Ásjón svikara blasti við þjóðinni í dag.

Steingrímur Joð teikaði far með ættleranum Jóni Baldvin og lét Jón telja sér í trú um að Séra Jónar sviku sína þjóð.

Bretar gáfu út tilkynningu að Ísland ætlaði að standa við EES samninginn.  En þeir vitna ekki í þennan samning og sjálfir hafa bretarnir margmismunað eftir þjóðerni.  Og breska þingið mun aldrei samþykkja fjárútlát til að borga annarra þjóða skuldbindingar.  Bretarnir háðu ekki stríð við nasistana til að láta seinna ríkið gera þá gjaldþrota með lögkröfum.  

Hver þjóð ber ábyrgð á sínu.  Allir samningar í heimi fá því ekki breytt. 

Nema hjá íslenskum landráðum Samfylkingarinnar.  Í örvæntingu sinni hafa þeir stillt  Steingrím Joð upp við vegg og heimtað landráð að hálfu félagshyggjuarms VinstriGrænna.

Og miðað við myndina sem ekki lýgur, þá hló Ögmundur að Steingrími Joð.  Ögmundur háði ekki sína hildi í einangrun og vosbúð við útsendara andskotans í röðum Nýfrjálshyggjunnar til þess eins að svíkja þjóð sína á ögurstundu.

Og börnin hjá VinstriGrænum mættu hafa það í huga að þú svíkur ekki réttlætið nema einu sinni.  Eftir það ertu svikari og þau mega alveg eins ganga í flokk með Gunnari og Sigurjóni digra.  Sál þeirra mun hljóta svipaðan dóm.

En félagshyggjufólk styður ekki nauðungarsamning Samfylkingarinnar þó Samfylkingin telur það sína stefnu að svíkja þjóð sína.

Það töldu Kvislingar forðum og hlutu skömm fyrir.

Föðurlandssvik eru aldrei til vinsælda fólgin.

Það mættu gott fólk í VinstriGrænum hafa í huga.  Látum ekki orðsnjöll börn villa okkur sýn.  

Það sem er rangt er rangt.

Kveðja að austan.

Sjálfstæðismenn til bjargar