Nú, eruð þið að bíða eftir að lífeyrissjóðrinir verði þjóðnýttir???

 

Eruð þið svo virkilega barnalegir að halda að meirihluti kjósenda sætti sig við eignaupptöku og þrældóm, bara vegna þess að þið ætlið að hafa allt ykkar á þurru??

Hver á að breyta skuldabréfum ykkar í solid verðmæti þegar þjóðin er farin???

Þó vitið sé ekki í askana látið hjá ykkur, þá hlýtur það nú að komast fyrir í fingurbjörg.

 

Evrópa var heppin að þið stjórnuðu ekki Bretlandi í seinna stríði.

Þið hefðuð stöðvað stríðið við Hitler eftir 3 mánuði með þeim orðum að ykkur litist illa á að þurfa að taka við ríkisskuldabréfum til 50 ára.  Skilaboð ykkar til bresku hermannanna hefðu verið einhvern veginn svona "sorry Stína, allir peningar búnir, núna verðið þið að kasta grjóti og borða gras".

 

Og það sorglegasta við þetta er að þið gátuð keypt bréf útrásarvíkinga fyrir hundruð milljarða, en litla fingri lyftið þið ekki til að bjarga þjóðinni.

Vanhæfni ykkar er algjör, tap lífeyrissjóðanna verður margfalt miðað við það sem það þyrfti að vera, og þið eruð svo innilega heimskir að halda að eldra fólk á Íslandi vilja búa í landi þar sem börn þeirra og barnabörn eru á vergangi.

Eða flúin til útlanda.

 

Skammist ykkar.

Kveðja að austan.

Líst illa á almenna niðurfærslu skulda

Athugasemdir

[assa (IP-tala skráð) 13.10.2010 kl. 22:04]

Heyr heyr! Og því lengur sem beðið er með almenna skuldaleiðréttingu því dýrara og flóknara verður dæmið. Með einni réttri ákvörðun núna gæti þessi óhæfa ríkisstjórn hugsanlega bjargað einhverjum íslendingum frá fjárhagslegu og sálarlegu gjaldþroti. Hvað hægt er að gera fyrir þá sem nú þegar hafa neyðst til að selja heimili sitt eða láta það gossa á annan hátt veit ég ekki. Þá skömm og ábyrgð má Samfylking og vinstri grænir eiga upp á sig! En nú skuluð þið andskotast til að sýna einhvern dug og bjarga því sem bjargað verður! 

[Ómar Geirsson, 13.10.2010 kl. 22:26]

Takk fyrir innlitið Assa.

Það má hjálpa þeim, það er ef við erum mennsk þjóð með mannleg gildi og finnum til samkenndar og samúðar.

En þegar teknum lífum er ekki hægt að bjarga, en þegar þjóðin hefur náð vitund sinni á ný, þá mun hún reisa minnismerki, líkt og gert er í minningu fórnarlamba helfara, og það verður ævarandi áminning um hvað getur gerst þegar verstu hvatir mannsins eru virkjaðar til stuðnings gróða og sjálftökuliði.

Það að segjast ekki hafa efni á að hjálpa samborgara sínum í neyð, er versta tegund ómennsku sem siðmenningin þekkir.

Og íslenska lýðveldið var ekki stofnað til að fóstra slíkar hvatir.

Kveðja að austan.

[Hreinn Sigurðsson, 13.10.2010 kl. 22:44]

Það á líklega að berja niður greiðsluviljann hjá þeim sem fóru varlega og enn ráða við að borga af sínum skuldum

[Sigurður Haraldsson, 13.10.2010 kl. 22:45]

Sæl verið þið 18% eru ekki nóg því fer fjarri. Afnám verðtryggingar verður að koma líka og þak á vexti ef það er ekki hægt verður að endurskipuleggja fjármálakerfið eins og það leggur sig!

[Marinó G. Njálsson, 13.10.2010 kl. 22:48]

Sigurður, afnám verðtryggingarinnar er líka meðal tillagna HH.

[Ólafur Guðmundsson, 14.10.2010 kl. 01:14]

Afhverju að afnema/banna verðtryggingu? Ef að þið eruð ósátt við verðtrygginguna þá er það í lófa lagið að taka aðeins óverðtryggð lán og/eða skuldbreyta verðtryggðum lánum í óverðtryggð.

Það er bara einfalt, verðtryggð lán eru hagstæðari fyrir lántakandann heldur en óverðtryggð.

[Jón Ingi Kr. (IP-tala skráð) 14.10.2010 kl. 09:12]

Beittur og góður Ómar eins og alltaf! Hreinn, það er rétt það er greinilega verið að berja niður greiðsluviljann hjá þeim sem berjast í að standa í skilum, ég þekki fólk sem notar síðustu krónurnar til að standa í skilum og eiga síðan varla fyrir mat eða brínustu nauðsynjum út mánuðinn, en ríkisstjórnin - vinstristjórnin sem vonast var til að tæki á öllum málum af einurð og krafti, amk. lofaði hún því, virðist ekki ætla að gera neitt fyrir þá aðila, þeir geta semsagt átt sig!!

Kv. JIK.

[Ómar Geirsson, 14.10.2010 kl. 09:14]

Takk fyrir innlitið félagar.

Aðeins eitt, Hreinn, það er akkúrat málið.  Og þú sem sjómaður ættir að skilja hvað það þýðir að vera á sama báti, og hvernig sjómenn bregðast við á neyðastundu.

Þá er reynt að bjarga öllum.

Forsenda mennskunnar.

Kveðja að austan.