Bjarni bjargaði ættarauðnum.

 

Og hugsanlega Þór Sigfússyni í leiðinni.

Það var ekki út í loftið sem Steingrímur Joð bjargaði Sjóvá.

 

Gjaldið er ekki mjög hátt.

Að samþykkja eitt stykki fjárkúgun.

Eins og Ólöf Nordal segir, þá er aðalatriðið að fólk hafi vinnu, og geti þar með unnið fyrir Hrunskuldum.  

Með þeim rökum sveik Sjálfstæðisflokkurinn kjarnann í stuðningsmannahóp sínum, millistéttina í Reykjavík.  Og hún kyngdi því, það var eitthvað svo elegant þegar Pétur Blöndal fékk að mæta í Silfrið og tilkynna kjósendum Sjálfstæðisflokksins, að þeir væru óráðsíufólk, og ættu ekkert annað skilið en að vinna fyrir fjármálastofnanir sína lífstíð.

Í gamla dag þá var svona pakk líka alltaf dæmt í "sína lífstíð" eins og Björn Th Björnsson upplýsti í hinni merku bók, sögu fátæklinganna, Haustskip.

 

Það þarf ekki að taka fram að Pétur Blöndal þáði greiðslur fyrir frá auðjöfrum líkt og þegar hann tók að sér að leiða sparisjóðsránið.

Það þarf ekki heldur að taka fram að margir dyggir auðjöfrar höfðu hag af þessari stefnu Sjálfstæðisflokksins.

Og kjósendur flokksins eru dyggir, jafnvel þó flokkurinn geri þá gjaldþrota, allt er betra en vinstri menn er jú lífsskoðun þeirra.

 

En það er ekki lífsskoðun Bjarna Benediktssonar, hann fékk sögulegt tækifæri til að fella fyrstu hreinu vinstristjórnina, og hann nýtti það til að bjarga sér og sínum.

Hann hefur örugglega fengið vissu fyrir, að allir þessir milljarðar, hér og þar, hjá Byr, Keflavík, Glitni, Kaupþing, Landsbankanum, að þeir yrðu afskrifaðir án þess að flokkshollir auðmenn þyrftu að standa skil gjörða sinna.

Ehf er ekki nefnilega alveg sjálfgefið, stundum þarf að semja um það.  Það er að ekki verði eftirmálar.

 

Og hvað er ein fjárkúgun á milli vina.

Ekki ætlar hann og hans fólk að borga hana.

 

Til hversu eru breiðu bök þjóðfélagsins???

Liggur ekki svarið í augum uppi.???

Kveðja að austan.

 

 

 

Telur rétt að ganga frá samningnum

Athugasemdir

[@ (IP-tala skráð) 2.2.2011 kl. 21:40]

Þá fær Birgitta mitt atkvæði. Ég er reyndar aðdáandi hennar, en ekki að öllu leyti, hún er of fáfróð um hluti sem ráðamenn verða að þekkja til að stíga ekki á hættulegar jarðsprengjur....en ég er ekki aðdáandi flokksins hennar. Það eina sem ég vona er að þeim megi hlotnast meiri dómgreind, og fara að greina sannleika frá lygum betur, og gott frá illu. Það er alltaf sorglegt þegar velmeinandi og gott fólk spillir í fáfræði sinni fyrir framgangi góðra málefna í heiminum og dyggustu friðarboðberum þessa heims. Ég bið þetta fólk að afla sér meiri menntunar og þekkingar. Afþví nú mun ég neyðast til að kjósa þau.

PS: Zeitgeist er viðbjóður. Lítur út eins og tært vatn, en er blandað eitri og inniheldur falinn áróður gegn því besta og fallegasta og óeigingjarnasta sem til er í heiminum. Ef slíkur áróður nær yfirhöndinni mun lýðræðið falla...og menning okkar hrynja áður en hún nær að verða eitthvað meira og fallegra...og þjóðfélagsbreytingar munu aldrei ganga eftir því fasisminn tekur við, afþví sterkustu óvinir hans verða horfnir :(

[Bæ bæ xD (IP-tala skráð) 2.2.2011 kl. 21:45]

Það sést langar leiðir á þessum manni, að hann er ekki maður, heldur bara lítill drengur, sem hefur með góðri leiðsögn og í krafti einhvers annars en sjálfs síns komist þangað sem hann er. Það er sorglegt að einhver hefur greinilega sleppt af honum hendinni, eða litli drengurinn heldur virkilega hann að hann sé orðinn fullorðinn, því nú rasar hann um ráð fram í stjórnleysi og tekur heimskulegar og óupplýstar ákvarðanir eins og óupplýstur skrýll.

Þetta er sorglegt Bjarni minn. Þeir sem halda of fljótt þeir séu orðnir eitthvað sem þeir eru ekki, þeir verða aldrei það sem þeir vilja verða. Og nú ert þú dæmdur til að vera alltaf lítill drengur, nema þú látir af þessari heimskulegu og and-mannúðlegu ákvörðun þinni. Afríka er að deyja út af þjóðarskuldum! Þú ert orðinn samábyrgur gömlu nýlendunum og hefur brugðist deyjandi börnum! Icesave var ætlað að verða fordæmisgefandi máli sem myndi leiða Afríku út úr skuldum sínum líka. Þið hafið svikið allt mannkynið. Ég kýs ykkur ekki meir. Guð blessi Afríku!

[Sigurður Haraldsson, 3.2.2011 kl. 02:58]

Skammast mín fyrir að hafa kosið Sjálfstæðið einu sinni á lífsleiðinni!