Ha?, ha?, er þetta djók?

 

Er þegar búið að innlima hinn nýja formann VR í kerfið??

Eða var notuð sérstak tækni, kennd við að snúa uppá punginn á viðkomandi, notuð til að láta hann senda þessa auðmjúku yfirlýsingu.

Eins og tíðkaðist mjög í þeirri ágætu skáldsögu, 1984, eftir Orwell.

Er hnakkaskotið næst á dagskrá??

 

Allavega, eftir alla niðurlæginguna, allt downtalið í hundfúlum meðstjórnendum Ragnars, þá er ljóst að ef alvara er að baki, þá er 1. mai ávarp formanns VR, bæði hans fyrsta, og um leið hans síðasta.

Sú kerfisíska sem kemur fram í þessari óskiljanlegu yfirlýsingu, getur aðeins varið samin á skrifstofu ASÍ, af þar til kölluðum sérfræðingum, eða sérfræðingi, sem hefur áratugareynslu að tala óskiljanlegt mál.

Allavega óskiljanlegt í eyrum alþýðunnar sem sambandið kennir sig við.

En til að gæta alls vafa, þá er hugsanlegt að þessi yfirlýsing hafi fyrst verið samin á pólsku, og Gúgli frændi hafi síðan verið látinn um þýðinguna.

 

Allavega er ljóst að um stjörnuhrap er að ræða.

Og það skært.

 

Eða eins og skáldið sagði í den.

Íslands ógæfu verður allt að vopni.

Kveðja að austan.

Málið allt stormur í vatnsglasi

Blóðmjólkun skuldara.

 

Vaxtaokur verðtryggingarinnar.

Níðingsháttur gagnvart almenningi, það er þeim hluta hans sem tilheyrði ekki þeirri elítu Sjálfstæðisflokksins að mega skulda út í eitt, og fá þær skuldir afskrifaðar.

Var ekki bara í boði hrægamma, ómenna hins alþjóðlega fjármagns.

 

Það var líka í okkar boði.

Boði þjóðarinnar.

Sem er stolt að hafa grætt á þjáningum náungans í næsta húsi.

 

Annars sætum við ekki uppi með þessa ríkisstjórn.

Við fengum að kjósa.

Kveðja að austan.

 

Greiðir 24,8 milljarða í arð

Sannleikurinn er ekki alltaf sagna bestur.

 

Það hefur Samfylkingin fengið að reyna á sínu eigin skinni, hún er útþurrkuð vegna þess að hún sagði sannleikann um ESB aðild Íslendinga, og vildi að sú aðild væri staðfest á formlegan hátt.

Þann sannleik vill Sjálfstæðisflokkurinn ekki segja þjóðinni, en talar hins vegar um EES samninginn sem hornstein sem þjóðin eigi allt sitt undir.

Það er enginn munur á EES og ESB, að halda öðru fram er það mikill þvættingur, að slíkt getur ekki einu sinni kallast blekking.

 

Nema sjálfsblekking, líkt og hjá þeim dreng sem æfir með KR, en segist ekki vera í KR, því þegar er leikið, þá fá allir hinir strákarnir að spila, en hann sér um vatnsbrúsana.

Samt er einn reginmunur, sá sjálfsblekkti, hann fær fylgi hjá ESB andstæðingum en Samfylkingin fær ekki fylgi hjá ESB sinnum.  Líklegast vegna þess að þeir vilja líka blekkja sjálfa sig, kjósa því flokk eins og Viðreisn sem er útibú frá flokkseigandafélagi Sjálfstæðisflokksins, og hefur því aldrei hugsað sér að standa fyrir aðild að ESB, á meðan flokkseigandafélagið, getur haldið öllum góðum með aðildinni sem kennd er við EES.

 

Le Pen mun ekki heldur uppskera mikið að segja satt um mótframbjóðanda sinn, að hann sé glottandi bankamaður.

Annað en stimpilinn hægri öfgamaður.

 

Samt hefur hún meir að segja um samtímavandamál Frakka en nokkur annar frambjóðandi í frönsku forsetakosningunum, nema ef vera skyldi annar frambjóðandi sem kallaður var vinstri öfgamaður.

Í Frakklandi er sem sagt öfgar að segja satt, og góða fólkið kýs ekki öfgaflokk.

Og franska þjóðin uppsker áfram því sem Le Pen lýsir svo listavel í þessum tilvitnuðum orðum Mbl.is af sjónvarpskappræðum Le Pen og hinum sýndarhannað fulltrúa hinna Örfáu. 

 

"Le Pen kallaði Macron „glott­andi banka­mann“ og sagði hann full­trúa óheftr­ar alþjóðavæðing­ar. „Macron er full­trúi hömlu­lausr­ar alþjóðavæðing­ar, Uber-væðing­ar, óvissu, sam­fé­lags­legs hrotta­skaps, þar sem all­ir eru í stríði gegn öll­um .... slátrun Frakk­lands af hálfu stóru efna­hagsris­anna,“"

 

Samfélagslegur hrottaskapur þar sem öllum er egnt saman.  Á meðan ofsagróðafíkn hinna Örfáu sýgur alla auðlegð þjóðanna til sín.

 

Könnumst við ekki við þetta hérna á Íslandi?

Á tímum þar sem allar fjárhirslur er fullar af gulli, að þá eru innviðir þjóðarinnar endanlega látnir drabbast niður.

 

O nei, við könnumst ekki við það, það er nefnilega satt.

Og sannleikurinn!!, hann á ekki heima hér.

 

Hann er örugglega útlenskur.

Kveðja að austan.

Kallaði Macron „glottandi bankamann“