okkar meginn, og samúð umheimsins.

Tími siðlausrar auðhyggju er liðinn.

Kveðja að austan.

[Pétur Örn Björnsson (IP-tala skráð) 9.3.2010 kl. 21:31]

Já Ómar, lygi og blekkingar þeirra eru ein allsherjar konfektkassamynd, en innihaldið er illilega maðkétið af græðgi þeirra og lána"díleranna" sem halda lífi almennings í eymd og volæði.  En við gerum þá og dindla þeirra útlæga!