Frétt um Norskan einfeldning.

 

Ef fjölmiðlar eltust alltaf við þá sem fara rangt með, ljúga eða blekkja, þá stæðu þeir ekki undir hlutverki sínu sem fjórða valdið, hlutverk að veita stjórnvöldum aðhald eða upplýsa almenning um staðreyndir og atburði eftir bestu fáanlegri vitneskju.

Íslenskir fjölmiðlar hafa algjörlega brugðist í ICEsave deilunni, þó óvinveitt ríki hafi með kúgun og ofbeldi næstum náð að sölsa undir sig a.m.k. 507 milljarða af almannafé, þá gera íslenskir fjölmiðlar enga greinarmun á þeim sem fara rangt með, ljúga eða reyna á annan svívirðilegan hátt að réttlæta þennan þjófnað, eða þeim sem halda sig við staðreyndir málsins og þau lög og reglur sem um málið gilda.

Ef vinnubrögð íslenskra fjölmiðlamanna væru viðtekin, þá væru útrýmingarbúðir nasista sumarleyfisstaðir, Sovétríkin aldrei kúgað Austur Evrópu, Serbar verið í hjálparstarfi í Bosníu, og Darfur væri ekki til.  Því þeir gera ekki greinarmun á réttu eða röngu, þeir sem rangt fara með, eiga ef eitthvað er greiðari aðgang að íslenskum fjölmiðlum, allavega ef þeir tala um ICEsave þjófnað breta.

 

Af hverju er ICEsave þjófnaður???

Það er mjög einföld ástæða fyrir því, þú segir ekki, hvort sem þú ert einstaklingur, fyrirtæki eða ríki,  að einhver skuldi þér pening, og síðan ferð þú af stað með hótunum að innheimta hann, óháð mótmælum hins meinta skuldara.  Slíkt athæfi er alltaf ólöglegt, og það þarf ákaflega heimska blaðamenn til að skilja ekki þetta einfalda orsakasamhengi. 

Bretar fóru ekki eftir réttarfarsleið EES samningsins, þeir fengu ekki dóm yfir sína túlkun mála, þeir geta ekki vísað í nein lög, og ekki nein dómsfordæmi máli sínu til stuðnings.  Samt kvaka Íslenskir fjölmiðlar endalaust söng þeirra sem segja að við skuldum bretum og Hollendingum þá fjárhæð sem þessar þjóðir lögðu fram til að greiða sparifjáreigendum í viðkomandi löndum þá innlánstryggingu sem viðkomandi stjórnvöld sögðust ábyrgjast.

Þeir geta ekki vitnað í nein lög, neinar reglur, neina dóma, máli sínu til stuðnings.

Rökin um hina meinta mismun þegar Íslendingar gripu til neyðarráðstafana til að bjarga bankakerfi sínu, samkvæmt skýrri réttarheimild EES samningsins, eru ekki tæk nema að fyrir því liggi löglegur dómur viðkomandi dómstóls EES samningsins, sem er EFTA dómurinn.

Hafi bretar engan dóm, þá hafa þeir enga kröfu.  Ef og hefði eru ekki rök í málum þar sem annar aðili krefst fjármuna af hinum, fram hjá lögum og rétti.

Og það þarf mjög mikinn hálfvita að trúa þessu,  og ákaflega vitgrannan fjölmiðlamann til að hafa bulið eftir.

 

Ekki veit ég hvað rekur blaðamann Morgunblaðsins að vitna í bull og birta án athugasemda.  En vissulega fundu þeir nógu einfalda sál sem gat sagt að íslensk stjórnvöld hafi mismunað breskum og hollenskum sparifjáreigendum þegar þeir björguðu íslenska bankakerfinu frá Hruni.

Hvað lög vitnar einfeldningurinn í þegar hann segir að stjórnvöld ríkja á neyðartímum eigi að hjálpa öðrum en sínum eigin ríkisborgurum, og ef þau hindri neyðarástand innan sinna landamæra, þá eigi þau líka að gera það innan landamæra annarra ríkja, og leggja jafnvel efnahag sinna eigin þegna í rúst við þá björgun?

Norski einfeldningurinn getur ekki vitnað í nein alþjóðalög um slíkt hátterni, neyðarréttur ríkja er æðsti réttur þeirra, og fyrir þeim víkja önnur lög.  Þar að auki þá eru skýr ákvæð í EES samningnum sem heimila ríkjum að grípa til neyðarréttar.

Ef Norski einfeldningurinn er að vitna í að tilskipun ESB um innlánstryggingar, þá eru skýr ákvæði að skyldur ríkja eru að stofna innlánstryggingarkerfi sem fjármálastofnanir fjármagna, ekki að ábyrgjast innlán hjá öðrum ríkjum.  Lögin eru skýr, þau segja að "einstök aðildarríki" séu ekki í bakábyrgð.

Hvers vegna ættu þá Íslendingar að greiða bretum pening???

Heldur þessi vesalings einfeldningur að norska ríkið myndi greiða innlán Þjóðverja???  Eða bresk stjórnvöld aðstoða banka, í eigu Íslendinga, sem störfuðu í London???  Svarið við seinni spurningunni er þekkt, það gerðu þau ekki, þau aðstoðuðu aðeins banka í breskri eigu, ekki talar einfeldningurinn þá um mismunun. 

En að vera sekur í fjárkúgun hins sterka, það getur hann.

Og beitir til þess lygum og blekkingum.

Og skuldabréfið sem bretar reyndu að neyða íslensk stjórnvöld að skrifa upp á er 2/3 af þjóðarframleiðslu Íslands með vöxtum.  Það veit enginn hvað kemur úr úr eignasafni Landsbankans, hvað þá að ákvæði neyðarlaganna um forgang innstæðna stæðust.  Og á meðan tifa vextirnir hjá fjárkúgaranum.

Og ekkert af þessu hér að framan kemur fram hjá blaðamanni MBl.is.  Hann er greinilega orðinn meðvirkur í áróðursblekkingum harðsvíraða fjármálamann sem hafa reynt allt til að knésetja Ísland, eftir að neyðarlögin voru sett.

Og á Íslandi þykja orð þessa manna frétt.

Skömm þeirra sem hana birta er mikil.

Kveðja að austan.

 

 

 

 

Íslendingum sjálfum að kenna

Athugasemdir

[Ólafur Björn Ólafsson, 8.3.2010 kl. 18:01]

Norðmenn gleyma líka þeirri staðreynd sem er mjög augljós.

Bretar og Hollendingar æða fram og nota Noreg ásamt hinum norðurlöndunum sem handrukkara fyrir sig...

Svo er að sjá sem þeir beiti ekki bara norðurlöndunum fyrir sig heldur AGS líka en það er svo annað mál.

Kveðja

Kaldi

[Toni (IP-tala skráð) 8.3.2010 kl. 19:02]

Sæll Ómar

Já, þeir eru margir furðufuglarnir sem láta ljós sitt skína þessa daganna. Skrýtið að ekki sé búið að leita eftir áliti Zhirinovskys.

Ég tók mér það bessaleyfi að kopípeista úr síðustu færslu þinni ásamt því að setja link á hana við frétt á Eyjunni um hann Már kallinn og mat hans á fjárhagsstöðu landsins.

Kveðja að sunnan, Toni.

[Ómar Geirsson, 8.3.2010 kl. 22:06]

Blessaður Ólafur.

Og ekki má gleyma stuðningi fjármálamanna, þeir jarma alls staðar sama sönginn, því þeir eru dauðhræddir við íslenska fordæmið.

Þess vegna reyna þeir að koma sínum skít yfir á okkur, og munu halda áfram að reyna á meðan þeim er ekki svarað.

En þetta eru bara 0,0000000000000000001 % af manfólki, hví eru allir svona hræddir við þessa kalla, þetta eru bara litlir kallar, sem hafa hvorki mennsku eða vit, aðeins taumlausa græðgi.  Og peninga á meðan þeir koma skuldum sínum yfir á okkur.

Kveðja að austan.

[Ómar Geirsson, 8.3.2010 kl. 22:24]

Blessaður Toni, notaðu þetta eins og þú vilt.

Og fyrir þá sem tala um syndir okkar vegna þess að þjóðin kaus íhaldið í 77 ár, þá svaraði ég Gunnr, í byrjun nætur undir pistli sem hét "Við þurfum ekki lánin ykkar", innslag nr. 8.

Tekur ágætlega á rökvillunni, að þjóðir sem kjósa Sjálfstæðisflokkinn, séu með bakábyrgð á tryggingasjóðum sínum, hinar ekki.

Ég hugsaði hann svo einhver gæti gripið rökin í debati á opinberum síðum eins og á Eyjunni, Silfrinu eða annars staðar þar sem almenningur les bull ESB trúboðsins.

Eins hef ég reynt að koma umræðunni inn á brautir AGS sem er hinn illi andi sem meinar stjórnvöldum að hjálpa skuldsettu fólki.  Fólk verður að sjá samhengi hlutanna, það sem slíkt er ekki aðgerðarleysi stjórnmálamanna sem skýrir aumingjaskapinn, þeir lofuðu að verða aumingjar og illmenni þegar þeir undirgengust AGS pakkann.  Að skipta um stjórn, en hafa AGS, er til einskis, því stjórnarstefnan kemur þaðan.

Það verður engin von á Íslandi fyrr en þetta lið er farið úr landi.  

En takk fyrir bakkuppið síðustu daga, hef haft mjög lítinn tíma í andsvör eða halda uppi vörnum, setti það í forgang að nýta tímann sem gafst i pistla sem hnykkja á andófinu, því við unnum bara orrustu, en felldum ekki óvininn.  Stríðið er ekki búið, aðþrengd rotta er alltaf hættulegust.

Ég þarf að yfirgefa vígvöllinn, en treysti á ykkur þrumukallana og kellingarnar til að láta kné fylgja kviði.  Fyrr gefst þetta lið ekki upp.

Kveðja, Ómar.